A I Xuntanza de Quads O Carballiño congregará o próximo sábado, 25 de maio, a 60 quads de toda Galicia.

O evento foi presentado este mediodía na Praza Maior coa asistencia do concelleiro de Deportes, Manuel Dacal, e os organizadores José Antonio Lama, Juan Carlos Fernández e Héctor Nogueira.

A xuntanza, que non ten carácter competitivo, transcorrerá por rutas de montes dos concellos do Carballiño, Boborás e Bearíz. A cita será ás 9 da mañá na Praza da Veracruz, a continuación levarase a cabo o itinerario previsto que concluirá no Carballiño, onde os participantes celebrarán un xantar de confraternidade.

Os quads permanecerán expostos na Praza da Veracruz desde as 16,00 ás 18,30 h. Os quads proceden de toda Galicia e, según Juan Carlos Fernández, tiveron que pechar as inscricións ao terceiro día porque sobrepasaban o número de participantes previsto, que era de cincuenta.

Incluso, asegurou que podería haber ata cen participantes, pero que non o consideraron conveniente desde a organización. Tanto Juan Carlos como José Antonio Lama e Héctor Nogueira decláranse afeccionados a este tipo de vehículos de motor desde hai moitos anos, e organizan esa primeira xuntanza co obxectivo de dar a coñecer O Carballiño e a comarca, e aproveitar para pasar un día de lecer practicando este deporte en contacto coa natureza.

Así mesmo, agradeceron a colaboración do concello. Manuel Dacal tamén agradeceu a organización deste evento que dinamiza o turismo do Carballiño e o converte nun lugar idóneo para calquera práctica deportiva, como esta dos quads, e máxime, según dixo, cando esta fin de semana tamén terá lugar a concentración de coches superdeportivos así como un torneo de futbol sala no pavillón de deportes, o que garante a presencia de moito público na vila.

Doutra parte, tamén o sábado 25 de maio terá lugar a IV concentración de Superdeportivos Villa do Carballiño, que reunirá nas proximidades da Praza Maior do Carballiño a preto de cen coches de alta gama. Trátase dunha cifra récord neste evento, que foi presentado ao mediodía coa asistencia do concelleiro de Turismo e Deportes, Manuel Dacal, e os promotores da concentración, Santiago Pereira e Jorge Coca.

Para que non haxa dúbida da calidade dos vehículos desta concentración, durante o acto de presentación exhibíronse tres coches deportivos de alta gama: un Porsche, un Mercedes e un BMW de última xeración. Ademais, a esta edición acudirán por primeira vez integrantes do Club Soportal de Asturias, o que dá conta da proxección que está a ter este evento mesmo fóra de Galicia, segundo dixo Santiago Pereira.

Pereira tamén explicou o programa, que comezará o sábado 25 de maio ás 10,00 h., continuará a partir das 12,30 h., por un roteiro secreto da comarca; logo será a comida nunha carpa da Praza Maior ás 15,00 h., e pola tarde quedarán concentrados de novo os coches na Praza Maior.

Tanto Santiago Pereira como Manuel Dacal anunciaron a presenza de figuras moi coñecidas, e resaltaron o elevado custo dos vehículos participantes, que vai desde os 50.000 euros aos 500.000 euros. Mesmo pode acudir un coche que está valorado en 600.000 euros, segundo afirmaron.

Manuel Dacal agradeceu esta iniciativa, que atrae moita atención pola espectacularidade dos vehículos, e que é un incentivo turístico máis para O Carballiño. Por iso, felicitou aos organizadores.

O Monte do San Trocado, en San Amaro, acolle este sábado 18 de Maio a tradicional romaría que xunta a numerosos romeiros, sobre todo das parroquias de San Cibrán de Lás, Eiras, Laias e Ourantes, e doutras da contorna.

Ás 12:30 horas celebraráse a misa solemne na capela, e o xantar campestre estará amenizado coa música da charanga Europa. Haberá servizo de comidas, con pulpo, churrasco e carne ao caldeiro, xa pola noite a verbena no pobo de Andrade contará coa animación da charanga Europa e a orquestra Televisión.

E doutra parte, en Boborás, a parroquia de Santa María de Xuvencos celebra este 19 de Maio o segundo domingo da tradicional Festa das Mudacións, que conserva tradición do intercámbeo de imaxes entre a capela de San Antonio de Boborás e a Igrexa Parroquial de Xuvencos.

Ás 11 da mañá será a misa na capela de Boborás e de seguido sairá a procesión con destino á Igrexa Parroquial, co acompañamento dos gaiterios Os Alegres de Pontevedra. Depois, ás 12:30 do mediodia celebraráse a misa solemne na igrexa parroquial, cantada polo Orfeón do Carballiño.

Ás seis da tarde haberá Xogos para nenos no campo da festa da Almuzara, onde se iniciará a verbena a partir da noitiña coa orquestra Capitol.

O alcalde de Maside vai poñer a disposición da parroquia de Santa Comba dos terreos necesarios para a obra de ampliación do cemiterio parroquial

O alcalde José Manuel Iglesias ultima os trámites para entregarlles unha superficie suficiente para o aumento da capacidade da necrópole.

É unha vella demanda desta freguesía que nunca tiña callado polas especiais características que posúen precisamente os inmobles que circundan o camposanto. Este ubícase no adro da igrexa románica situada no centro do núcleo rural de Santa Comba, con numerosas edificacións que a protexen a modo de gardiáns, algunha delas en mal estado.

A demanda vén provocada polo reducido espazo do adro e polas características das sepulturas. Agora José Manuel Iglesias dá un pulo definitivo ó “traballo iniciado polo meu predecesor Celso Fernández e nestes días, por fin, elevaremos a pública a documentación e procederase ó rexistro do terreo”.

A área de urbanismo municipal do concello xa valorou a capacidade da superficie para albergar varios panteóns de acordo coas condicións que marcan as cautelas impostas polo templo, patrimonio dun enorme valor cultural.

O rexedor masidao agradece "enormemente a disposición extraordinaria dos propietarios, que valoraron moito esta necesidade parroquial, e sen a cal non sería posible poder acadar esa ampliación", remarca Iglesias.

O día 17 de Maio o BNG celebra un acto público en Berán no que participará a Depurada do BNG no Parlamento de Galicia, Noa Presas.

Ás 19:00 faráse unha visita as novas instalacións balnearias e aboradaráse a situación actual das mesmas.

Ás 20:30, nas antiguas escolas do Pazo está programado un acto no que intervirán Noa Presas, Xacobe Ribeiro (candidato á alcaldía de Leiro) e Pura Álvarez (candidata á presidencia da Entidade Locar Menor de Berán)

A candidatura nacionalista para o 26-M no concello de Leiro renóvase coa presenza de Xacobe Ribeiro como candidato á alcadía e Rebeca Paz no segundo posto, mentre que o actúal concelleiro e histórico do BNG Luis Pérez "Ficol" pecha a lista de forma simbólica.

1 - Xacobe Ribeiro Vázquez
2 - Rebeca Paz Vázquez
3 - Marcelino Sanmarful Rodríguez
4 - Purificación Álvarez Vázquez
5 - José Miguel Vázquez Montes
6 - Benigno García Rubio
7 - Ramón Hermida Borrajo
8 - Carmen Montero González
9 - Luis Pérez Estévez "Ficol"

Do 13 ao 19 de maio, o concello do Carballiño ten programadas unha ducia de actividades para conmemorar a Semana das Letras Galegas. Entre estas iniciativas figuran obradoiros, contacontos, concertos, teatro e unha exposición fotográfica, que se desenvolverán ao aire libre, na bilblioteca, no auditorio municipal, no concello e nos centros educativos.

Así mesmo, distribuirase un marcapáxinas de homenaxe a Antonio Fraguas, a quen se lle dedica o Día das Letras Galegas 2019.

Na Biblioteca Municipal haberá un obradoiro de carautas de Antonio Fraguas, o luns 13 ás 18,00 h.; unha xincana infantil o martes 14 á mesma hora; o mércores 15 un contacontos, tamén ás 18,00 h., e o xoves 16 ñas 12,00 h., lectura de fragmentos da obra “Os vellos non deben de namorarse”, de Castelao, pola aula de Teatro do Instituto Chamoso Lamas.

O Conservatorio Profesional de Música programa para o martes 14 de maio, ás 20,00 h., no auditorio municipal, un concerto do alumnado conmemorativo do Día das Letras Galegas.

O xoves 16, ás 20,00 h., na Praza Maior, o concello programa en colaboración coa Deputación de Ourense a performance “A viaxe do afiador”, pola Asociación Cultural Plan-B-Grupo de Teatro. Historias contadas por un afiador, un cego e unha meiga.

O venres 17, Día das Letras Galegas, o concello programa en colaboración co Círculo Poético Ourensán un concerto-recital de poesía e música. Será ás 12,00 h., na Praza Maior.

E o mesmo día, pola tarde, o Centro de Estudios Chamoso Lamas presenta no salón de actos do Casino ás 19,30 h., o libro “Cemiterios Esquecidos: O fenómeno tumulario na comarca do Arenteiro”, de Jorge Lamas.

Finalmente, o 18 e 19 de maio, terá lugar o Maratón Fotográfico O Carballiño, que organiza a Asociación Fotográfica O Potiños en colaboración co concello e o Centro Comercial Aberto.

Así mesmo, exhíbese no concello unha exposición sobre a obra de Antonio Fraguas, a quen se lle dedica o Día das Letras Galegas 2019.

E o concello editou un marcapáxinas para distribuir nos centros educativos e entre a veciñanza de homenaxe a Antonio Fraguas.

A líder e portavoz nacional do BNG, Ana Pontón, fixo parada no Carballiño nesta primeira xornada de campaña para presentar "un proxecto creíble para o futuro do Carballiño".

"O BNG é a mellor opción para que O Carballiño avance, porque os gobernos con pelexas internas non son bos para O Carballiño, e evitar a deriva na que está inmerso o concello", concluiron a portavoz nacional e o candidato á alcaldia Chema Ferreiro, no transcurso dun encontro informativo.

"O BNG é vital para defender os dereitos dos carballiñeses e dos galegos, porque temos a cabeza e o corazón no Carballiño e no país", concluiron.

Fumega elexíu a explanada do parque municipal e o primeiro dia da campaña electoral para facer a foto "de familia" da candidatura do PSdeG-PSOE no concello do Carballiño "orgullo de presentar esta candidatura que formamos persoas que queremos a O Carballiño, esto é fundamentalmente o que nos une os que estamos aquí"

O candidato socialista á alcaldía presumíu de xestión municipal "saneamos as contas do concello e eso permitirános seguir abordando proxectos de mellora para O Carballiño".

Renega o candidato socialista de grandes proxectos que despois son imposibles de realizar "nos apostamos por propostas e proxectos sostibles, por unha política baseada en realidades".

O Carballiño conta dende hoxe cun video de promoción turística gravado con drons en alta definición para promocionar a vila a través de internet e as redes sociais, así como para proxectar nos certames feirais de turismo aos que acuda o concello.

Este vídeo, de 4 minutos de duración, foi presentado esta mañá no concello polo alcalde, Feancisco Fumega, e os concelleiros de Turismo e Cultura, Manuel Dacal e Diego Fernández, respectivamente.

O video reproduce as imaxes dos principais recursos turísticos do Carballiño, como son os banearios, a gastronomía e o patrimonio cultural e natural, tal e como dixo Francisco Fumega neste acto de presentación.

“O turismo é un dos sectores máis dinámicos do Carballiño. Por eso é importante incidir na súa promoción. Somos unha vila turística cun gran potencial termal e gastronómico, e temos un gran patrimonio cultural e natural. Estes catro pilares do noso turismo é nos que se basea este vídeo, pensado especialmente para difundir polas redes sociais e as páxinas web do Concello e de Turismo, promocinando a nosa vila de cara ao verán”.

Tamén dixo que “de feito ímolo proxectar no stand do concello do Carballiño na próxima Feira Expocidades do Eixo Atlántico, que se celebrará na cidade portuguesa de Braga do 31 de maio ao 2 de xuño”.

O vídeo foi realizado por unha empresa especializada neste tipo de reportaxes: Live Events Sports. Foi gravado en alta definición e usouse un dron para realizar as imaxes en altura e captar perspectivas que non se poderían tomar doutro xeito.

Ao respecto, o acalde advertiu que “temos que facer a salvedade de que este vídeo vaise completar durante o verán, tomando imaxes en alta definición dalgúns eventos dos que non temos imaxes deste tipo, como son a Feira Medieval, a Festa do Pulpo, concertos ou as piscinas municipais, por citar algúns exemplos”.

O video, que leva por título “O Carballiño Vila Turística” comezará a dinfundirse hoxe a través de You Tube, faceboock e páxinas web, e forma parte dunha serie de iniciativas para seguir potenciando os recursos turísticos do Carballiño.

Para ver o vídeo sigue esta ligazón: https://drive.google.com/file/d/1UQi2ER25-fxpyJlq3XTR7jOSpe4D136w/view