Política

O DOG publica hoxe o Plan de Conservación do Espazo Natural de Interese Local do Puzo do Lago, no Concello de Maside, que se converte no primeiro declarado definitivamente na provincia de Ourense e no terceiro en Galicia.

O interese natural do ENIL Puzo do Lago radica na súa diversidade vexetal con especies autóctonas que xunto ao resto de fauna, flora e patrimonio arqueolóxico entre outros aspectos, configuran un conxunto paisaxístico de 30,60 hectáreas merecedor dunha protección especial que o ampare e o conserve, ademais de rexenerar os valores degradados pola actividade humana.

Entre os valores naturais deste espazo destacan unha lagoa artificial que representa un importante ecosistema de humidal conservador; a presenza da vexetación máis característica de Galicia, a carballeira atlántica; é un área que presenta un alto valor arqueolóxico, ao albergar un exemplo de explotación mineira da época romana.

Tendo en conta todos os valores naturais, culturais, estéticos e científicos do lugar, o Goberno autonómico aproba este documento co fin de establecer un modelo de xestión que alcance os obxectivos de conservación e faga compatibles os usos tradicionais e públicos. Deste xeito, a través de directrices axeitadas se regularán e harmonizarán as competencias que realice a Administración, o uso privado, así como as distintas actividades que se desenvolvan dentro deste espazo natural.

As determinacións do presente Plan de Conservación entrarán en vigor o día seguinte da súa publicación no DOG, e continuarán en vigor ata que non se revise o Plan polo cambio significativo e suficiente das circunstancias ou criterios que determinaron a súa aprobación. En calquera caso, a falta de modificacións excepcionais, deberá revisarse pasados 5 anos.

A figura do ENIL
A Lei de Conservación da Natureza (Lei 9/2001, de 21 de agosto) define os espazos naturais protexidos como aqueles que conteñan elementos ou sistemas naturais de particular valor, interese ou singularidade, tanto debido á acción e evolución da natureza como derivados da actividade humana, e que fosen declarados como tales.

O Espazo Natural de Interese Local (ENIL) é unha das categorías nas que se clasifican estes espazos naturais protexidos. A súa declaración é competencia da Consellería de Medio Ambiente, Territorio e Infraestruturas, mentres que a xestión é responsabilidade municipal.

O orzamento do novo proxecto de Obradoiro intermunicipal ascende a 300.000 euros, dos que os 3 concellos deberán aportar 43.000 euros. Durante seis meses dará traballo e formación a 39 desempregados dos tres municipios.

O novo obradoiro contará con catro módulos, dos que dous actuarán no concello do Carballiño -albanelaría e carpintaría- e os otros dous en Boborás e San Amaro, respectivamente. Ademáis do alumnado, completarán o cadro de persoal un director, cinco profesores-monitores e un administrativo.

No caso do concello carballiñés, os traballos centraránse fundamentalmente na recuperación do patrimonio etnográfico nas parroquias de Mudelos, Seoane e Arcos, e na mellora dos accesos ao cemiterio de Señorín.

No concello de San Amaro acometeráse a reforma da antiga escola da parroquia de Anllo. No concello de Boborás a actuación prevista é a recuperación e acondicionamento dunha ruta de sendeirismo.

Escoita a entrevista a Argimiro Marnotes no programa "A mañá de COPE O Carballiño" referíndose á súa imputacion na operación Pokémon.

Asi se propón no plan estratéxico de termalismo impulsado pola Xunta e Deputación para a provincia de Ourense. A residencia carballiñesa ofrecerá entre as súas prestacións futuras aloxamento para "un recorrido termal" polo Bañiño de Arcos, os balnearios do Carballiño e Partovia, a Rañoa de Maside e as augas de Brués.

O documento, presentado polo presidente da Xunta, Alberto Núñez Feijóo, tamén recolle outras actuacións no ámbito da comarca do Ribeiro, como son as vilas termais de Berán e Laias. Feijóo referíuse ao proxecto como "unha folla de ruta que permitirá á provincia de Ourense blindar o seu liderado no termalismo".

O investimento en todo o ámbito provincial, no coxunto das preto de cen actuacións previstas, acada os 94 millóns de euros. Desa cantidade, o 45% corresponde ás aportacións do sector privado e o resto -55%- de carácter público, que se financiarán con aportaicóns da Unión Europea no marco do novo reparto de fondos 2014-2020.

O grupo municipal socialista solicitará a convocatoria dunha sesión extraordinaria da corporación municipal do Carballiño, a fin de que o alcalde Argimiro Marnotes "dea explicacións e diga a verdade sobre a súa imputación na Operación Pokémon".

Tras o levantamento do sumario desta investigación xudicial os socialistas consideran que "Marnotes mentíu aos cidadáns na súa declaración tras coñecerse a imputación, daquela Marnotes afirmara que a súa relación con Vendex limitabase á decisión de suspender o concurso de concesión da ORA".

Pola contra, remarcan dende o grupo socialista, o Servizo de Vixianza Aduaneira -asi se recolle no sumario-  realizou unha reportaxe fotográfica sobre a visita de traballadores dunha empresa vinculada ao grupo Vendex á casa do alcalde, onde presuntamente realizaron traballos de xardineiría co obxetivo de "gañar a confianza do alcalde e asi obter un futuro contrato".

Tamén fan referencia aos diviersos contactos telefónicos con directivos da empresa "nos que se comprometía a elaborar un presuposto para o mantemento do parque municipal e da limpeza viaria e aludiase á futura concesión dun servizo público".

Finalmente, os socialistas afirman que as explicacións dadas no seu dia polo allcalde non se sosteñen á vista do que se recolle no sumario e "xa que no seu dia negouse a dimitir, esiximoslle agora que dea a cara e diga a verdade, que explique estes fieitos e senón é capaz de facélo, que se marche".

Ademáis, o concello anuncia que a Xunta procederá ao asfaltado da rotonda da Alameda e a Avda. Julio Rodríguez Soto. Trala execución dos traballos, a Xunta cederá a titularidade ao concello do Carballiño.

Dende a concellería de obras explican que "para comezar os traballos é necesario que se sucedan varios dias sen choiva, xa que do contrario sería tirar co diñeiro e perder o tempo".

Unha vez o permitan as condicións meteorolóxias, o concello carballiñés espera que se inicien as actuacións que se farán por medio do convenio asinado coa Deputación para a conservación e acondicionamento da rede viaria local "son 100 kilómetros de vias de titularidade municipal, tal como se recolle no inventario que estivemos realizando, unha ferramenta que ata agora non existía no concello".

A maiores, por medio do plan MARCO investiránse 50.000 euros nas localidades de Paradela, Mesego, Sagra, Señorín e A Gouxiña.

No Plan Provincial de 2014, cun orzamento de 70.000 euros, incluiránse actuacións en Trigás, Boedes, Cabanelas e na rúa Serra Martiñá.

Finalmente, por medio do Plan PEIM, melloranse os accesos en A Reguenga, cemiterio de Señorín, e camiños en Mesego e Seoane.

Os populares aseguran que o rexedor socialista non respeta as datas dos plenos e non facilita os expedientes solicitados pola oposición, e tampouco a documentación da orde do dia.

O Grupo Municipal do PP de Piñor lamenta a grave obstaculización que está provocando o alcalde socialista á labor de oposición dos concelleiros populares,  quenes manifestan que “en Piñor estamos vivindo unha ditadura en toda regra por parte do Sr Alcalde, Francisco José Fraga Civeira”

Explican os populares que o rexedor socialista non convoca os plenos nas datas preestablecidas, facéndoo ao seu libre antoxo sen consultar siquera cos membros da Corporación. “Chegou a aprobar en pleno unha modificación do acordo tomado no pleno de organización de principio do mandato, que lle permite poñer o pleno nun rango de datas en función da carga de traballo e dos asuntos que teñamos para levar ao pleno”, sinalan dende o PP de Piñor.

Asimesmo, o Grupo Municipal do PP de Piñor alerta de que coa convocatoria dos plenos non adxunta a documentación correspondente aos puntos do orde do día. “En diversos escritos que lle remitimos por este motivo sempre contesta que non se nos entrega copia pero que está á nosa disposición para  que poidamos consultala. En ocasions excepcionais entrégasenos copia de algo puntual pero nunca toda a documentación que requerimos para poder realizar a nosa labor de fiscalización e análise da acción de goberno. Esto dificulta moito o noso traballo diario e provoca que non poidamos ter os expedientes para consultalos con máis detenimento para argumentar o noso sentido do voto en cada punto”, manifestan.

"A última falcatruada do alcalde consistiu en que o Grupo Municipal do PP presentara as alegacións ao presuposto municipal e non as levou a pleno. É dicir, saiu a aprobacion definitiva no BOP cando aínda non lles contestara ao escrito dos populares no que lles comunicaba que non as admitía", aseguran dende o Partido Popular.

Por toda esta situación de bloqueo constante á labor de oposición do Grupo Municipal do PP, os populares porán estes feitos en coñecemento do Valedor do Pobo, elevando esta queixa formal dado que "é un ataque frontal contra representantes lexítimos dos veciños e veciñas de Piñor que depositaron a súa confianza no Partido Popular nas pasadas eleccións municipales" (476 votos acadou o PP fronte ós 516 do PSOE).

Os socialistas lembran que xa no ano pasado o Concello prorrogou os orzamentos do exercicio anterior.

Auguran que “a intención do goberno municipal e volver a facelo este ano”. Consideran “inaudito” que un goberno con maioría absoluta sexa “incapaz de sacar adiante uns orzamentos”. Recalcan que "non se entende que un goberno con maioría absoluta, que non ten ningún impedimento para facelo, non teña presentado a estas alturas os orzamentos para este ano"

Para os socialistas, a nova prórroga dos orzamentos sería un exemplo máis da “desidia e inacción que caracteriza ao goberno municipal que preside Argimiro Marnotes, quen anda máis ocupado nos seus asuntos persoais, imputación incluída, que nas cuestións que afectan aos cidadáns”.

Consideran que o goberno municipal “condena ao Carballiño a unha parálise absoluta, xa que os orzamentos son necesarios para unha axeitada xestión dos recursos económicos dos que se dispón, así como para a xeración de novas inversións, execucións das previstas, e para optar a subvencións”.

Esixen por elo a Marnotes que, “ao igual que se deu presa para aprobar as Ordenanzas Fiscais e subir as taxas, presente dunha vez os orzamentos previstos para este ano”, xa que “os cidadáns teñen dereito a coñecer a qué se destinan os cartos que están a pagar a través das taxas municipais”.

“O goberno municipal estase a caracterizar pola súa avaricia recadatoria, na que os veciños teñen que pagar cada vez máis en impostos pero reciben cada vez menos beneficios”, apuntan.

Votaron os 24 comerciantes desta rúa  que estaban convocados a facelo, 16 fixerono a favor da peonalización e 8 en contra.

Desta maneira, con esta consulta en urna,  o concello resolve definitivamente esta polémica xerada durante os últimos meses.

Antes de executarse as obras, a maioria dos comerciantes eran contrarios á peonalización total, de feito daquéla acadarase un acordo para que a rúa estivese aberta ao tráfico en horario comercial. Agora, os responsables municipais -tal como pretendian dende un principio- logran o apoio da maioria dos comerciantes para decidir a peonalización da rúa.

O alcalde, Argimiro Marnotes, avanzara nesta emisora de radio que o resultado da votación sería vinculante. O concello procederá de inmediato á sinalización que indicará o carácter peonil de Curros Enríquez, no tramo que vai dende Conde Vallellano ata a Praza de San Ramón.

Neste programa  participan os concellos do Carballiño e Boborás, por medio da Fundación Antón Losada Diéguez.

Os socialistas sinalan que moitos pais de rapaces interesados neste programa de intercambio para estudiantes de secundaria, amosaron a súa preocupación ao non ter información sobre dito intercambio, e que tras consultar a Orenmore “descubrimos que tentaron poñerse en contacto co concello do Carballiño en numerosas ocasións pero atoparon a calada por resposta”.

Deste xeito “en Irlanda nin siquera saben cantas familias e estudantes estarían interesados en participar na nosa comarca, porque o concello non lles enviou nin un só dato. Alí, pola contra, xa teñen unha listaxe de familias interesadas, e seguen a progresión do estado do financiamento do proxecto, que finalmente recibiu unha negativa por parte das institucións europeas no tocante ás bolsas”.

 Aseguran os socialistas que as familias irlandesas están dispostas a seguir co proxecto de intercambio aínda sen contar coas axudas económicas, polo que os socialistas esixen ao grupo de goberno municipal que informe do estado das xestións realizadas e se poñan en contacto coas familias interesadas, facilitando o intercambio de información coa parte irlandesa.

Reclaman asímesmo ao concello que poña a maquinaria pública a traballar para procurar recursos que permitan a estes rapaces desenvolver este intercambio estudiantil e non deixalos sen esta magnífica oportunidade.

Afirman que “despois de que se anunciase a bombo e platillo esta oportunidade para os estudiantes da nosa comarca, non é lóxico deixar tirar a toalla e deixar esmorecer este proxecto sen buscar algunha solución”.