Política

O portavoz municipal do PSdeG, Francisco Fumega, lembrou que o grupo de emerxencias (GES) foille denegado ao Carballiño por ter concedido un parque de bombeiros, e que mentres este non entre en funcionamento “estamos desprotexidos ante calquera emerxencia”.

Salientou que xa hai ano e medio os socialistas presentaron unha moción, aprobada en pleno, para crear un grupo de traballo a nivel comarcal que buscase solución a esta situación pero “o alcalde non deu ningún paso dende entón, ou se presentou algunha proposta ante a Xunta non lle fixeron caso”.

Por elo, os socialistas sinalan que “ante a inactividade e ineficacia do grupo de goberno do Carballiño” tomarán a iniciativa, coa colaboración dos alcaldes de Piñor e Maside, e convidarán a todos os alcaldes da comarca a constituír unha mesa de traballo e valorar as opcións.

“Non podemos seguir nesta situación, porque se acontece algunha emerxencia estamos desprotexidos, polo que esiximos ao alcalde do Carballiño que se centre nos problemas da cidadanía, e mais neste caso que falamos de seguridade”, apuntou Fumega.

O alcalde de Piñor, Francisco Fraga, considerou “inxusto e arriscado” que mentres non haxa un parque de bombeiros non se manteña un grupo de emerxencias xa que “se sucede algún incidente quedamos desprotexidos”. Por elo, apostou por “facer forza” entre todos os concellos afectados. 

Explicou que a concesión do parque de bombeiros no Carballiño non é incompatible coa necesidade dun GES, que podería estar situado nun concello limítrofe. Destacou que así acontece por exemplo no Ribeiro, que será beneficiario do parque de bombeiros que estará no Carballiño, pero que ademais conta con un GES e un grupo de emerxencias mancomunado.

Salientou que “ata o de agora a comarca beneficiouse do gran traballo realizado polos voluntarios” pero incidiu na necesidade dun GES “que atende emerxencias que non son incompatibles co servizo de bombeiros” polo que defendeu que “a nosa comarca debería contar con ambos”.

Fraga apuntou que O Carballiño, como cabeceira de comarca, debería liderar esta iniciativa, pero vendo que dende hai ano e medio non se deu ningún paso adiante “nos estamos dispostos a facelo, e tomar a iniciativa de poñer en marcha canto antes un grupo de traballo  e unir esforzos de todos os alcaldes, independentemente da cor política, e poñernos mans á obra”.

A concelleira do BNG, Áurea Francisco Lorenzo, anuncia que trasladará ao pleno municipal do Carballiño o apoio a esta ILP que propón 100 medidas para a creación de emprego.

O BNG do Carballiño apoia esta campaña e as medidas presentadas pola central sindical e defenderá no pleno do Concello esta iniciativa na que se solicita á corporación municipal manifestar o seu apoio sobre a ILP e animar á veciñanza do concello a animar a asinar a proposta.

A voceira do BNG , Aurea Francisco salientou 'a gran sintonía do BNG coa CIG e coas propostas e as medidas para a creación de emprego que a central sindical quere trasladar para o seu debate nos concellos e no parlamento' engandido que para o BNG a prioridade é o emprego, 'con cada día máis recortes e ataques aos dereitos sociais a falta de emprego empurra a moitas persoas a situacións límite, a moita mocidade á emigración e á nosa cidade a unha situación alarmante, todo o que sexa traballar para pór en marcha mecanismos e medidas que permitan crear emprego de calidade contará co apoio do BNG' indicou.

O levará a pleno o apoio a esta ILP e a medidas para axudar a sentar as bases dun desenvolvemento económico e social máis sustentábel e que suporían un aumento do emprego e unha mellora de dereitos sociais e de calidade de vida para a maioría da poboación "a través doutra política fiscal, do incremento do gasto social, do investimento público, da creación de entidades financeiras públicas ao servizo da cidadanía e de políticas que constrúan unha sociedade máis xusta e democrática", remarcou.

Os socialistas lembran que cando pechou o matadoiro o alcalde comprometérase "a abrir novamente en pouco tempo".Sinalan que dende entón “todo foi unha sarta de mentiras e promesas incumpridas”.

Afirman que o único que fixo o alcalde en todo este tempo foi “darlle largas aos traballadores e carniceiros e xogar co pan da xente que está agardando dende hai 18 meses por unha solución”.

 Apuntan que o último compromiso de Marnotes foi o anuncio da posta en marcha do matadoiro a través dun convenio co Clúster da Carne, asinado a finais do pasado ano. “Segundo anunciou o alcalde, en tres meses o matadoiro estaría funcionando, o que supón un novo incumprimento porque polo de agora nada se sabe desa reapertura, e os traballadores e carniceiros están cada vez máis preocupados”.

“Mentres Marnotes vai de incumprimento en incumprimento e de mentira en mentira, as instalacións do matadoiro están cada vez máis deterioradas e abandonadas, sendo incluso cortado o subministro eléctrico hai unhas semanas”, denuncian.

O documento elaborado polo equipo redactor estará "a disposición de todos os veciños para que poidan presentar suxestións" antes de proceder á aprobación do avance incial.

"Queremos facer un exercicio de transparencia na elaboración dun proxecto que é vital para o futuro do Carballiño, por eso antes da aprobación inicial, e de que se abra no seu momento o periodo de alegacións, pensamos que podemos adiantar moito se antes xa incorporamos todas esas propostas no documento que se remitirá despois á Xunta, tratase de que todos os veciños vexan de forma concreta como lles afecta o plan, e poidan facer suxerencias tanto a nivel particular como daquelas outras cuestións a nivel xeral", indicou o alcalde do Carballiño no transcurso da súa intervención nesta emisora de radio.

Marnotes avanzou que "tan pronto teñamos o documento do equipo redactor, e pode ser en cuestión de dias, facilitarémos o documento en formato informático a todos os interesados e abrirémos un periodo de catro ou cinco meses para a presentación de suxerencias, que se estudiarán en cada caso, e esto nada ten que ver coa tramitación que logo deberá seguirse cando se abra o periodo de alegacións, é unha decisión deste grupo de goberno, involucrar á cidadanía neste futuro Plan".

Tamén anunciou que se promoverán charlas informativas sectoriais co equipo redactor, cos grupos políticos, asociacións veciñais, promotores "e incluso queremos levar estas charlas ós institutos, porque nos parece importante que os máis xóvenes se involucren no Carballiño do futuro, que a fin de contas, será o deles", subliñou Marnotes.

O Carballiño ten, por imperativo legal, a obriga de adaptar o seu Plan Xeral á vixente L.O.U.G.

O documento elaborado polo equipo redactor prevé acadar unha edificabilidade máxima de 3.593.886 metros cadrados, unha superficie que reduce a edificabilidade do actúal PXOM en vigor no municipio dende o ano 1999.

A edificabilidade máxima necesaria para o futuro prográmase con 13 sectores de solo urbanizable, situado no entorno do núcleo urbano. Suporía poder contar no termo municipal para o ano 2.027 entorno ás 20.000 vivendas, entre as xa existentes e as de nova contrucción.

As zonas verdes acadarán unha superficie de 306.734 metros cadrados, moi superior á mínima necesaria que establece a L.O.U.G, que é de 233.608 metros cadrados.

No que respecta aos núcleos rurais a edificabilidade estimada para o núcleo rural hsitórico tradiconal é de 192.600 metros cadrados e para o núcleo rural común é de 389.928 metros cadrados.

"Se resultan certos os documentos que o xefe da empresa 5 Jotas presentou nun xulgado de Vigo" confirmase que todo foi unha montaxe política do alcalde de Cea e do PP de Ourense en beneficio propio", afirma o concelleiro socialista Guillermo Dopazo.

O rexedor municipal, José Luis Valladares, deberá pasar polo xulgado nº 1 do Carballiño no vindeiro mes de abril, para prestar declaración como imputado nun presunto delito de suborno, do que foi acusado por José Manuel Costas, o empresario do fallido proxecto industrial que ía a situarse en Cea e que está procesado por un delito de fraude fiscal. Valladares negara, no seu dia, todas as acusacións e anunciara a presentación dunha querela, despois de transcender que o citado empresario manifestara que o alcalde lle pedira "diñeiro negro" para escriturar a nome da empresa os terreos do parque empresarial do Fonde de Cea.

Os socialistas esixen explicacións por parte do Partido Popular e consideran que "estamos ante una caso gravísimo de corrupción política, que supón a dimisión inmediata do alcalde e do secratario do concello".

Os socialistas lamentan a “absoluta desidia amosada polo concelleiro” que non tramitou unha subvención autonómica para as Xociviga.

O PSdG refírese ao titular do departamento municipal de cultura, Rodrigo González,quen nunha entrevista recente nun medio de comunicación recoñecía que a convocatoria de axudas lles collera “un pouco fora de xogo” por publicarse o 31 de decembro e que non se enteraron ata o 7 de xaneiro.

 “Estas declaracións amosan o escaso interese do responsable da área de cultura polas actividades culturais dese pobo, xa que tarda unha semana en coñecer a convocatoria de axudas”, sinalan.

Nesta mesma entrevista, recalcan dende o Partido Socialista tamén manifestaba o concelleiro que “había un proxecto feito, pero que finalmente non se presentou porque un dos puntos da orde de axudas especificaba que non se podía subcontratar”. Os socialistas critican que este sexa o motivo para renunciar a unha subvención xa que podería cambiarse o esquema de organización se o concelleiro se preocupase en coñecer con tempo suficiente a convocatoria.

“Parece que ao Concello do Carballiño lle sobrasen os cartos para deixar escapar así as subvencións” critican os socialistas, á vez que lamentan que “en lugar de tentar reforzar esta actividade e atraer máis xente, a área de cultura demostra que lle da igual, que non ten ningún interese”.

Por elo, os socialistas consideran que “dentro do descontrol, o caos e a desidia que impera no Concello do Carballiño, a Concellería de Cultura é o paradigma”, o que se reflicte tamén “no descontento e na preocupación dos colectivos culturais ante o desinterese que amosa o grupo de goberno por eles e polas súas actividades”.

“O Concello só se dedica a subir taxas para recadar máis, pero non fai investimentos nin melloras para O Carballiño”. Mentres,  “temos un alcalde máis preocupado en resolver cuestións persoais relacionadas coa Xustiza que en defender a cultura, os servizos públicos e a calidade de vida dos cidadáns”.

O mesmo desinterese - prosiguen os socialistas nas súas criticias,  "é o que amosa o Concello coa Biblioteca Municipal, que leva tres meses practicamente pechada á espera de cubrir a praza de bibliotecario". Unha situación “vergoñenta” para  O Carballiño que merece “un servizo bibliotecario en condicións, cun horario axustado ás necesidades dos usuarios e cunha inversión axeitada en modernización e actualización de fondos, e, como mínimo, un servizo de atención ao público”.

Lembran tamén as queixas dos usuarios polo mal estado das instalacións, con humidade, goteiras, mal funcionamento da Wi-fi, falla de fondos bibliográficos e por enriba, cun sistema de calefacción que durante meses estivo estragado.

A comparsa "Alí Babá" dos Arrieros de Dacón levouse o primeiro premio do concurso, o segundo foi para "As chicas do 600" de Crecente, mentres que "O Xardín Encantado" da asociación O Castro de San Amaro quedouse co terceiro premio. O cuarto premio correspondeu ao Fénix da Asociación Lumareda. O Xurado outorgou o quinto premio aos Caníblaes dos Azucarados de Maside, e o sexto premio aos Trangallás do Irixo.Tamén foi distinguida a comparsa do colexio Vila do Arenteiro, como a de mellor animación.

O desfile foi seguido por miles de persoas, dende a Policia Local do Carballiño vironse desbordados pola gran afluencia de público e de vehículos, moitos deles tiveron que aparcar nas aforas do Carballiño "fixemos un operativo coas previsiós de outros anos, pero vimonos desbordados", subliñou a esta emisora de radio o responsable da Policia Local, Francisco Valeiras.

Folións de entroido e charangas amenizan esta xornada festiva. Á hora do xantar a celebración trasladase aos 20 restaurantes do Carballliño que sirven o cocido da Cachucha e dende as seis da tarde sairá o gran desfile das comparsas que participan no concurso aplazado o pasado martes.

Xa a partir das oito da tarde, completará a programación da Festa da Cachucha a actuación da Orquestra La Oca, na Praza Maior, onde será a entrega de premios do concurso de comparsas.

O tempo acompaña, temos un dia absolutamente primaveral no Carballiño, o que está contribuindo a animar o ambiente festivo.

Eran os aforros de toda a vida deste carballiñés, que emigrou con 15 anos de idade, e ao que Bankia colocou obrigacións subordinadas no ano 2009. Agora, unha sententencia, que xa é firme, do Xulgado nº 1 do Carballiño condena a Bankia á devolución do diñeiro e imponlle o pagamento das costas do procedemento xudicial.

A avogada carballñesa Rita Alén explicou a COPE O Carballiño que a sentencia ordena "a nulidade do contrato de suscripción, ao entender que Bankia non fixo unha correcta comercialización do producto contratado, que vendeu como seguro e non de risco".

Recolle a sentencia que o conxunto documental aportado pola entidade non é suficiente para acreditar que suministrou ao cliente unha información clara e precisa cando lle ofreceu este producto no ano 2009, comunicandolle que a liquidez sería inmediata cando en realidade o vencemento do contrato fixabase no ano 2019. Tamén fai referencia a situación persoal deste emigrante "sen estudos, que non era un inversor, senón un simple aforrador".

Durante unha visita ao parque, o titular da Xunta indicou que San Cibrao de Las contou cun investimento total de 10 millóns de euros, e coa achega do Ministerio de Fomento, con cargo ao 1% cultural, para a construción do Centro de Interpretación. Abre as súas portas este próximo sábado 8 de marzo.

Na súa intervención, Feijóo destacou o traballo realizado pola Xunta para a posta en valor desta construción castrexa que xa foi obxecto da atención de investigadores hai case un século: nos anos 1922 e 1925, por parte de Florentino López Cuevillas; en 1948-1949 por parte de Xaquín Lorenzo Fernández, na década dos 80-90, con actuacións baixo o amparo do Museo Arqueolóxico de Ourense, e con escavacións en datas máis recentes. Nos últimos anos, o Goberno galego decidiu darlle un novo pulo, un impulso “definitivo” a este xacemento, desenvolvendo diversas actuacións encamiñadas á súa recuperación, protección e conservación; facilitando o seu estudo por parte dos investigadores; e favorecendo a súa visita, para facer extensivo o seu coñecemento a todos os públicos.

Construíuse un Centro de Interpretación, proxecto dos arquitectos Carlos Martínez González, Carmen Ruiz Alarcón e Ángeles Santos Vázquez, que dispón de máis de 3.000 metros construídos, alberga unha exposición permanente da cultura castrexa, permite a realización de exposicións temporais e conta con aulas didácticas, espazo para traballo dos arqueólogos e zonas de investigación e documentación. Un centro cuxa dirección técnica a Xunta acaba de atribuír ao Museo Arqueolóxico Provincial de Ourense, a través da sinatura dun acordo, que tamén prevé o traslado de pezas arqueolóxicas deste museo a San Cibrao de Las, aínda que ditas pezas continuarán adscritas ao Museo Provincial.

Xunto co centro de Interpretación, tamén se creou un circuíto de visita para posibilitar o acceso ao elemento máis valioso do parque: o xacemento arqueolóxico. Algo que, segundo lembrou Feijóo, permite complementar os coñecementos que o visitante adquire no Centro de Interpretación e favorecer o descubrimento in situ dun dos maiores poboados castrexos de Galicia.

Aproveitamento para investigadores e turistas
O presidente da Xunta incidiu en que se trata dun “tesouro arqueolóxico” que o Goberno galego impulsou para que sexa “coñecido e aproveitado por todos”. Por unha banda, polos investigadores, ao converter San Cibrao de Las nun centro de coñecemento e estudo da herdanza castrexa de referencia obrigada para os especialistas da Península. E, por outra, polos cidadáns, xa que o perímetro amurallado e a conformación interna das estruturas de habitación permiten ao visitante unha boa comprensión do xacemento.

“San Cibrao de Las revélase, pois, como revulsivo para os investigadores”, como motor dinamizador de estudo, documentación, coñecemento e difusión da cultura castrexa; pero tamén como “revulsivo turístico”, dixo Feijóo, argumentando que o centro será capaz de atraer visitantes de diferentes puntos da xeografía que desexen coñecer dunha forma didáctica a riqueza da nosa terra, situando o patrimonio artístico galego como excelente dinamizador –xunto co termalismo ou a enogastronomía- desta comarca, da provincia de Ourense e de Galicia enteira.

Destacou, ao respecto, que este xacemento de San Amaro e Punxín é un enclave verdadeiramente “privilexiado”, tanto desde o punto de vista do emprazamento –un lugar elevado desde o que poder divisar amplamente os vales que rodeaban o poboado, mantendo contacto visual con outros castros próximos e ao carón de terras fértiles e de fácil cultivo-; como polas súas características –é unha edificación da etapa final da cultura castrexa, moi influído xa polo proceso de romanización, con ocupación continuada desde o século II a.C. ata o século II; pola súa extensión –o parque conta cunha superficie aproximada de 20 hectáreas, 10 delas de escavación; e tamén pola súa monumentalidade e boa conservación.

Declaración BIC e Rede Galega de Patrimonio Arqueolóxico
Feijóo explicou que o Parque Arqueolóxico da Cultura Castrexa de San Cibrao de Las está incluído no Inventario do Patrimonio Cultural de Galicia e prevese que, este mesmo ano, a Consellería de Cultura, Educación e Ordenación Universitaria incoe a súa declaración como Ben de Interese Cultural, coa categoría de Zona Arqueolóxica.

O Parque da Cultura Castrexa intégrase, ademais, na Rede Galega de Patrimonio Arqueolóxico, un modelo de protección global que a Xunta vén impulsando nos últimos anos para a posta en valor e a difusión do patrimonio; e unha rede que, segundo afirmou Feijóo, concibe os xacementos, non como entes illados, senón como parte dun todo.