Política

Tratase dunha distinción implantada dende o curso pasado en 2º de bacharelato e que recoñece a aqueles alumnos cunha nota media igual ou superior a nove.

O equipo docente otorgou este distintivo as alumnas Lucía González Rodríguez e Sela Taboada Payo. Outra boa nova para o IES Chamoso Lamas é que a Unión Europea ven de conceder para o curso 2013-2014 cinco mobilidades ERASMUS para que estudantes do Ciclo Superior de Administración e Finanzas realicen prácticas en países da Unión Europea, sendo o instituto carballiñés dos poucos da provincia que recibíu ditas mobilidades.

Ademáis, o IES Chamoso Lamas solicitou o Proxecto Leonardo para o Ciclo Medio de Adminstrativo, e tamén a carta ERASMUS para o periodo 2014-2020.

O portavoz socialista volveu a referirse aos despedimentos de traballadores municipais, que considera son consecuencia da "persecución política no concello", manifestou.

Fumega cifrou en 140.000 euros "e pode ser máis porque algunhos casos están recurridos" o custo económico que representará para o concello carballiñés as sentenzas xudiciais condenatorias.

"Nos dous últimos anos, dende que Marnotes chegou á alcaldia O Carballiño ten un 35% máis de traballadores en paro, de cada cen carballiñeses e carballiñesas que tiñan traballo en 2011, 35 están agora no paro", asegurou Paco Fumega, que considera os datos como absolutamente demoledores.

Engadíu na súa comparecencia ante os medios que "o concello do Carballño está nunha parálise absoluta" e suxeríu que "Marnotes ten que deixarlle paso a outra persoa ou cambear radicalmente esta política errática, costosa, ineficiente e caciquil".

O Grupo Municipal Socialista de Leiro rexistrou dous escritos nos que instan ao alcalde a que atenda as necesidades do municipio.

Manuel Rodríguez, o portavoz socialista, lamenta "que non se tomen medidas para mellorar a  vida dos cidadáns, e denuncia as deficiencias que afectan ó concello, como as árbores que sobresaen do muro dun veciño a via pública de Gabino Bugaball que poñen en perigo os vehículos e os viandantes".

O Grupo Municipal Socialista critica que non se tomen medidas para arranxar a entrada principal da igrexa parroquial de Leiro na súa marxe dereita, coa calzada moi deteriorada,e na rúa Gabino Bugaball a altura do Centro de Saúde, onde estanse a levantar numerosas lousas da beirarrúa.

Por último o portavoz socialista pon de manifesto "a falta de preocupación do alcalde que chega a extremos  de deixar a un único veciño do núcleo de Barro sen luz",  e instan ao alcalde a que inclua unha luminaria no plan provincial deste ano,  e que a empresa concesionaria da estrada EIXO DO RIBEIRO  o seu paso polo termo municipal, a altura da Esperela arranxe os desperfectos das beirarruas, "deficiencias estas denunciadas polo grupo municipal dende fai moito tempo", afirma.

Por vez primeira en moitos anos o BNG quedouse sen voz no pleno da corporación carballiñesa, unha circustancia debida á ausencia da concelleira Áurea Francisco, que non pudo asistir por motivos persoais.

Precisamente, era a concelleira nacionalista a que tiña previsto trasladar ao pleno a moción relativa á situación da Residencia de Tempo Libre do Carballiño, que nos últimos anos viu progresivamente reducido o tempo de apertura anual, quedando en tan so 4 meses para este ano 2013. Ante unha numerosa presenza no salón de sesións de traballadores da Residencia, o grupo socialista propuxo tratar este asunto pola vía da urxencia, que finalmente aceptou o Partido Popular. Chegado o momento do debate, que xerou bastante tensión, finalmente chegouse o acordo unánime de "instar" á Xunta para que manteña aberta a Residencia de Tempo libre durante todo o ano.

Onde non houbo acordo foi na moción socialista sobre as deficiencias na Biblioteca Municipal, os socialistas -que presentaron un escrito con 167 sinaturas avalando as demandas- defendeu por medio da Concelleira Iolanda Otero a  necesidade de acometer varias melloras nas instalacións. O Partido Popular votou en contra pero o alcalde comprometeuse a buscar recursos económicos para "priorizar a intervención na biblioteca" e invitou aos socialistas a presentar o escrito e as sinaturas no rexistro municipal.

O portavoz socialista, Paco Fumega, foi moi crítico co recoñecemento extraxudicial de créditos, en total 55 facturas correspondentes a 23 proveedores, entre os que se encontran Aquagest, Fenosa, e outras relativas á limpeza na Praza de Abastos e traballos de asfaltado nas rúas carballiñesas. En relación a estas últimas Fumega criticou que se admitan pagos por obras defectuosas, respondeulle o alcalde asegurando que o concello ten un aval para garantir os traballos "a empresa terá que vir cantas veces faga falta, teñan a seguridade de que eso vai ser asi", aseverou Marnotes.

O Goberno Municipal fixo valer a súa maioria no pleno para aprobar o Convenio Marco de Cooperación entre a Deputación e os Concellos para a xestión da recollida do lixo, o que se adherirá o concello carballiñés. Fumega manifestou "que o tempo deunos a razón porque o concello ten que pagar máis que cando este servizo se xestionaba polo concello, co agravamente de que co novo convenio encarecerase nun 27% o servizo". O portavoz do Partido Popular recordaballe aos socialistas "a época dos cheiros, dos colectores sen rodas e dos camións que non frenaban", Martín Nogueira invitou aos socialistas "a deixar a demagoxia, O Carballiño está máis limpo e os veciñós contentos, hoxe en dia podemos presumir da imaxe que damos e antes había que escapar", subliñou.

Ao pleno tamén acudiron traballadores do matadoiro municipal, que se atopan en paro dende que se cerraron as instalacións debido a graves deficiencias nas mesmas, interesandose pola situación deste servizo. O alcalde informounos da tramitación que está a seguirse para a convocatoria dun concurso público para a adxudicación deste servizo, tras conluir o periodo da anterior concesionaria.

As orquestras Costa Oeste, Marbella, Televisión e Panorama animan as verbenas nestas festas de Santa Rita 2013.

Completan o programa musical dos festexos a Banda de Música Popular de Ruviós, a Charanga Castro Bello e a Banda de Gaitas Os Achegados de Maside.

A Igrexa Parroquial de Dacón quedouse pequena practicamente a diario, dende que o pasado dia 13 comezou a celebración da Novena de Santa Rita, tanto nas misas matinais como nas da tarde. Os devotos de Santa Rita tampouco fallaron a súa cita no dia da súa festividade, dende as 7 da mañá foi unha constante a afluencia de público ao pobo de Dacón.

A fórmula na que traballan os responsables municipais persigue favorecer a rotación nas prazas de aparcamento nas rúas máis céntricas.

Está aínda por determinar as rúas nas que se implantará esta Zona Azul gratuíta, aínda que dase practicamente por seguro que entre os viais afectados por este proxecto estarán Conde Vallellano, Aldara, Cesáreo Tizón e Riveiro.

O sistema prevé que o aparcamento sexa completamente gratuíto durante un perido de tempo de dúas horas, transcurrido o mesmo os usuarios pagarán unha sanción económica, que será proporcional ao tempo no que se excedan esas dúas horas gratuítas.

O Partido Popular paralizou á súa cjhegada ao goberno municipal a implantación da ORA nas rúas do Carballiño, que pretendia facerse por medio dunha concesión a unha empresa privada, un procedemento que puxera en marcha o anterior goberno socialista. Agora, optase por esta modalidade de Zona Azul como sistema de aparcamento gratuíto, eso si, os usuarios deberán mover os seus vehículos transcurridas dúas horas para non ser obxeto de sancións económicas.

O goberno municipal considera que esta medida será moi positiva para a hostelería e o comercio local, e xa trasladou verbalmente  a proposta aos responsables da Asociación de Empresarios e o Centro Comercial Aberto do Carballiño.

Son alumnos do IES Nº1 e participarán na 4ª Edición dos Campus Científicos de verán da Fundación Española para a Ciencia e a Tecnloxia e o Ministerio de Educación, Cultura e Deporte. A inciativa conta co apoio de Obra Social “La Caixa”.

 Isto significa que o alumnado de 4º da ESO e 1º de Bacharelato seleccionado poderán participar durante 7 días en proxectos científicos deseñados por profesores universitarios e desenvolvidos en departamentos de investigación de 16 Campus de Excelencia Internacional e Rexional. Levaranse a cabo entre os días 30 de xuño e  27 de xullo de 2013.

 Erik Bernárdez Doval participará no Campus Euskampus, da Univ. do País Vasco, no proxecto Física de alta voltaxe, faíscas, raios e pelos de punta. Carlos Manuel Corral Casas formará parte do proxecto Descubrindo o universo, que se desenvolverá no Campus Atlántico Tricontinental da Univ. das Palmas de Gran Canaria. O proxecto Coñecemento e TIC: entre todos construímos o futuro, que terá lugar no Campus Bio TIC na Univ. de Granada será o destino escollido por Tania Bugallo Prieto. Laura Teira elixiu o proxecto Gabinete de Física que se levará a cabo no Campus Studii Salamantini da Univ. de Salamanca. Marcos González Martínez participará no proxecto Buscando as partículas máis enerxéticas do Universo inscrito no Campus Vida da Univ. de Santiago de Compostela. E finalmente Jesús Soto Filloy participará no Campus VLC da Univ. Politécnica de Valencia no proxecto Matemáticas, criptografía e códigos: como usar as matemáticas para entendernos.

 Outros seis alumnos do IES nº1 quedan en reserva.

 Os Campus científicos teñen como obxectivo potenciar o interese dos estudantes pola ciencia, a tecnoloxía e a innovación, ofrecendolles a oportunidade de contactar co labor investigador nun ambiente universitario e multicultural, que os axudará a definir a súa proxección futura de estudos. Ademais, poderán disfrutar de actividades complementarias científico- culturais e de lecer. A organización cubrirá os gastos de aloxamento e manutención dos participantes.

Primeiro foi a CIG quen alertou da diminución do tempo de apertura e agora son PSdG e BNG quenes anuncian a presentación dunha moción ante o pleno municipal para tratar este asunto.

Según os socialistas "no ano 2009 a Residencia funcionaba durante a práctica totalidade do ano e agora a Xunta asegura un funcionamento de tan só catro meses", unha situación que leva ao PSdG a "amosar unha fonda preocupación". Igual que fixo o sindicato da CIG, os socialistas tamén consideran "a merma que supón nas nóminas dos 27 traballadores, que pon a 27 familias do concello nunha situación económica e laboral de precariedade".

Inciden tamén no "ataque a sectores económicos que esto supón, como a hostelería, comercio e turismo, que se verán privados de visitantes que facían compras na vila e axudaban a dinamizar o noso sector turístico, rachando unha tradición da que se favorecía O Carballiño dende os anos 60". Por elo, o grupo socialista anuncia a presentaicón dunha moción na que instará ao alcalde para que "realice as negociacións necesarias pra que a Residencia do Carballiño abra as súas instalacións ao longo de todo o ano".

A maiores, os socialistas solicitan da alcaldia do Carbaliño "politicas imaxinativas e a aposta decidida pola creación de emprego local, poñendo en marcha programas de cooperación con todo tipo de institucións e colectivos, para que utilicen estas instalacións e mesmo deste xeito incrementar os postos de traballo arredor da actividade que oferta a Residencia de Tempo Libre".

Tamén a concelleira do BNG Áurea Francisco promove unha moción con este mesmo obxetivo, a dinamización da Resdiencia. O Bloque Nacionalista Galego propón a creación dunha comisión municipal na que estean representados os 3 grupos políticos municipais para traballar na "viabilidade e optimización da Residencia de Tempo Libre" e conseguir a súa apertura durante todo o ano.

O grupo nacionalista achega na súa moción outras tres propostas: xestións coa Consellería de Traballo e Benestar para conseguir o obxetivo marcado, ofrecer as instalacións á Federación Galega de Municipios e Provincias para a celebración de todo tido de eventos, e finalmente, xestionar co Ministerio de Educación a posiblidade de crear no Carballiño un centro da UNED.

Os nacionalistas non comparten o anuncio do goberno municipal de convocar un concurso para a concesión do servizo e piden que a xestión do matadoiro sexa pública.

A concelleira Áurea Francisco trasaladará ao pleno da corporación unha moción na que solicita a inmediata reapertura do matadoiro e "que sexa un servizo público, é dicir, que sexa xestionado directamente por persoal do concello do Carballiño, para evitar deste xeito gastos a intermediarios e que as taxas ós seus usuarios sexan o máis baixos posibles", recolle a moción.

O Bloque Nacionalista Galego do Carballliño recorda ademáis como "dende fai alomenos 20 anos o matadoiro viña sendo xestionado por unha sociedade de 23 carniceiros da comarca e que definitivamente o devandito concenio entre concello e esta sociedade caducou, polo que é o momento de que a xestión sexa totalmente pública".

.A iniciativa premiará con 2.000 euros a confianza no comercio retallista carballiñés, sorteándose tres tarxetas regalo de 200 euros e 14 tarxetas regalo de 100 euros.

 Nos días de duración da campaña, os consumidores que aposten polo comercio tradicional de Carballiño poderán presentar os seus tickets de compra na carpa situada na Praza Maior ou ás promotoras que se atoparán polas rúas da vila, quenes lles entregarán boletos de participación para o sorteo final que terá lugar o venres, 24 de maio, nunha carpa ubicada na Praza do Emigrante (pista roxa), dentro do programa dunha Festa Final de Campaña que contará con actuacións para nenos e adultos. O sorteo será ese día ás 20.00 horas en directo e os posuidores dos boletos deberán estar presentes para converterse en gañadores

 A campaña será publicitada nos establecementos de Carballiño, que contarán con carteis e repartirán entre os seus clientes trípticos informativos.

 A iniciativa “As compras na túa vila teñen premio” está organizada pola Federación Galega de Comercio, en colaboración coas Federacións Provinciais de Comercio, e a Dirección Xeral de Comercio. Trátase da sexta edición desta campaña, que ata o mes de setembro desenrolarase en oito localidades galegas, entre elas Carballiño, contando para elo coa colaboración da Asociación de Empresarios de Carballiño - CCA, que preside Julián Garriga. 

O Presidente do CCA do Carballiño,  Julián  Garriga Crespo, presentou está mañá a campaña, acompañado de José María Seijas, presidente da Federación Galega de Comercio; Aurelio Gómez, presidente da Federación de Comercio de Ourense; e do alcalde de Carballiño, Argimiro Marnotes.