(Redacción. Belén González) O Clube Fluvial de Avión cumpre un ano de existencia e xa conta con 25 nenos e adultos federados ademáis dun monitor titulado. Este Clube está acadando éxitos importantes en competicións como a Regata de Infantiles de Baños de Molgas; nela conseguiu uns resultados inmellorables: o primeiro posto foi para Paula Moreira Casal en Alevín feminino e o posto de prata recaeu en Diana Santos Araújo en Infantil Feminino. O día 23, este clube participaba na Copa Deputación celebrado en Allariz e conseguindo os seguintes resultados en categorías femininas: o primeiro posto foi para Diana Santos Araújo en Infantil A, un segundo posto para Paula Moreira Casal en Alevín; o posto de bronce foi parar a Carla Cadaya Estévez na mesma categoría e en Benjamin C, Marielena Márquez Barreiro conseguiu un segundo posto. O sector masculino acadou un cuarto posto en infantil representado por Xosé María Iglesias Ogando e en Alevín, Xoan Miguel Iglesias Ogando tamén alcanzou un posto similar. Ademáis de todo isto, na mesma competición de Allariz, o Clube Fluvial de Avión quedou como segundo clasificado no que respeta a clubes participantes.

(Redacción. Belén González) Os días 27 e 28 de agosto o Concello de Maside está en festas na honra do San Vitorio. O xoves 27 ás 10.00 horas da mañá tirarán bombas de palenque e o pasarrúas correrrá a cargo da Banda de Música. Ás 12.30 horas celebraráse a misa e a procesión cantada pola Coral A Torre de Maside e ás 13.30 horas a Banda de Música ofrecerá un concerto no Campo de San Antonio. A verbena dará comezo ás 22.00 horas coa tirada de bombas de palenque e coas orquestras Gran Parada e Ciclón. Ás 01.00 horas haberá a tirada de fogos de luces na Fonte da Praza e continuación da verbena. O venres, 28 de agosto a Banda de Música percorrerá as rúas e ás 12.30 horas terá lugar a misa e a procesión cantada polo Coro Parroquial. Ás 13.30 horas a Banda de Música dará un concerto na Alameda. A partir das 22.00 horas as orquestras Televisión de Galicia e Noche de Estrellas amenizarán a verbena ata as 01.00 horas, momento no que se tirará o folión e seguidamente continuarán os festexos. O día 29 os festexos tamén continúan coa romería e xantar popular na Rañoa; esta romaría estará amenizada por un dúo musical. Xa o domingo día 30 celebraráse a 2ª Andaina e a 3ª Carreira Popular do Concello de Maside.

O Concelleiro Socialista de Piñor, David Fernández Ojea, terá que declarar en sede xudicial sobre o caso da axente electoral do PSOE que viaxou a Buenos Aires entre o 2 de abril ó 23 de maio de 2007, xusto antes de celebrarse as eleccións munipais dese ano. O Xulgado de Instrucción nº 1 de Corcubión, que leva o caso, e investiga se se pagou con fondos públicos a viaxe a Argentina da axente electoral, citou a declarar a varias persoas, entre elas, ó concelleiro de Piñor na súa condición de representante legal da asociación "Viticultores do Castro", a entidade que contratou a suposta axente electoral. O Partido Popular, que viña denunciando o feito desde fai dous anos, mantén que a viaxe a Buenos Aires pagouse con fondos públicos da Consellería de Traballo que foran concedidos a través dunha subvención a esta Asociación, da que é o responsable legal o Concelleiro Delegado do sector agrogandeiro e forestal do Concello de Piñor. Xunto a Fernández Ojea, tamén foron citados a declarar no Xulgado o vindeiro dia 2 de setembro, o máximo responsable de "Viticultores do Castro", Dario Rodríguez, e dous ex-altos cargos do Goberno Bipartito, o Ex-Secretario Xeral de Emigración Manuel Luis Rodríguez e o Ex-Director Xeral de Promoción do Emprego, Alvaro Ánsias.

(Redacción. Belén González) As residencias de tempo libre da Xunta van ofertar nos próximos meses actividades con carácter social e cultural. Preto de mil persoas serán as beneficiarias desta iniciativa que oferta a Consellería de Traballo e Benestar que comezará en setembro e rematará en decembro. O obxectivo deste programa é favorecer a comunicación, a participación persoal e o ocio familiar; ademáis celebraráse un programa de termalismo e un encontro de emigrantes procedentes de Venezuela, Arxentina, Brasil, Cuba e Uruguai. A Xunta oferta na Residencia do Carballiño un programa de turismo social na modalidade de termalismo entre o 12 de setembro e o 1 de novembro en catro quendas de 11 días e cunha participación de 120 persoas en cada unha. O mes de novembro acollerá dous programas adicados a emigrantes con quendas de 14 días; haberá dous grupos de 140 participantes cada un. A primeira tanda recibirá a persoas de Venezuela, Brasil, Arxentina, Cuba e Uruguai que poderán voltar á súa terra despois de moitos anos. Na segunda tanda chegarán emigrantes de distintos lugares de Europa e persoas que se atopan en diferentes cidades do país. Un grupo de 150 maiores chegarán a Carballiño en decembro dende diferentes puntos de Galicia para pasar as festas navideñas cos seus familiares a través da iniciativa "Xuntos por Nadal". Esta residencia está pendente da ocupación da quenda do 1 ó 11 de setembro e á que acudirán 155 persoas. As actividades que se levan a cabo neste centro de tempo libre son: coñecemento do entorno, excursións, explicacións sobre gastronomía, cultura e ocio.

Situación actual pola parte de atrás da portería

(Redacción. Lolo Carril)  A falla de compromiso dos políticos locais e os supostos incumprimentos de certos organismos oficiais -Deputación e Xunta- están facendo posible que o campo de Espiñedo amose esta penosa imaxe de desolación. Pasaron oito meses dende que en xaneiro e por mor daquel temporal parte do muro perimetral, xunto cos carteis publicitarios, se viñera abaixo. Dende aquela e ata hoxe absolutamente nada se fixo encol de arranxar este muro que aparte de ser un descalabro estético é un perigo constante para todos os que se acheguen ata o campo de Espiñedo. A situación segue sendo inquedante ante a falla de claridade que seguen a amosar sobor da futura obra de execución dende a propia casa do concello. O Concelleiro de Deportes, Manolo Dacal, non ten nada claro nin quén, nin cando, nin cómo se vai solucionar o problema. Deste xeito só queda agardar que non haxa que lamentar ningunha desgracia e armarse de paciencia. En canto ó proxecto de iluminación outro tanto do mesmo, uns polos outros,  a casa sen barrer e Espiñedo case que a escuras mantendo o tipo cunha iluminación de candil que nin sequera abonda para poder levar a cabo os adestramentos da semana. A todo isto, hai que subliñar que fai xa días que expiraba o famoso prazo de execución e recepción de dita obra, fixado para os primeiros días de agosto. Desgraciadamente, Espiñedo segue como estaba, nin iluminación nin arranxo do muro e a sufrida parroquia cada día máis cansa de que se lle tome o pelo.

(Redacción. Belén González) O Concello de Boborás organiza unha excursión lúdico-cultural a Cantabria os días 12 e 13 de setembro. A saída da viaxe terá lugar o sábado día 12 ás 05.00 da madrugada dende o Colexio Público de Boborás con parada en Santilla do Mar. Haberá unha visita guiada para coñecer a cicdade e para visitar unha réplica das Covas de Altamira, posto que as orixinais están pechadas ó público para evitar o seu deterioro.Ó rematar o día, os asistentes cearán no hotel. O domingo día 13, despois de almorzar, os excursionistas pasarán a mañá no Parque Natural de Cabárcenos, onde poderán ver un fantástico paraíso natural e variedade de especies animais. O xantar celebraráse no hotel e tras a comida viaxarán ata Comillas para coñecer a cidade. O custe da viaxe é de 50 euros -o Concello de Boborás subvenciona o 50% da viaxe-  para as persoas empadroadas e para aqueles que non o están, a excursión costará 100euros.  O prezo inclúe ida e volta, aloxamento, almorzo no hotel, xantar e cea o sábado e xantar do domingo ademáis das visitas guiadas e do seguro da viaxe. Os interesados poden inscribirse na Casa Consistorial de Boborás ata o 4 de setembro.

O accidente ocurría ás oito da tarde deste venres dia 21 de agosto, cando este veciño de Maside, Luis Arturo B.F., circulaba en bicicleta pola N-541 á altura da localidade de Godás do Río, no término municipal do Carballiño. O ciclista foi alcanzado por un vehículo, un renault clio que circulaba en dirección O Carballiño conducido por unha veciña do Concello de Beariz. A gravidade do impacto sufrido polo ciclista na caída, fixo recomendable o seu traslado urxente en helicóptero atá o Complexo Hospitalario de Ourense.

Marta Pérez e Joaquín Rodríguez nun momento do programa

(Redacción. Belén González) Esta mañá o noso programa trasladouse ó Concello de Maside para falar co seu alcalde Celso Fernández López e cos organizadores da XXII edición da Festa do Cabalo, Joaquín Rodríguez e Marta Pérez. O seu alcalde, Celso Fernández tivo tempo para falarnos do acontecer nesta localidade. No que respecta ás infraestructuras, Maside foi unha das poboacións máis afectadas polas obras do AVE, mentres que o enlace á autovía estará aberto entre finais de setembro e principios de outubro. Estas infraestructuras marcarán un antes e un despois na evolución positiva de tódolos aspectos da vila. Ademáis das novas obras tamén o concello experimentou un repunte demográfico coa chegada de novas familias que solicitaron a rehabilitación de casas e co nacemento de nenos nos últimos anos. No que se refire ás actividades o venres pola noite ás 20.00 horas no concello haberá unha presentación dun libro de Xosé Ricardo Rodríguez Pérez que fala da historia do reloxo de Oseira e Maside. O sábado celebraráse o "Agosto Musical"  no que estarán a Coral "A Torre" de Maside, o grupo Xalundes e corais de Mondoñedo e Ponferrada. Na xornada do luns, 24 de agosto, presentaráse unha exposición realizada por unha doutora en matemáticas da poboación de Santa Comba. Esta exposición representa cómo eran os sistemas de cálculo dende o home das cavernas ata o día de hoxe. Ademáis, o Concello de Maside ven de presentar un proxecto de iniciativa comercial á Consellería de Innovación e Industria para facer unha área de Centro Comercial Aberto que impulsará o comercio nesta poboación.

Este ano a Festa do Cabalo trae varias novidades como é a celebración que terá lugar os días 22 e 23 de agosto. A partir das 10.00 horas da mañá comezarán a chegar cabalos para facer os controles veterinarios. Xa ás 16.00 horas darán comezo os concursos morfolóxicos. Ás 20.30 horas faráse a entrega de premios e a redor das 21.00 horas celebraráse un espectáculo para tódolos amantes do cabalo a cargo do grupo leonés "Amigos del caballo". Este espectáculo gratuíto conta con tres partes de doma clásica, de doma vaqueira e de baile flamenco con cabalos e é  unha mostra de agradecemento por parte da Asociación de Cabalos a toda a xente que os leva apoiado. Despois deste espectáculo ás 22.30 horas comezará unha cea popular no recinto. Na xornada do domingo e dende as 10.00 horas terán lugar os primeiros concursos de cabalos que se prolongarán ata ven entrada a tarde con concursos de andadura, arrastre, carreiras e rodeo americano. Ás 19.30 horas sortearase un potro de pura raza española e ás 20.00 horas faránse a entrega de premios. Ademáis este ano, o Puzo do Lago está en obras; por motivos de seguridade, as pistas sufriron un pequeno ensanchamento, as pistas reforzáronse e o recinto foi vallado para que ningún animal se salga da pista e sufra algún accidente. Este ano tamén se estrea un palco fixo que quitará o traballo de estar tódolos anos montando e desmontado este espazo e a caseta de bloque foi recuberta de madeira para que "non pegue tanto contraste o impacto ambiental", según palabras de Joaquín. Este ano tamén os nenos contarán con un espazo, posto que poderán dar un paseo en pony de maneira gratuíta. Hai que destacar a exhibición de Rubia Galega deste ano que terá o seu recinto nas mesmas estancias do Puzo do Lago. Este ano rexistraráse un novo récord de asistencia en torno ós 600 cabalos. Maside, un concello que acolle a vixésimosegunda edición da Festa do Cabalo e ademáis persegue impulsar o comercio na vila.

Maria José Cerviño

(Redacción. Belén González) O Presidente da Asociación de Comerciantes do Carballiño, Adolfo Nogueira, xunto con Manolo Blanco "Celta" presentaron esta mañá o que será a entrega do Premio Azougue deste ano 2009. Para facer entrega do recoñecemento celebraráse a IV cea o vindeiro catro de setembro no Restaurante "O Pote". A comida comezará ás 22.00 horas e o prezo para os asistentes será de 25 euros; as entradas poderánse retirar ata o 2 de setembro nos seguintes establecementos: Hipercalzados, Sastrería Pájaro, Yoigo e establecementos Celta. Este premio á Confitería Cerviño foi acordado por tódolos membros da Asociación de Comerciantes -en torno ós 190 asociados-, porque según palabras de Adolfo: "Buscamos a alguén que teña unha traxectoria ampla e que sexa un emblema do empresariado carballiñés e que teña participado e apoiado todo tipo de iniciativas na actividade cultural, deportiva e social da vida do Carballiño"  . Esta actividade familiar iniciouse nos anos 20 e nos anos 60 consolidouse como unha empresa, sendo o seu producto estrela as cañas fritas. A confitería vai pola súa cuarta xeración dentro da mesma familia e nela traballan 13 persoas. Ademáis deste premio Azougue, Cerviño xa recibiu diferentes premios de recoñecemento; as súas cañas fritas repártense por toda España como Madrid ou Barcelona e produce 3.500 unidades cada día. O nome deste premio fai referencia ó deus romano Mercurio que é o deus do comercio e na anterior edición foi concedido a "Autoservicio Pereira" tamén pola súa ampla traxectoria.

O alcalde de Forcarei, David Raposeiras, nun momento do programa

(Redacción. Belén González) Forcarei é un dos concellos da provincia de Pontevedra que se atopa preto da capital do Arenteiro. Ata alí viaxou a radio de "Cope O Carballiño" con motivo da trixésima edición da Festa do Gaiteiro de Soutelo de Montes. O seu alcalde, David Raposeiras, foi o encargado de ofrecer unha ampla visión sobre a situación na que se atopa este concello. Raposeiras quixo destacar o primeiro Observatorio Astronómico Público de Galicia, un observatorio que foi inaugurado fai pouco e que congrega a centos de aficionados ó mundo das estrelas. Está situado no lugar de As Casetas, en dirección a localidade de A Estrada, a tan só 4 quilómetros e conta cunha superficie de 10.000 metros cadrados; este espazo foi doado gratuitamente para poder construir o observatorio. Conta cun edificio de cinco metros de diámetro. Ademáis, o observatorio posúe un telescopio que ten unha lente de 50 centímetros, polo que é o máis grande de Galicia no que respecta a observatorios públicos. As instalacións están abertas para os que queiran asistir os venres e sábados a partir das 22.00 horas da noite, pero para entrar calquera outro día hai que reservar cita na Casa do Concello ou chamando á organización. O observatorio tamén recibe visitas de grupos, cursos de iniciación á astronomía, excursións... Este proxecto foi feito grazas a fondos europeos como son os fondos Leader, a Deputación de Pontevedra e Caixanova; actualmente atópanse loitando pola consecución dun planetario. O alcalde xustificou que a instalación do observatorio neste lugar non foi algo aleatorio, senón que se debe a pouca contaminación lumínica que hai e tamén a que se ve o horizonte sen problemas.

Outro dos atractivos cos que conta esta localidade é co Circuíto de Karting que está na Magdalena, a escasos quilómetros de Soutelo de Montes. Este proxecto naceu pola demanda de lecer e como elemento dinamizador do pobo e atractivo para os foráneos. O circuíto conta con 1.300 metros de lonxitude, 10 metros de calle e nel realízanse probas de motos, cars e coches de competición.Hoxe por hoxe outro dos fins é rematar co Edificio Multiusos para poder realizar actividades.

Forcarei conta con máis de cen aldeas e ó redor de 4.000 habitantes, polo que, é un núcleo moi despoboado. Dende o concello intenta achar diversas maneiras para atraer ó público e unha delas é o Mosteiro de Aciveiro, as rutas de sendeirismo, casas rurais e paraxes naturais como son as do río Lérez e o Umia.

Noutra orde de cousas, David Raposeiras falou do Polígono Industrial que está aumentando en 110.000 metros cadrados e no que actualmente traballan máis de 200 persoas de forma directa. No primeiro consurso de adquisición, o 70% das parcelas foron adquiridas e no segundo concurso, que vai saír en decembro, esperan que cubran o 30% restante. Ademáis  na localidade de Vilapouca vai situarse unha empresa que ofrecerá 72 postos de traballo. O máximo representante de Forcarei manifestou que "hai que correxir a sangría demográfica", porque en tempos de crise, a xente acude ós pobos porque neles sempre hai recursos ben na agricultura ou na gandería.

Francisco Rozados, máis coñecido como Rochi, é o Concelleiro de Cultura e tamén pasou polos micrófonos de "A mañá de Cope O Carballiño" para falar sobre a historia deste extenso concello. Rochi é o que mellor coñece a historia do famoso gaiteiro de Soutelo, Avelino Cachafeiro. Un gaiteiro que máis ca unha persoa foi visto coma unha lenda; Cachafeiro naceu en 1899 e axiña formou un grupo cos seus irmáns Castor e Bautista. O éxito rápido chegou porque Avelino era a alma do grupo, posto que se caracterizaba por contar chistes e polos bailes. Con tan só 25 anos foi denominado o mellor gaiteiro de Galicia, pero ó pouco tempo deixou esta actividade de lado por motivos persoais. O concelleiro contounos que este famoso gaiteiro estaba moi relacionado coas terras da comarca de O Carballiño, xa que o demandaban en moitas festas. Nunha actuación no pobo de Maside regaláronlle un coche que ó pouco tempo sustituiron por outro máis moderno; este feito demostra o caché que daquela xa arrastraban. E falando de música da terra tamén estivo nos micrófonos Rubén Triotiño, integrante da Asociación de Música O Fiadeiro. Este mozo de apenas 21 anos sente unha gran paixón pola música da terra e proba disto foi cando declarou que "esta é a nosa cultura e témola que defender, porque se non a defendemos nós, niguén da fóra vai vir para defendela". Tamén declarou a súa ilusión por acudir este vindeiro sábado á XXX Festa do Gaiteiro, porque según di "aquel que non ven tocar a Soutelo aínda non está formado". Rubén Troitiño falou do novo repertorio e vestiario que ven de estrear o grupo. Ademáis de danza e música tamén ofrecen novos bailes populares de zonas esquecidas. A súa actuación na festa do gaiteiro deste sábado 22 de agosto será ás doce do mediodia en Soutelo de Montes. Antes, ás dez da mañá haberá pasarrúas e inauguraráse a feira de artesania. Completaráse a programación matinal coa música tradicional de "Pai da cana", a banda de gaitas do Concello de Forcarei  e o pregón de Avelino Senra. Xa pola tarde, o plato kforte será ó "XI Concruso de Gaiteiros Avelino Cachafeiro", e xa desde as dez e media da noite en adiante a fin de festa cun concerto na praza da Igrexa no que participarán Xarín , Mutenrohi e Os Diplomáticos do Acordeón, que foron precisamente, coa súa música quenes amenizaron estas dúas horas de radio con acente forcaricense.

Outros dous convidados foron o Director da Banda de Música de Forcarei, Daniel Sánchez Barrán e o Director da Escola de Música Flor do Toxo, Javier Álvarez. Daniel Sánchez manifestou a súa satisfacción por estar e pertencer a esta banda, porque esta terra é "unha terra de xente de grande sensibilidade". O seu director dirixe a nenos desde seis anos e conta con dúas seccións. Esta nova banda foi presentada no 2008 nas festas de Forcarei e promete ser unha das grandes do panorama galego. Daniel Sánchez leva a cabo un traballo individual de esmero con cada alumno, porque considera que é mellor traballar con eles deste xeito para non fomentar a competitividade e para que avancen con máis seguridade. Daniel ten un extenso currículum e conta con 35 anos como membro da Banda de Música de Santiago. Javier Álvarez tamén traballa de forma complementaria co director da banda de música. En Flor do Toxo hai 80 nenos. Para Javier é importante que os rapaces estén ben formados e destaca que esta formación non sería posible sen o amplo e bo abanico de profesores que ten a banda de gaitas. Ademáis, esta asociación serve como plataforma de xestión da banda. Javier Álvarez prevé que en apenas un par de anos, a Banda de Música de Forcarei terá un oco no panorama galego.

Un dos concellos máis extensos da provincia de Pontevedra que ofrece infinidade de ofertas para non aburrirse como o fantástico e histórico Mosteiro de Acivieiro, as rutas de sendeirismo do Lérez e do Umia, o circuíto de Karting e un observatorio astronómico privilexiado de recente estrea. Miles de oportunidades que fan de Forcarei un espazo único

Lo siento tu navegador necesita flash para ver este contenido

Intervención do alcalde David Raposeiras no programa