Política

O concelleiro socialista Iago Fariñas ven de presentar unha moción para o seu debate no pleno da corporación municipal na que pide o acordo dos grupos políticos para adoptar medidas contra o despoboamento que sufre o municipio, concretamente, propón o representante do PSdeG unha axuda municipal de tres mil euros a cada neno nacido ou adoptado no Irixo.

Para acceder á proposta socialista prema no arquivo adxunto:

As obras de reparación de viais da zona industrial do Carballiño, levadas a cabo o pasado mes de outubro, "foron realizadas en tempo e forma, cumpríndose os termos previstos no proxecto", aseguran dende o concello tras a denuncia por supostas irregularidades feita polo Partido Popular.

"Na acta de comprobación material, asinada o 18 de novembro polo técnico enxeñeiro industrial da Xunta de Galicia, se expresa a conformidade coa documentación da obra, coa conxunción dos obxectivos e cocumprimento da normativa vixente", manifestan dende o concello carballiñés.

Engaden, ademáis, que"houbo un incremento do custo da capa asfáltica, que se fixodun grosor moi superior ao previsto inicialmente, compensando o aforro dalgún tramo no que non se considerou necesario picar máis a fondo para colocar unha base de zahorra".

Finalmente, subliñan que  "a premura de tempo para poder executar esta reparación, que se realizou prácticamente nunha semana, non permitía máis atrasos nin modificacións significativas que imposibilitasen a súa conclusión".

O concelleiro de Persoal e Seguridade, Adolfo Nogueira, asinou  o contrato cos dez membros do Grupo de Emerxencias Municipal, "tras un longo período de incertidume sobre o seu futuro, que viña dende o pasado mandato municipal", manifestan dende o concello carballiñés. O pasado dia 21 de Decembro venceron os anteriores contratos de traballo.

Ao acto, que se desenvolveu no salón de sesións do concello, tamén asistiu o alcalde, Paco Fumega, quen agradeceu a súa dedicación e pediu disculpas polo retraso na consecución do obxectivo para a súa continuidade.

Asemade, Nogueira salientou que, "malia ás dificultades, os carballiñeses en ningún momento estiveron desprotexidos e que agora se regulariza unha situación anómala á que nunca se debeu chegar".

Felicitouse polo acordo acadado e asegurou que "se facía un esforzo a prol da seguridade des veciños e veciñas do Carballiño".

O contrato formalizouse con a oitop eóns e dous capataces, co que o Grupo queda conformado por doce persoas, xa que outros dous capataces xa forman parte da plantilla municipal.

Desta maneira constitúense catro brigadas de tres persoas (douspeóns e un capataz), de xeito que se cubran as 24 horas do día en turnos de 8 horas, mentres descansa a cuarta brigada.

O concello destina unha partida anual de 350.000 euros, co que se cubre a totalidade do custo do Grupo.

Necesitábase a sinatura do 20% do censo electoral do concello de Maside -508 sinaturas- e finalmente foron 771 veciños e veciñas de Maside os que suscribiron a presentación desta Iniciativa Popular Local.

A petición formalizouse por parte de Plataforma Masidá ante o rexistro municipal do concello de Maside.

Propoñen unha "deliberación no Pleno da Corporación que teña como consecuencia un acordo de rexeitamento a unha instalación dunha fábrica de incineración de neumáticos", que pretende ubicarse no monte comunal do pobo de Bouzas.

Para elo, a corporación deberá elaborar unha norma de carácter orgánico pra a participación da veciñanza no pleno do conello, según o previsto na lei reguladora de Bases de Réxime Local.

Os promotores desta IPL consideran que o proxecto sería altamente contaminante, e por tante perxudicial tanto para a saúde das persoas como para o medio ambiente. Mentres, o alcalde Celso Fernández, defende a viabilidade deste proxecto que crearía unhos 20 postos de traballo.

Impugnan a constitución da Xunta Rectora da comunidade do M.V.M.C. de Bouzas

Seis veciños do pobo entenden que a constitución da Xunta Rectoral foi ilegal, por non reunir os requisitos legais para a convocatoria da asemblea. Por este motivo, presentaron impugnación ante a Consellería do Medio Rural solicitando a nuliddade de pleno dereito de esta Xunta Rectora e de calquera acorde que fora adoptado pola mesma.

Na obra realizada polo Concello na zona industrial, subvencionada pola xunta de Galicia, O Grupo municipal do Partido Popular "detecta cambios importantes en partidas de Obra".

Partidas como "a demolición de pavimentos asfálticos existentes, extendido de zahorra artificial, base de firme de macadam e aglomerado de 6 ctm nun tramo de 2.590 m2 foi sustiruida por partida onde se extendeu aglomardo por riba dun simple fresado do piso existense", aseguran.

Tamén se detectan -afirman os populares-  tramos que terían que ir en aglomerado e que se resolveron cun rego asfáltico.

O Grupo Municipal do Partido Popular, ven de solicitar documentación ao Concello, do expediente administrativo e técnico desta obra, na que entenden que se realizaron modificacións importantes en partidas de obras "que poideron aforrar moitos cartos á empresa, aínda que esta cobrara a obra na súa totalidade", manifestan.

Esta obra saíu a concurso por 129.106,47€ e adxudicouse por 111.108,87€ e obligábanse a executar todas e cada unha das partidas recollidas no proxecto técnico de obra.

"A falta de analizar en profundidade o expediente, que se fará tan pronto o faciliten, pódese falar dun aforro dunhs 35.000€ que non se viron, nin recollidos en nigún expediente administrativo, nin modificado de obra, nin reformado de obra, e que ademáis tampouco se viu refrexado nun aforro para a administración. O único que tivo aforro foi a empresa adxudicataria que cobróu íntegramente o que o proxecto marcaba" subliñan dende o grupo municipal do Partido Popular.

O grupo carballiñés “Andasoa”, alzouse co triunfo do Primeiro Festival de Canto de Taberna ”Un bico no cantar”, que se desenvolveu en 29 bares e cafeterías do Carballiño, na tarde-noite do sábado.

O grupo "Andasoa" fórmano Andrés, Dario, Sonia e Alícia. En segundo lugar quedou o grupo “Os de Maside”, e en terceiro lugar, o grupo "Faíscas - Os Biruxes”.

Os concelleiros de Cultura e Turismo, Diego Fernández e Manuel Dacal, respectivamente, destacaron a magnífica participación de grupos e público, que acolleu este evento con grande entusiasmo. Ambos concelleiros salientaron que  foi unha excelente experiencia para organizar novas edicións e agradeceron a colaboración recibida de hostaleiros e patrocinadores.

A convocatoria tivo tanto éxito, que incluso se sumaron cantores e músicos procedentes de Santiago, ou da Estrada, por citar dous lugares de fóra da comarca, para acompañar aos grupos.

Os premios establecéronse segundo o criterio dos hostaleiros, que emitiron nunha puntuación dos grupos participantes nos seus locais.

Emerxencias 112 e a Confederación Hidrográfica comunicaron esta incidencia aos concellos de Boborás e Leiro, para que tomen as medidas preventinas oportunas e advirtan da mesmas á poboación da zona afectada polo cauce do río Avia. A situación, inicialmente prevista durante unhas seis horas na tarde do venres, pode prolongarse durante a fin de semana, dado que as previsións meteorolóxias apuntan á continuidade das chuvias, incluso fortes, para a fin de semana. 

O concello de Boborás procedeu a cortar ao tráfico a estrada local entre Leiro e Pazos de Arenteiro, á altura da Ponte de Pazos. En Leiro, o concello cortou o acceso ao paseo fluvial e a zona da Ponte das Poldras e o parque do Salgueiral.

Dende o centro de control de Gas Natural Fenosa, indicase que o encoro de Albarellos aliviará 400 m3 por segundo, para regular o nivel de auga encorada.

A conselleira de Infraestruturas e Vivenda, Ethel Vázquez, avanzoulle ao alcalde de Leiro, Francisco José Fernández, que a Xunta de Galicia realizará este ano as obras de rehabilitación do firme nas travesías da OU-209 e da OU-188 neste concello.

Avanzou que, xunto con isto, se actuará na OU-187 en Cea; na OU-172 en O Carballiño e na travesía Valdepereira en Ribadavia.

Estas actuacións, que se licitarán este xoves, 7 de xaneiro, terán un orzamento de case 450.000 euros e contarán cun prazo de execución de 6 meses, sempre que as condicións meteorolóxicas o permitan.

Con estas accións búscase mellorar a seguridade da circulación e a durabilidade do firme, tal e como indicou a conselleira de Infraestruturas, posto que “manter as estradas nun bo estado de conservación redunda no incremento da seguridade viaria, un dos obxectivos prioritarios do Executivo autonómico”.

“Estes son os principais motivos polos que se levarán a cabo as actuacións de reforzo de firme como as que imos executar en Leiro e que hoxe lle presentei ao alcalde na reunión que acabamos de manter”, aclarou.

Estas obras contarán cun investimento próximo aos 240.000 € e sumaranse a outras actuacións que testán proxectadas en distintas vías pertencentes á rede secundaria da xunta das comarcas do ribeiro e do carballiño, polo que, en total imos destinar preto de 450.000 € ao mantemento de estradas destes catro municipios.

Finalmente, Ethel Vázquez subliñou que “con estas obras obterase seguridade viaria e maior comodidade para o conxunto dos usuarios, sobre todo, para os máis de 23.000 veciños destes concellos ourensáns”.

Leiro

No Concello de Leiro actuarase en dúas estradas, a OU-209 e a OU-188. Na OU-209, na travesía de Leiro, observouse a existencia de varias zonas onde o firme está bastante degradado, polo que é necesario realizar un fresado e a eliminación da capa de rodadura. Posteriormente, reporase o firme eliminado con mestura bituminosa en quente e se estenderá en toda a superficie da calzada da travesía, co fin de mellorar as características superficiais do pavimento.

Nesta mesma estrada, nos treitos entre as interseccións coa OU-504 e a travesía, concretamente, nos puntos quilométricos 0+060-2+712 e os.3+540-3+970, proxectouse a execución dunha capa de microaglomerado en frío en toda a superficie da calzada para selar as gretas existentes.

Así mesmo, na travesía da OU-188 en Leiro proponse a colocación dunha nova capa de rodadura en todo o ancho da mesma como medida de rehabilitación superficial, dado que a súa superficie está agretada e a rodadura presenta irregularidades.

San Cristovo de Cea e Carballiño

Proxéctanse actuacións para a rehabilitación do firme e para a mellora da drenaxe na OU-187, en Cea. As accións de reforzo de firmes son as seguintes: execución dunha nova capa de rodadura nas interseccións coa N-525; execución dunha capa de microaglomerado en frío no tramo comprendido entre o P.K. 0+060-0+620; e dunha nova capa de rordaura no treito de travesía comprendido entre o P.K. 0+620-1+520. As actuacións para a mellora do drenaxe da estrada serán a limpeza de marxes; execución de gabias de seguridade; e a reposición dunha tubaxe de pluviais de PVC

No Concello do Carballiño mellorarase o firme da OU-172. Neste vial planeáronse actuacións para o reforzo do firme e para a mellora da drenaxe. As accións de reforzo de firmes consistirán na colocación dunha capa de mestura en quente en toda a plataforma da estrada, xa que se atopa fisurada. Para a mellora da drenaxe da vía realizarase a limpeza de marxes e execución de gabias de seguridade e transitables en certos tramos da estrada.

As nenas e nenos do Carballiño poderán acompañar aos Reis Magos na cabalgata que se desenvolverá este martes dia 5, a partir das seis da tarde, entre o templo da Veracruz e o concello.  Malia ás adversas condicións meteorolóxicas, a previsión apunta a un lixeiro melloramento a partir das seis da tarde, polo que o concello do Carballiño decidiu manter o itinerario previsto inicialmente.

A cabalgata partirá ás seis da tarde do templo da Veracruz  e percorrerá as rúas Conde Vallellano, Rosalía de Castro, Tomás María Mosquera, Ribeiro e Cesáreo Tizón, para culminar, ás sete da tarde, na Praza Maior, fronte ao concello.

A continuación os reis saudarán aos nenos e nenas dende o balcón da casa consistorial,  compartirán o saúdo co alcalde, e de seguido terá lugar a recepción no salón de actos.7

Máis dun cento de persoas participarán na cabalgata, que estará formada por tres carrozas profusamente engalanadas e iluminadas para a ocasión. As carrozas, nas que irán os reis e os paxes, contarán coa animación musical da Escola de Gaitas do Carballiño, de Banda de Música municipal, así como do son propio que levan incorporado.

Non obstante, e dependendo da tregua da chuvia, podería variar o acompañamento musical en determiñados tramos do percorrido. 

Ainda que todas as previsións consultadas, apuntan a unha dimunición da pluviosidade a partir das seis da tarde, cun período de chuvia prácticamente inapreciable, que permitirá que a cabalgata se poida desenvolver sen perigo para os participantes e o público, prégase se manteñan as distancias de seguridade con respecto ás carrozas, para evitar calquera posible contratempo.  Ao respecto, o concello velará ao máximo pola seguridade durante o percorrido da cabalgata.