A medida de aforro acordada polo grupo de goberno de Concello de Boborás, apagando unha parte das iluminaciòns públicas en todas as localidades do ámbito municipal, segue sendo motivo de controversia entre a veciñanza. O último episodio aconteceu no transcurso dunha reuníón que mantiñan o Alcalde Cipriano Caamaño e un numeroso grupo de veciños da parroquia de Feás, e que abandonou o Alcalde cando tomou a palabra o portavoz do PSOE neste Concello, Alberto Otero. Os veciños que acudiran á casa do concello entenderon entón que "o Alcalde deixounos plantados e coa palabra na boca", o que levou a algún dos presentes a recriminarlle esta postura ó rexidor municipal e provocou momentos de certa tensíon. Agora, e a traves dunhas declaracións no programa de Xan Pinal, na mañá de Cope O Carballiño, Cipriano Caamaño calificou de "encerrona ó Alcalde" esa reunión e culpou de orquestrar a mesma ó portavoz muncipal socialista.(Declaracións que pode escoitar abrindo o AUDIO ADXUNTO).

Lo siento tu navegador necesita flash para ver este contenido

Declaracións de Cipriano Caamaño, alcalde de Boborás

 A Consellería de Medio Ambiente, Territorio e Infraestruturas subvenciona a posta en marcha dun total de 5 proxectos de Axenda 21 Local, por un importe global de 320.000 euros. Así o vén de anunciar a través do Diario Oficial de Galicia, no que se anuncia a contratación deste proxecto que beneficiará aos concellos de O Carballiño, Oza dos Ríos, Ribadeo, Lalín e Cuntis. A Axenda 21 Local é un documento que desenvolve un Plan de Acción Municipal baseado na integración, con criterios sostibles, das políticas ambientais, económicas e sociais do concello, e que xurde da participación e toma de decisións consensuadas entre os representantes políticos, persoal técnico municipal, axentes implicados e a cidadanía en xeral. O Diario Oficial de Galicia publicou a resolución pola que se licita a contratación para a implantación e desenvolvemento da Axenda Local 21 dos núcleos de sostibilidade de O Carballiño, Oza dos Ríos, Ribadeo, Lalín e Cuntis, por 320.000 euros. A finalidade é a contratación dunha empresa que se encargue da implantación e desenvolvemento das Axendas 21 Locais nestes Concellos.

Entre os traballos a levar a cabo pola empresa adxudicataria están a elaboración de auditorías de sostibilidade, o desenvolvemento de plans de participación social, a través da elaboración de enquisas, entrevistas, mesas de consulta cidadá, o desenvolvemento dun plan de seguimento e finalmente o establecemento dun plan de acción local. Os traballos compleméntanse coa creación dun sistema de información xeográfica para cada un dos núcleos no que se plasmará a información recollida ao longo dos traballos anteriores e dunha páxina web na que se publicará toda a información referida as Axenda 21 nos repectivos Concellos.

A Axenda 21 Local, dende a súa formulación inicial, expón a participación da comunidade como esencia do proceso. Esa participación centrarase en elaborar unha planificación do desenvolvemento local seguindo as pautas da sostibilidade.

Dende O Grupo Municipal do Partido Popular do Carballiño, agardan "que esta resolución da Xunta de Galicia sexa do agrado dos veciños e veciñas, pois servirá para ter un mellor control das actividades medioambientais que se fagan no municipio, e sirva para non ver fantasmas onde non os hai, pois unha vez máis, demostrase que a Xunta de Galicia está en disposición de colaborar có Concello do Carballiño, naquélo que sexa preciso".

Primeiro día de traballo para o grupo municipal do BNG, tras tomar posesión das súas repectivas concellerías, e primeira comparecencia ante os medios como novos resposables do goberno do Concello do Carballiño para Manuel Amil, Aúrea Francisco, Maria Jorge e Bernardo García, que fixeron unha declaración de intencións  sobre o que van ser a súas pautas e principais claves na súa acción de goberno. O novo Tenente Alcalde do Carballiño, Manuel Amil, aprobeitou ademaís para pedir "lealdade instiucional" ó Partido Popular, do que solicitou expresamente o apoio na Parlamento Galego para diversas ennmendas ós orzamentos autonómicos, nas que se piden varias actuacións para O Carballiño. Bernardo García  marcase como ún dos seus obxetivos a mellora dos servizos de recollida do lixo e limpeza e o coidado dos espacios públicos, no departamento de medio ambiente. E finalmente, as concelleiras Maria Jorge e Aúrea Francisco, anunciaron as súas prioridades nas concellerías de igualdade e benestar, e animación social.

Lo siento tu navegador necesita flash para ver este contenido

Rolda de prensa do BNG

Felipe Pérez Carral, de 41 anos de idade, era veciño da parroquia de Seoane, aínda que residia na avenida do balneario do Carballiño. Traballaba para unha empresa de construcción, e no momento  do accidente limpaba cristais, subido a unha plataforma elevadora, a unhos doce metros de altura. O guindastre desplomouse sobre a rúa  por causas descoñecidas e provocou a morte tanto de Felipe como dun segundo traballador da mesma empresa, de nacionalidade peruana. O accidente produciuse na localidade de Arrefice, a capital de Lanzarote, nas illas Canarias.

Unhas sorríntes Asunción Rivero e Aúrea Francisco protagonizaron esta mañá ún dos traspasos de competencias que se viviron nos distintos departamentos muncipais, tras facerse efectivo o decreto da Alcaldia dando conta da delegación de competencias das distintas concellerias que forman a nova estructura do equipo de goberno do Concello do Carballiño, desde hoxe integrado por socialistas e nacionalistas. Asunción Rivero deixou o seu lugar en Servizos Sociais, que pasou a ocupar Aúrea Francisco, ademáis de sorrisos, simbolizaron o traspaso cun dossier informativo. Os outros novos inquilinos do Goberno Municipal tamén tomaron posesión dos seus cargos, aínda que non houbo instantáneas tan mediáticas, polo menos tan sorrintes, en obras e urbanismo Edelmiro Mateo cedeu o seu despacho a Manuel Amil, e Maria José Pérez fixo o propio con Bernardo García. Máis familiares foron os cámbeos dentro das áreas que se intercambean os socialistas, como o protagonizado por Inmaculada Ucha, que tras presentar a programación do Outono Teatral, cedeu o cargo a Asunción Rivero. O vindeiro xoves dia 5, celebraráse o pleno da Corporación Municpal ó que se dará conta do decreto da Alcaldia coa nova estructura que desde hoxe tén o goberno municipal do Carballiño, formado xa por PSOE e BNG.

Terceiro tropezón consecutivo do Arenteiro en Espiñedo, tras a derrota ante o Barbadás e o empate có Cruceiro, chegou unha nova derrota e desta vez ademáis de forma contundente por cero a tres ante o Portonovo. O equipo das rias baixas non fixo nada do outro mundo, simplemente aprobeitar as dúas ocasións que tivo de gol, e un penalti para impoñerse desta maneira a un Arenteiro con alarmante falta de pegada, e fallón nos últimos metros. O Arenteiro atragántaselle os partidos na casa, ante unha parroquia que volveu ser numerosa pero bastante decepcionada pola evolución do equipo en Espiñedo. A verdade é que a afeccíon permanece bastante apática, e máis que animar ó equipo -apenas o fixo- censurou coas súas protestas a labor arbitral, que pudo influir decisivamente no resultado, xa que o segundo gol do Portonovo estivo precedido dun fora de xogo e antes, xa concedera un penalti ós portonovenses por unha posble falta de Jorge sobre Cebreiro, que inicialmente pitou fora da área e tras as protestas visitantes cambeou de opinión e sinalou o punto dos once metros. O árbitro principal, da delegación de Lalín, un tal Soto, mellor que se dedique a outra cousa, porque o seu non é a arbitraxe. Nefasto. Claro que unha mala arbitraxe non pode ser desculpa nunha derrota merecida pola escasa capacidade de reaccón do Arenteiro. O domingo que ven, en Cambados, a recuperar o perdido.

Os feitos aconteceron este domingo pola mañá, na parroquia de Mudelos, cando os veciños alertaron  á Policia Local  da presencia de dúas persoas entrando nunha vivenda da localidade. Os axentes localizaron nas inmediacións a unha destas persoas que, unha vez que advertíu a presencia policial, tratou de fuxir nun automóbil, sendo entón interceptado e detido. Trátase de D.B.M., de 45 anos de idade e veciño de Vigo, que portaba unha pistola do calibre 9 curto, que estaba cargada. O vehículo fora roubado en Vigo e no seu interior encoutrouse unha escopeta  de caza, tamén cargada, roubada a un veciño do Irixo. Momentos despois, nas inmediacións da Igrexa Parroquial de Mudelos foi detido o acompañante, que resultou ser N.F.G, de 43 anos e tamén veciño de Vigo. Según a Policia Local, posiblemente tamèn pudo participar nos feitos unha terceira persoa, que non foi localizada. Os dous detidos, que foron trasladados ás dependencias da Garda Civil do Carballiño, pasarán este lúns a disposiciciòn xudicial.

A Corporación de Leiro en sesión de pleno

A iniciativa de reivindicar a existencia desta ruta xacobea partíu inicialmente da asociación cultural "Castela Auriense" que preside Pablo Lorenzo, e deu lugar posteriormente a constitución da "Encomenda do Camiño Xacobeo do Ribeiro", un colectivo ó que se adheriron varios Concellos polos que atravesaría este camiño xacobeo, entre eles Padrenda, Castrelo de Miño, Ribadavia, Boborás, Avión ou Forcarei. A nova asociación leva maís dun ano traballando na documentación para achegar á Xunta de Galicia para lograr o recoñecemento oficial desta ruta xacobea que, procedente do norte de Portugal, atravesaría as actuais comarcas do ribeiro e O Carballiño para dirixirse á Terra de Montes, polo Concello de Forcarei e chegar a Compostela a través da bisbarra de Tabeirós. Na "Encomenda do Camiño Xacobeo do Ribeiro" estaban representados Concellos gobernados polos tres grandes partidos, PP, PSOE e BNG. Ainda así, restaba o apoio doutros Concellos, como os de Arnoia, Beade e Leiro, que non chegaron a formalizar a súa adhesión nesta asociación.No pasado mes de setembro, as diferencias xurdidas no seo da xunta directiva da "Encomenda" deron lugar a creación dunha segunda asociación, constiuida baixo a denominación "Camiño Xacobeo Miñoto Ribeiro". En tempo record, esta nova asociación conseguíu a adhesión do Concello de Leiro, xa que o 23 de outubro presentaba un escrito no rexistro municipal deste Concello, e seis dias despois, este pasado 29 de outubro, a petición foi trasladada ó Pleno da Corporación, que a aprobou. O acordo obriga ó Concello de Leiro a prestar os apoios necesarios para sacar adiante este proxecto, que se considera de suma importancia, non só desde o punto de vista histórico, senón tamén unha oportunidade única para o desenvolvemento socio-económico e turístico dos Concellos polos que decorre este camiño, para o que se agarda o recoñecemento institucional por parte da Xunta de Galicia.

Ningunha sorpresa nas áreas que xestionará o BNG, tal como lles vimos avanzando desde Cope O Carballiño, Manuel Amil será o novo concellleiro de obras, urbanismo e planificación urbanística, Bernardo García estará á fronte de medio ambiente, mentres que Aúrea Francisco -igualdadade e benestar social- e Maria Jorge -animación social- repartense a área de servizos sociais. As novidades están, pois, nas áreas que dirixirá o PSOE. José Antonio Barge, que se queda con seguridade cidadán, cede a súa responsabilidade en persoal, que asume directamente o Alcalde Carlos Montes. Inmaculada Ucha quedase con facenda e réxime interior, e perde cultura en favor de Asunción Rivero, que pasa a ser a súa nova titular e completará as súas competencias con educación e xuventude. Maria José Pérez ocuparáse de servizos públicos, participación cidadán e sanidade, deixando medio rural en favor de Edelmiro Mateo, que ademáis xestionará parte da brigada de obras. Manuel Dacal continúa en deportes, comercio e turismo, e Francisco Gómez en festexos, termalismo, industria e novas tecnoloxias.

O novo goberno municipal será efectivo desde o vindeiro lúns dia 2 de novembro, cando o Alcalde asine o correspondente decreto, e desde entón, os concelleiros e concelleiras terán xa competencias plenas nas súas respectivas áreas. E moi probablemente, o xoves dia 5 convocaráse o pleno da corporación muncipal, ó que se lle dará conta da nova estructura. En canto a xunta de Goberno, pasará a estar integrada polos socialistas Edelmiro Mateo, Inmaculada Ucha e Maria José Pérez, e os nacionalistas Manuel Amil e Aúrea Francisco.

Trátase da finca con número rexistral 18406, de vintesete áreas de extensión de terreo, coñecida como a “Pena dos Namorados” e na que actúou unha das escolas-taller do Concello do Carballiño, que levou a cabo diversas obras de acondicionamento, sita na zona do parque etnográfico do río Arenteiro.Según a documentación expedida este pasado día 27 de outubro de 2009 polo rexistro da propiedade do Carballiño, a titularidade da finca corresponde a José Antonio Otero  e Encarnación Alvarez, Rafael Otero e Maria Carmen Ramos, e Adolfo Otero e Julia Janeiro, e según o título de compraventa formalizado o dia 3 de setembro de 1977. Desde entón, non se producíu ningún cámbeo na titularidade desta propiedade que fose elevado a escritura pública. A nota simple informativa do rexistro da propiedade do Carballiño relativa a esta finca da pena dos namorados recolle tamén unha anotación preventiva de embargo sobre a mesma por parte do xulgado de primeira instancia e instrucción feita con data do pasado dia 21 deste mesmo mes de outubro no que andamos.

Dias atrás, o Partido Popular solicitou ó Alcalde o Carballiño que aclarase a situación legal desta parcela, e da súa titularidade, advertindo que de non poder demostrarse por parte do Concello que é propietario desta parcela “estariamos falando dunha maís que posible malversación de fondos públicos” o investir diñeiro público nunha propiedade privada.