Política

A au la CEMIT do Concello do Carballiño, ubicada no segundo andar da casa consistorial, está renovando neste días os seus equipos grazas ao convenio asinado coa Xunta de Galicia e  co se mantén este centro aberto dende o ano 2011.

A renovación consitiu na substitución das antigas unidades CPU, para instalar unhas que ofrecen maiores prestacións. En total instalárnose 15 destas unidades, que nesta mesma semana xa estarán a disposición dos usuarios desta aula municipal.

Na actualidade a aula CEMIT do Carballiño ofrece varias actividades formativas, repartidas durante todo o ano, nesta semana remata a última das convocadas, un curso de iniciación á informática que contou cunha ampla demanda por parte dos veciños e veciñas do Carballiño.

Pero ademais dos cursos a aula CEMIT está aberta para que tódolos veciños e veciñas do Carballiño poidan usar estes ordenadores, todos eles conectados á rede polo que se lles brinda a posibilidade de realizar todo tipo de consultas a través de internet, dun xeito seguro e rápido.

Deste xeito son moitos os cidadáns que acuden a esta aula para consultar as demandas de emprego das administracións ou as empresas privadas, e tamén os que aproveitan esta tecnoloxía para contactar cos seus familiares que están fóra de Galicia.

O horario de apertura desta aula CEMIT é de luns a venres de 8:00 a 13:30, estando este horario condicionado á celebración de cursos e actividades.

O proxecto fora adxudicado durante o anterior mandato municipal, aínda co Partido Popular no goberno do concello do Carballiño, por un importe de 59.933,18 euros.

Para acceder ao comunicado de prensa do Partido Popular prema no arquivo adxunto:

O concello do Carballiño afirma que "as brigadas municipais actuaron con celeridade para dar cobertura a todolos afectados, cun operativo no que participaron o responsable dos servicios eléctricos municipais, e o mesmo tempo tanto Protección Civil como Policía Local iniciaron o protocolo propio destes casos, dirixidos polo alcalde carballiñés. Así a Policía Local dotou rapidamente de servicio de telefonía e comunicación o Centro de Saúde, afectado pola incidencia".

Efectivos  de Protección Civil tiveron que rescatar a dúas persoas que  quedaron atrapadas en ascensores. En concreto tiveron que rescatar a un vecino da Praza do Emigrante e outro da avenida 25 de Xullo. Outros veciños -polo menos en catro edificios do Carballiño- foron atendidos por persoal das empresas de mantemento dos ascensores.

Tal e como informaron dende a empresa subministradora , o problema tivo a súa orixe nas proteccions da liña de media tensión, afectando á maioría dos centros transformadores que abastecen o casco urbano do Carballiño. Tamén resultaron afectados centros transformadores do concello de Maside, de feito, a zona da Fontela foi a primeira en quedar sen suminstro.

A maior parte da poboación carballiñesa quedou sen suminstro eléctrico ás 21:37 horas do pasado domingo, os cortes tiveron distinta duración según o centro transformador que abastece a cada zona, asi, as máis tardías en recuperar a normalidade non o fixeron ata ben pasadas as once da noite. Maís tarde, na mesma noite do domingo e aínda na mañá do lúns, producironse varios microcortes, que volveron afectar a unha gran parte dos usuarios do casco urbano carballiñés.

As obras correspondense co proxecto que está executandose por parte de Augas de Galicia para a mellora do abastecemento de auga aos concellos de San Amaro, Cenlle e Punxín. A actuación, que ten un orzamento que supera os 3 millóns de euros, inclúe a captación de auga no río Miño e bombeo a un depósito distribuídor no monte de san Trocado.

O PSdeG denuncia os danos e perxuizo que a execución do proxecto está provocando en camiños e estradas do concello de San Amaro e critica a que cualifican como "desidia do alcalde Ernesto Pérez" á hora de controlar as obras no termo municipal.

Para acceder ao comunicado do PSdeG de San Amaro prema no arquivo adxunto:

Aconteceu a última hora da tarde deste mércores no lugar do Outeiro, na parroquia de Astureses, no municipio de Boborás.

O incendio orixinouse na chimenea da cociña e cando os inquilinos da vivenda, que residian na mesma en rexime de aluguer, estaban ausentes. Foi un veciño o que deu a alarma ao percataronse da existencia do lume. Despois, apenas poideron salvar algunhos enseres e fuxir, polo que non hai que lamentar feridos.

Os danos materiais son elevados, xa que a vivenda, que fora restaurada e presentaba un bo estado de conservación, quedou moi afectada polo incendio.

O 112 mobilizou ás 8 da tarde un operativo no que participou inicialmente un camión de bombeiros de Protección Civil e efectivos de Emerxencias do concello do Carballiño, media hora despois incorporouse ao operativo un segundo camión de bombeiros. Ambos traballaron nas labores de control e extinción do lume, tamén acudiron ao lugar do sinistro dúas patrullas da Garda Civil.

As xornadas da tapa do Carballiño arrancan este venres dia 6 de novembro, e sucederanse as últimas fins de semana  de cada mes, atá o de Maio de 2016.

Na iniciativa, impulsada dende a concellería de turismo que dirixe Manolo Dacal, participarán 28 locais da hostelería local, que ofrecerán tapas variadas a 1 euro.

Os consumidores que participen destas xornadas poderán conseguir premios que aporta o concello carballiñés por valor superior aos 1.000 euros, asi como outros que sortearán os locais participantes nesta actividade.

O PSdeG-PSOE conta cunha nova agrupación local no concello de Boborás, que quedou constituída no transcurso dun acto ao que acudiron representantes provinciais e comarcais do partido, como o secretario comarcal Guillermo Dopazo ou o deputado provincial Francisco Fraga.

Tralas eleccións municipais do pasado mes de maio, o PSdeG quedouse por vez primeira na historia da democracia sen representación na corporación municipal de Boborás, ao acadar tan so o 6,45% da porcentaxe de votos.

Agora, os socialistas tratan de recuperar a presenza na vida política do concello de Boborás e para elo veñen de constituir unha nova agrupación local que encabeza Javier Lamas Míguez, cabeza de lista da candidatura do PSdeG nas pasadas eleccións municipais.

O xoves 5 de novembro, a planta de Cepsa Comercial Petróleo, emprazada no concello de Maside, realizará unha nova proba de son da serea do seu Plan de Emerxencia Exterior (PEE) que servirá para avaliar o seu correcto funcionamento e así dar a coñecer o seu son aos cidadáns.

Este exercicio, que aparece recollido dentro do texto do PEE, repítese periódicamente e consistirá nunha simulación da activación do Plan, coa proba de serea, que no caso dunha activación real do Plan serviría como elemento de aviso á poboación. Así, a realización deste exercicio contribuirá a que a poboación da zona de Maside afectada por un hipotético accidente se familiarice co son da serea. A última proba da serea levouse a cabo hai case un ano, no pasado mes de decembro.

A Xunta de Galicia, coa colaboración do concello, procedeu estes días a un reparto de notas informativas entre os veciños que avisan de que se trata soamente dunha proba da serea.

Dende a Dirección xeral de Emerxencias e Interior recordan tamén as medidas a levar a cabo en caso da devandita activación , sinalando ademais que esta proba non afectará á actividade diaria dos veciños. “ Máis alá dos sinais acústicos, a actividade dos veciños non se verá afectada en absoluto e poderán continuar coa súa rutina”, explícase nas notas informativas que se repartiron entre os veciños da zona.

Aposta pola prevención
Desde a Xunta quérese destacar a importancia da aposta pola prevención, como mellor ferramenta de resposta ante as posibles emerxencias, liña na que se enmarcan os plans de emerxencia exterior elaborados polo Goberno galego.

Os PEE teñen como obxectivo determinar os posibles riscos das instalacións industriais e ter preparada a resposta adecuada para minimizar as consecuencias en caso de producirse un accidente.
 

A policía local do Carballiño localizou este domingo o foco onde estaba a producirse o verquido de gasoleo á rede municipal de alcantarillado. Según fontes policiais tratabase da caldeira dun edificio da avenida de Julio Rodríguez Soto, a cal presentaba una fuga que levaba días perdendo o combustible, que pasaba os sumideiros e dende alí á rede de alcantarillado.

Según informaron os responsables da policía local, unha vez localizado ese verquido procedeuse a reparación e selado da caldeira para evitar que continuara o verquido. Dende que tiveron constancia dos olores que emanaban das alcantarillas en distintas zonas do casco urbano, os axentes da policia local iniciaron as investigacións, que diron resultado a primeira hora da tarde do domingo.

Pese a estar solventado o problema as autoridades locales advertiron que ainda, durante unhos días, pode que continuen os cheiros en algunhas zonas da vila, xa que eliminar todo o verquido da rede de alcantarillado leva máis tempo.

No transcurso dos últimos dias, varios veciños denunciaron ante a Policía Local os cheiros que desprendían as alcantarillas no seu barrio. A alerta foi ainda maior cando estas denuncias chegaban de varias zonas do casco urbano, e non precisamente próximas,. o que fixo sospeitar as autoridades locais que se trataba dun verquido directo á rede de alcantarillado.

A solicitude de compatibilidade presentada polo alcalde Francisco Fumega para exercer actividade privada, neste caso como profesor nunha universidade portuguesa, foi rexeitada pola corporación municipal ao sumar os 9 votos en contra dos 3 grupos da oposición municipal, PP, BNG e Alternativa Veciñal.

Ao tratarse este punto ausentabase da sesión, por imperativo legal, o propio alcalde. Dende o grupo de goberno, o seu portavoz, Adolfo Nogueira, explicou ao pleno que Fumega tiña previsto abandonar a súa actividade docente cando no pleno de organización deste mandato municipal se acordara a dedicación exclusiva ao seu cargo de alcalde, pero a insistencia dende a universade portuguesa fixo cambear a súa decisión.

Os grupos da oposición consideran que as responsabilidades de Fumega como alcalde e o salario que recibe do concello do Carballiño non deben ser compatibles con outras funcións e retribucións que non sexan as propias do seu cargo como alcalde.

O concelleiro de Alternativa Veciñal, Bernardo García, propuxo que o alcalde cambiase a dedicación exclusiva que ten recoñecida por unha dedicación plena, e desa maneira compatibilizar a alcaldía coa súa actividade privada como docente, unha posibilidade que rexeitaron os socialistas, que tampouco aceptaron a proposta do Partido Popular para "deixar sobre a mesa" este punto.