O dia 13 de xaneiro de 2024 quedará na memoria dos arenteiristas, coa primeira e polo tanto histórica visita a O Carballiño do segundo equipo dos culés, o Barça Atletic, ese equipo dirixido polo mítico xogador do Barsa e da selección mexicana, Rafa Márquez, un equipo plagado de talentosos xóvenes fútbolistas en formación nesa gran fábrica do fútbol que é a Masía.

O Arenteiro venceu por 2-0, e ademáis con bo fútbol e dous golazos para enmarcar, doutros non menos talentosos xóvenes futbolistas como son Luis Chacón e Alex Cardero.

Preto de 2.000 arenteiristas tiveron o privilexio de velo en vivo en Espiñedo, e outros moitos miles a través das retransmisións das televisións autonómicas de Galicia e Catalunya, e a plataforma FEF.TV.

E foi  tamén o dia no que o himno do Arenteiro fíxose realidade: "Berra o vento con orgullo esta canción, e dille a todos quen vai ser o campión, deica uns anos nin barsa nin madríd, ide tremendo que xa estamos aqui..."

Escoita aquí o himno do Arenteiro:

https://www.youtube.com/watch?v=x_pFIWSw6XU&ab_channel=MiiMaTube

O líder do Partido Popular de Ourense, Luis Menor, retomou esta tarde a rolda de reunións comarcais que iniciou a finais de novembro pasado, no marco dun novo sistema de coordinación que ten por finalidade mobilizar o partido por todo o territorio, ademais de coñecer de modo directo as necesidades da cidadanía a través dos representantes locais populares.

Ao redor de 200 persoas acudiron ás dúas cita programas para esta tarde: a reunión comarcal do Ribeiro, celebrada no Novocine de Leiro, e a convocatoria do Carballiño que tivo lugar na casa da Cultura. Procedeuse a nomear aos coordinadores en ambas comarcas. No Ribeiro serán César Fernández e Rodrigo Aparicio. Polo que respecta a Carballiño, as persoas designadas son o portavoz na vila do Arenteiro, Lino González, e o alcalde de Piñor, José Luis González.

En ambas reunións, Luis Menor explicou que o novo modelo de traballo na provincia ten por obxectivo fixar cauces para unha máis eficiente coordinación, pero sobre todo para “escoitar e abordar os asuntos comarcais que vos preocupan”. O presidente popular reclamou aos representantes locais “pouca confianza e moito traballo” ante o proceso electoral das autonómicas. “Esta é a única receta que coñezo para conseguir a victoria e impedir que as chantaxes e coaccións partidistas desguacen Galicia, como está a facer Sánchez con España”. “Non temos nada ganado”, remarcou Menor, que comparou as eleccións galegas co traballo que se realiza nos comicios locais, “petando en todas as portas, falando un por un con todos e cada un dos vecinos e explicando o proxecto que nos propón Alfonso Rueda: as certezas que necesitan as galegas e os galegos fronte a extorsións”.

ÓRGANO PERMANENTE

Estes novos órganos comarcais, que están a ter unha moi positiva acollida, están composto polas alcaldesas, alcaldes, portavoces, concelleiros, presidentes de agrupacións locais, cargos institucionais e de goberno no caso de pertencer a unha determianda comarca e mesmo persoas invitadas pola dirección provincial. A súa periodicidade será semestral, con alo menos dúas convocatorias ao ano aínda que tamén podernase celebrar sempre que sexa preciso.

 O servizos de transporte público no Carballiño e comarca, a polémica sobre a sanidade pública, a mobilización da Plataforma cidadán convocada para este próximo domingo no Carballiño, e outros asuntos de actualidade, tamén os comentarios da audiencia de COPE O Carballiño, protagonizan a Tertulia deste venres dia 12 de xaneiro.

Podes escoitála no audio adxunto:

Deputados e deputadas do Grupo Provincial Socialista encabezados polo seu voceiro, Álvaro Vila, anunciaron ás portas do centro de saúde do Carballiño a presentación dunha moción na Deputación de Ourense para esixir “unha sanidade pública suficiente e de calidade para toda veciñanza da nosa provincia, independemente do seu lugar de residencia”. “A situación na que se atopa a área sanitaria Ourense-Verín-O Barco de Valdeorras é límite e non é sen tempo que a Xunta de Galicia adopte medidas urxentes para acabar con tantas e tantas eivas”, afirmou Vila ás portas do centro de saúde da vila do Orcellón. Segundo este, “malia as continuas promesas e anuncios grandilocuentes por parte do goberno autonómico do PP, de pequenos arranxos de circunstancias para tapar un burato aquí ou alá, entóxase insostible para a nosa provincia o déficit de facultativos e sanitarios que, ademais, están sometidos a unha inxente carga de traballo acompañada dunhas lamentables condicións laborais ”.

As “fallas graves” na atención primaria están a producir un incremento dos ingresos hospitalarios e das listas de agarda, exercendo asemade unha forte presión nas Urxencias de hospitais e Puntos de Atención Continuada. Unha situación de sobrecarga que se agrava nomeadamente cos picos das infeccións respiratorias, como ocorreu esta pasado Nadal. “Presentamos esta moción no Carballiño, onde é flagrante a falta de pediatras e outros especialistas, pero poderíamos presentala tamén en Xinzo de Limia, Verín, O Barco de Valdeorras, Beade, Punxín, Leiro, Lobios, Os Peares, A Mezquita, a Gudiña ou en tantos outros puntos da nosa provincia onde faltan facultativos, sanitarios, equipos de diagnose ou ambulancias medicalizadas, obrigando a veciñas e veciños a desprazarse a Ourense capital para ser atendidos nas Urxencias”, denunciou o socialista. “O problema é estrutural e por iso agardamos o apoio de todos os grupos na Deputación para esixir que a Xunta aborde dunha vez a cuestión con seriedade, ¡porque non caben máis parches sobre parches!”, concluíu Vila.

Sobre a particular casuística no Carballiño falou Diego Fernández, quen é segundo tenente de alcalde da Vila de Orcellón e deputado provincial. “Contar cuns servizos sanitarios públicos de calidade é unha demanda xeneralizada na provincia, pero no Carballiño é un clamor, xa que a situación non cesa de deteriorarse de xeito inquietante, instalándose desde hai tempo a precariedade na atención sanitaria”, sostivo Fernández. A sucesión de fitos xustifican o depauperamento da sanidade pública no Carballiño é longa: non se cobren as baixas sanitarias, non se abren servizos que son acaídos coa realidade social e demográfica da comarca, ás veces non hai médicos nas Urxencias, o servizo de pediatría é inexistente, hai problemas con xinecoloxía, non se conta con atención psicolóxica, nin con matrona estable, o continxente de ambulancias é moi xusto para a demanda da vila e da súa entorna, e mesmo hai que acudir ao Complexo Hospitalario Universitario de Ourense para facer unhas radiografías.

“Non pode ser que un pai veña coa súa filla ao Centro de Saúde e que non haxa pediatra, que non haxa atención nas nosas Urxencias ou que usuarios de calquera outra especialidade teñan que volver para as súas porque non hai quen os atenda”, denuncia Fernández. O deputado provincial aproveitou para facer un chamado a sumarse ás reivindicacións e acudir á manifestación que o vindeiro domingo, 14 de xaneiro, organiza a Plataforma pola Sanidade Pública de O Carballiño para reclamar un servizo de pediatría digno para a comarca. Para Fernández, “é o momento de dicir basta, de cambiar e que os responsables do PP tomen medidas porque a situación é de extrema gravidade, precisando dunha actuación contundente por parte da Xunta de Galicia para garantir o dereito á saúde de todas e todos”. “É dentro deste contexto que toma senso a nosa moción, solicitando do pleno da Deputación de Ourense o apoio unánime á nosa demanda, que denota o malestar da veciñanza”, sostén Fernández.

A Xunta de Galicia investirá algo máis de 500.000 euros na redacción do plan estruturante de ordenación de solo empresarial (PEOSE) e instrumentos de desenvolvemento e execución do parque empresarial do Carballiño-Maside, tal como publica hoxe a Plataforma de contratos públicos de Galicia. O parque empresarial previsto pola Xunta de Galicia constituirá a ampliación do xa existente na Uceira pero emprazarase tanto nos concellos de Maside como no do Carballiño.

Así llo explicou o director xeral do Instituto Galego da Vivenda e Solo (IGVS), Heriberto García, acompañado polo delegado territorial da Xunta en Ourense, Gabriel Alén, a empresarios e representantes de ambos concellos nun encontro no que lles comunicaron a licitación do contrato e lles ofreceron información sobre a ampliación do parque empresarial. A esta reunión asistiron tanto os alcaldes do Carballiño e Maside, Paco Fumega e José Manuel Iglesias, e o coordenador de Xestur para o sur de Galicia, o carballiñés Argimiro Marnotes. Como anfitrión, exerceu o presidente da Asociación de Empresarios da Área Industrial do Carballiño, Manuel Carballeda.

Inicialmente prevese que o parque empresarial ocupe unha superficie total de máis de 1,2 millóns de metros cadrados dos que algo máis de 230.000 metros cadrados estarán no concello do Carballiño e preto de 990.000 metros cadrados corresponden ao concello de Maside. A superficie destinada a parcelas é de algo máis de 910.000 metros cadrados. A superficie das parcelas é moi variable para atender a demanda que na actualidade xa se está a recibir nos concellos do Caballiño e Maside, e van dos 1000-1500 m2 as máis pequenas ata a macroparcelas de 20.000 m2 as máis grandes.

As empresas interesadas en presentar as súas ofertas para optar a esta licitacion da redacción do plan estruturante do novo parque empresarial poden facelo ata o próximo 16 de febreiro. Según as estimacións avanzadas este mañá polo director do IGVS, a finais de 2025 o novo parque empresarial será xa unha realidade.