Política

Son tres alumnos e unha alumna do IES nº 1 do Carballiño, que conseguiron matrícula de honra neste curso 2013-2104.

Marcos González Martínez, Marc Barreiro Pereira, Lorena Dacoba Conde e Carlos Manuel Corral Casas obtiveron os expedientes máis brillantes da súa promoción. Os seus intereses de futuro apuntan aos estudos de Ciencias Empresariais, Turismo ou Enxeñería Química, aínda que de momento o que toca agora é gozar dunhas merececidas vacacións.

A matrícula de honra concédese a aqueles alumnos que obtiveran no segundo curso de bacharelato unha nota media igual ou superior a nove puntos.

Así o comunicou o alcalde do Carballiiño Argimiro Marnotes ao resto de alcaldes da comarca no transcurso dunha reunión celebrada na casa do concello.

A creación do grupo municipal de emerxencias xorde -indican dende o concello- tras a aprobación no parlamento galego do proxecto de lei de medidas urxentes derivadas da entrada en vigor da lei 27/2013. Neste proxecto de lei desbloquéase o marco de competencias que poden desenvolver os concellos.

Segundo sinalaba Marnotes isto é o que acontecía no Carballiño cos servizos de emerxencias. Dende o ano 1992 O Carballiño contou cunha agrupación de voluntarios de Protección Civil, posteriormente a Xunta de Galicia subvencionou a formación dos grupos de intervención rápida, ata o pasado ano. O alcalde, "consciente de que O Carballiño non podía quedar sen este servizo dos grupos de emerxencias" , concluíu a posibilidade de incluír a este grupo dentro do organigrama municipal  "algo que ata agora nunca se fixera", manifestou.

Este grupo actuará en todo o municipio do Carballiño, e Marnotes fixo saber ao resto de alcaldes da bisbarra que agora terá que  buscarse é a fórmula de conveniar o servizo deste grupo de emerxencias neses concellos. As posibilidades que se barallan son as fixar unha achega de cada unha do resto de concellos baseada no número de habitantes de cada un, ou ben cobrar por cada servizo que este grupo de emerxencias realice neses municipios.
A posta en marcha deste novo grupo de emerxencias municipal doCarballiño non depende en ningún momento do inicio da actividade no parque de bombeiros, xa que as actuacións deste grupo non serían as mesmas que as propias do parque intercomarcal.

O Partido Popular gaña estas eleccións europeas no municipio carballiñés con 2.238 votos, o PSOE obtén 1.274 votos. AGE consigue 370 votos e o BNG, 311. O resto das formacións políticas suman un total de 714 votos.

As dúas grandes formacións políticas ceden apoio popular en relación coas eleccións de 2009. Os que máis perden, os socialistas, tanto en termos relativos como absolutos, ao pasar do 37,06 de porcentaxe dos votos en 2009 ao 25,21% nestas eleccións de 2014. O PSOE perde no municipio carballiñés 816 votos. O Partido Popular quedase co 44,29% do electorado que emitíu o seu voto, aínda que perde 694 votos en relación aos comicios europeos de fai cinco anos.

Tamén retrocede o BNG, que obtivo 311 votos fronte aos 422 de fai cinco anos atrás. Alternativa Galega de Esquerda pasa a ser a terceira formación en número de votos no concello do Carballiño, con 370 votos. Evidentemente, se sumamos os votos das dúas formacións, temos un aumento de 259 votos.

A revelación destas eleccións a nivel estatal, PODEMOS, consigue 218 votos, UPyD 107, e CompromisoXGalicia, 52 votos.

O avance dos partidos minoritarios é siñificativo, ao pasar de 219 votos en 2009 aos 714 que suman nestas eleccións. Tamén aumentan tanto o número de votos en blanco -154 fronte aos 51 de fai cinco anos- e os votos nulos, que foron 149 fronte aos 44 de 2009.

A participación descendeu no municipio do Carballiño, xa que no ano 2009 votaron 5.684 persoas. Desta vez, fixerono 5.201 electores.

Consideran que os socialistas carballiñeses non son os máis indicados para dar leccións de ética a ninguén porque "durante 16 anos o que fixeron foi utilizar a moitos traballadores do concello nas campañas electorais".

O portavoz do Partido Popular, que compareceu acompañado polas concelleiras Pilar Caride e Purificación Alberte, constestou ás criticas feitas dende o Partido Socialista sobre diversos aspéctos da xestión municipal. Martín Nogueira indicou que "cando din que o concello do Carballiño despedíu xente porque era do PSOE están mentindo, ninguén se botou fora deste concello, sí é certo que houbo finalizacións de contrato e recortes de subvencións, o que si temos que facer é unha política responsable e velar pola economia do concello".

¿que un xuíz afirma que se despide xente por motivos ideolóxicos? -preguntouse o portavoz dos populares-  ´"pois está recoñecendo que moitos destes traballadores son do PSOE e outra pregunta sería entón ¿cómo entraron a traballar no concello? o que sí ninguén pode decir é que este grupo de goberno utilizou a traballadores da comarca para traballar nas campañas electorais ou mesmo como interventores nas eleccións", manifestou.

Referíuse tamén aos procedementos de selección, tanto nos concursos para adxudicar postos de traballos como nos obradoiros de emprego, "hai circustancias personais dos aspirantes que non deben desvelarse, pero sí podemos recordarlles como seleccionaban os socialistas os alumnos para as escolas-taller". Mesmo recordou como tanto Francisco Fumega como o exalcalde Carlos Montes foran contratados como directores "supoño que polos seus méritos".

De forma concreta, o portavoz do Partido Popular relatou o caso da praza de educadora de servizos sociais "si unha educadora vai impartir clases de tmantemento para persoas maiores parece lóxico que sexa titulada en educación física".

Finalmente, Nogueira respondeu a Nogueira. Martín Nogueira reprochoulle a Adolfo Nogueira - o concelleiro socialista- a súa xestión na asociación de comerciantes do Carballiño "non é Adolfo o máis indicado para dar leccións de moralidade e transparencia", subliñou.

O PSdeG denunciou hoxe as prácticas “caciquís e clientelares” do Goberno municipal do PP, ao convocar unha praza a medida para educadora de servizos sociais. Un feito que enmarcan na “desastrosa e pouco transparente política de contratacións que está a realizar o goberno de Marnotes”, que está a converter o Concello “nunha sorte de Deputación de Ourense, onde só traballan os familiares e amigos do PP”.

 No caso da praza de educadora de servizos sociais, os concelleiros Adolfo Nogueira e Iolanda Otero afirmaron que se pedían “especificidades sospeitosas, que non son necesarias para este posto, como o título de educación física, entre outros”.

 Ante a evidencia de que os requisitos da convocatoria estaban feitos para esa persoa en concreto, o 15 de abril, semanas antes de coñecerse o resultado do concurso, os socialistas rexistraron ante notario un documento no que deixaban constancia de a quen se lle ía adxudicar a praza, con nome e apelidos.

 “Trátase dunha certificación ante notario a xeito testimonial, simplemente para que quede constancia de que, á vista dos requisitos da convocatoria, era evidente que a praza estaba feita a medida”, explicou o concelleiro.

 Sinalou que esta persoa xa traballou para o Concello contratada pola Deputación provincial, e que a petición de títulos que non son necesarios para desenvolver este traballo é un xeito de colocala nese posto. “Isto cuestiona os principios de igualdade, mérito e capacidade que ten que ter todo concurso público” e fixo que moitas persoas xa nin se presentaran, apuntou Nogueira.

Non é a primeira vez que os socialistas denuncian a falla de transparencia nas contratacións municipais, xa que algo similar aconteceu coa praza de auxiliar da Biblioteca Municipal “onde houbo unha serie de irregularidades, dando puntos a quen non lle  correspondía e que tivo que ser denunciado polas aspirantes ao posto, e para que ao final a praza fose para unha persoa que ía nas listas do PP en Castro Caldelas”.

“Sen cuestionar a capacidade laboral destas persoas, é moi sospeitoso que en todos os procesos os que quedan coa praza teñan relación co PP”, sinalaron. Denunciron ademais que a oposición non só non participa en ningún tribunal de contratación, senón que non conta tampouco con documentación sobre o mesmo “como aconteceu co obradoiro de emprego, onde o Concello non nos facilitou nin un só documento do proceso, e que teremos que acabar pedindo no xulgado”.

“O Goberno de Marnotes leva a cabo unha política laboral desastrosa, que só vale para darlle traballo aos afíns ou para deixar tirados a traballadores mentres se lle prometen cousas que non se cumpren”, afirmaron. Puxeron como exemplo os traballadores do matadoiro “que seguen á espera de que tras os anuncios rimbombantes haxa algunha solución real para a súa situación”.

Lembraron tamén o caso de Protección Civil, xa que “a pesar das promesas do alcalde, a maior parte das contratacións feitas corresponden ao goberno socialista, mentres que O Carballiño segue a agardar polo parque de bombeiros que non se sabe cando estará en marcha e polo tanto cun servizo de seguridade que é insuficiente en caso dunha emerxencia”.

O mesmo coa Residencia do Tempo Libre, que soamente abriu uns meses para albergar ao equipo de rodaxe de A Esmorga, ou a Residencia do Cornuval, que ía xerar 80 postos de traballo e que segue pechada despois de investir máis de 5 millóns de euros nas instalacións.

A concelleira Iolanda Otero tamén resaltou que “a política laboral do Concello cambia moito cando se trata de traballadoras como as de axuda no fogar que cando se trata de reubicar a traballadores da deputación”.

Apuntou que “non se pode privatizar un servizo e deixar ás traballadoras en mans da empresa privadas” e acusou a Marnotes de “desentenderse da protección dos dereitos sociais e laborais das traballadoras”.

Dende o mes de Febreiro o servizo está únicamente cuberto por voluntarios "que chegaran a un acordo co concello para realizar gardas as 24 horas e cobrar dietas, pero a dia de hoxe aínda non percibiron un euro, polo que deixan de prestar o servizo", advirten.

O BNG demanda ao alcalde que dote a O Carballiño dun servizo de emerxencias dacorde a entidade do municipio, ademáis de "esixirlle a inmediata apertura do Parque de Bombeiros, unha vez que remataron as obras de construcción do edificio fai xa varios meses".

Os alcaldes da comarca manifestaran no pasado mes de marzo o compromiso de apoiar a proposta do rexedor municipal carballiñés para a creación dun servizo de Protección Civil de ámbito comarcal. Marnotes anunciara daquela que se levarían a cabo xestións coa Deputación e Xunta para buscar financiación para este servizo e comprometera o apoio municipal para fixar unha partida económica nos orzamentos de 2014 para destinar unha subvención específica a Protección Civil para o pagamento de axudas aos voluntarios.

A Praza Maior do Carballiño foi o escenario dun acto público organizado pola Mesa pola normalización lingüística do Carballiño - O Ribeiro. Xentes de todas as idades, nenos, novos e maiores participaron nesta xornada, unidos pola nosa lingua.

Bando Municipal das Letras Galegas.

O concello do Carballiño publicou un Bando con motivo desta celebración, que pode verse nos edificios públicos, nos centros de ensinanza e nos locais das asociacións veciñais.

Exposición da vida e obra de Diaz castro.

Tratase dunha mostra dedicada ao escritor homenaxeado este ano no dia das letras galegas, cedida pola Secretaría xeral de Política Lingúística. Podemos vela nas escaleiras da casa do concello carballiñés.

Concurso de cuñas radifónicas

O Alumnado carballiñés de secundaria tivo ocasión de participar nun concurso de cuñas radiofónicas, co que colabora COPE O Carballiño, e no que se promove a reflexión sobre a lingua galega e sa súa valoración positiva entre a xuventude.

Os tres veciños do pobo de Santiso, que foron evacuados, xa regresaron as súas vivendas. O incendio deuse por controlado esta pasada madrugada.

O lume iniciouse, por causas descoñecidas, ás 14,40 horas en montes da parroquia de Reádigos, no concello do Irixo. O operativo desplegado está integrado por 9 brigadas, 3 motobombas, 3 helicopteros e 4 avións, coordenado por 1 técnico e 2 axentes forestais. A superficie afectada é de 57 hectáreas.

A Xunta recorda que está a disposición da cidadanía o teléfono 085, ao que debe chamarse no caso de detectarse lume forestal.

O CPI Terras de Maside do concello  de Maside acolle desde esta semana o proxecto Enredando, artesanía na escola, unha iniciativa impulsada pola Consellería de Economía e Industria a través da Fundación Centro Galego da Artesanía e do Deseño que ten por obxectivo achegar aos máis novos os oficios artesanais, contribuíndo así á promoción e posta en valor do sector artesán galego.

Dentro deste proxecto, hoxe presentouse no centro educativo ourensán a unidade didáctica O Gremio da seda, na que o alumnado participará no proceso de produción da seda, desde a cría e evolución dos vermes ata a extracción desta para a confección do fío na seguinte fase.

A actividade, na que os alumnos continuarán a traballar o curso que vén, chegará nas próximas semanas a un total de 16 centros educativos de toda Galicia. Na comarca do Carballiño celebrarase, ademais de en Maside, no CEIP de Beariz, no CEIP Virxe da Pena da Sela no Irixo e no CEIP Eulogio Gómez Franqueira en San Amaro.

Enredando, artesanía na escola conta tamén cunha unidade didáctica centrada na elaboración e encadernado de papel, Do papel ao libro, para alumnado de 3º ciclo de primaria e 1º ciclo de secundaria, cuxa segunda tempada continúa desenvolvéndose en diferentes centros educativos.

Os principais obxectivos deste proxecto, que conta coa colaboración da Consellería de Cultura, Educación e Ordenación Universitaria, son concienciar a sociedade do valor do produto feito á man así como presentarlle aos rapaces e rapazas que a artesanía pode ser tamén unha boa alternativa para o seu futuro laboral; atallar o problema da falta de relevo xeracional nos oficios máis tradicionais promovendo o desenvolvemento da artesanía galega a través da formación de futuros artesáns creadores; e amosar á sociedade o valor engadido da artesanía en canto á súa creatividade, patrimonio cultural e tradición.

Os 3 grupos políticos municipais presentaron e votaron a súa propia moción contra a supresión do Partido Xudicial, aínda que non foron capaces de chegar a un acordo que implique un respaldo institucional conxunto.

A única das tres mocións aprobada polo pleno foi a do Partido Popular, que contou co apoio dos socialistas. Os tres grupos, PP. PSdG, e BNG, coinciden en posicionarse en contra da desaparición do Partido Xudicial do Carballiño, pero as diferencias entre os tres grupos e sobre outros aspéctos do Anteproxecto Lei do Poder Xudicial impediron un pronunciamento conxunto.

Onde sí houbo unanimidade foi na moción socialista para posicionarse en contra do aumento do IVE para perruquerías e florerías, que pasou do tipo reducido do 8% ao xeral do 21%. Tamén, por unanimidade, o pleno aprobou unha proposta do BNG para apoiar as reinvindicacións dos emigrantes retornados, aos que a Axencia Tributaria impuxo sancións económicas por obrigas tributarias non satisfeitas.

Pola contra, o grupo maioritario rexeitou a moción do BNG sobre o apoio a ILP de medidas para a creación de emprego en Galicia, e outra do grupo socialista na que se pedía a rescisión do contrato coa empresa concesionaria do servizo de axuda no fogar. O Partido Popular propuxo, no seu lugar, a creación dunha comisión municipal de seguimento do contrato asinado coa empresa.