Deportes

Un gol de Rubén Arce na segunda parte foi suficiente para que o Arenteiro, mo serio hoxe defensivamente, conseguise a victoria pola mínima na súa visita ao campo Novo San Pedro de Vilalonga, que rexistrou boa entrada e facéndose notar un nutrido grupo de seguidores verdes.

O partido, igual que todos os da terceira galega, estivo rodeado de fortes medidas de seguridade e cun numeroso despliegue da Garda Civil, antes, durante e despóis do partido, formando parte dun simulacro ante posibles amenazas terroristas en recintos deportivos.

Xa no plano futbolístico, o Arenteiro foi esta tarde superior ao Vilalonga, sobre todo na primeira parte, na que mereceu ir ao descanso co resultado ao seu favor. Non obstante houbo que agardar a segunda metade para que Arce se aproveitase dun fallo defensivo dos locais para marcar o único gol do encontro, que da 3 valiosísimos puntos aos verdes.

Noventa pilotos competirán esta fin de semana na edición máis participativa e internacional da proba de motos de campo XTREMO MESEGO.

A proba, que celebra a quinta edición, e que se desenvolverá o sábado, 14, e o domingo, 15 de outubro, foi presentada na Praza Maior polo concelleiro de Deportes, Manolo Dacal; o membro da Liga Galega de Moto de Campo, Javier Quintas, e o presidente do Motoclub Xtremo Mesego, Juan Caderno.

O evento comezará o sábado en Pena Cortoira ás 15,00 h., e ás 18,00 h., terá lugar a proba urbana que se desenvolverá nunha parcela situada na rotonda da rúa Conde Vallellano e Ben Cho Sey. E o domingo proseguirá a partir das 10,00 h., en Pena Cobertoira.

Na presentación destacouse a participación de grandes campións, como Pol Tarrés, que gañou o pasado ano; Antonio Alfonso, que foi campión do mundo junior de trial; Álex Hidalgo e Iván Pueyo, entre outros destacados pilotos dun gran nivel.

Javier Quintas destacou a gran presenza nacional e internacional, entre os que figuran dez galegos, pero tamén pilotos procedentes de Francia, Portugal, Corea e Arxentina, así como da Cataluña, Asturias, Castela-León e Madrid, entre outras comunidades españolas.

Por isto, o representante da Liga Galega de Moto de Campo amosouse orgulloso por colaborar estreitamente co Motoclub Xtremo Mesego para organizar este evento, “xa que se trata dunha das grandes citas do calendario deportivo, que este ano terá una calidade extraordinaria, onde hai media ducia de pilotos que poden optar ao triunfo”, según dixo.

Juan Caderno destacou sobre todo a proba urbana que se celebrará nunha parcela da rotonda de Conde Vallellano e Ben Cho Sey, porque será máis vistosa que a do pasado ano, e terá máis seguridade e máis visibilidade para os afeccionados. Será o sábado a partir das 6 da tarde.

Finalmente, Manolo Dacal agradeceu o traballo desenvolvido polo Motoclub Xtremo Mesego e a Liga Galega de Moto de Campo para ofrecer en cada edición un mellor espectáculo deportivo, conseguindo traer non só a moitos pilotos senón tamén a moitos aleccionados, xa que isto redunda na promoción do Carballiño e, en particular, da hostalería.

Tarde de calor veraniego con 30 graos á hora do partido, algo insólito un dia 8 de Outubro, coa afección do Arenteiro fiel ao seu equipo, enchendo o graderío do municipal de Espiñedo, unha vez máis, a mellor entrada da xornada na terceira división.

E 3 puntos moi importantes para seguir sumando e gañando confianza ante un rival que se presume vai estar no grupo dos que pelexarán por manter a categoria, a SD Negreira.

O primeiro tempo foi equilibrado e de escasez futbolística, os verdes reclamaron un penalti sobre Iker Hurtado, probablemente hoxe o mellor xogador do Arenteiro sobre o terreo de xogo.

Pero foi o case  sempre determinante Rubén Arce quen logrou un gol que vale 3 puntos, no minuto 54 de partido.

Na segunda parte o Arenteiro foi mellor que o seu rival, os verdes foron os únicos que crearon ocasións de gol ante a portería contraria.

O próximo domingo chegará a Espiñedo un dos grandes da categoria, o Bergantiños. Antes, o xoves dia 12 -festivo, día do Pilar- o Arenteiro viaxará a Vilalonga.

Podes ver a ficha do partido CD Arenteiro-SD Negreira no seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=28...

A séptima edición da Ruta de MTB, Bike e Trail, que organiza o club ciclista Os Mosqueteiros, terá a maior participación de todas, estando inscritos 650 deportistas procedentes de toda Galicia, de moitos lugares de España,e de Portugal.

Desenvolverase o sábado 7 e domingo 8 de outubro, e contará con cinco disciplinas.

O evento foi presentado esta mañá polo alcalde, Francisco Fumega, e os directivos do Club Ciclista Os Mosqueteiros. O seu secretario, Rubén Cerdeira destacou o feito de que se dispute durante dous días e que vaia a ter unha participación histórica, o cal repercutirá positivamente na hostalería do Carballiño. Tamén agradeceu a colaboración do concello do Carballiño e do de Boborás.

Asemade, Francisco Fumega resaltou o compromiso do club ciclista coa promoción do deporte e do Carballiño, asegurando que se trata dun dos eventos deportivos máis destacados da vila e que cada ano acada maior relevancia. Por isto, amosou o seu agradecemento ao club.

As probas terán lugar o sábado, entre as 17,00 e as 20,00 h., con saída e meta no anfiteatro da Praza da Veracruz; e o domingo, entre as 09,30 e as 14,30 h, con saída e meta no mesmo lugar. O percorrido realizarase por diversos tramos da comarca, fundamentalmente, dos municipios do Carballiño e Boborás.

Entregaranse un total de 15 premios, tanto en categoría masculina como feminina, nas cinco disciplinas previstas: dous trail, dúas rutas mtb e o desafío maskepower. Premiarase aos tres mellores de cada disciplina.

Haberá un trail curto de 14 km, e outro longo de 24 km. Así mesmo, haberá unha BTT curta de 40 km, e outra longa de 60 km. E o Desafío Maskepower tamén terá a opción curta de 24 km, e outra llonga de 60 km.

Empate a casi todo no partido da 7ª xornada de liga no campionato da 3ª división entre Ourense CF e Arenteiro, con un gol para cada equipo, con escasez de fútbol e ocasións ante ambas porterías e con 3 xogadores expusaldos, dous nos locais e Igor no Arenteiro.

O mellor, na grada, onde a incondicional afección do Arenteiro acudíu en masa ao Estadio do Couto, que rexistrou a mellor entrada da xornada na categoria, con máis de 1000 persoas na bancada.

Crónica do partido en "La Voz de Galicia":https://www.lavozdegalicia.es/noticia/ourense/2017/10/02/combate-nulo-in...

Ademáis de gastronomía, haberá musica e hinchables para os nenos. Con esta iniciativa, o club busca máis recursos económicos para cubrir os gastos da tempada deportiva.

Non foi un bo partido dos verdes, non obstante o gol de Rubén Arce dende os once metros  co tempo xa cumplido servíu para sumar 3 puntos ante o o FC Noia e colocarse na parte media da clasificación, tras seis xornadas desputadas no campionato nacional de liga de terceira división.

Marcou pronto o Arenteiro, xa que no minuto once de partido chegou o primeiro gol da tarde conseguido Igor Sevivas, o xogador luso do Arenteiro culminou unha gran xogada de Arce para adiantarse no marcador. Minutos despois, o mesmo Igor Sevivas pudo marcar o segundo pero o seu remate de cabeza foise alto sobre a portería de Pajarillo, o veterano gardameta do Noia.

O certo é que conforme ía avanzando o partido o Arenteiro foi indo a menos, ata que no minuto 66 un despiste defensivo nunha falta sobre a área de Pachi aproveitárono os noienses para empatar.

O gol volveu espabilar ao Arenteiro, que volveu no tramo final do partido á carga sobre a portería do Noia, preto xa do final o árbitro anulou un gol aos verdes por suposta falta sobre o porteiro do Noia. E co tempo xa cumplido, sinalou penalti na área visitante, que se encargou de tranformar Rubén Arce.

No seguinte enlace podes ver a ficha do partido: http://www.futgal.es/pnfg/NFG_CmpPartido?cod_primaria=1000120&CodActa=28...

Aínda que o resultado final indica un 4-1 no marcador ao favor do Alondras, o certo é que tan so os erros defensivos do Arenteiro decantaron un partido no que os verdes mereceron bastante mellor sorte, e incluso dominaron en distintas fases, pero 3 regalos en defensa son moitos para non perder un partido.

Certo é que os primeiros minutos foron do Alondras que se adiantou no minuto seis e incluso pudo facer o segundo. Pero logo se repuxo o Arenteiro que logrou empatar o partido cun gol de Igor Sevivas no minuto 20.

Os verdes pasaron a controlar o partido e todo ía ben ata que apenas un par de minutos para chegar ao descanso Vilachá marca  en propia portería nun intento de despexar un balón sen aparente perigo.

O autogol antes do intermedio foi un mazazo para os verdes, que sen embargo sairon moito mellor que o Alondras na segunda parte, incluso pudo chegar o empate nun par de boas ocasións, pero non era a tarde.

E asi ata o minuto 73 cando o Alondras marca na execución dunha falta, o balón colle portería e Macía non está acertado. A partir de aí, sí que o Alondras volveu a ser superior, aínda que o cuarto e definitivo gol chegaría por medio doutro agasallo defensivo do Arenteiro.

Demasiádo castigo para os verdes polo visto no cómputo dos 90 minutos. Agora toca pasar páxina e pensar no partido do próximo domingo en Espiñedo ante o Noia CF

Crónica do partido no "Atlántico Diario": http://www.atlantico.net/articulo/deporte-local/goles-son-razones/201709...

O deportista Lucas Egas Villanueva, recente campión do mundo da modalidade técnica de arte marcial haidong gumdo “espada coreana”, recibiu a homenaxe do concello do Carballiño.

O acto contou coa asistencia do alcalde, Francisco Fumega; o concelleiro de Deportes, Manolo Dacal, e a concelleira do BNG Sofía García, ademáis de familiares, amigos e compañeiros do ximnasio Olimpia, onde entrena o deportista.

Francisco Fumega felicitou, en nome da corporación, a Lucas Egas pola consecución deste campionato mundial, e amosou o seu orgullo por contar entre a veciñanza do Carballiño cun deportista na élite mundial. “Os seus éxitos a nivel nacional e internacional supoñen un prestixio para O Carballiño e, sobre todo, son un exemplo para a mocidade”, dixo o alcalde. “Estamos orgullosos de contar cun deportista na élite mundial, e por iso queremos recoñecer os seus méritos e o esforzo que representa competir cos mellores deportistas de España, de Europa e do Mundo”, engadiu. Fumega destacou o esforzo persoal que representa competir a este nivel, e tamén se referiu aos entrenadores, á familia e aos compañeiros do deportista homenaxeado, recoñecendo a súa parte de mérito e sacrificio correspondente.

Manolo Dacal lembrou que “na última Gala do Deporte xa se premiara a Lucas Egas como o Mellor Deportista, quizás como unha premonición da conquista un mes despois do campionato do mundo”, e asegurou que a concellería de Deportes seguiría axudando ao deporte base e aos deportistas destacados, como Lucas Egas, en todo o que se poidese.

Pola súa parte, Lucas Egas, que acudiu ao acto coas dúas medallas e o trofeo conseguido en Corea, agradeceu o recoñecemento e o esforzo e sacrificio da súa familia, que dende pequeno o levou ao ximnasio para practicar este deporte. Explicou que, ademáis do campionato na modalidade técnica de haidong gomdo, tamén acadou o terceiro posto noutra modalidade, e que o 19 de novembro próximo ía participar no campionato de España.

Para finalizar o acto, o alcalde fixo entrega dunha placa do concello en recoñecemento do seu mérito.

Elexido como o gol da xornada no fútbol galego polo programa "En Xogo" da Televisón de Galicia, o de Igor Sevivas, que xa no tempo de desconto puxo en pe ao graderío de Espiñedo ao executar maxistralmente dende a frontal da área e de espaldas á portería unha chilena que empatou (1-1) o partido ante o Arousa.

Crónica do partido en "La Voz de Galicia": https://www.lavozdegalicia.es/noticia/ourense/2017/09/11/arenteiro-abona...

Crónica do partido no "Diario de Arousa": http://www.diariodearousa.com/articulo/deportes/gol-chilena-96-deja-aros...

O golazo da xornada na TVG: http://www.crtvg.es/informativos/o-golazo-da-xornada-unha-chilena-perfec...