Fernando Rodríguez Redondo non consigue revalidar a maioria absoluta coa que contaba o seu predecesor na alcaldia, Ernesto Perez.

O Partido Popular obtén 4 concelleiros,  O PSOE conserva os 3 concelleiros cos que xa contaba, e entra na corporación Xuntos por San Amaro con 2 concelleiros, que serán chave neste municipio.

O Partido Popular suma nestas eleccións do 26-M 502 votos, que se traduce en 6 concelleiros, por 2 de Compromiso por Galicia, que entra por vez primeira na corporación avionse, e conserva o que xa tiña o PSOE.

A corporación municipal de Beariz so terá representantes do Partido Popular, corporación política monocolor que presidirá o alcalde Manuel Prado.

O PP obtén 482 votos, Alernativa por Beariz -tiña un representante e perdeo-  ao sumar tan so 35 votos, por 16 do PSOE.

A programación local de COPE O Carballiño no SUPERDOMINGO ELECTORAL iniciaráse a partir das 20:30 horas deste domingo 26 de Maio, para levarlles a mellor e máis inmediata información do que está acontecendo en todos e cada ún dos concellos do noso ámbito de cobertura radiofónica.

Xan Pinal conducirá un programa que continuará en antena ata que se coñecezan os resultados do escrutinio definitvo en todos os municipios da Comarca.

Ademáis, co reconto dos cen primeiros votos nunha das mesas electorais do concello do Carballiño elexida por marcar tendencia e que ven sendo representativa eleccíon tras eleccíon do que despois é o resultado final, COPE O Carballiño avanzarálles unha proxección do que pode ser o reparto de concelleiros na próxima corporación municipal do Carballiño.

O programa irá dando conta minuto a minuto do escrutinio en tempo real, tanto no Carballiño como no resto dos concellos.

Nos estudos de COPE O Carballiño, os nosos analistas irán comentado toda a información que se vai procesando, e da mesma maneira irémos coñecendo as impresións dos candidatos e candidatas que se desputan as alcaldias en xogo.

Os sete candidatos que optan á alcaldia nas eleccións deste próximo domingo despediron o "Encontro Electoral" celebrado nos estudos de COPE O Carballiño brindando cun viño Ribeiro polo futuro do Carballiño.

O PODCAST íntegro deste "Encontro Electoral" pode descargarse na sección "Programas" desta Páxina WEB, grabación de audio correspondente a este xoves dia 23 de Maio.

Esta emisora de radio reúne este xoves dia 23 de Maio aos sete candidatos á alcaldía do Carballiño nestas eleccións municipais do próximo domingo.

Ana Morgade (Compromiso por Galicia), Jorge González (Ciudadanos), Pachi Vázquez (Espazo Común), Bernardo García (Alternativa Veciñal), Chema Ferreiro (BNG) Francisco Fumega (PSdeG-PSOE) e Ricardo Perea (Partido Popular) participan neste encontro electoral que se iniciará ás 13:10 horas nos estudos de COPE O Carballiño.

Cada candidato dispoñerá de oito minutos en total para as súas respectivas alocucións.

Na primeira parte da emisión, cada candidato terá dúas intervencións de 2 minutos cada unha, na que nos achegarán a súa idea "do Carballiño que temos" e "O Carballiño que queremos".

Tras un intermedio, cada candidato terá tres intervencións -de 2, 1 e 1 minuto respectivamente- que poderán utlilizar libremente, coa temática que elixa cada candidato.

O encontro poderá seguirse en directo nas emisións de FM e Online. 

A partir das 3 da tarde poderá descargarse o PODCAST nesta mesma páxina WEB.

José Manuel Iglesias “Cadavid”, alcalde de Maside, e o Presidente da Confederación Hidrográfica Miño-Sil, José Antonio Quiroga, asinaron un convenio para a execución das obras de reparación da rúa Principal de Maside no tramo do centro ó enlace coa N-541.

Este tramo viuse moi severamente afectado polo último gran temporal que viviu a capital do Concello, que afectou sobremaneira as redes de abastecemento, saneamento e, sobre todo, de pluviais. Estas últimas rebentaron en varios sitios, abrindo as beirarrúas e facendo blandas e socavóns en moitos puntos da calzada.

Agora, “despois de varias solicitudes que xa tramitara o meu predecesor ante a Xunta e a Deputación, coa calada por resposta, salvo o traballo para a valoración dos danos que nunca chegou, logramos agora que a administración do Estado colabore connosco na financiación dunha obra tan custosa como é esta”, sinala o alcalde masidao.

En efecto, preto de medio millón de euros destina a Confederación a esta obra que José Manuel Iglesias considera prioritarísima, pois segue habendo risco de socavón e a chegada dun novo temporal como o anterior tería uns efectos devastadores”.

En palabras do rexedor municipal “ as augas pluviais acadan tal velocidade e tal presión neste tramo de forte pendente que as conducións non o soportaron, polo que se fai necesario tomar medidas que só coa axuda da Confederación, grazas á comprensión do problema por parte do seu presidente, José Antonio Quiroga, é posible afrontalas”, subliñou.