Política

Os ecoloxistas tamén piden á Audiencia que procese penalmente a dous traballadores municipais, o encargado de persoal e a concelleira de medio ambiente da época, polos feitos rexistrados na canceira do Carballiño.

O suceso remontase aos primeiros meses de 2009, tras descubrirse a morte masiva de cans na instalación municipais, unhos feitos que corroborou daquéla a Garda Civil tras a denuncia dos ecoloxistas.

Dende entón o Xulgado carballiñés acorda o arquivo do caso, e sucesivamente, a Audiencia ordena que se practiquen dilixencias. Agora, tras o último auto do Xulgado carballiñés, os ecoloxistas volven presentar un novo recurso ante a Audiencia no que piden a suspensión do arquivo e ademáis solicitan o procesamento pola vía penal para as persoas con responsabilidade na canceira da Medela durante os primeiros meses de 2010, cando aconteceron os feitos denunciados.

A Garda Civil prendeu a M.R.C., de 43 anos de idade, veciño da parroquia de Moreiras, como presunto autor dun delito contra a saúde pública.

As plantas foron localizadas pola Garda Civil nun anexo da vivenda deste veciño nesta localidade do municipio de Boborás. Instrúe dilixencias o Xulago nº 2 do Carballiño.

A rúa seguirá aberta ao tráfico dende as 8 ás 20 horas diariamente de lúns a venres, e será peonil no resto das horas e tamén durante os fines de semana e festivos.

A este acordo chegouse no transcurso dunha tensa e prolongada reunión entre comerciantes e hostaleiros e o alcalde, Argimiro Marnotes. O proxecto de mellora e embelecemento consistirá no empedrado da calzada e instalación de mobilidario urbano.

Os vehículos non poderán soprepasar os 20 kilómetros hora, e crearánse zonas de estacionamento controlado e gratuíto, cunha permanencia máxima de media hora.

Dende o concello do Carballiño dan por bo un acordo "no que se respectan as ideas do concello e os intereses dos comerciantes, e vaise probar de forma progresiva a posible peonalización total deste tramo, creando unha zona mixta que permita o tráfico rodado a determinadas horas, quedando no resto como un bulevar comercial", apuntan dende a institución municipal.

O negocio da oficina carballiñesa será traspasado á sucursal que o banco manterá operativa na cidade de Ourense.

A oficina de Bankia no Carballiño, sita na rúa Curros Enríquez, pechará as suas portas antes do próximo mes de agosto. Aos traballadores, que son catro, a entidade ofrécelles a alternativa de baixas incentivadas e prexubilacións, fundamentalmente.

O banco nacionalizado pechará un total de 34 oficinas en Galicia, o que representa o 65% da actúal rede galega. As previsións apuntan a que tan só permanecerán abertas 15 oficinas en todo o territorio galego. Bankia pretendia traspasar estas oficinas a outros bancos, pero non tivo ofertas.

Os propietarios dos establecementos comerciais e de hostelería da rúa Curros Enríquez rexeitan mairoritariamente o proxecto de peonalización que promove o grupo municipal de goberno, entre o resto dos veciños residentes a opinión está máis dividida.

Esta emisora de radio realizou unha enquisa na que se pode concluir que unha ampla maioría dos consultados son reacios á peonalización, tan so entre os hosteleiros encontramos unha opinión máis favorable ao proxecto que convertiría en peonil a rúa Curros Enríquez, no tramo que vai dende Conde Vallellano ata a Praza de San Ramón.

Outros dos consultados non o teñen aínda claro "non estou dacordo nin en desacordo, seguramente no verán iría mellor pero no inverno aquí non viría ninguén", reflexionaba a propietarria de Pastelería Raquel. Sen embargo, ún dos comerciantes máis veteranos da rúa teno máis claro, o titular de Droguería Macarrias "rotundamente estou en contra, esta é unha rúa de saída cara o Cruce dos Catro Camiños, nunca pode ser peonil", dixo.

A maioria non comparten o proxecto, Rosa, de Máis Deporte, pide "maís zonas de aparcamento ou Zona Azul, pero creo que é un erro tanta rúa peonil no Carballiño", suliñou. Non obstante, tamén nos encontramos con algunhos partidarios da peonalización, sobre todo entre os hosteleiros "eu creo que lle iría ben a todo o mundo, pero incluso podería probarse durante un tempo, facer unha experiencia piloto durante unhos meses, a ver como funciona", propuxo Moncho.

As entrevistas poderán escoitarse durante esta semana que ven no programa "A mañá de Cope O Carballiño". Ademáis, o lúns 10 e o martes 11 o Alcalde do Carballiño reuniráse tanto cos comerciantes e hosteleiros como cos veciños, para presentarlle o proxecto e escoitar as súas opinións.

Asi o anunciou nesta emisora de radio o Alcalde de Leiro, Francisco Fernández, que mostrou a súa satisfacción pola sentencia xudicial.

"O concello recibe asi unha boa noticia", porque declarase a imposiblidade legal de execución da sentencia inicialmente desfavorable para os intereses do concello, asi que agora o propietario dos terreos recibirá unha indemnización que calculo será dunhos 2.000 euros, e poñeráse fin a este conflicto", declarou o rexedor municipal.

Doutra parte, o pleno da corporación municpal deberá resolver a alegación presentada polo titular dos terreos en relación ao último procedemento de expropiación que leva a cabo o concello de Leiro. O alcalde adiantou en COPE O Carballiño que "a alegación será desestimada polo pleno".

Tres helicópteros que cargaron auga no río Arenteiro e as brigadas contra incendios da Xunta traballaron dende as catro da tarde no control dun incendio forestal preto do pobo de Cibreiro, no municipio de Boborás.

O incendio localizouse entre as localidades de O Eixán e Cibreiro, na parroquia de Astureses, e pola dirección e a intensidade do vento, bastante forte, dificultou as labores de extinción. O fume obrigou a proceder ao desaloxo da zona.

Os tres helicópteros que participaron no operativo cargaron auga no río Arenteiro, nas inmediacións da presa do Balneario. Este primeiro incendio forestal da tempada coincide cos primeiros días de calor do mes de xuño, con temperaturas na zona que sobrepasan os 30 graos. A última hora da tarde o lume quedou controlado.

 Manifestan "a discriminación que tanto o Goberno do Estado co beneplácito da Xunta como Adif están a facer co servicio ferroviario".

Así, dende as Xuventudes Socialistas do Carballiño denunciase "que o goberno da vila non tomara cartas no asunto antes, e evitara esta situación á que chegamos".  Remarcan que fai dous meses que  o alcalde, Argimiro Marnotes, dixo que ía a solicitar información oficial sobre a reducción do servizo, porque existían rumores sobre o tema".

 “É escandaloso que o goberno municipal non se faga eco dos problemas da vila, xa que esta situación víñase arrastrando dende fai un ano, cando se comezaron a suprimir liñas e cambiar horarios” comentou Miriam Fernández, secretaria das Xuventudes Socialistas do Carballiño.

Por outro lado, solicítase que dende o concello "se tome o papel de defender aos cidadáns e os seus dereitos, e se busquen solucións, para que as persoas que utilicen este transporte poidan seguir usandoo".

“Non podemos aplaudir que se nos prive aos xóvenes de estudar tan só por non ter desprazamento, xa que o coste para ir a Santiago incrementaríase 3 veces máis en ir a Ourense e coller un tren alí” dí Miriam Fernández.

Para rematar, puntualizan que para viaxar calquer día a Santiago dende O Carballiño "estamos suxeitos a un limitado horario, e por iso reclaman ao goberno municipal que se manifesten e que se propoña unha solución que non inflúa na economía dos cidadáns".

Preto dun centenar de veciños e veciñas de Dacón concentraronse esta mañá para protestar polo peche da oficina de Novagalicia Banco na localidade, tamén mostraron a súa inquietude polo futuro da Escola Infantil e o Médico, dos que dispoñen na actualidade.

A veciñanza non comparte a decisión da entidade bancaria e piden "que polo menos siga prestando o servizo unhos dias á semana". Tamén manifestaron a súa preocupación pola continuidade do médico  de familia no centro médico de Dacón "moito nos tememos que cando se xubile o actúal facultativo, tamén nos deixarán sen médico, e igual vai pasar coa Escola Infantil, que a van pechar, non estamos dispostos a quedarnos sen os servizos que temos dende sempre no pobo", subliñaron os manifestantes.

O proxecto, no que Unión Fenosa Distribución investirá 4,6 millóns de euros, somete a información pública a avaliación de impacto ambiental.

As características do proxecto poden consultarse na Dirección Xeral de Industria, Enerxía e Minas da Consellería de Economía e Industria, ou no enlace http://www.cmati.xunta.es/resolucions-da-avaliacion-ambiental-de-proxectos.

Son en total 504 as fincas que serán obxeto de expedientes de expropiación forzosa, nos municipios do Irixo, Dozón e Lalín. A nova liña de alta tensión de 132 KV terá un percorrido de 18 kilómetros. Entres as propiedades afectadas encontranse fincas dedicadas a traballos agrícolas, montes, prados, predios con masa de árbores autóctonos e incluso cultivos.