Política

O Concelleiro do Bng solicitou da Secretaría Municipal do Concello do Carballiño un informe no que "se me aclare de que maneira se pode convocar a comisión de investigación sobre a canceira, se o Alcalde non o fai". Bernardo García asegurou que contaba xa con informes que validan xuridicamente esta posibilidade, que espera sexa confirmada pola Secretaría do Concello. O Concelleiro nacionalista lamentou esta falta de "talante democrático" do Alcalde do Carballiño e advertíu que o seu grupo non vai permitir que non se cumplan os acordos que adopta o Pleno da Corporación Municipal, porque "os acordos en democracia están para cumplirse" e "non imos permitir por maís tempo unha dictadura en minoría como a que estamos vivindo no Concello do Carballiño".

O acordo de constituír unha comisión de investigación sobre a canceira foi adoptado por unanimidade dos tres grupos políticos no último pleno que celebrou a Corporación Muncipal, que ademáis fixaba a súa convocatoria para o día segunte  ó da sesión plenaria. Sen embargo, o Alcalde, Carlos Montes non a convocou alegando motivos de axenda. O Obxetivo desta comisión, integrada por representantes das tres formacións políticas, sería investigar e aclarar os feitos ocurridos na canceira da Medela, despois de varias irrregularidades no seu funcionamento denunciada por grupos ecoloxistas, e tamén despois de saberse dun informe oficial do Seprona que certificou a desaparición de perto de cen cans desta intalacións municipais. Entre as irrregularidades que sairon daquela á luz pública tamén se apuntou a existencia dun foso dentro das propias intalacións da canceira, onde estarían entrerrandose os cans mortos, vulnerando a normativa vixente nesta materia.

Os datos correspondentes a a primeira "oleada" do "estudio general de medios" do ano 2009, que se coñecían este pasado dia 22 de abril, volven  situar a COPE O CARBALLIÑO como a emisora de radio líder en audiencia na Comarca do Carballiño, con idénticas porcentaxes que no Egm acumulado do pasado ano 2008. Desta maneira,  o "EGM" certifica que COPE O CARBALLIÑO ten catro veces máis audiencia que o resto das emisoras da Comarca ás que audita este sistema de medición de audiencias. No ámbito provincial, o primeiro posto  neste "ranking" é para a Cadena Ser, por diante de Onda Cero que é segunda e COPE terceira. Por detrás, sitúanse o resto das cadenas que emiten radio convencional na provincia de Ourense, a Radio Galega aparece en cuarta posición, por diante de Radio Nacional de España, Punto Radio e Radiovoz. Na radio musical, o liderazgo provincial é para  a Cadena 40, seguida de Cadena 100.

O Partido Popular seguirá defendendo a legalidade urbanística no proxecto de urbanización da Veracruz, ó entender que a apertura dun vial  de once metros de ancho vulnera o PXOM actúalmente en vigor no Concello do Carballiño, que fixa as condicións urbanísticas que deberá guiar calquera actuación que se faga neste entorno, e ás que deberá adaptarse calquera proxecto urbanístico que se leve a cabo. O Portavoz do PP no Concello Carballiñés non concede  crédito o informe asinado polo Director Xeral de Urbanísmo en funcións, este pasado dia 17 de abril, a punto de cesar na súa responsabilidade.

Lo siento tu navegador necesita flash para ver este contenido

Declaracións Argimiro Marnotes voceiro do PP

Marnotes aludíu á opinión doutros técnicos de toda solvencia que "calificaron como de escandalosa" a contestación dada neste informe por un señor "que se está marchando". O portavoz dos populares tamén anunciou que desde o seu grupo solicitaráse un novo informe á Dirección Xeral de Urbanisimo, unha vez tome posesión o seu novo titular.

Unha resolución da Consellería de Cultura da Xunta de Galicia do pasado dia 13 de abril, fixou un orzamento base dun millón e medio de euros para a licitación  -mediante concurso público-  do contrato de suministración e instalación de equiupamentos culturais do Parque Arqueolóxico de San Cibrán de Lás, nos Concellos de San Amaro e Punxín. O prazo para a presentación de ofertas será atá o dia 16 de maio, e periodo de execución do contrato, unha vez adxudicado, será de 300 dias naturais. Os criterios e condicións detalladas do contrato poden consultarse no perfíl do contratante da Consellería de Cultura.

O Alcalde de San Amaro, Ernesto Pérez, salientou -nunha entrevista na MAÑÁ DE COPE O CARBALLIÑO, a gran dimensión deste proxecto cultural, xa que se trata "dunha das actuacións máis ambiciosas da Consellería de Cultura en matería cultural, e desde logo do maior equipamento cultural da nosa Comarca". Os investimentos feitos neste proxecto cl superarán os seis millóns de euros, aportados pola Consellería de Cultura e o Ministerio de Fomento do Goberno Central. O rexidor municipal agarda que a finais do ano 2010 este Parque arqueolóxico de San Cibrán de Lás poida recibir os seus primeiros visitantes.

O proxecto de urbanización do entorno da Veracruz axustase o plaeamento urbanístico vixente no Concello do Carballiño, alomenos esto é o que se recolle nunha contestación remitida  ó Concello Carballiñés polo Director Xeral de ordenación do Territorio e Urbanismo da Xunta de Galicia. O escrito de contestación tén data de emisión o pasado 17 deste mes de abril, o derradeiro día en funcións da Xunta do bipartito. O punto discrepante entre o Goberno Municipal e o Partido popular refírese o ancho do vial de nova apertura que deberá comunicar a praza de San Ramón e a rúa Evairsto Vaamonde. No proxecto deseñado polo Concello este vial reducese a once metros de ancho, mentres que para o partido popular debería ser de 16 metros de ancho, tal como se recolle no Plan xeral de Ordenación Municipal. Sen embargo, entende o redactor deste informe da administración autonómica que unha modificación puntual do ano 2002 acordada para regular a contorna da Veracruz, recolle esa posibilidade, polo que se deduce que o proxecto presentado polo Concello do Carballiño axústase a legalidade urbanística vixente. O Alcalde, Carlos Montes, que deu a coñecer este infome, manifestou que atrás queda desta maneira "unha historia máis para non dormir do voceiro do partido popular", e adiantou que proximamente a Xunta de Goberno procederá a aprobación definitiva do proxecto.

Lo siento tu navegador necesita flash para ver este contenido

Declaracións alcalde de O Carballiño, Carlos Montes

A un total de cinco mil euros ascende o valor da maquinaria e diverso material roubado no matadoiro comarcal do Carballiñ, sito nas inmediacións da localidade de Seoane, na estrada de Cea, segundo a denucia presentada ante a garda civil pola representante da empresa que se ocupa da xestión destas instalacións. Ó paerecer, os feitos sucederonse cando persoas descoñecidas romperon a alambrada do cerre exterior, a continuación forzaron o candado e dúas portas da oficina, levandose diversa documentación. Tamén sustraeron mil precintos sanitarios e unha máquina de hidrolavado.

O obxetivo deste obradoiro -segundo unha nota informativa difundida polo Concello de Boborás- é reflexionar sobre os modelos de educación afectivo-sexual, e a súa incidencia na sexualidade femenina, favorecer o coñecemento das características propias da sexualidade feminina e impulsar a creatividade e a imaxinación como elementos potenciadores do pracer. As sesións de traballo plantexaránse dende unha perspectiva dinámica, fomentando o diálogo para converter as sesións en "espazos de expresión e sensacións"

As destinatarias deste obradoiro son as mulleres residentes no Concello de Boborás maiores de 18 anos. Será impartido na Casa do Concello de Boborás e a cargo de persoal especializado do centro "Quérote" de Ourense, dependente da Dirección Xeral de Xuventude. A iniciativa partíu da Concellería de Cultura do Concello de Boborás, que dirixe a concelleira Eva Pardo.

O Concello do Carballiño deberá adaptar os pasos de peóns elevados existentes tanto na rúa Martínez Avellanosa como na Avda. de Julio Rodríguez Soto á normativa reguladora deste tipo de elementos, xa que incumplen a lexislación vixente, e podería darse o caso dalgún automovilista que denunciase o Concello Carballiñés como titular destas vias. En idéntica situación estarían os pasos elevados construídos na Avda. de Compostela, aínda que neste caso a titularidade da vía é autonómica. Atá o mes de octubro do ano pasado non existía unha normativa reguladora, pero desde entón, o regulamento xeral de circulación converte en obstáculos prohibídos os resaltos e pasos de peóns que non cumplan coa normativa básica do Ministerio de Fomento.

Os pasos de peóns elevados, adaptados á normativa legal, deberán consistir nunha plataforma trapezoidal de 10 cms de alto como máximo. Todos os pasos de peóns contruídos polo Concello do Carballiño rebasan amplamente esa medida. Ademáis,  tamén fixa a normativa que os pasos de peóns elevados, deberán contar cunhas rampas de subida e baixada, que estarán en  relación cos límites de velocidade existentes. Serán dun metro para vias con velocidade máxima permitida de 30 kms hora,  de 1,5 para velocidades de 40 kms. hora e, finalmente de 2,5 para vías con velociddes de 50 kms. hora.

A concelleira de Servizos sociais, a socialista Asunción Rivero, apelou "á responsabilidade dos grupos da oposición municpal" no Concello do Carballiño -bng e pp- para que estudien e apoien o proxecto de orzamentos elaborado polo Grupo de Goberno para este ano 2009, aínda a dia de hoxe pendientes de aprobación. De feito, trátase do maior retraso neste proceso, o da súa aprobación, no contexto da última década na vida municipal carballiñesa. No mellor dos casos, non entrarán en vigor atá o segundo trimestre do ano. Rivero dixo -ademáis- que a non aprobación dos orzamentos sería unha moi mala noticia para o seu departamento, xa que sufrrirían un recorte as políticas sociais que se estaban levando a cabo, e que dependen directamente da aprobación ou non dos orzamentos para este ano.

Lo siento tu navegador necesita flash para ver este contenido

Decalaracións Asunción Rivero

A concelleira tamén espera continuar recibindo o apoio da Administración Autonómica, para poder darlle continuidade a moitas das actividades que ven desenvolvendo o seu departamento, xa que en gran parte son financiadas a través de axudas e subvencións da Xunta de Galicia. Entre estas actividades, atópase o programa de "Familias Madrugadoras",que terá continuidade o vindeiro curso escolar 2009/2010, para nenos de educación infantil e primaria, que poderán acudir a este servizo en horario de sete e media a dez e cuarto da mañá, e para o que xa se pode reservar praza, no departamento municipal de servizos sociais, na rúa Faustino Santalices. Para as persoas maiores, están organizadas outras dúas actividades que se desenvolverán proximamente: un curso de autoestima e unha excursión de lecer e cultural de tres días de duración, os vindeiros 1,2 3 de xuño, a terras de Cantabria. Os excursionistas deberán abonar 120 euros.

O horario de atención ó publico será de 10 a 13,30 horas e de 15 a 18 horas, de lúns a venres nos locais do baixo da antiga casa sindical de Maside, na rúa Rodríguez Soto. Todas as persoas interesadas poderán consultar a exposición dos traballos de renovación do Catastro de Rústica, que estivo levandose a cabo en todo o territorio municipal. A partir desta consulta,  quenes non estean dacordo coas avaliacións ou os datos das súas propiedades, poderán presentar as correspondentes reclamacións. Esta Exposición Pública da Renovación do Catastro de rústica no Concello de Maside estará a disposición da veciñanza atá o día 11 de maio.