Na Tertulia dos Venres de COPE O Carballiño deste 7 de febreiro participan Sebas Lamazares, Fátima Gómez, Maria Luisa Rodríguez e Manuel Nogueira, con Xan Pinal.

Escóitaa aquí:

“Hai un incumplimento moi claro da lei e un conflito de intereses manifesto”. Así definía Pachi Vázquez na rolda de prensa ofrecida hoxe polo Grupo Municipal de Espazo Común do Carballiño, a situación do proceso de contratación da xestión da auga deste Concello.

Un proceso cun valor estimado de 60 millóns de euros "que comezou a tornarse escuro despois do pacto PP-PSOE para gobernar, rachando acordos previos que garantían a transparencia e imposibilitando cos seus votos conxuntos a presencia de ningún membro da oposición na mesa de contratación", manifestan.

Mesa de contratación "na que si forman parte catro técnicos da Deputación, tres deles nomeados directamente por Luís Menor", remarcan

Espazo Común apuntan a sospeitas "que nacen do vínculo entre Deputación de Ourense e Viaqua, ambos socios na empresa Aquaourense o que debería inhabilitar a calquer representante do órgano provincial a participar nun concurso no que unha das candidatas sexa Viaqua".

Subliñan como "aínda máis grave resulta que un dos nomeados, con documentación, Javier Bobe, sexa conselleiro desta empresa na que Viaqua é socia".

Asegura Pachi Vázquez que "Bobe é un dos técnicos propostos por Luís Menor e nomeados por PP e PSOE do Carballiño para decidir que empresa vai ser a que leve este contrato e tódolos actores da trama ignoraron conscientemente este vínculo".

Consideran que "o escándalo faise aínda maior sabendo que todos eles son perfectamente coñecedores da lei e das obrigas que esta lle impón: por exemplo, non participar en concursos públicos onde poidan ter intereses comprometidos".

A sensación de que este proceso "está orientado cara a unha dirección" levou a Espazo Común a investigar e intervir antes de que o dano sexa aína maior con reclamacións posteriores de empresas participantes que poderían retrotraer o proceso meses ou incluso anos.

Pachi Vázquez anunciou o rexistro, a vindeira semana, de toda a documentación relacionada con este asunto para que chegue a tódolos grupos da corporación e ao resto de integrantes da mesa de contratación.

Asimesmo anunciou o estudo de medidas xudiciais se fora o caso ante a certeza dun intento de manipulación dun proceso público cos cartos dos veciños do Carballiño.

O auditorio do Carballiño acolleu na noite deste xoves a asemblea de socios máis numerosa da súa historia, 223 socios acudiron a esta convocatoria.

O punto trascendental da asemblea era a proposta da directiva para iniciar os trámites legais, administrativos e contables necesarios para a conversión do club en Sociedade Anónima Deportiva.

A proposta foi aprobada cun moi amplo maioritario apoio da masa social, xa que entre os socios presentes con dereito a voto deron o sí 166, rexistrándose 6 abstencións e 9 votos en contra.

Continuando co proxecto de posta en marcha por parte da Dirección Xeral da Policía dos denominados Puntos de Actualización do DNI Securizado (PADs Securizado), instalouse un novo terminal na casa do concello do Carballiño, que xa está operativo, ao servizo non so da veciñanza do concello do Carballiño, senón de calquera outro concello da comarca.

Este proxecto financiado polo “Plan de Recuperación, Transformación e Resiliencia – Financiado pola Unión Europea – Next Generation UE”, pretende achegar a Administración e brindar un servizo máis accesible á cidadanía, facilitando xestións que, ata o de agora, requirían o desprazamento a outras localidades.

O PAD instalado no Carballño está habilitado para a renovación dos certificados electrónicos, mediante a presenza física do titular do documento e comprobación da identidade do mesmo a través da lectura da súa tarxeta e os persoais biométricas (impresións dactilares), capturadas durante o anterior proceso de expedición do DNI, mediante o cal se poderá levar a cabo de forma autónoma, o procedemento de renovación dos seus certificados electrónicos ou realizar o cambio do contrasinal de acceso.

Esta actualización realízase de forma voluntaria, gratuíta e por iniciativa do propio cidadán. Coa posta en marcha deste novo servizo chega unha serie de beneficios para a cidadanía:

•Comodidade: Poderanse realizar trámites, tales como renovar as claves e Certificados do DNI directamente no seu propio Concello, evitando desprazamentos innecesarios.

•Aforro de Tempo: Ao eliminar a necesidade de viaxar a outras cidades, redúcese o tempo dedicado a estas xestións.

•Maior accesibilidade: Os Puntos de Actualización de Documentación (PAD) estarán situados estratexicamente para garantir que toda a cidadanía teña acceso a este servizo.