O concelleiro de Compromiso por Galicia en Punxín, Eladio Fernández recoñece que podería ser legal "pero non ético" e anuncia que volverá recurrir á Valedora do Pobo para que se pronuncie sobre este asunto.

Poi ben, un dos 14 aspirantes que foron admitidos mediante resolución da alcaldia para optar a unha praza de chofer de tractor desbrozadora é Eulogio González, actúal tenente alcalde do concello de Punxín como concelleiro non asdcrito despóis de abandonar Ciudadanos, a formación politica pola que se presentou nas eleccións municipais de 2019. Posteriormente, chegou a un acordo de cogobernabilidade do concello co alcalde popular Manuel Vázquez "Casalta".

O concelleiro da oposición considera dende todo punto de vista reprobable que para cubrir un posto de traballo en rexime de persoal laboral fixo, vacante no cadro de persoal municipal "se presenten o tenente alcalde e tamén a súa esposa", considera que é unha afrenta á democracia e falta de respecto tanto as persoas que se presentan a esta convocatoria como ao pobo de Punxín. 

Eladio Fernández teno claro "agora sabemos o motivo polo que se fixo este pacto de goberno en Punxín", sentenciou o concelleiro.

As declaracións de Eladio Fernández pódense escoitar no Podcast de COPE O Carballiño correspondente a este mércores dia 9 de marzo.

Os 3 grupos políticos que conforman a oposición municipal do Concello do Carballiño -PP, ESCO e BNG- afean a actitude do "goberno do PSOE do Carballiño co seu alcalde á cabeza" ao que acusan de exercer a maioria absoluta "sen apenas escoitar á oposición".

Desta vez, a oposición lamenta " este desprezo pola oposición non se queda só neste tipo de cuestións xa que, rachando con tódalas pautas establecidas en democracia, teiman en tentar facernos de menos incluso nos actos institucionais.Temos un bo exemplo nos da xornada de onte, 8 de marzo, polo Día Internacional da Muller. Unha data que só debera xerar consenso e na que se tiña que procurar a maior das participacións e que, sen embargo, un ano máis remata por provocar conflito por mor do xeito de ser xestionada".

Os 3 grupos políticos na oposición municipal manifestan publicamente a súa indignación porque "non é de recibo que se avise aos concelleiros da oposición con ¡¡55 minutos de antelación!! a súa celebración por medio dunha mensaxe de whatsapp dunha funcionaria".

E recórdanlle ao goberno socialista que "os 8 concelleiros que conformamos os grupos de Partido Popular, Espazo Común e Bloque Nacionalista Galego representamos a máis de 3.500 veciños e veciñas do Carballiño que depositaron en nós a súa confianza nas eleccións e non podemos consentir estas recorrentes actitudes antidemocráticas que deslexitiman a vontade destes cidadáns e vulneran o espírito dunha democracia representativa, achegándonos máis a comportamentos ditatoriais".

Finalmente, demandan a Fumega e ao seu goberno "unha rectificación inmediata e o cese deste tipo de comportamentos que só ensucian o bo nome do Concello do Carballiño".

Coincidindo este 8 de marzo coa conmemoración do Día Internacional da Muller, o Club Deportivo Arenteiro ven de anunciar oficialmente a chegada do fútbol feminino ao organigrama da entidade carballiñesa.

A través dun vídeo publicadado na RRSS do club, o presidente da entidade deportiva, Argimiro Marnotes, acompañado da concelleira de deportes do concello carballiñés Silvia Baranda outras afeccionadas e deportistas que apoian este proxecto, entre elas é recoñecible a primeira árbitra galega internacional, Zulema González, anunciaron a apertura do prazo de inscrición para todas aquelas nenas, rapazas e mulleres que desexen incorporarse a este novo proxecto deportivo, para elo dende hoxe a través da WEB institucional do club poderá descargarse esta solicitude de inscrición.

Con esta determinación, que xa fora avanzada aos socios do club por parte da directiva na última asemblea celebrada, o Club Deportivo Arenteiro da un paso real  para a igualdade entre mulleres e homes, neste caso, na practica deportiva do fútbol.

O presidente da Deputación de Ourense, Manuel Baltar presidiu , no balneario de Caldas de Partovia, no Carballiño, a primeira reunión presencial poscovid entre as entidades que integran o Foro Termal do Eixo Atlántico. Este órgano transfronteirizo, presidido por Manuel Baltar, aposta por converterse nun instrumento chave na dinamización dos territorios termais de Galicia e o norte de Portugal. O alcalde do Carballiño, Francisco Fumega, que exercía como anfitrión abríu a quenda de intervencións.

Unha das liñas de traballo exploradas durante a reunión foi a cooperación entre os diferentes programas sociais nos que participan os balnearios do norte de Portugal e Galicia, para unha concorrencia conxunta e transfronteiriza. "A pretensión desta proposta é lograr o intercambio de termalistas entre este espazo de cooperación", sinalou o presidente da Deputación de Ourense, avanzando a importancia do traballo en rede e poñendo a disposición do Foro Termal as organizacións e entidades nas que está presente o goberno provincial.

O presidente da Deputación valorou a oportunidade de crear sinerxías entre o Foro Termal do Eixo Atlántico e entidades nas que el ten cargos directivos como a Federación Española de Municipios e Provincias, a Fundación Democracia y Goberno Local, Femembalses ou, xa a nivel comunitario, a presidencia da EHTTA -asociación europea de cidades históricas termais- e Partenalia, a rede europea de gobernos intermedios: "Poño a disposición do Foro Termal todas estas redes para ser máis fortes a través destas sinerxías. Sabemos que sumar en xestión pública é multiplicar".

A importancia de crear unha estratexia de visibilidade "capaz de aproveitar o impacto da chegada de turistas, priorizando a oferta termal xunto a recursos complementarios"

Os asistentes ao encontro analizaron o deseño dunha "estratexia de visibilidade da rede que sexa capaz de aproveitar o impacto da chegada de turista a curto e medio prazo, que priorice a oferta termal xunto a outros recursos que conforman a oferta complementaria, e deseñar produtos turísticos atractivos que poidamos promover conxuntamente en foros especializados", explicou o presidente do goberno provincial, que resaltou o o valor de traballar en positivo, "con recursos endóxenos tan importantes como son as augas termais".

Manuel Baltar destacou a importancia de aproveitar, de xeito conxunto, "as oportunidades que nos arroxa a era postcovid, centrándonos precisamente nesa crecente preocupación pola saúde en todos os ámbitos da sociedade". Nesta mesma liña, salientou o impacto positivo que trouxo para o sector a chegada da Alta Velocidade a Ourense, "convertendo a nosa provincia no aeroporto terrestre de Galicia, e debemos lograr que esta situación de conexión ferroviaria privilexiada redunde positivamente, non só no noso territorio, senón tamén no resto de balnearios da Eurorrexión, grazas ao desempeño deste traballo en rede". Para elo, "debemos tratar de crear produtos turísticos termais innovadores e artellar unha promoción conxunta do destino que logre dinamizar a todos os territorios do Eixo", engadiu Baltar.

O Foro Termal do Eixo Atlántico anima a todos aqueles municipios que teñan instalacións termais a unirse a esta entidade, e, así mesmo, pretende vincular o traballo realizado neste Foro as redes europeas coma Partenalia e a EHTTA. Precisamente, o presidente provincial invitou aos integrantes do Foro Termal a participar no Congreso Mundial de Termalismo, unha proposta da rede europea de cidades históricas termais que se celebrará en Ourense co respaldo da Organización Mundial del Turismo, e reivindicou a importancia de proxectos elaborados en rede pola Deputación como o Plan de Sostenibilidade Termal. "Poñemos en valor o traballo que estamos facendo en Ourense e tamén para ser capaces entre todos, Galicia e Portugal, de presentar un termalismo do século XXI, preparado para os novos retos e que cobra unha especial relevancia na postpandemia". Cabe lembrar que o ano pasado, o Eixo Atlántico editou unha guía termal coa información das augas mineiro medicinais e dos recursos turísticos de todos os territorios termais deste órgano transfronteirizo.

O secretario xeral do Eixo Atlántico, Xoán Vázquez Mao, sitúa o encontro desta mañá en Partovia como un paso máis para revitalizar a economía a través do turismo. "Contamos con tres grandes eixos para revitalizar o turismo: o Camiño de Santiago, a ruta de romanización e o termalismo. Os tres teñen a Ourense como epicentro e os tres teñen á Deputación e ao seu presidente liderando os procesos para a recuperación económica da Eurorrexión".

A reunión foi aberta polo anfitrión, o alcalde de Carballiño, Francisco Fumega, que agradeceu o traballo de Manuel Baltar para impulsar este Foro Termal. Na cita de Caldas de Partovia, cunha trintena de asistentes, estiveron representados os municipios de O Carballiño, Caldas de Reis, Ourense, Ponteareas, Mondariz, Pontecaldelas e as deputacións de Lugo e Ourense -coa presenza da xerente do Inorde, Emma González-. Por parte de Portugal, estiveron representantes de Amarante, Guimarâes, Santa María da Feira, Vizela, Vila Pouca de Aguiar, Terras de Bouro e membros do Eixo Atlántico.

O vicepresidente da Xunta, Alfonso Rueda visitou o concello de Leiro co que a Xunta colaborou en actuacións destinadas a garantir a protección do ambiente, como foron o pozo de barrena e o alxibe para a auga de rego do campo de fútbol e a renovación da iluminación con luces LED, que suman unha axuda de máis de 62.000 euros.

Alfonso Rueda acompañado da directora xeral de Administración Local, Natalia Prieto, e do delegado territorial da Xunta en Ourense, Gabriel Alén, comprobaron da man do alcalde de Leiro, Francisco Fernández, as melloras levadas a cabo no concello por 32.000€ para construír un pozo de barrena e un alxibe que dote da auga necesaria para o rego do campo de fútbol municipal e das áreas recreativas no Salgueiral e Mesón, así como a renovación da iluminación na zona dos Carrís substituíndo os faroles por luces LED ao abeiro da convocatoria do Fondo de Compensación Ambiental de 2021, que contou cunha axuda de 30.000€.

O titular da Vicepresidencia primeira indicou que estes proxectos demostran o compromiso co desenvolvemento sostible e a protección do medio ambiente. “Obxectivos cos que tamén a Xunta está comprometida, polo que vimos apoiando cos concellos galegos a través das convocatorias anuais do Fondo de Compensación Ambiental e outras liñas de colaboración”, indicou Alfonso Rueda.

O concello de Leiro recibiu arredor de 1,1M€ para proxectos cos que mellorar os servizos públicos prestados aos cidadáns, as súas infraestruturas e a súa contorna. Ademais, a Xunta salienta que "este concello é un exemplo de cooperación entre as propias entidades locais para evitar duplicidades, ser máis eficientes e aforrar custos, xa que forma parte da Mancomunidade turística dos concellos de Leiro, O Carballiño, Ribadavia e Boborás, que recibe axudas para os seus gastos de funcionamento e comparte tamén servizos medioambientais da Mancomunidade IV Ribeiro, da que forman parte con Arnoia, Cenlle e Beade".

A comarca carballiñesa está respondendo masivamente á campaña humanitaria lanzada por Cáritas Parroquial do Carballiño a favor do pobo ucraíno. Este domingo, familias ucraínas achegáronse ata O Carballiño para agradecer o apoio que están recibindo, fixérono tras a celebración das misas dominicais no Templo da Veracruz.

O párroco do Carballiño, Jorge Juan Pérez deulles a palabra para recoller o seu testimonio, nunhas intervencións que resultaron certamente emotivas "estamos sufrindo moitísimo todos istes dias, pendientes dos medios de comunicación, hoxe por hoxe o noso país está unido e forte, mantéñense as defensas, temos unha situación mala pero estamos resistindo". 

"O noso inimigo non é o pobo ruso, senón o seu goberno, Putin leva 20 anos facendo todo o que pode para dañar as antigas repúblicas soviéticas, damos as grazas a España e a Europa pola axuda, pero necesitamos máis axuda, so con sanción non basta, necesitamos zonas de exclusión aérea para que Rusia deixe de bombardear cidadáns civís, hospitais e infraestructuras", manifestaron no transcurso da súa alocución na Veracruz carballiñesa.

Poderás escoitar o testimonio destas familias ucraínas no programa local de COPE O Carballiño deste lúns dia 7 de marzo.

Mentres, contínúa a campaña de recollida de enseres, comida e medicamentos que coordena Cáritas Parroquial do Carballiño. As doazóns poden entregarse a diario de 11:00 a 13:00 no local de Cáritas Parroquial na rúa Evaristo Vaamonde, e tamén en horario de tarde de 18:00 a 20:00 horas no Templo da Veracruz.

Grupos de amigos, comparsas do entroido da comarca e fora dela, e familias enteiras, encheron neste domingo de piñata  os comedores dos restaurantes carballiñeses nesta 27 edición da Festa da Cachucha, a festa gastronómica carballiñesa do inverno, degustantdo o menú tiípico desta celebración a base dun cocido con carne de cacheira, o prato estrela.

O ambiente de entroido aínda se deixou ver tanto nos restaurantes como nas rúas carballiñesas, con numerosos grupos e persoas disfrazadas, prolongando desta maneira o ambiente de carnaval. As charangas Castro Bello, CKL e Doctor Anchoa deron pasarrúas amenizando esta xornada festiva que tampouco quixeron perder Os Liborianos.

A programación foi presentada pola concelleira carballiñesa de Igualdade, Guadalupe Sobrado, e iníciase cunha presentación teatral o sábado dia 5 de marzo ás 20:00 horas no auditorio do Carballiño a cargo da compañía Olivas Negras e a obra "A familia Real", unha creación teatral que "busca traspasar os límites, cuestionar as ideas preestablecidas ao redor da maternidade e a educación".

O propio 8 de marzo, Dia Internacional das Mulleres, ás 12:00 horas no salón de actos do concello, procedárase á lectura do manifesto institucional do concello do Carballiño, coa participación dunha representación do centros educativos e asociacións. Actuará a Batucada do Conservatorio de Música do Carballiño.

O sábado 12 máis teatro, ás 20:00 horas no auditorio a compañía asturiana "Teatro del Norte" presentará o seu espectáculo "Medea, la extranjera" que "non so trata do desamor, os celos e a morte, senón tamén da xenofobia, a violencia ás mulleres, a traizón, a vinganza".

O dia 15 de marzo, no colexio da Uceira "Trémola Teatro" representará "A pequena gran inventora", a historia de Laura "unha gran inventora".

Finalmente, os venres 18 e 25 de marzo, os centros educativos do Carballiño acollerán "Empoderamento sexual feminino contra a violencia de xénero", unha actividade dirixida pola psicóloga e sexóloga Mónica Novas.

O Concello do Carballiño remitirá un escrito á Xunta de Galicia para instar ao Goberno galego a que ofreza as instalacións da Residencia de Tempo Libre do Carballiño para acoller aos refuxiados da guerra de Ucrania.

A Residencia do Carballiño funciona en temporada, centrando a súa maior actividade na época de verán. Dende o Concello trasladarase á Xunta a proposta de que se acondicione a Residencia para que poda estar operativa para cando se necesite e que se proceda a ofrecer as instalacións para acoller ás persoas que se vexan obrigadas a deixar Ucrania pola guerra provocada por Rusia na súa invasión do país.

As instalacións da Xunta no Carballiño xa xogaron un importante papel solidario en 1992, cando acolleron a un numeroso grupo de refuxiados bosnios que fuxían da guerra dos Balcanes. Grazas á súa estadía na Residencia do Carballiño puideron fuxir da guerra, ou mesmo de ser vítimas da mesma, e logo volver ao seu país para continuar coa súa vida e empezar de novo. Nalgúns casos mesmo decidiron optar por afincarse entre nós para desenvolver o seu proxecto vital.

O Concello carballiñés cre que no escenario actual compre dar un paso adiante para demostrar de novo a solidaridade do pobo galego coas vítimas das guerras e por iso mesmo remitirá un escrito á Xunta para que ofreza as instalacións da Residencia de Tempo Libre para acoller aos refuxiados da guerra de Ucrania.

Dende o Concello tamén se fai un chamamento á cidadanía para colaborar coa campaña de axuda urxente que puxo en marcha Cáritas Parroquial de O Carballiño para recoller materiais destinados a Ucrania.

Os materiais que se necesitan céntranse de maneira especial en tres apartados: enseres, comida e medicamentos. No primeiro apartado recóllense dende mantas a cadeiras de rodas ou muletas, ademais de roupa e produtos de limpeza e hixiene para os nenos. A comida deberá ser instantánea (non envasada en cristal), conservas, café soluble e te. E no capítulo de medicamentos necesítanse dende vendas, apósitos e auga osixenada a antibióticos e analxésicos.

Os puntos de recollida de Cáritas para entregar as doazóns solidarias con Ucrania son Cáritas Parroquial do Carballiño e o templo da Veracruz. Cáritas estará aberto de 11 a 13 horas e a igrexa da Veracruz de 18 a 20 horas.