Polémica tanto no pleno da corporación como entre a veciñanza do municipio de Punxín, tras a aprobación das novas enseñas que foron aprobadas en solitario polo grupo de goberno do Partido Popular. 

Tanto o escudo como a bandeira mostran dúas cabezas de boi, en alusión á lenda dos dous animais que turraron do carro que trouxeron os restos do Santo Wintila ata Punxin, un acio de uvas, que fai referencia á condición ribeirán de Punxín, e unhas ondas que representación ao río Barbantiño que baña o concello.

Os grupos da oposición, PSdeG-PSOE e Compromiso por Galicia, manifestaron as súas reticencias coas novas enseñas, por considerálas pouco representativas de Punxín. Tamén entre a veciñanza esta proposta da alcaldía provoca controversia, asi o acreditan os comentarios dos oíntes de COPE O Carballiño, que -de forma xeralizada- consideran que os "bois" son moi pouco ou nada representativos dun municipio que, mesmo tradionalmente, foi moi pouco gandeiro.

O vicepresidente económico e conselleiro de Economía, Empresa e Innovación, Francisco Conde, mantivo esta semana en Santiago de Compostela un encontro co alcalde do concello  do Irixo, Manuel Cerdeira, que serviu para avanzar en novas vías de colaboración para apoiar os emprendedores e empresarios locais.

Na xuntanza os dous destacaron a oportunidade que supón para a dinamización da economía o novo coworking impulsado polo Igape e a Escola de Organización Industrial en colaboración coa Mancomunidade do Carballiño, que preside Manuel Cerdeira.

Trátase dun espazo de traballo destinado a emprendedores e que contemplan no seu conxunto distintas actividades e asesoramento, e están deseñados para aumentar as posibilidades de éxito de proxectos innovadores en fases temperás de desenvolvemento. Na reunión avaliaron outras iniciativas conxuntas como o marketplace impulsado polo Concello e que permite adquirir en liña pan, mel, lácteos, carne e outros artigos de produtores e comercios locais. A Xunta apoia con máis de 47.000 euros esta plataforma dixital coa que o Goberno municipal dá visibilidade e achega novas posibilidades de negocio para as empresas da localidade.

Ata por 3 veces tremou a terra no Carballiño durante este sábado dia 29 de Xaneiro, según recolle o Instituto Xeográfico Nacional, con 3 pequenos terremotos con epicentro no municipio do Carballiño.

O de menor intensidade rexistrábase ás 5,24 horas desta pasada madrugada, dunha magnitude de 1,6. Ás 9,41 horas desta mañá de sábado rexistrábase un terremoto que alcanzaba unha magnitude de 2,9 na escala de Richter, cunha profundidade de 1 kilómetro, que foi sentido por numerosos veciños do Carballiño, tamén noutras localidades da comarca, nos concellos de Boborás e O Irixo, según o testimonio do que deron conta a COPE O Carballiño.

Finalmente, unhos minutos despóis, ás 9,44 horas os sismógrafos do Intituto Xeográfico Nacional rexistraron un terceiro tremor de terra, tamén con epicentro no  municipio carballiñés, cunha magnitude de 2,4 e unha profundidade de 5 kilómetros.

O PSdeG-PSOE de Leiro congratúlase de que o Concello de Leiro escoitase as súas reclamacións para proceder ao arranxo dunha fochanca na OU-0306, concretamente no núcleo poboacional de Lebosende. Os socialistas reclaman, iso si, que o arranxo efectuado pola Deputación Provincial de Ourense, titular da estrada, non sexa un parche “cutre” como ven acontecendo ao longo do tempo e que opten por un proxecto que de unha solución definitiva a unha estrada que presenta numerosas fochancas e socavóns nos seus tramos entre San Cristovo e Leiro.

Dende o Grupo Municipal Socialista explican que o pasado martes presentaron un escrito por rexistro no que instaban ao goberno municipal a pórse en contacto con carácter de “urxencia” coa Deputación Provincial para que procedese ao arranxo dunha fochanca de “grandes dimensións” e que supuña un “perigo constante para viandantes e condutores que circulan a diario pola zona”. Os socialistas afirman que durante o día de onte “procedeuse a un parcheado da fochanca, botándolle unha capa de asfalto que resolveu a perigosidade, pero non o problema”.

Para o voceiro do PSdeG-PSOE en Leiro, Manuel Rodríguez Vázquez, “é necesario que a Deputación e o Concello se impliquen en arranxar esta estrada provincial, xa que non basta con parcheos de asfalto”. O edil socialista apunta a que a OU-0306 “presenta numerosas fochancas e problemas ao longo do seu trazado”, motivo polo que require que “se leve a cabo un proxecto, se analice a problemática da aparición constante de fochancas e buracos e se proceda a buscar unha solución definitiva, para que non volvan a xurdir co paso do tempo”.

Rodríguez Vázquez sinala que a fochanca asfaltada en Lebosende “é un tema recorrente, xa que fai uns meses xa se procedeu a un reasfaltado, que tal e como se demostra é unha chapuza total, porque a fochanca volveu aparecer semanas despois”. Debido a esta situación, o voceiro socialista pide que “se tomen medidas para evitar que as fochancas volvan a aparecer e que deste xeito se dea unha solución definitiva a seguridade viaria nesta importante estrada que transcorre polo noso municipio”.

O presidente da Deputación de Ourense Manuel Baltar achegouse ata o concello de San Amaro para coñecer diversas actuacións financiadas pola entidade provincial, e estudar xunto o alcalde Fernando Redondo novos proxectos para o municipio.

Tras unha visita á casa do concello, na capitalidade municipal, Baltar trasladouse ata a parroquia de Anllo, onde a Deputación contribuíu con 48.000 euros á reforma da cuberta da antiga escola, reconvertida agora en centro social desta parroquia de Anllo.

Xa na localidade do Cruceiro, ambos mandatarios abordaron a necesidade de mellorar a seguridade vial na estrada OU-0303, a via provincial Maside-Valdepeira que atravesa O Cruceiro, onde a veciñanza ven demandando a instalacion de bandas reductoras de velocidade. Ademáis, nesta mesma localidade, o presidente provincial adquiríu o compromiso  de mellora da iluminación pública, para reemplazar as vellas luminarias por outras novas coa tecnoloxia Led.

A Xunta de Galicia estudará posibles vías de colaboración co Concello de Beariz co obxectivo de poñer en valor e preservar unha zona do municipio coñecida como Ricovanca, localizada en Rede Natura 2000 e que alberga un conxunto arquitectónico e etnográfico de notable valor.

Así llo trasladou a conselleira de Medio Ambiente, Territorio e Vivenda, Ángeles Vázquez, ao rexedor ourensán, Manuel Prado, con quen mantivo unha reunión para falar de diversos proxectos de interese para o municipio.

En concreto, o alcalde trasladoulle que nos últimos anos o Goberno local realizou importantes investimentos en Ricovanca grazas aos que se logrou recuperar un muíño e a ponte centenaria que atravesa o río Verdugo ao seu paso pola aldea. O obxectivo municipal agora é acometer a restauración do lavadoiro, outro dos elementos destacados dun lugar que debe tamén á súa singularidade aos valores naturais e paisaxísticos da contorna na que se empraza.

A este respecto, a conselleira subliñou que o seu departamento ofrece desde hai anos axudas dirixidas a executar actuacións de mellora e conservación da biodiversidade en zonas incluídas na Rede Natura 2000 e que contribúan á mellora da paisaxe rural tradicional e dos seus elementos representativos.

O Consorcio Provincial Contra Incendios e Salvamento de Ourense, integrado pola Xunta de Galicia e a Deputación de Ourense, acordou hoxe avanzar nos trámites que avalen o cambio de sistema de xestión do servizo para implantar un modelo de xestión directa nos catro parques comarcais de bombeiros da provincia, entre eles o do Carballiño-Ribeiro, con base no parque empresarial do Carballiño.

Desta forma, na reunión da Comisión de estudo para a realización da memoria xustificativa da forma de xestión do servizo de intervención en emerxencias do Consorcio Provincial de Ourense para o Servizo contra Incendios e Salvamento participaron por videoconferencia o director xeral de Emerxencias e Interior, Santiago Villanueva, e o presidente do Consorcio Provincial Contra Incendios de Ourense, Pablo Pérez. Tamén participaron a directora xeral de Administración Local, Natalia Prieto, e o delegado territorial da Xunta en Ourense, Gabriel Alén.

No encontro abordouse que actualmente estase a elaborar o informe sobre a memoria xustificativa da forma de xestión do servizo de intervención en emerxencias do Consorcio. Este informe suporá un paso máis cara ao cambio de modelo acordado entre a Xunta e a Deputación para a xestión directa dos parques de Verín, A Limia, Valdeorras e O Carballiño-Ribeiro, que se integran no Consorcio.

A continuación, celebrouse tamén de forma telemática un pleno ordinario do Pleno do Consorcio Provincial de Ourense para o Servizo contra Incendios e Salvamento no que se aprobou a prórroga por un prazo máximo de un ano do contrato do servizo de intervención dos parques comarcais á empresa adxudicataria da xestión indirecta; esta duración podería interromperse se nese prazo culmina o proceso de cambio de xestión.