Política

A parte central da programación das Xociviga desenvolverase entre o 12 e o 16 de Agosto no Auditorio municipal do Carballiño..

Proxectaranse cerca de vinte películas, destacando recentes estreas como Retratos de familia (premiada no último Festival de Cannes), La mirada del silencio (gañadora do Festival de Venecia) ou Los caballos de Dios (gañadora do festival del Valladolid e que por fin chega ás pantallas españolas), combinadas con algunas das películas de mellor acollida entre o público e a crítica desta tempada, como Birdman (gañadora de varios Oscar, entre eles o de mellor película), Pride, El capital humano ou Nuestro último verano en Escocia, que se pasará en versión dobrada ao galego.

Precisamente o cine galego terá unha forte presenza, tanto de produccións como de directores, actores e equipos técnicos das películas, que se achegarán ao Carballiño nesas datas para presentar os seus traballos. A sección adicada aos máis cativos terá tamén sabor galego, coa exitosa producción galego-cubana Maimiño (a película máis taquilleira do cine cubano), a prácticamente estrea da última película de Digra, Holly nigth ou El club de los incomprendidos, xa que parte da súa producción é tamén galega. Haberá pases non só pola tarde senón tamén pola mañá dirixidos ao público máis xove.

As actividades paralelas estarán moi vinculadas ao ensino, con proxectos como Olloboi, as producción de varias Escolas de Imaxe e Son ou Fotografía en curso e Cine en curso, coordinadas polo CGAI. 

A  programación das Xociviga 2015 presentouse na Ínsua dos Poetas, coa proxección ao aire libre da película A esmorga, a que  asistiron máis de 150 persoas. O acto contou coa presenza do Director Xeral de Política Linguística, Valentín García, o concelleiro de Cultura do Carballiño, Diego Fernández, o presidente da Fundación Ínsua dos poetas, Luís González Tosar, e representantes do Cine Club Carballiño. 

Premios Xociviga 2015

A Xociviga de Honra recaeu este ano na actriz Rosa Álvarez, pola súa dilatada traxectoria de varias décadas, sobre os escenarios e máis no cine e na televisión nos seus diferentes formatos, compondo unha chea de personaxes nos que deixou pegada da súa versatilidade e bon facer dramático no ámeto teatral e audiovisual de Galicia.

A Insignia de Ouro foille otorgada a Xosé Enrique Acuña. Editor, xornalista e escritor, leva contribuído á recuperación da memoria gráfica e visual de Galiza por medio dunha traxectoria configurada desde un amplo abano de publicacións, edicións e, sinaladamente, como comisario de exposicións fundamentais para os procesos de restauración e posta en valor da nosa historia contemporánea. Galardoado co Premio da Crítica Galicia en 2010, é autor de distintas obras centradas no mundo do cine e a fotografía así como da novela “O café do Idioma”. Foi Director literario de Edicións A Nosa Terra e anteriormente Coordinador de Exposicións do Museo de Pontevedra. Entre 1987 e 1992 formou parte, como responsable de exposición e edicións, do equipo de dirección das XOCIVIGA.

O Xurado que estivo presente na lectura da acta, estaba composto por Eduardo Galán Blanco, cineasta, escritor, debuxante e crítico de cine, Moncho Lemos, locutor de radio e crítico de cine da CRTVG, José Prada Martínez, escritor e ex-director das Xociviga, Miguel de Cabo Ribeiro, presidente do Cine Club Carballiño, e Diego Fernández, concelleiro de Cultura, Educación, Mocidade, Normalización Lingüística e Voluntariado do Concello do Carballiño.

Os dous asuntos máis relevantes da primeira sesión ordinaria da nova corporación municipal desenvolverónse según o guión previsto e xa anunciado con anterioridade polos catro grupos políticos representados no concello carballiñés.

O Partido Socialista, que agora obstenta o goberno, e os concelleiros do BNG e Alternativa Veciñal escenificaron a súa postura en contra da compra da casa da antiga Ferraxería Soto, que fora acordada polo Partido Popular no derradeiro pleno do anterior mandato municipal. Os populares quedaronse sós na defensa desta operación de compra de venda, que agora quedará anulada.

A que sí seguirá o seu curso é a adquisición da antiga fábrica de papel da Lavandeira, unha propiedade inmersa nun procedemento concursal baixo supervisión xudicial, unha operación que tamén fora iniciada polo anterior goberno do Partido Popular. Neste caso, tanto o actuál grupo de goberno socialista como AV consideran necesaria a operación, polo que o BNG fracasou na súa petición de anular o acordo da anterior corporación.

O Carballiño recupera a tradición dos grandes concertos, e nesta ocasión dentro da programación da semana grande da festa do polbo. O grupo Celtas Cortos actuará na praza maior o mércores 5 de agosto, as 23:00 horas.

O concelleiro Manolo Dacal e o alcalde Francisco Fumega presentaban a programación e agradeceron a todos os que fixeron posible “levar a bo porto este programa, pensado en todolos públicos e , sobre todo, para atraer a moitos visitantes a O Carballiño durante estes 15 días”.

A partir do  mércores 29 de xullo, todalas tardes na praza maior haberá actividades para os nenos. O 30 de xullo , dende as 19:00 horas, zumba nas pisicinas municipais impartida polo ximnasio Sonora Fitnes. O venres 31 de xullo, continuan as acrtividades para os pequenos, e as 20:30 horas a banda de música de Valga actuará na Praza da Veracruz . Ese mesmo dia, as 22:00, na Insua dos Poetas terá lugar a presentación das Xociviga 2015, ca proxección da película A Esmorga. A xornada do venres pecharáse ca inauguración do alumeado de festas nas rúas carballiñesas.

O sábado 1 de agosto deporte e música, partido de futbol en Espiñedo entre o Arenteiro e o Barbadás, as 20:00 horas, as 20:30 XXII Festival de Habaneras no auditorio da vila e as 23:00 DJ Guilly de Melo, na Praza Maior.

Outra das citas clásicas da semana da Festa do Pulpo, a andaina  popular, terá lugar o dominbgo 2 de agosto, chegando con esta a súa IV edición. Ese mesmo día, as 23:00 actuación de música folk , Festa Rachada e Pasarrúas “Acibeira”, na Praza Maior.

O luns 3 de agostoc omenzan os campionatos de futbol 3X3 na Alameda, e actividades de xogos populares na praza Emilia Pardo Bazán. As 12:00 chega outra das citas clásicas do Pulpo, a Homenaxe a un persoeiro ou grupo que tiveran relación ca Festa o longo destes 53 anos. A tarde O DJ Tibu organiza a festa infantil Octavio 2015, na Praza Maior, e as 23:00, no mesmo lugar , concerto de Skalingrado.

O Martes 4 de agosto O Carballiño será , un ano máis , o centro de atención de todo o mundo, ca elaboración da tapa xigante de pulpo, que este ano se realizará sobre un plato de madeira de 5,13 metros. Será as 20:00 horas na Praza Maior.

O  mércores dia 5, chegando o ecuador destas festas carballiñesas, o plato forete será a actuación de Celtas Cortos na Praza Maior, e antes, actividades para os nenos no Balneario, DJ e Touro Mecánico na Praza de Juan Pajariño, partido do Arenteiro e o Bande en Espiñedo, e espectáculo circense na rúa Principal.

O xoves 6 de agosto continua a festa cos Pulpos Máxicos nos Catro Camiños, actividaee para os nenos, e a apertura de feira de artesanía na praza de Emila Pardo Bazán, as 18:00 horas. Una hora despois, as 19:00 festa da espuma na praza maior cun DJ para animar os pequenos. As pisicinas acollen una nova xornada de zumba, e as 20:00 horas inauguranse as xornadas Gastronómicas do Pulpo, con Guillermo González, subcampeon de europa en servicios de restauración e bar, na praza das Galiñas. Dende as 20:00 iniciase o primeiro ciclo de Música de Sofa, na praza da constitución, Curros Enríquez e Praza Maior, que rematará as 2:00 horas.

Entrando xa na fin de semana do Pulpo o venres destacar o sorteo deo ocengtro comercial aberto da súa campaña de Verán, na praza da veracruz, as 18:00 horas, e unha nova Xornada Gastronómica co chef Flavio Morganti. As 20:30 na praza da Veracruz e rúa principal exhibición do clube de patinaxe  AEHDE, e as 23:00 horas Troula ofrecerá os seu espectáculo de rúa “Pachamama” na Paraza Maior. Esa noite, dende as 00:30, a orquesta Primera Linea ofrecerá o concerto na Praza Maior.

O día 8 de agosto O Carballiño será un ano máis a capital galega da diversión e a xuventude, con concurso de camisetas do Pulpo,. O pasado ano foron máis de 1000 xóvenes os que participaron nesta festa, que comenzará as 18:00 horas e rematará ata que o corpo aguante, animando a festa a batukada  Situme. Ese mesmo día, as 00:00, tirada de fogos dende a praza da Veracruz.

O domingo será o día grande da Festa,  no Parque Municipal. Desfile de grupos do festival folclórico dende as 10:30, recepción de autoridades as 13:00 e comida as 14:30. A xornada será rematada co concerto da orquesta Fin de Siglo na Praza Maior as 19:00 horas.

A aínda festa continúa o luns dia 10 , co día do pulpo pequeño, con atraccíons infantis a mitade de prezo. O martes dia 11  cas xornadas de folclore internacional na Praza da Veracruz, e o mércores dia 12 finalizará dando o testigo a outra gran cita do verán Carballiñés, as Xociviga 2015.

A programación festiva, según os datos aportados polos responsables municipais, terá un orzamento de 100.000 euros.

O proxecto -informa o Partido Popular- xa fora consensuado cos praceiros por parte do anterior grupo de goberno.

Inclúe a mellora da accesabilidade, a automatización das portas de entrada, obras de contrucción do falso teito, pintura, asi como modernización da instalación eléctrica e nas persianas dos locais.

A Consellería de Industria destina a este proxecto 88.000 euros, mentres que o concello deberá aportar 37.844. A mairoes, a consellería achega 3.000 eruos para a promoción da actividade comercial dos praceiros.

As manifestacións que deron lugar á querela presentada no seu dia polo alcalde de Boborás contra José Benito Trigás foron feitas por éste no transcurso de dúas entrevistas en COPE O Carballiño, durante o ano 2013.

A titular do Xulgado do Penal nº 2 de Ourense observou nas intervencións do portavoz de MoveBoborás un delito de inxurias graves con publicidade, e condenao a unha multa de 9 meses cunha cuota diaria de 9 euros, o que supón un total de 2.430 euros. Ademáis, Trigás deberá indemnizar ao alcalde Cipriano Caamaño con 1.000 euros, polos danos morais causados.

Nas súas intervencións radiofónicas nesta emisora de radio, Trigás chegara a cualificar ao alcade como un borracho "que se vai agarrando ás farolas para poder chegar á casa".

O portavoz de MoveBoborás, foi absolto dun presutno delito de calumnias polo que tamén fora imputado na mesma querela.

O alcalde do Carballiño Francisco Fumega anunciou a intención de iniciar os trámites para nomear ao presidente da academia das letras Argentina fillo adoptivo do Carballiño, e o facía no acto de ben vida a este persoeiro , José Luis Moure, fillo dun emigrante veciño da carballiñesa parroquia de Banga.

Así o lembraba Francisco Fumega no seu discurso de ben vida, sen esquecer a pegada que tiveron eses miles de galegos que foron polo mnundo adiante, levando consigo a lingua da súa terra nai.

Pola súa banda José Luis Moure agradeceu o recibimento no concello carballiñés, asegurando que nesta viaxe á patria do seu proxenitor, estaba "mirando todo cos ollos do seu pai, e lembrando todo canto il lle contaba de Galicia, de O Carballiño e de Banga". Moure, que chegou acompañado pola súa dona e o escrito Luis Tosar, foi tamén recibido por parte da súa familia que ainda vivie no carballiño, e maís en concreto na zona de Banga e Cabanelas.

Foi Luis Tosar quen destacou a figura de Moure, como un home que non so defende e protexe a lingua castelan na Arxentina, "senón que tamén defende a sua lingua nai, o galego, nesa terra de alen dos mares".

No recibimento a José Luis Moure estiveron tamén o edil de Cultura, Diego Fernández, así como os edis da oposición Bernardo García e Pilar Caride. O alcalde, e tras asinar o convidado no libro de honra do concello, entregoulle uns agasallos, un libro do arquivo municipal, outros sobre o termalismo en Ourenese e un disco da banda de música do Carballiño. Ao recibir este CD Moure lembrou que o seu pais fora tamen membro da banda de música do Carballiño. Tamén se lle fixo entrega dunha metopa co escudo da vila do Arenteiro..

O alcalde carballiñés, xunto cos edis de deportes e Benestar Social, recibiron non salón de plenos do concello ao deportista paraolimpico carballiñés José Manuel Prado, tras ocnseguir ou campionato de España de Boccia.

 Fumega destacaba o esforzo e constancia de José Manuel, así como a súalaboura de embaixadordoCarballiñoalíonde acode a competir "por eloé un exemplo para todos nos, e é un pracer poder facerllehoxe esta homenaxe".

Manolo Dacal, edil de Deportes felicitou a Prado polo seu último éxito conseguido, e dicía último xa que non seu haber conta con medallas do mundial do 2010, subcampión non mundial do 2015, entre outras, e como non a súa participación representando a España, e ao Carballiño, nas paraolimpíadas de Londres 2012.

Pola súa banda Marina Ortega, edil de Benestar Social, lle facía entrega dunha escultura, obra do artista carballiñés Chicho Carballiño, que traballa a diraio non centro de Aspadisi dá vina, cuios socios, discapacitados psíquiscos, colaboraron tamen na elaboración desta figura.

Finalmente José Manuel Prado agradeceu o recibimento institucional, "sobre todo porque que te reciban e che dean unha homenaxe no teu propio pobo, é se cabe o mellor trofeo de todos cantos pódense ter"

O campionato do mundo  master de piragüismo en pista celebrouse na pista de piragüismo de Montemor O Velho de Portugal,  onde a palista do Club Fluvial Avión tivo unha sobresaínte actuación, conseguindo un total de 6 medallas, nunha competición na que tomaron parte deportistas de todo o mundo.

A palista avionense conseguíu as seis medallas nas seguintes probas, individual, dobles e cuádruples:

- Plata en K1 2000 metros

 - Bronce en K2 2000 metros con Ángeles del Riego (Viveiro).

 - Bronce en K2 Mixto en 2000 metros con Miguel Angel Carrera (Fluvial O Barco).

 - Plata en K4 2000 metros con Ángeles del Riego (Vivero), Rut Otero (O Grove) y Araceli Menduiña (Ría de Aldan)

 - Bronce en K2 200 metros con Ángeles del Riego (Viveiro).

 - Plata en K4 200 metros con Ángeles del Riego (Viveiro), Rut Otero (O Grove) y Araceli Menduiña (Aldan)

O Salón de Plenos do concello de O Carballiño acolleu a  reunión da Xunta Local de Seguridade de O Carballiño, co-presidida polo subdelegado do Goberno en Ourense, Roberto Castro García, e o alcalde de O Carballiño, Francisco José Fumega Piñeira e na que participaron membros dos Corpos e Forzas de Seguridade do Estado e da Policía Local.

Previa aprobación da acta da Xunta de Seguridade do 10 de xullo de 2014, os representantes das diferentes Forzas e Corpos de Seguridade e Policía Local foron dando conta dos informes en materia de seguridade cidadá  e fixeron fincapé na importancia da colaboración entre a Policía Local do Concello de O Carballiño e as Forzas e Corpos de Seguridade do Estado.

Na Xunta Local de O Carballiño analizáronse os datos relativos á delincuencia na comarca durante o ano 2015 (Xaneiro – Xuño), facendo una comparativa co mesmo período de tempo de 2014. Os datos estatísticos amosan na totalidade de infraccións penais unha tendencia á baixa; 16 puntos menos. Os delitos contabilizados descenden 25 puntos, mentres as faltas repuntan ata os 9 puntos. Descenden así mesmo as infraccións penais sen delito contra a seguridade vial e as infraccións administrativas. Tamén é menor o número de detidos e imputados. Os niveis de esclarecemento manteñen as mesmas porcentaxes (por riba do sesenta e cinco por cento).

No que respecta á actividade desenvolvida en materia de violencia de xénero cabe resaltar a importante labor policial de protección ás vítimas, que se viu potenciada coa firma do Acordo de Coordinación entre as Forzas e Corpos de Seguridade do Estado e a Policía Local de Carballiño, do 10 de xullo de 2014, que tras un ano de funcionamento avalíase o seu impacto como moi positivo.

Na reunión tamén se avaliaron as previsións en materia de seguridade para o segundo semestre do ano, prestándolle atención á chegada do período estival. Deuse conta, así mesmo, dos traballos previos que xa se están a desenvolver, para concretar o dispositivo de seguridade a establecer na Festa do Pulpo.

 DECLARACIÓNS

 O subdelegado do Goberno agradeceulle ás Forzas e Corpos de Seguridade do Estado e á Policía Local “o magnífico traballo diario desenvolvido a prol do benestar da cidadanía reflectido nas estatísticas que hoxe acabamos de coñecer”, e animounos a seguir incidindo na mesma tarefa “de compromiso tanto no campo da investigación de casos pendentes como no eido preventivo de cara ao futuro”.

Trala chegada do verán, e coa previsión da Festa do Pulpo, Roberto Castro sinalou, “a necesidade de incrementar tódalas  atencións, e delimitar con exactitude o dispositivo para que a celebración da Festa do Pulpo sexa un referente de normalidade e a seguridade do gran número de visitantes que se acheguen á capital do Arenteiro, estea garantida”.

O conselleiro de Cultura, Educación e Ordenación Universitaria, Román Rodríguez, asistiu  á VII edición da Festa da Palabra da Insua dos Poetas -na parroquia carballiñesa de Madarnás- que en palabras do titular de cultura “é hoxe máis que nunca punto de encontro entre Arxentina e Galicia, ponte de unión entre escritores que, a dez mil quilómetros de distancia, comparten un sentimento común”, xa que este ano está dedicada a Francisco Luís Bernárdez; poeta nado en Bos Aires e galego de sentimento e que pertenceu a xeración literaria de 1922.

Rodríguez gabou a figura do escritor ao que se referiu como “un intelectual que amaba por igual a Arxentina e a Galicia, un poeta que comezou escribindo en lingua galega e que nos legou unha obra que honra as letras hispánicas”.

Neste acto tamén se fixeron entrega dos galardóns Ínsua dos Poetas que este ano recaeron en Manuel Rivas (Letras), Francisco Lores Mascato (Cultura Galega na Emigración), Grupo Ecoloxista Outeiro (Arte e Medio Ambiente), Grupo Gadisa (Compromiso Económico e Social) e Faro de Vigo (Comunicación e Difusión Cultural).

Xunto ao conselleiro, tamén acudiron ao acto os secretarios xerais de Cultura e Política Lingüística, Anxo Lorenzo e Valentín García; o presidenta da Deputación de Ourense, Manuel Baltar; o presidente da Real Academia Galega, Xesús Alonso Montero; o presidente da Fundación da Insua dos Poetas, Luís González Tosar; o secretario xeral de Emigración, Antonio Rodríguez Miranda; e o presidente da Academia Arxentina de Letras, José Luís Moure.

Nado en Arxentina e de pais galegos , Francisco Luís Bernárdez, non tardou en volver á terra de seus proxenitores onde sería redactor de El Pueblo Gallego. En canto a súa obra poética cabe destacar títulos como “Poemas Elementales” e “Poemas de Carne y Hueso” grazas os cales acadou o Premio Nacional de Poesía de Argentina no ano 1944. Ten unha rúa que leva o seu nome no Carballiño e no ano 2010 o concello de Maside nomeouno fillo adoptivo.