Política

Declaran a nulidade dos contratos e condenan á entidade bancaria á devolución íntegra do diñeiro.

Os afectados mantiveron que foron enganados facéndolles ver que "tratábase dunha imposición a prazo fixo, sen máis, e que poderían retirar o diñeiro cando quixeran", polo que investiron parte importante dos seus aforros en participacións preferentes e obrigacións subordinadas.

Con estas dúas sentenzas que agora veñen de coñecerse, e outra anterior no pasado mes de marzo, son xa tres as familias carballiñesas que recuperan o seu diñeiro por medio da vía xudicial.

As actuacións feitas supuxeron un investimento de 64.000 euros que o goberno galego financia nun convenio coa Obra Social de "La Caixa".

O conselleiro de Medio Ambiente Agustín Hernández, acompañado polo alcalde de Leiro, Francisco Fernández,  visitou as inmediacións de do monumento natural de Pena Corneira, onde se están a executar unha serie de actuacións para mellorar os hábitats naturais e a prevención de incendios, así como o acondicionamento de rutas.

A finalidade é lograr uns sistemas ecoloxicamente máis valiosos e estables no territorio da comunidade autónoma galega. Así, en Pena Corneira se repara e conserva o mobiliario existente mediante a reposición de pezas e táboas rotas ou defectuosas, lixa e aplica lasur (imprimación protectora) sobre elementos de madeira, repara o peitoril do Miradoiro coa reposición de barrotes e os chanzos de acceso ao miradoiro, coloca e repara os indicadores de dirección e orientación e paneis informativos.

Outros dos traballos previstos consisten no acondicionamento de estanques na explanada de acceso á área de lecer: limpeza, baleirado e colocación de muro perimetral de protección con cachotes de pedra granito das canteiras da zona e a mellora e saneo da explanada, mediante a colocación de tubaxe de drenaxe de recollida de augas subterráneas que anegan a zona na época de chuvias.
 

O consellerio de Medio Ambiente Agustín Hernández e o alcalde de Avión Antonio Montero inauguraron unhas obras que representaron un investimento de algo máis de 750.000 euros.

Esta actuación realizouse en base a un acordo entre a Administración autonómica e local, no que se determinaron as bases para a execución das obras precisas que permitirán mellorar o saneamento e depuración de varios núcleos do concello de Avión, mediante a demolición de fosas sépticas, unificando a rede de colectores e tratando as verteduras nunha estación depuradora de nova construción.

O conselleiro de Medio Ambiente recordou a necesidade de levar a cabo esta obra hidráulica xa que o Concello de Avión tiña un sistema de saneamento moi deteriorado, debido basicamente á súa antigüidade. A rede de saneamento, separativa, atopábase en moi mal estado de conservación, vertendo a tres fosas sépticas incapaces de cumprir os obxectivos de calidade esixidos pola Directiva 91/277 da Comunidade Europea.

Os traballos que se executaron foron, entre outros, a reposición dun colector de fecais ao que se conectaran tres ramais. Ademais, na localidade de Cendóns, colocouse un colector de 720 metros, unido á rede existente, e en Beresmo, levouse a cabo dous treitos de colectores de 166 e 272 metros en tubaxe.

Por outra parte, demoléronse as fosas sépticas que recollen as augas residuais dos veciños de Avión e dos núcleos de Beresemo, Portocarro e Cendóns e executouse un colector que transporta as augas por gravidade ata a nova estación depuradora. A nova EDAR de Avión dispón dun bombeo de auga bruta e peneira de compactación. Esta infraestrutura prefabricada con aireación, prolongada para 1.250 habitantes, posúe unha arqueta de toma de mostras, un colector de vertedura e un by-pass planta. Cómpre sinalar que o proxecto tamén incluíu a reposición de servizos e pavimentos afectados pola realización das obras hidráulicas necesarias. Os beneficiarios desta actuación son os máis de 2.600 habitantes do Concello de Avión.

Os dous acontecementos deportivos automobilísticos fan do Carballiño o punto de referencia do fin de semana para os afeccionados galegos ao mundo do motor.

O "V Rali do Lacón Historicos" está organizado polo Club Arenteiro clásicos e partíu na mañá do sábado dende a rúa principal, onde poideron verse auténticas xoias rodantes, iconos do automobilismo como os Mini ou os modelos deportivos Jaguar, entre outros moitos. O expiloto carballiñés José Maria Magdaleno, acompañado do alcalde Argimiro Marnotes e o concelleiro de deportes Rodrígo González, deron a saída aos participantes.

A "XX Subida á Saleta", organizada pola Escudería Motor Club Arenteiro e a Federación Galega de Automobilismo, recupera este ano a súa celebración tras a paréntese dunha década. Puntuable para o campionato galego de montaña desenvolvese no recorrido histórico desta proba, no tramo da estrada de Astureses próximo á capela da Saleta, durante a tarde do sábado e a matinal do domingo.

Dos 70.000 euros de gasto medio dos últimos anos pasaráse a unha factura de 18.618 euros, unha vez que o concello carballiñés formalice o novo contrato.

Ao procedemento de adxudicación aberto polo concello carballiñés presentaronse tres empresas, resolvendose en favor de Vodafone. O contrato será por 2 anos, prorrogable por outros dous, atá un máximo de catro.

A maiores do imporante aforro económico, máis de 51.000 euros de aforro anual en relación ao gasto do últimos anos por este mesmo concepto, o novo adxudicatario introducirá melloras na prestación do servicio. O Alcalde, Argimiro Marnotes, explicou en COPE O Carballiño que "incluiráse no servizo a grabación de todas as chamadas que se efectúen á Policia Local, tal e como marca a lei, que antes non se realizaba, ademáis melloraráse a xestión tanto interna como externa, xa que se poderá chamar directamente o departamento municipal que se queira, axilizando desta maneira a atención".

Vodafone faráse cargo de todos os servizos de toda a  telefonía municipal, tanto fixa como móbil e datos. Outro punto de mellora do novo contrato é a facturación, que a partir do novo contrato faráse nunha única factura.

Marcos Reboredo é o novo responsable local do BNG no Carballiño, trala asemblea local na que se procedeu á renovación do órgano local de dirección.

Como Vicerresponsable local do BNG carballiñés nomeouse a Xosé Manuel Codesido. Completan este novo consello local Manuel Chan Muñoz, Xosé Dobarro e Áurea Francisco, actúal concelleira do Bloque Nacionalista Galego na corporación municipal do Carballiño.

O valor do material roubado ascende a 11.600 euros, según fixo constar o representante da empresa propietaria na súa denuncia ante a Garda Civil do Carballiño.

O roubo rexistrouse durante a noite deste pasado martes no lugar de Prado, na parroquia boborense de Xurenzás. O material, 387 metros de carril de vía férrea, estaba apilado ao lado da estrada.

O concello de Maside debe elaborar un plan de seguridade para permitir a actividade industrial que se pretende iniciar no antigo aparcadoiro da estación de ferrocarril de Maside.

O proxecto industrial promovido por CEPSA contempla o envasado de gas licuado nestas instalacións nas inmediacións da localidade da Touza, nunha zona habitada.

O plan de emerxencia exterior, para cumplir coa directiva europea, asi como a lexislación autonómica e estatal, deberá ter en conta as medidas de información e protección da poboación no caso dun accidente ou calquera suceso incontrolado nas instalacións. Deberá fixarse a zona de intervención e de alerta, e as distancias de afectación. Tamén terán que acometerse medidas de prevención, como a limpeza constante da zona colindante e unha franxa de seguridade, asi como o control dos accesos.

Outro dos aspectos que recolle o plan que deberá aprobarse antes do inicio da actividade industrial é a coordenación das autoridades e os servizos de salvamento.

O corredor do Porriño non tivo rival e gañou con facilidade, Santiago López completou os 21.097 metros nun tempo de 1:10:45.

A chuvia acopañou a celebración desta "1ª Maratón do Carballiño-Festa do Pulpo" que organizou na matinal deste domingo o Club Atletismo Carballiño, malia que o tempo non acompañou a carreira foi seguida por numeroso público. Dende a organización, que estivo a un excelente nivel, destacan o éxito de convocatoria, xa que 360 corredores tomaron a saída, unha participación que anima ao club carballiñés a pensar xa na segunda edición, cara o ano que ven.

Os grupos da oposición xustificaron a súa ausencia "porque non fumos invitados a todos os actos, o alcalde ninguneanos". Caamaño lamenta a actitude da oposición e asegura que cada concelleiro paga a comida do seu peto.

A senadora irlandesa Fidelma Healy, que preside a delegación irlandesa desplazada para avanzar nun proxecto de intercámbeo educativo e cultural do que participa o concello de Boborás, asistiu a varios actos organizados pola institución municipal e aos que non acudíu ningún representante da oposición.

"Decidimos non acudir en sinal de protesta polo desprecio do que fumos obxeto os grupos da oposición, non se nos invita nin a misa en Moldes nin o paseo por Pazos de Arenteiro porque o alcalde non quere que a xente non vexa, e tan so recibimos a invitación para o acto do concello, por eso decimos non participar, ademáis consideramos que non é de recibo que nos tempos actuais se gaste diñeiro público nunha comida", manifestou a esta emisora de radio Dolores Cachafeiro, concelleira do BNG "e falo nste caso no nome de toda a oposición". Non obstante, aclarou que "a iniciativa de intercámbeo cultural parécelles ben, pero non asi "as formas que o alcalde emprega coa oposición".

O alcalde de Boborás suliñou que "estamos ante outra proba máis da oposición que temos, de terceira división e moi mala calidade, foron invitados formalmente ó acto institucional no concello que é onde o protocolo indica que teñen que estar, e tamén di o protocolo que o alcalde é o que recibe que para eso é o Presidente da Corporación e ten ese rango". Cipriano Caamaño asegurou que demostrá que "cada ún de nos paga a comida, por eso que non teñan problema".

Xa en canto o acto institucional, o alcalde de Boborás deulle as grazas de maneira especial a Healy Eames por levar a cabo este irmandade entre os concellos de Oranmore e Maree en Irlanda e o de Boborás e O Carballiño en Galicia precisando que se trata "dun reecontro de verdadeiros irmáns".

Explicoulle que "Boborás é unha terra acolledora, con unha paisaxe privilexiada e unha historia fecunda que perduran no tempo con numerosos exemplos como son os seus pazos, igrexas, cruceiros...que o convirten nun lugar ideal para vivir". Ademais fíxolle especial fincapé á senadora irlandesa de que "Boborás dende agora será a túa segunda casa, aquí sempre serás benvida e atoparás as portas abertas para o que precises".

Caamaño quixo recoñecer o papel de Miguel Losada Campa, neto do escritor e intelectual galeguista Antón Losada Diéguez, actor fundamental e principal impulsor deste proxecto de irmandade e intercambio cultural.

A senadora Fidelma Healy Eames precisou que o concello de Boborás lle recordaba a súa localidade natal "Maree" recoñecendo que ela é unha "muller rural".

Esta recepeción englobase dentro do programa de actividades programada a raíz da visita da delegación irlandesa coa fin do Irmanamento dos concellos de Boborás e O Carballiño en Galicia e os de Oranmore e Maree en Irlanda e o proxecto de intercambio cultural de 60 nenos e nenas para aprender tanto o inglés como o gaélico así como o castelán e o galego.

A senadora visitou tamén a sede da Fundación, o Pazo Losada en Moldes, onde a familia celebrou unha misa na capela privada e tamén a localidade de Pazos de Arenteiro.