O Carballliño continúa incrementando os casos de coronavirus, e chega hoxe aos 41 contaxios activos, deles 39 son novos contaxios rexistrados nos últimos 14 dias. Ademáis, Maside , que levaba varias semanas sen casos de coronavirus, rexistra hoxe 2, nesta última actualización de datos feita polo Sergas.

Mentres, Piñor queda libre de virus, tras recibir a alta médica a única persoa enferma que figuraba neste concello, e San Cristovo de Cea rebaixa ata os 6 os contaxios acttivos, 2 menos que onte. Continúan con 2 casos os concellos de Boborás e O Irixo, con 1 contaxio sigue estando Punxín, e continúan con cero contaxios os municipios de Beariz e San Amaro.

O concello do Carballliño ven de comunicar que a primeira feira do ano, a deste sábado dia 16 de Xaneiro, veráse reducida a productos de proximidade, agro, alimentación e polbo, que poderán ubicarse nos seus lugares habitúais dun dia de feira. Desta maneira cúmplese coa normativa e as restricións do coronavirus que entran en vigor este venres e afectan a O Carballiño, comunican dende o concello, unhas restricións como a de mobilidade, que impedirán aos veciños residentes noutros concellos poder achegarse á feira.

O presidente do Goberno galego, Alberto Núñez Feijóo, analizou hoxe co alcalde de O Carballiño, Francisco Fumega, novas actuacións en materia de sanidade, saneamento e turismo no concello.

Concretamente, Feijóo trasladoulle ao rexedor municipal a posibilidade que brindan os Orzamentos da Xunta de 2021 para que o Centro de Saúde do Carballiño poida acceder a distintas partidas coas que acometer diferentes obras de mellora, entre as que se atopan as relacionadas coa eficiencia enerxética, a climatización ou a adaptación funcional de distintos espazos e melloras do espazo asistencial. Ambos mandatarios abriron tamén a posibilidade de, a través da Consellería de Sanidade, valorar a mellor forma de actuar nesta infraestrutura, coa construción dun novo centro de saúde.

No ámbito do saneamento municipal, Feijóo e Fumega analizaron a posibilidade de que Xunta e Concello realicen un cofinanciamento do 50% das distintas actuacións a desenvolver neste eido por un importe total de 600.000 euros. O Concello do Carballiño comprometeuse a remitir o proxecto á Consellería de Infraestruturas e Mobilidade para a súa valoración.

Por último, no eido cultural e turístico, ambos avaliaron a situación na que se atopa o Museo do Papel en Galicia situado nesta localidade e a súa necesaria musealización interior.

No tocante á covid, Feijóo salientou que desde o inicio da pandemia, no marco do Plan de Reactivación posto en marcha pola Xunta, destináronse máis de 600.000 euros a axudar a empresas, autónomos e emprendedores do municipio; e no eido da hostalaría, o Plan de Rescate activado polo Goberno galego chegou a 100 beneficiarios do Carballiño.

O titular do Executivo galego aproveitou a xuntanza para destacar tamén a colaboración entre ambas administracións na loita contra a covid, coa entrega de material por parte da Xunta como: máscaras, xel hidroalcólico, luvas, batas, traxes, desinfectantes e pantallas faciais.

A Consellería de Medio Ambiente, Territorio e Vivenda prevé contratar antes de final de ano a redacción do futuro Plan Básico Municipal (PBM) do Concello de Beariz. Así llo trasladou esta tarde a conselleira Ángeles Vázquez ao alcalde deste municipio ourensán, Manuel Prado, no transcurso dunha xuntanza por videoconferencia na que abordaron varios asuntos de interese local.

O instrumento urbanístico vixente en Beariz é unha Delimitación de Solo Urbano (DSU) do ano 1994 polo que se trata dun dos 37 concellos galegos para os que foi concibida a figura do Plan Básico Municipal, unha ferramenta impulsada pola Xunta precisamente co fin de que municipios de menos de 5.000 habitantes e que non contan con planeamento xeral poidan dotarse dunha ordenación básica que lles permita desenvolver certa actividade urbanística, pero sen establecer criterios de crecemento urbano.

A Xunta asumiu directamente a redacción do primeiro PBM de Galicia, o do Concello do Páramo, que precisamente esta semana acaba de iniciar o seu período de información pública, como paso previo á súa aprobación definitiva.

Este documento, tal e como lle explicou a conselleira ao alcalde, servirá de guía na elaboración dos futuros plans básicos municipais. Así, lembrou que actualmente hai oito concellos que se atopan na recta final da tramitación deste instrumento –estimada nuns 18 meses- e que nun segundo grupo de municipios, entre os que se atopa Beariz, xa se dispón das imaxes aéreas necesarias para poder realizar a cartografía que servirá de base na elaboración dos seus respectivos PBM.

Neste sentido, Ángeles Vázquez trasladoulle que o seu departamento pretende darlle un pulo importante este ano aos Plans Básicos Municipais, polo que nos orzamentos se reserva unha partida de 842.000 euros para sufragar os custos dos traballos de cartografado e redacción destes documentos.

Noutra orde de asuntos, a Consellería tamén estudará a posibilidade de colaborar economicamente nun proxecto municipal de humanización no núcleo de Doade a través dalgunha das liñas de axudas que pon a disposición dos concellos. Neste sentido, cómpre lembrar que a Xunta leva 10 anos colaborando coas entidades locais a través do chamado Plan Hurbe na execución de diferentes tipos de intervencións e proxectos urbanísticos que contribúan a crear, mellorar ou humanizar equipamentos de uso común e colectivo.

De feito, desde o ano 2009 o Concello de Beariz asinou varios convenios de colaboración coa Xunta ao abeiro deste programa que permitiron levar a cabo actuacións de acondicionamento e mellora en diferentes prazas e rúas do termo municipal, así como intervir sobre a contorna da Casa consistorial.

Neste sentido, Ángeles Vázquez animou ao alcalde a presentar este novo proxecto urbanístico en Doade, lembrando que nos orzamentos de 2021 o seu departamento dispón de case 7,5 millóns de euros para cofinanciar actuacións municipais destinadas tanto á mellora de equipamentos públicos como á humanización das contornas urbanas.

Leiro é coñecido polas súas altas temperaturas, sobre todo na época de verán, pero estes dias veu rexistrando mínimas de ata 6 graos baixo cero, provocando as consabidas pracas de xeo que se convirten nun problema nalgunhos camiños da rede viaria municipal, e tanto para a circulación de vehículos como para peóns.

A Agrupación Socialista de Leiro ven de denunciar públicamente "a desidia do goberno municipal", e como exemplo da situación de perigo consecuencia das xeadas destes dias pon o lugar de Cubilledo, na parroquia de Gomariz, cunha imponente praca de xeo como pode apreciarse na fotografía, asegurando que "na noie deste mércores un vehículo quedou atascado e tivemos que chamar ao 112 para que viñenan a socorrelo, dada a deixadez de funcións dos gobernantes de Leiro, que andan a outras cousas menos o que teñen que andar", remarcan.

Os socialistas piden "medidas urxentes" e recordan que o portavoz municipal Manuel Rodríguez xa advertíu reiteradamente ao alcalde de Leiro de que "se non se tomaban medidas logo chegarían as consecuencias, como agora se confirma, subliñan.

Según os datos que recolle este mércores dia 13 de Xaneiro  coronavirus.sergas.gal   e que están actualizados ás 18:00 horas de onte martes, cando o comité clínico da Xunta incluíu a O Carballliño entre os grupos de concellos con máximo nivel de restriccións, O Carballliño manténse en canto a incidencia acumulada de novos contaxios nos últimos 14 dias no parámetro entre 150-250 por cada cen mil habitantes.

Son 32 novos contaxios nos últimos 14 dias no Carballiño (37 casos activos na actualización de Sanidade de hoxe). Chama a atención este dato se o comparamos co resto dos concellos de idéntica poboación aos que a Xunta encadrou no nivel máximo de restriccións, xa que todos eles teñen unha incidencia de coronavirus moi superior, e ata catro veces máis novos contaxios nos últimos 14 dias dos que ten O Carballliño, según os datos oficiais.

A explicación para incluir a O Carballlño no nivel máximo de restriccións, según as explicacións do alcalde Francisco Fumega a COPE O Carballiño é "porque aínda que teñamos moitos menos casos, parece que están diseminados, apenas teñen relación entre si, o que fai moito máis dificil o seu control, e por eso son estas medidas tan duras, para que non pasar polo que xa pasamos en Outubro, esto é o que me trasladan dende o Sergas", manifestou o rexedor municipal, que mostrou o seu apoio a estas novas medidas restrictivas que contemplan o peche perimetral do municipio e a prohibición de atender no interior dos locais de hostelería.

As novas medidas acordadas pola Xunta para conter a progagación do coronaviurus incluiron a O Carballliño no grupo de municipios que pasan a ter as restriccións de máximo nivel, o que implica mobilidade restrinxida co peche perimetral do municipio carballiñés, no que non se pode entrar nin sair, agás para casos xustificados por motivos laborais, educativos ou sanitarios.

A outra medida con máis repercusión é a que afecta á hostelería, tan so poderá atender en terraza cun aforo máximo do 50% e con peche ás seis da tarde. As medidas entran en vigor ás 00:00 horas deste venres 15 de Xaneiro.

Todos os demáís concellos das comarcas do Ribeiro e O Carballliño figuran no segundo nivel de restriccións, polo que non terán mobilidade restrinxida, pódese entrar ou sair do municipio, e no caso da hostelería poderá atender tamén no interior dos locais, cunha ocupación do 30%, aínda que tamén deberá pechar ás seis da tarde.

O Toque de queda en toda Galicia adiántase ás 22 horas.

Empápate da mellor fotografía de Javier Tenente. Galicia, Senegal, Andalucía, Nicaragua, A India, Sri Lanka, Brasil, Panamá, Madagascar, Vietnam, Noruega, Indonesia... as comunidades de pescadores artesanais de todo o mundo son as protagonistas desta mostra que reúne imaxes únicas. « Fillos do océano» é unha homenaxe a todos eses pescadores artesanais que viven do mar e para o mar; ámano e veneran e obteñen del todo o necesario para a súa supervivencia. Tamén é unha chamada de atención e de concienciación social a favor da preservación dos ecosistemas mariños, para que respectemos e preservemos os océanos da destrución que hoxe ameaza este medio tan fráxil e indispensable para a nosa supervivencia. Só así, preservando o medioambiente, conservaranse as culturas ligadas á pesca tradicional e artesanal. Javier Tenente inicia o seu traballo profesional no diarios Faro de Vigo e Atlántico Diario, nos que desenvolve o seu labor como fotógrafo de prensa durante varios anos, ata que considerarse preparado para emprender o seu percorrido como reporteiro.

Esta nova etapa levarao dun extremo a outro do mundo, cubrindo algúns dos máis importantes acontecementos das últimas décadas. Na actualidade traballa como fotógrafo independente, representado pola axencia Getty Images. As súas fotografías foron publicadas nalgunhas das revistas e xornais máis importantes de España, como O País Semanal, Geo, Interviú, Magazine da Vangarda, O Mundo ou Tempo. Entre os anos 1998 e 2005 colaborou como fotógrafo coa ONG Médicos do Mundo e cubriu conflitos bélicos e desastres naturais en diferentes lugares do mundo, entre os que cabe destacar os traballos realizados en Centroamérica (Furacán Mitch 1998), Kósovo (1999), Timor (1999), Iraq (2003), Haití (2004) ou o tsunami en Banda Aceh, Indonesia (xaneiro de 2005). Gañou en dúas ocasións o prestixioso Premio Internacional Luís Valtueña de Fotografía Humanitaria (2003 e 2005), ademais de recibir o Premio Galicia de Comunicación (2004) e unha mención especial nos Premios Ortega e Gasset de Xornalismo (2006).

CORRENTE CULTURAL é unha aposta de ABANCA e Afundación para difundir cultura por toda Galicia, polos diferentes municipios e contando coa súa colaboración, construíndo unha rede de calidade que leve novas propostas máis aló dos nosos edificios. As iniciativas que conforman este ciclo parten dunha produción de nivel, con interese específico para a comunidade e unha estreita vinculación coas nosas tradicións e historia.