A Concelleira de Medio Ambiente e Termalismo do concello carballiñés, a concelleira do Grupo Popular Elvira Torres, pasou polos micrófonos de COPE O Carballiño para repasar a actividade deste departamento municipal.

Entre as actuacións previstas, a concelleira anunciou varias actuacións para executar no parque municipal do Carballiño e no paseo do río Arenteiro, asi como o previsto para acometer melloras na fonte minero-medicinal do Bañiño de Arcos.
Podes escoitar íntegra a entrevista no seguinte PODCAST:

Un dos programas máis populares e máis vistos da televisión en España, MasterChef gravou un dos seus programas, que se emitirá proximamente, no mosteiro de Oseira,un programa que contou coa colaboración do Centro Superior de Hostelería de Galicia e o Concello de san Cristovo de Cea, que estivo representado polo seu alcalde José Luis Valladares.

O director xeral de turismo, Xosé Merelles valorou a gran promoción turística que para Galicia representa a gravación deste programa televisivo MasterChef 12+1 realizada no Mosteiro de Oseira, co apoio de Turismo de Galicia, que busca promocionar o Camiño Mozárabe-Vía da Prata o espazo patrimonial no que tivo lugar xunto con outros atractivos turísticos entre os que figuran a gastronomía, na que ten un elevado peso a calidade dos produtos galegos.

Salientou ademais que nesta ocasión, o programa engade un novo elemento que tamén dá prestixio á proposta turística galega, como é o feito de contar coa colaboración dos futuros profesionais do sector que se están a formar no Centro Superior de Hostelería de Galicia, e que precisamente celebra este curso o seu 30 aniversario.

MasterChef 12+1, o talent culinario, está producido por RTVE en colaboración con Shine Iberia. O programa gravado en Oseira emitirase nos próximos meses e contou coa participación dos televisivos xuíces gastronómicos Pepe Rodríguez, Jordi Cruz e Samantha Vallejo-Nágera.

Sebastián Lamazares, Fátima Gómez e Manuel Nogueira acompañan a Xan Pinal nos estudios de COPE O Carballiño nesta tertulia do venres dia 14 de marzo de 2025, e na que tamén é protagonista a audiencia desta emisora de radio.

Escóitaa aquí:

Son, podemos decir, que algunhos dos principais iconos arquitectónicos da vila do Carballiño, que están sen ningún tipo de protección no PXOM en vigor desde o ano 1999.

Trátase de edificacións singulares, de interés histórico e arquitectónico, de carácter centenario en algunhos casos, como a Praza de Abastos, o Grupo Escolar Calvo Sotelo ou a Casa da Cultura, ou a estación de ferrocarril, ésta última de mediados do século pasado.

O alcalde Francisco Fumega, en resposta á pregunta dun oínte de COPE O Carballiño, acreditou esta eiva do PXOM e anunciou que o concello traballa nun convenio coa Xunta para incorporar a estas edificacións singulares no Cátalogo de Bens Patrimonias do concello do Carballiño:

Escóitao aquí, no PODCAST de COPE O Carballiño, no que ademáis o rexedor municipal contesta a outras preguntas da audiencia deste emisora de radio:

O director xeral de Comercio e Consumo, Gabriel Alén, visitou esta mañá a praza de abastos do Carballiño, unha das beneficiarias na pasada edición das axudas de diagnose para a dinamización das prazas e mercados, coa vontade de continuar na súa modernización e revitalización. Esta visita, coincide coa apertura hoxe do prazo de solicitudes para optar ás achegas da nova convocatoria da Consellería de Emprego, Comercio e Emigración orientada a potenciar as prazas de abastos de Galicia e impulsar a súa certificación como Mercados Excelentes.

O Director Xeral estivo acompañado pola concelleira carballiñea de comercio Diana González, o primeir tenente alcalde Pepe Castro Gil, a xerente do CCA Noelia Mares, exercendo como portavoz dos praceiros carballiñeses, Eligio González.

Nesta visita, Gabriel Alén —que estivo acompañado por representantes municipais— destacou que estas achegas poden solicitarse ata o vindeiro 14 de abril e a elas destínanse 3,3 millóns de euros, o que supón o triplo do orzamento da anterior convocatoria para poder dar resposta á previsión do incremento de solicitudes para a realización de obras de mellora—tras aumentar en 2024 os apoios solicitados para a elaboración das diagnoses previas—. Ademais, como novidade, os concellos contarán cun período de gasto bianual entre 2025 e 2026 para garantir que conten con máis tempo de execución para as actuacións solicitadas.

As achegas, que poden solicitar municipios, asociacións, cooperativas ou federacións, promoven accións que van desde o mantemento e mellora dos Mercados Excelentes xa existentes na comunidade —cunha contía máxima de 112.000€— consolidando unha rede no marco deste distintivo que impulsa a Xunta para recoñecer aquelas prazas de abastos que están a responder de xeito diferencial e destacado aos retos da modernización e a innovación sen perder a súa autenticidade e tradición, ata accións de diagnose, formación ou obras de rehabilitación —neste caso con 320.000€ de axuda máxima— para aqueles que desexen solicitalo.

As asociacións de prazas de abastos e mercados, así como as cooperativas de vendedores —que se introducen como potenciais beneficiarias este ano— poden solicitar axudas para o mantemento dos seus marketplaces, material promocional ou servizos de fidelización de clientela, entre outras, ata un máximo de axuda de 11.200€. Por último, as Federacións de Prazas de Abastos poden optar a apoios para a realización de campañas comerciais ou eventos, ata un máximo de 40.000€.

Plan Estratéxico do Comercio 2025-2030
Esta convocatoria encádrase nas medidas de impulso ao comercio promovidas pola Xunta, implementadas cun investimento á alza para seguir potenciando un sector clave na xeración de emprego, no marco do futuro Plan Estratéxico do Comercio 2025-2030, que tras un proceso de escoita activa e de coñecemento da situación real do sector, estará rematado a finais deste mes de marzo.

A ela súmanse outras ordes abertas para fortalecer o ecosistema comercial, como os apoios dirixidos aos centros comerciais abertos (2,5M€), ou os orientados a impulsar a modernización, dixitalización e sostibilidade do comercio retallista e dos obradoiros artesanais galegos (3,9M€).

O presidente da Deputación de Ourense, Luis Menor, participou esta mañá na presentación oficial dun sistema pioneiro de dixitalización de viñedos no Ribeiro, proxecto subvencionado pola institución ourensá con 20.000 euros, no marco das axudas destinadas á promoción do viño no conxunto da provincia, que neste mandato actual ascenden a máis de 200.000 euros de investimento para diversas actividades.

O proxecto presentado hoxe permitirá ao Consello Regulador dispoñer de distintas aplicacións conectadas a unha única base de datos central, que vinculará tódolos procesos dixitalizados e será ampliable a medida que a D.O desexa abrir servizos a viticultores e bodegas. Deste xeito, simplifícanse os procesos actuais e favorécese a disposición da máxima información posible das parcelas -incluso das abandonadas-, nun único sistema.

Ademais, esta nova ferramenta permitirá maiores facilidades na cesión, o aluguer ou a compra de terreos para os viticultores, xa que se trata de tecnoloxía de vangarda que ofrece unha visualización das parcelas óptima.

Durante a presentación no Consello Regulador da Denominación de Orixe Ribeiro, o presidente provincial aproveitou para poñer en valor a “cooperación” como a senda a seguir dende a Deputación, para que sectores coma o do viño dean “un salto cualitativo” con ferramentas novidosas coma a que se estrea, “pioneira en Galicia”, resaltou.

O presidente provincial, acompañado pola presidenta do Consello Regulador do Ribeiro, Concepción Iglesias; alcaldes da zona, viticultores e bodegueiros, percorreron viñas en Barxalonga, Beade, onde o responsable informático, Antoni Antés, explicou aos asistentes o funcionamento desta aplicación dixital, que é a primeira vez que se implanta nunha denominación de orixe galega, tralo seu éxito en zonas vinícolas de Cataluña.

Despois de probar a aplicación sobre terreo, os asistentes reuníronse na sede do Consello Regulador, en Ribadavia, onde Luis Menor sinalou o apoio da Deputación ao sector vinícola, “unha das actividades económicas estratéxicas da nosa provincia”.

O presidente provincial destacou os beneficios que suporá esta nova ferramenta para os profesionais do sector e a “aposta pola modernidade e o progreso” que supoñen esta e outras iniciativas, nunha zona histórica como O Ribeiro, da man do Consello Regulador.

Un sistema novidoso para 17.000 parcelas

A presidenta do Consello Regulador da D.O Ribeiro, Concepción Iglesias, amosou o seu agradecemento á Deputación de Ourense por subvencionar este sistema. Iglesias destacou as “dificultades” que supón dixitalizar unha zona vinícola coma O Ribeiro, sinalando que son “máis de 17.000 parcelas as que se beneficiarán desta ferramenta”.

Este proxecto dixitalizador do rexistro vinícola vai permitir xestionar información actualizada de todas esas parcelas, facilitando a modernización do sector.
--

Comisións Obreiras manifesta que esta falta de negociación colectiva "tradúcese en constantes vulveracións por parte do concello do Carballiño dos acordos de condicións laborais do funcionariado e e do convenio colectivo do persoal laboral".

Aseguran desde CCOO que "seguese sen facer caso dos escritos que presentamos os representantes dos traballadores e traballadoras, denunciando o cobro de nóminas con retraso, o superar sempre o periodo marcado tanto no acordo como no convenio".

Abrindo o arquivo adxunto podes acceder ao comunicado do Comisións Obreiras:

A festa gastronómica do inverno no Carballiño volveu demostrar que está xa consolidada como o evento maís destacado en Galicia no chamado domingo de piñata. e por segundo ano consecutivo, máis de 2.300 persoas degustaron nos resturantes da vila e arredores o menú da festa, a base do exquisito cocido de cachucha. 

A pesar da amenza de chuvia, que caeu nalgunhos momentos deste domingo, non se suspendeu ningunha das actividades festivas programadas polo concello carballliñés, incluidos os dous desfiles de comparsas, folións, charangas, e as sempre espectaculares carrozas do entroido de Parada de Amoeiro, que coa súa presenza animaron ao numeroso público ao seu paso polas rúas máis céntricas do Carballiño.

A orquestra Gran Parada puxo o fin de festa na Praza Maior, completando asi o programa desta XXX edición da Festa da Cachucha, despendindo tamén o ciclo festivo do entroido no Carballiño que se prolongaba desde o pasado 28 de febreiro.