O Carballiño

Venres, 17: CHARANGA CLK a partir das 20 horas.

Sábado, 18 ENTROIDO INFANTIL. De 11:30 á 13:30 h Obradoiro infantil de máscaras e complementos de entroido A partir das 16:30 Festa-Concurso infantil de disfraces . Animación DJ MELO . A partir das 19.00 h: - Batucada PERCUCAR.  A partir das 21.00 h: - Doctor Anchoa

Domingo, 19. De 11:30 a 14 h Animación do Grupo TOKAIDE. A partir das 19:00 h na Praza Maior: - OS LIBORIANOS - Coplas de Entroido 2023

Luns 20. De 20 a 23 h polas rúas da Vila: FANFARRIA FARRUXA.  De 23.00 h a 01.00 h: - GIN TONI´S

Martes, 21: GRAN DESFILE-CONCURSO DE COMPARSAS E CHARANGAS. A partir das 19:00 h Actuación da ORQUESTRA ALKAR

Mércores, 22. ENTERRO DA SARDIÑA.  A partir das 19:30 Representación do ENTERRO por ASPADISI – “QATARLLIÑO” Animación CHARANGA CASTRO BELLO e  CHOCOLATADA

Domingo, 26 XXVIII FESTA DA CACHUCHA

Ás 11:30 h DESFILE DE FOLIÓNS, COMPARSAS E CHARANGAS - Comparsas de Amoeiro - Arrieiros de Petín - Folión de Fradelo - Folión de Tameirón - Asoc. Cult Son da Pedra Meiga Ás 14 h XANTAR DA CACHUCHA - Charanga Feitizo de Pau - Charanga Doctor Anchoa - Charanga Europa - Charanga CLK - Charanga Castro Bello As 17:30 h GRAN DESFILE DE FOLIÓNS, COMPARSAS E CHARANGAS - Comparsa Os da Caña - Comparsas de Amoeiro - Folión Arrieiros de Petín - Folión de Fradelo - Folión de Tameirón - Comparsa Os Solfamidas - Asoc. Cult Son da Pedra Meiga - Comparsas gañadoras do Martes de Entroido. Ás 19.30 GRAN BAILE na Praza Maior ORQUESTRA GRAN PARADA

San Cristovo de Cea

O luns, a partir das 17:30 horas, na Praza Maior, para cativos e cativas, Gran Festa con xogos e diversión asegurada.

O mesmo día, a partir das 20:30 horas, verbena co Grupo Xtra, tamén na Praza Maior para disfrute de veciños e asistentes.

Antes, o sábado hai cea-festa de entroido no Edificio Multiusos, poden mercarse os tickets para cear (10 €). 

Antes,  tamén o sábado as 17:00 horas en Cea Os Picapezas de Cea achegarán o Preestreo de Barbie 2023, película que se estreará no verán e que, en exclusiva mundial, chega a varios pobos do concello. Ollo, con vehiculos e actores orixinail do filme. Fantásticos!

O Irixo

O sábado de entroido sera o gran desfile de comparsas do concello do Irixo, que sairá ás 17:30 horas dende a Residencia de Maiores pasando polas Laxas e A Ponte ata o Pavillón de Deportes, onde se ofrecerá unha chocolatada a todos os comparsitas. Participarán algunhas das comparsas máis representativas do Irixo, O Carballiño ou Maside.

Boborás

O sábado de carnaval comezará ás 16:30 horas no polideportivo municipal de Boborás, con animación musical, hinchables infantís, e unha merenda cun menú a base de empanada, choruizos asados con pan e chocolate con churros. O lúns de entroido, ás 22:00 h. haberá concentración de "Rodos" en Pazos de Arenteiro, o lugar de encontro será o bar da Ponte, despóis farán un recorrido polos pobos de parroquia, e despedida con pinchos, doces e chocolatada.

Para o sábado de piñata, o 25 de febreiro, ás cinco da tarde haberá xuntanza de Felos en Feás, unha figura tradicional do entroido nesta parroquia, farán un recorrido visitando Vilachá, Cardelle e Vecoña, para regresar de novo a Feás, onde celebrarán unha merenda de despedida.

Maside

O lúns de entroido, saen os Felos a primeira hora da tarde, e as 17.00 h. gran desfile coas comparsas do concello de Maside como do resto da comarca, asi como as sempre espectaculares carrozas do entroido de Parada de Amoeiro, con chocolatada para todos e todas as comparsitas.

San Amaro

día 25 de febreiro, " Sabado de piñata" no Concello de San Amaro

 As 17:00 horas Desfile polas ruas de San Amaro. As 18:00 horas colchonetas e xogos para os nenos no campo da feira de San Amaro.  As 19:00 horas chocolatada para coller folgos. As 19:30 horas , Discoteca Mobil

Avión

O martes de carnaval, a festa estará na localidade de Beresmo, con concentración de participantes e merenda de entroido

Lino González encabezará a lista do PPdeOU no Carballiño nas vindeiras eleccións municipais. O presidente provincial, Manuel Baltar, reuniuse co novo cabeza de lista para perfilar os detalles da candidatura, celebrando a incorporación “dun referente da sociedade carballiñesa, que da o salto á vida política municipal para contribuír á mellora da súa vila”.

Manuel Baltar destaca o “compromiso cos seus veciños” demostrado por Lino González, “un home con capacidade para liderar o cambio no Carballiño e converter todas as potencialidades da vila en novas realidades”.

Lino González, resalta o presidente provincial, “é unha garantía para o Carballiño, que o 28 de maio terá nas siglas do PPdeOU unha candidatura formada a partir do traballo diario, coñecemento do territorio e proximidade cos veciños, e cuxos nomes conformarán o próximo goberno da vila do Arenteiro”.

Pola súa banda, Lino González enmarca a súa chegada á vida política coa súa preocupación polo público: “A miña actividade profesional -leva 22 anos traballando na oficina de Caixa Rural da vila, da que hoxe é o seu director- leva implícita unha estreita relación cos veciños. E esos vencellos son os que quero trasladar á política, co obxetivo de reforzar a miña proximidade cos problemas da xente e, agora dende a política, contribuír a resolvelos”.

Dende o Partido Popular no Carballiño agradecen a Lino González este paso, “sabedores do que implica para calqueira persoa tomar a decisión de participar na política local”. Ao novo candidato, explican, “móveno as gañas de mellorar aquelas cousas e servizos que coma veciño da vila ven detectando a necesidade de mellorar”.

“Non hai mellor forma de conseguir cambiar o goberno municipal do Carballiño que por medio da participación de todas as persoas con inquietudes e gañas de mellorar o seu entorno, e o PPdeOU é, sen dúbida, o mecanismo perfecto”, conclúen os populares da vila.

O director xeral de Planificación Enerxética e Recursos Naturais, Pablo Fernández Vila, acompañado polo delegado territorial da Xunta en Ourense, Gabriel Alén, visitou en Punxín as obras de mellora da área termal do Bañiño, para informar da apertura de prazo de solicitudes da segunda edición do programa de axudas para o acondicionamento dos espazos termais de uso lúdico de Galicia. Unha convocatoria de carácter plurianual (2023 e 2024) á que se reservan un total de 1,74 millóns de euros e que se manterá aberta desde mañá ata o 3 de xullo.

Os apoios, de concorrencia non competitiva, veñen de publicarse no Diario Oficial de Galicia (DOG) co obxectivo de fomentar a actividade termal mediante a realización de actuacións encamiñadas ao acondicionamento destas instalacións.

En concreto, estas melloras inclúen a adquisición e instalación de caudalímetros, sistemas de bombeo ou equipos de medición; colocación de sinalética; obras de acometida e canalización de augas; melloras de espazos verdes, instalacións de lecer e das condicións de accesibilidade e seguridade; así como actuacións en vestiarios, duchas e aseos.

Poden optar ás axudas as entidades locais galegas que conten co título habilitante para o aproveitamento lúdico das augas termais. A intensidade de axuda manterase no 80% pero o importe máximo increméntase ata os 200.000 euros (fronte aos 150.000 da primeira edición).

Tal e como explicou o director xeral, esta liña de apoios, impulsada desde a Vicepresidencia primeira e Consellería de Economía, Industria e Innovación, ten como obxectivo apoiar aos concellos galegos na realización de intervencións que contribuirán a ofrecer máis e mellores servizos nas instalacións de augas termais galegas, contribuíndo a fomentar o turismo e a dinamización económica.

Un exemplo son as actuacións realizadas na área termal do Bañiño de Punxín, que recibiron axudas da Administración galega por importe de 112.902,61 euros. Consistiron no acondicionamento do aparcadoiro e vestiario, cartelería e sinalización; execución de aseos, oficinas, almacén e rampas de acceso; instalación de duchas; así como acometida eléctrica e de auga; mellora de zonas verdes, luminarias, mobiliario urbano, valado perimetral e piscinas, entre outras.

Na víspera do Domingo de Piñata e da Festa da Cachucha, o sábado 25 de febreiro ás 17 h terá lugar un novo evento na Praza da Veracruz, onde o templo será testigo dunha “batalla de galos”, un enfrontamento argumental improvisado baixo a instrumental do HipHop. Ademais de valorarse a improvisación, tamén se teñen en conta outros aspectos como a calidade das rimas, a musicalidade,os recursos literarios, etc. A temática que se usa é moi ampla, aínda que os temas de actualidade copan as letras. Este formato, que xa está consolidado en moitos países, recorda claramente ás regueifeiras e regueifeiros,polo que se agarda que sexan moitos os curiosos que se acheguen ata o Carballiño.

A organización corre a cargo da Concellería de Cultura en colaboración cun grupo de mozos vinculados a este eído, entre os que destaca Yeray Herrera, un mozo carballiñés chamado a ser un dos grandes MCs de Galicia que , ademáis de participante, é a “Alma Mater” do evento xunto co gran “speaker” Claudinho, que será o condutor do evento. O periodo de inscricións xa está aberto e se pechará no momento do comezo do evento, polo que poderá facerse presencialmente, pero tamén está habilitado o enderezo electrónico oixcultura@carballino.gal e a conta de Instagram Carb.Battles .

Dende a organización apuntan que xa hai xente apuntada das catro provincias e de recoñecido prestixio,polo que consideran que pasarán da vintena de participantes,que poderán ter calqueira idade. Tamén salientan que a idea é consolidar este evento na vila e que sirva de estímulo para que a mocidade vexa unha alternativa máis de cultura e ocio nesta disciplina. Por outra beira, hai que destacar que ademáis dos galardóns dos tres primeiros gañadores, todos os participantes recibirán un agasallo literartio. En canto ó xurado, afirman que estará composto por persoas de gran relevancia no eido do “ FreeStyle”. O espectáculo está servido.

O subdelegado do Goberno en Ourense, Emilio González, presentou os datos do Plan Único- Banda Ancha na comarca do Carballiño, que permitiu que Concellos como Boborás, O Carballiño ou Punxín pasasen nos dous últimos anos de non ter implantación de banda ancha a que ésta chegue a máis da metade dos seus habitantes”.

Fixoo no transcurso dun acto informativo celebrado esta mañá na casa do concello do Carballiño, e a que asistiron os alcaldes dos municipais aos que afecta este Plan Único de Banda Ancha financiado con fondos europeos xestionados polo goberno central.

González sinalou que este investimento levará internet de banda ancha a “máis de 4.000 veciños e veciños da comarca carballiñesa mellorando a conectividade en 1.300 núcleos de poboación de toda a comarca rompendo a fenda dixital que existe na actualidade”.

Xunto co representante do goberno tamén se desprazou ata o consistorio carballiñés a este encontro informativo o Xefe de Telecomunicacións da provincia, Enrique San Martín, quen informou aos alcaldes dos sete municipios da comarca –Carballiño, Maside, Boborás, San Cristovo de Cea, Piñor de Cea, Beariz, San Amaro– do estado de cumprimento do plan situando os concellos da comarca como unha zona de gran conectividade.

No conxunto da provincia, o plan conta cun investimento de 18.391.322 euros para 45.635 unidades en Ourense cuxos traballos están a ser efectuados pola empresa Adamo Telecom

A Xunta de Goberno da Deputación de Ourense, reunida no Pazo Provincial baixo a presidencia de Manuel Baltar, aprobou as bases do programa ChegOU 2023 para o fomento da natalidade, que nesta nova convocatoria inclúe na súa cobertura ás persoas desprazadas pola guerra de Ucraína e que foron acollidas en distintos puntos da provincia.

As bases do programa sinalan que a guerra en Ucraína obrigou a moitas persoas, na súa gran maioría mulleres, a fuxir do país coa súa familia, mesmo con recen nacidos ou en estado de xestación, deixando atrás os seus traballos e modo de vida. Así, poderán acceder ás subvencións aquelas persoas que se atopen en situación de “desprazadas por conflito armado” e teñan un fillo en 2023, ampliando esta posibilidade con carácter retroactivo excepcional ao ano 2022.

Cun orzamento de 325.000 euros, as subvencións para o fomento da natalidade do programa ChegOU, que xestiona a Área de Benestar da Deputación, están dirixidas a todas aquelas persoas que entre o 1 de xaneiro e o 31 de decembro de 2023 teñan un fillo, adopten ou accedan á tutela de menores. As contías das subvencións corresponderanse coa clasificación dos concellos en cuxo rexistro civil se inscriba o menor, é dicir, 300 euros no caso dos concellos sen prioridade demográfica (grao 0) e para os municipios con prioridade de grao 1 e 2. As axudas serán de 500 euros para os concellos con prioridade de grao 3. As solicitudes poderán presentarse ata o 31 de decembro de 2023, aínda que no caso de que o nacemento, a adopción ou tutela tiña lugar entre o 1 e o 31 de decembro de 2023, o prazo ampliarase ata o 15 de xaneiro de 2024.

Lamentan os socialistas "que se pase o inverno de festa en festa e un ano mais se esquezan totalmente de que os lumes se apagan no inverno, non tendo adoptada unha sola medida dende o pasado verán, no que o lume case devora varios pobos do Irixo".

O Portavoz do Grupo Municipal Socialista do Concello de O Irixo, Iago Fariñas Valiña, presentou novamente unha MOCIÓN INSTANDO Ó CONCELLO A QUE SE EMPECEN A ADOPTAR MEDIDAS PREVENTIVAS E DE PROTECCIÓN FRENTE O LUME AHORA NO INVERNO PARA QUE NON ARDA NO VERÁN, e que non se este de festas e viaxes a espera do verán e do lume.

Consideran imperativo "que visto o sucedido o pasado verán, onde case arden varios pobos mentres as brigadas de incendios non sabían onde poder cargar auga ou cómo chegar polo monte aos pobos, é imprescindible e necesario a xeolocalización dos tanques de incendios para que as brigadas cun xps teñan coñecemento e fácil acceso os puntos de auga así como a tódolos camiños forestais dos montes do Irixo".

Os socialistas plantexan entre outras moitas propostas: 1º.- Acometer a xeolocalización dos tanques de incendios para que as brigadas cun xps teñan coñecemento e fácil acceso os puntos de auga así como a tódolos camiños forestais dos montes do Irixo. 2º.- Empezar xa a limpar e manter limpo os camiños forestais e os perímetros de seguridade en tódolos pobos do concello. 3º.- Iniciar os trámites para ter operativas xa as brigadas de prevención e extinción de incendios e que empecen a manter limpos os camiños forestais e os perímetros de seguridade en tódolos pobos do concello. 4º.- Instalar en cada pobo bocas de incendios conectadas ós depósitos de auga, dotando os veciños e veciñas dos pobos de mangueiras ó efecto para que poidan usalas en caso de necesidade. 5º. Construir máis tanques de incendios e limpar e recuperar os tanques e pantanos de regadío xa existentes en tódalas parroquias para a extinción de incendios, como o pantano do ferrocarril no monte de San Cosme totalmente abandoado e xa reclamado nos últimos anos.