Política

O concelleiro de Fai O Irixo, Florentino Pérez Bernárdez, propón tamén que o concello acondicione as antigas escolas que forman parte do inventario municipal e que permanecen abandoadas, para reconvertilas en vivendas con finalidade social.

Para acceder a moción de Fai O Irixo prema no arquivo adxunto:

O desfile de comparsas, previsto para este martes de entroido, trasládase ao próximo domingo, debido á previsión meteorolóxica de temporal, con ventos fortes, que podería por en perigo a seguridade das persoas que ían participar nas carrozas e no desfile.

Por isto, o concurso se celebrará o domingo de piñata, 14 de febreiro, coincidindo coa celebración da XXII Festa da Cachucha.

Dende a concellalía de Cultura se informou ás preto de vinte comparsas e murgas, inscritas para participar no desfile, deste cambio, que ven obrigado pola pésima predicción do tempo que hai para a tarde do martes, con ventos superiores aos 60 km/hora e chuvia constante.

Ao longo desta semana se informará do horario previsto para o desfile do próximo domingo, no que participarán a práctica totalidade das comparsas inscritas, ademáis das charangas e folións que xa están contratados.

A única actividade que se mantén para este martes é o entroido a cabalo dos felos de Maside, polas parroquias de Señorín, Partovia e Mesego, con saída do instituto nº 1 a partir das 10,00 h.

O baile de máscaras do luns de entroido, que se ía celebrar na Praza Maior, trasládase á Praza do Emigrante, onde hai instalada unha gran carpa.

Así pois, a orquesta.espectáculo FÓRMULA, actuará baixo esta carpa, que ten capacidade para acoller a unhas mil persoas.

Os pases serán de 21.00 a 22,00 h., e de 00,00 a 02,00 h.

Dende as concellalías de Cultura e Turismo, así como do sector hosteleiro, que colabora na contratación desta orquestra, considérase que esta baile do luns  conta cunha gran expectación, a pesar do tempo revolto, e se cre que hai moito interés tanto no Carballiño como na comarca e fóra dela por ver esta actuación.

Por isto, acordouse cambiar o emprazamento previsto inicialmente.

A negativa previsión de tempo para tarde noite do luns, 8 de febrero, aconsella este traslado de escenario, co que se garante tanto a actuación desta orquestra, formada por excompoñementes doutras orquestras punteiras de Galicia e que está chamada a ser unha das grandes orquestras desta próxima tempada, como a posibilidade de que o público a poida seguir a colleito.

No é este o único cambio que se está a producir nesteentroido por causa do mal tempo. O sábado, xa se tivo que celebrar o entroido infantil no salón de baile do Casino. O forteventoobrigou a abrir a carpa polos laterais, para evitar que o aire a puidedese levantar.

Sen embargo, o baile de máscaras dos maiores e a actuacións da murga local Os Liborianos, que na tarde do domingo, desenvolveronse baixo esta carpa.

Ademáis, a concellalía de Cultura tomará -probablemnte durante a xornada do lúns- unha decisión acerca de calquera variación que se puidese realizar con respecto ao desfile de comparsas do martes de entroido. Nese caso, será comunicado coa debida antelación.

Os arqueólogos do Centro de Estudios “Chamoso Lamas” da comarca do Carballiño, reclaman aos concellos a catalogación das rochas con petroglifos descubertas recentemente. Concretamente, refírense ás 13 rochas con motivos xeométricos grabados, correspondentes ao III milenio A.C., que descubriron en diversas parroquias dos concellos do Carballiño, Boborás, O Irixo e San Amaro.

Segundo sosteñen, é o primeiro paso que hai que dar para poder salvagardalos.

A elaboración dunha guía con estes achagos, é un dos alicientes do último número da revista “Argentarium”, que edita o centro de estudios carballiñés.

A revista, de case 200 páxinas, contén 15 artigos de grande interese histórico referidos ao Carballiño e á súa comarca. Neste número, que é o sexto, ainda que o centro de estudios conta xa con 13 publicacións dende a súa creación, expóñense traballos sobre algúns documentos inéditos, como é un “Plano e memoria do Balneario do Carballiño”, de 1868. Tamén resulta salientable a historia do Muíño de Toscaña, do século XVIII, un dos máis grandes da comarca, con cinco pares de moas e que deu orixe á fervenza do Balneario.

Asemade, noutro artigo recóllese unha completa biografía dun dos políticos máis sobresaíntes da comarca no século XIX, Tomás María Mosquera, e noutro, se relaciona aos poetas vencellados con Maside, cunha referencia especial a Francisco Luís Bernárdez, Premio Nacional de Poesía, en Arxentina.

En relación á comarca, tamén destaca unha investigación sobre o sistema familiar e as prácticas sucesorias no Ribeiro do Avia, e outros sobre as igrexas románicas de Madarnás e Santo Tomé O Vello.

A revista estará a venda nas librerías do Carballiño a partir da próxima semana, ao prezo de 15 euros.

O pulpo do Carballiño erixiuse en protagonista da inauguración da feira gastronómica Xantar, que se celebra no recinto de Expourense.

Unha vez máis, o produto gastronómico carballiñés por excelencia, o pulpo á feira, acadou o interese das autoridades que asistiron á inauguración desta feira e detivéronse a degustar o pulpo, o pan de cea e o viño do Ribeiro, que se ofrecían no stand instalado pola mancomunidade turística Terras do Avia, á que pertenece O Carballiño.

O alcalde, Francisco Fumega, e os concelleiros de Turismo e Cultura, José Manuel Dacal e Diego Fernández, respectivamente, oficiaron de anfitrións da mancomunidade ante o presidente da Xunta e o resto da nutrida a comitiva oficial que se detivo un bo anaco de tempo, durante o recorrido que fixeron polos stands da feira.

Ademáis, nesta ocasión, contaron cun convidado moi especial, o chef carballiñés, galardoado recentemente cunha estrela Michelín, Manuel Domínguez, do restaurante Lúa de Madrid.

Dous pulpeiros coceron varias ducias de quilos de pulpo, que se ofreceron para ser degustadas polas personalidades convidadas. Así, ademáis do presidente da Xunta, estiveron no stand do Carballiño, o presidente da Deputación provincial, o alcalde de Ourense, o presidente do Parlamento de Galicia e directivos das empresas que patrocinan a Festa do Pulpo.

O  venres, día 5, será o día dedicado ás Terras do Avia, e os alcaldes do Carballiño, Leiro e Ribadavia protagonizarán un acto no que se promocionará a gastronomía e o turismo nos seus respetivos concellos.

O Partido Popular denuncia que o goberno municipal "sexa permisivo cunha empresa externa que ten obrigación contratual co concello" e esixe explicacións inmediatas.

Afirman os populares que os pais e nais dos cativos que acuden a este servizo municipal mostraron a súa preocupación "polo que está acontecendo coa baixa dunha traballadora da empresa contratada para atender este servizo, pois non é substituída por outra e as súas funcións son suplidas por unha concelleira do grupo de goberno".

Este servizo para atención temperá ás familias carballiñesas, dentro das políticas de conciliación, cóstalle ao concello 73.000 euros ao ano "polo que non é de recibo que unha simple baixa dunha traballadora no estea articulado, xa que é unha circustancia normal".

Non entende o Partido Popular "como o grupo de goberno, tan crítico noutros tempos con este tipo de externalizacións, non so as potencian dende que están gobernando, senón que incluso lles facilitan substitucións de traballadores, sen incluso recriminar tal circustancia, supoñemos, pois senón sería máis grave, que nada terá que ver que a traballadora da empresa que estivo ausente sexa filla doutro concelleiro tamén do grupo de goberno", remarcan.

O concello nega irregularidades no funcionamento do servizo

A concellalía de Benestar Social, Igualdade e Sanidade "non detecta ningunha incidencia reseñable no funcionamento do servizo “Bo Día Familia”.

"De feito, este servizo, que foi asumido polo actual grupo de goberno dun modo absolutamente precario, está a cubrirse temporalmente dun xeito eficiente, á espera de que se convoque o concurso para unha nova adxudicación dentro dun breve tempo", indican dende o concello.

Enganden que "a pesar de que o concello non pode realizar ningún contrato, polo impedimento do plan de axuste implantado polo anterior goberno municipal, “Bo Día Familia” conta coas suficientes monitoras para garantir a prestación. Ao respecto, hai que destacar que o concello ten previsto un orzamento de 73.000 euros, que é o presuposto establecido para convocar o novo concurso, pero non para sufragar o custo do servizo neste tempo de transición".

En todo caso, reiteran "que o servizo está cuberto de xeito eficiente, cumpríndose todos os ratios de alumnos/monitores, e non existe ningún motivo de preocupación".

 Javier Veiga, Xavier Deltell, Quiqué, Manuel Manquiña e Carlos Blanco son os artistas invitados ao primeiro ciclo de humor “Carballiño COMEDY”, que se desenvolverá durante os meses de febreiro a xuño no auditorio municipal do Carballiño.

A primeira actuación estará protagonizada polo humorista galego Javier Veiga, que foi o primeiro presentador do Club de la Comedia. Será o sábado, 20 de febreiro, ás 21,00 h.

A continuación, ofrecerán os seus monólogos Xavier Deltell, o 19 de marzo; Quiqué, o 16 de abril; Manuel Manquiña, o 14 de maio, e finalmente, Carlos Blanco, o 4 de xuño.

Este ciclo, que é único na provincia de Ourense, está promovido pola compañía “MoitaMerda Promocións”, con sede en Vigo, e conta coa colaboración da concellalía de Cultura do concello do Carballiño.

Juan Pablo Quintela, representante desta compañía, asegura que estre ciclo é unha clara aposta pola vilas, porque contan cunha oferta cultural menor que calquera cidade, e por iso elexiron O Carballiño.  

Asemade, o concelleiro de Cultura, Diego Fernández, amósase satisfeito por esta iniciativa, que convertirá ao Carballiño nunha referencia a nivel galego. Ademáis, agradece a colaboración do sector hosteleiro, que incluso ofrece un desconto nas consumicións e cenas, coa compra dunha entrada para as actuacións.

As entradas poden reservarse por teléfono, e adquirirse de modo anticipado a través de Internet, ou no restaurante A Fuchela, ao prezo de 10€. Tamén se poderán comprar ao prezo de 12€, en taquilla, antes de cada función. 

O concello do Carballiño contará para este ano cun orzamento de 9.455.000 euros.  A maior partida corresponde ao capítulo de bens e servizos que, con 4,8 millóns de euros, supón o 51,3% do total. Os gastos de persoal, con 3,2 millóns de euros, representan o 34,6%. As inversións acadan algo máis de 0,5 millóns de euros, que é o 6,1% do presuposto.

Este orzamento aprobouse na sesión plenaria desenvolvida na tarde de onte, 1 de febreiro. O resultado da votación foi o seguinte: 8 votos favorables (PSdeG-PSOE), 5 abstencións (PP), e 4 votos en contra (BNG, AV e o voceiro do PP que se xustificou aducindo que o seu voto negativo era para poder facer un seguimento dos acordos acadados co alcalde e alegar en caso necesario).

A través desta emisora de radio explicaron o sentido do voto os voceiros das catro grupos políticos representados na corporación municipal do Carballiño.

Bernardo García, de Alternativa Veciñal-En Marea, apuntou a "un pacto encuberto entre PSOE e PP, un cambalache entre ambos para protexer os seus intereses e perpetuar unha Relación de Postos de traballo -RPT- que non se corresponde coas necesidades do concello". O representante de AV  non se fía da "provisionalidade" desta RPT e do compromiso do grupo de goberno de presentar unha nova RPT no presente ano.

Dende o BNG, Chema Ferreiro, manifestou que  o seu grupo non pode "comulgar con rodas de muiño" e participar da "cereromia posta en escena por socialistas e Partido Popular, que coinciden no sustancial", polo que son "unhos orzamentos continuístas", subliñou.

Argimiro Marnotes manifestou que o Partido Popular facilitou coa súa abstención a aprobación dos orzamentos "por un sentido de responsabilidade política co Carballiño, agora o grupo de goberno xa ten unhos orzamentos cos que desenvovler o seu proxecto, ao que dende o Partido Popular conseguimos incorporar varias propostas, froito da nosa experencia de goberno", remarcou.

O grupo socialista mostrou, en voz de Adolfo Nogueira, "a satisfación pola aprobación destes novos orzamentos cos que conta o concello do Carballiño despóis de varios anos con orzamentos prorrogados", recoñecendo que "tal como xa manifestou en pleno o alcalde son unhos orzamentos mellorables, pero son agora mesmo os orzamentos posibles".

Os colectivos veciñais do Carballiño, xunto co concello, formarán un grupo de traballo para demandar a mellora do transporte público, tanto ferroviairio como por estrada, coas principais cidades.

Esta é unha das iniciativas que se acordaron durante unha reunión desenvolvida entre os representantes do movimiento veciñal e o grupo de goberno municipal para analizar, entre outras cuestións de relevancia, a situación actual do transporte público do Carballiño coa capital da provincia, a capital de Galicia e o resto das cidades.

Asemade, propúxose integrar nesta comisión a todas as forzas políticas con representación municipal, e incluso aos demáis concellos da comarca, co obxectivo de facer unha fronte común para reclamar a mellora do transporte público en toda a comarca.

A desaparición do servizo do tren-hotel en dirección a Madrid, a supresión de servizos ferroviarios de cercanías con Santiago e Ourense, e a cativa oferta de transporte de autobuses, despertaron as queixas dos colectivos veciñais, que están dispostos a mobilizarse a carón do concello do Carballiño para evitar a desconexión paulatina da cabeceira da comarca coa capital da provincia e as cidades máis importantes en transporte público.

Precisamente, o acordo subscrito será exposto no decurso da sesión plenaria do próximo luns, onde se debatirá unha moción alusiva a esta cuestión.

O grupo de traballo estará formado, en principio, por tres representantes da federación de asociaciónsveciñais, outrosdous representantes dos colectivos veciñais, o alcalde e o concelleiro de promoción económica, en representación do grupo de goberno municipal. E se espera que se incorporen representantes do resto dos grupos con presencia no concello.

Para conseguir o obxectivo de mellorar as conexións se agotarán as vías institucionais, pero non se descarta promover unhamobilización social, adoptando medidas de protesta e presión na rúa e, sobre todo, nasestacións do ferrocarril e dos autobuses.

Tanto os representantes veciñais como dende o concello se considera que o transporte colectivo non é unha cuestión de rendibilidade económica, senón de interese social, xa que se trata dun servizo público esencial para cohesionar a comarca e evitar o paulatino e dramático despoboamento que se está a producir nas zonas rurais.

O envellecemento e a dispersión dunha poboación comarcal de preto de 30.000 persoas, precisa un bo servizo público de transporte para non quedar illado. E, por isto, os veciños e a institución municipal están dispostos a tomar as medidas necesarias que conduzan a evitalo.

A cafetería da estación de servizo "SER Carballiñesa", sita nas inmediacións da rotonda de acceso á autovía de Santiago, no límite mesmo entre os concellos de Cea e O Carballiño vendeu este pasado xoves un boleto de 5 euros do rasca millonario da ONCE que resultou  premiado con 500.000 euros.

Trátase do premio máis elevado en España neste xogo do rasca millonario, aínda de recente implantación.Según a información facilitada a esta emisora de radio polo xerente do establecemento "o afortunado foi un cliente habitual que é veciño da zona, pedindome permanecer no anonimáto".

Engadíu que naquél momento tan so outro cliente, ademáis do afortunado, se encontraba na cafetería "os primeiros instantes foron de absoluta incredulidade, despóis foise moi nervioso para a súa casa, tras comentarme que xa o celebrariámos máis adiante", manifestou Javier García, responsable do establemento que xa na lotaría do nadal do 22  de decembro pasado repartira 55.000 euros en premios entre a súa clientela.