Sete orquestras, sete charangas, tres bandas, dúas corais, un festival de grupos locais, dous tributos, unha sesión de pirotécnia artística e diversas actividades infantís,culturáis e deportivas, conforman o programa das Festas do San Cibrao que se celebrarán do 14 ao 19 de setembro, e que foron presentadas hoxe conxuntamente co cartel, polo autor do mesmo, José Luis Diz; os concelleiros José Manuel Dacal e Diego Fernández, e os integrantes da comisión de festas, María Dolores Fernández e Miguel Angel Otero.
Ademáis, desenvolverase no barrio de Flores unha nova edición da Feira de Pepa Loba, e haberá un monólogo de Edu Soto e un espectáculo de maxia de Cayetano Yedó no auditorio.
O cartel reproduce unha imaxe das festas do ano 1945 da vella igrexa parroquial, cando ainda existía o Catro Olas e o Chupete, e que foi elaborado por José Luis Diz, engadindo un siluetado de neón e fogos de articifio. É un cartel sinxelo que evoca a visión nocturna e festiva dun rincón singular do Carballiño de mediados do século pasado, según dixo o autor. O cartel comezará a distribuirse hoxe, e a próxima semana o libro-programa de man.
Como preámbulo das festas, o xoves 14 desenvolverase un acto cultural co descubrimento dunha placa en homenaxe da escritora Emilia Pardo Bazán nunha columna da antiga Casa dos Quiroga, fronte á Praza Maior.
Ese mesmo día terá lugar o Festival Setembro´17 con grupos locais no auditorio da Veracruz.
Tamén haberá xogos populares a cargo de Aspadisi.
O venres 15 a animación musical correrá a cargo de dúas charangas e as orquestras Foliada e Oca Band. E tamén terá lugar no auditorio o monólogo de Edu Soto.
Este día inaugurarase en Flores a Feira de Pepa Loba, que transcorrerá ata o domingo, e cuxos actos centrais terán lugar o sábado.
O sábado 16, que é a feira, a mediodía haberá un concerto conxunto da Banda A Lira de Ribadavia e o Orfeón do Carballiño. Un grupo de gaitas e dúas charangas animarán as rúas. Pola tarde, a Coral Casablanca de Vigo ofrecerá un concerto no auditorio, e pola tarde-noite actuará o grupo Le Suite Band, con tributo á música dos anos 80, e verbena coa orquestra Claxon.
Ás 12 da noite terá lugar a sesión de pirotécnia na Praza da Veracruz.
O domingo 17 celebrarase a tradicional Misa Cantada na Veracruz e procesión do San Cibrao, co acompañamento da banda de música de Vilatuxe, que ofrecerá un concerto a continuación. A animación de rúa contará con dúas charangas. E a verbena correrá a cargo das orquestras París e D´Moda.
O luns 18, festivo no Carballiño, haberá pasarrúas de charangas e a banda de música do Carballiño, que ofrecerá un concerto a mediodía. Na “pista roxa” desenvolverase unha actividade de xogos infantís,e pola tarde haberá un espectáculo de maxia de Cayetano Yedó no auditorio. A orquestra El Combo Dominicano porá o fin de festa.
O martes 19 será a Romaría da Saleta.
Ademáis haberá diversas actividades deportivas, como concentración de Coches Clásicos, concurso de chave, artes marciais, etc…
Sr: alcalde de Maside: Deixe vostede de enganar e tomarlle o pelo á prensa, aos medios de comunicación, aos seus veciños, e a todo o mundo que se poña por diante. Maside non ten 2950- 2960 habitantes como vostede dixo neste medio Ten 2818. Deixo aquí a proba da súa nova falacia. Non quero nin pensar como é a súa interpretación desas gráficas de consumo que están no súa literatura, se non é capaz de interpretar un número tan sinxelo como o padrón de habitantes. Non apele vostede á solidaridade, e faga de alcalde esixindo que queN rouba a auga pra regar sen contador pague a auga.
E xa que somos os veciños de Maside os que pagamos as festas, non diga na propaganda que o concello de Maside invita as festas, diga que o pobo de Maside invita a todo o mundo as festas de Maside. Entendo que non é moi sinxelo pra vostede facer honor á verdade, pero home, xa que estamos de festas, FAGA UN ESFORCIÑO!!!
Permitímoslle que o seu socio Wenceslao o imite un chisco, mentindo co eso de que este ano aumentaban os premios da Festa do Cabalo. Pero todo ten un límite, e hai cousas que nin as grosas mentiras poden edulcorar.
Maside, o pobo que pensamos ca chegada da autovía...que levantaría cabeza, e nada de nada, AGONIZANDO, así e cómo se encontra.
A última mostra a Festa do Cabalo, queren seguir vendendo fume e como en todo, botarlle a culpa o calor, a crise, .......e preguntome EU de quen é a culpa?, e de que ninguen asente neste pobo?, e de que pechen masivamente os negocios? , e de que volva estar sucio?, e de que as" maravillosas" conversas con varias empresas que eiqui asentarian, non acaben de chegar?,.....digolle EU de quen é a culpa sres., somente, de intereses persoaís con ánimo de lucro, nada maís.
O malo de tal desfeita, é que veña quen veña isto ten difícil , por non dicir imposible solución, ainda así , vaian vostedes disfrutando e seguindo aproveitandose do que poidan que os Masidaos, parvos non somos.
Boas festas para xente destes pobo con dignidade.
A XXVIII edición da "Festa da Vendima" mesturará música, gastronomía e artesanía o día 27 de agosto no municipio de Leiro.
O vicepresidente da Deputación de Ourense lembrou que se trata "dunha festa con arraigo na comarca do Ribeiro que serve de escaparate dun produto esencial da vida económica ourensá, o viño, pois a nosa provincia conta con catro das cinco Denominacións de Orixe galegas, sendo a do Ribeiro a máis antiga de Galicia".
Rosendo Fernández destacou que esta celebración, xa consolidada no calendario festivo da nosa provincia, "convértese nunha canle de promoción económica dun recurso endóxeno do Concello de Leiro". Pola súa parte, o alcalde de Leiro fixo un repaso pola historia desta festa que comezou a celebrarse "no ano 1963 e fixéronse tres edicións retomándose novamente no ano 1974 para celebrar catro edicións, e foi no ano 1996 cando volvemos a retomar esta festa para celebrala cada ano ininterrompidamente". Asemade, Francisco José Fernández destacou a "alta participación veciñal na celebración que contamos que, nesta edición, teña unha asistencia similar á de anos anteriores".
O programa de actividades comeza ás 10.00 horas coa recepción de acios a concurso e posterior exposición. Ás 11.30 horas será a benvida ás autoridades e convidados na Casa do Concello, para dar paso ás 12.00 horas á lectura do Pregón na praza do Cruceiro que nesta edición correrá a cargo da comisionada do Goberno fronte ao reto demográfico, Edelmira Barreira. O desfile de carrozas e charangas comezará ás 12.30 horas desde a rúa Gabino Bugallal ata o Campo da Feira e, ás 14.00 horas, será a visita ao XIV Mercado Artesanal que estará instalado no parque do Salgueiral, a beira do río Avia. O xantar popular comezará ás 14.30 horas.
Pola tarde, a partir das 16.30 horas celebrarase a entrega de premio aos gañadores dos concursos de Acios e Carrozas e continuarase con actividades infantís e festa no Salgueiral. O deporte terá o seu espazo tamén na celebración co partido de presentación do C.F. Leiro ás 17.45 horas. Por último, será a música a encargada de pechar esta celebración co concerto de corais da Vendima ás 20.00 horas e coa actuación en directo no Salgueiral ás 21.00 horas.
Un dos eventos máis atractivos da celebración é o desfile de carrozas que hai en modalidade infantil e adulta. "As carrozas deben facer referencia a motivos da vendima, da viña ou traballos da mesma e deben cumprir as características recollidas nas bases do certame, pois de non ser así, o xurado poderá descalificalos", sinalou o Concelleiro de Cultura, quen lembrou os premios do certame sendo para os adultos de 1.000 euros para o primeiro premio, o segundo 750 euros e o terceiro premio 600 euros, e por participar no concurso reciben 400 euros de premio. E na modalidade infantil son de 400 euros para o primeiro, 300 euros para o segundo e 200 euros para o terceiro, e 50 euros por participar.
No relativo ao mercado artesanal, Ramón Álvarez dixo que levan 14 anos a celebralo e nesta edición "temos 25 artesáns confirmados procedentes principalmente da provincia de Ourense. Haberán artesáns de bixutería, esmaltes en frío, pedras, produtos alimentarios e viño".
Debéronlle sentar moi ben as vacacións. Nótase que ven vostede coa mente despexada. O de pescar xardas vaille moi ben. Non me refiro a que leva vostede oito anos de vacacións, senon ás do verán.
Xa que vostede ven en forma e nesta ocasión non chama "lambe cus" a quenes rexeitan unha incineradora de neumáticos no monte veciñal onde recentemente un desalmado/a plantou lume (imaxínese se eso estivera cheo de neumáticos). E xa que vostede non chama brazo político armado ao servizo do PP a quenes inician unha IPL, comezo a pensar que vostede ben levado é igual que unha persoa.
Así que vou osar a tratalo como tal, e vou tentar que vostede entre en razón. Mire vostede, sabe de sobra que o problema da auga en Maside (o marxe da seca que é evidente) e que hai unha bolsa enorme de persoas que collen auga sen ter contador. Ainda que vostede faga o pampo cando lle convén, non o é, entón a pregunta é ¿Por qué non pon a estas persoas as correspondentes sancións? Vostede é o responsable ¿Para que lle sigan votando? ¿Pra que non se encomoden? Se esa é a súa política non veña vostede asustado, porque este é un problema estructural ao que vostede non lle quera poñer solución. VOSTEDE NON LLE QUERE POÑER O CASCABEL O GATO. Fai unhos anos vostede fixo a tentativa de privatizar a xestión da auga pra torear este problema. Pero o problema é vostede, unha persoa que mira pra outro lado cando se trata de desenvolver as responsabilidades que ten como alcalde (xa falaremos deso nun futuro non moi lonxano).
O problema da auga é o mesmo que o do IBI, existe unha gran bolsa de persoas que non o pagan e a ineficacia da empresa de recadación fai que prescriba. Estanse tirando cartos nunha empresa que non é capaz de pasar os recibos por vía executiva deixando que prescriban ¿NOn sería mellor facer público o servizo de racadación? ¿ Non sería mellor crear emprego, e de paso recadar o que hai que recadar?
¿Señor? alcalde, vive vostede nunha realidade paralela. O concello de Maside está moi lonxe dos 3000 habitantes, concretamente 2818 (moitos deles empadroados para o seu interese, pero nin viven en Maside). Desperte e non faga tanto o pampo porque casi é mellor a versión de difamador que a de bombeiro torero. Por certo, sempre será lembrado como o heroe da avispa asiática e a súa desinteresada entrega en defender aos masidaos desta lacra .
Felices Festas!
Chega a semana grande de agosto en Maside, a que se abre coa celebración da Festa do Cabalo e se despide coas Festas de San Vitorio.
O domnigo 20 é a cita para os afeccionados ao mundo do cabalo, de gran tradición no municipio masidao.
Tanto pola mañá como pola tarde, na paraxe natural do Puzo do Lago celebrase a 30 edición da Festa do Cabalo do Concello de Maside, haberá concursos e carreiras con premios para os mellores, cun intervalo á primeira hora da tarde para o xantar popular.
Do mércores 23 aos venres 25 terán lugar as xa tradicionais noites de cine ao aire libre na Praza Maior de Maside. Proxectaránse as películas "Angry Birds", "Cazafantasmas" e "Los Pitufos: La aldea perdida".
O ambiente festivo irá a máis a partir do sábado dia 26, coa celebración da "Noite Folck e Troula" na que animarán os bares e as rúas de Maside os grupos "Do fondo do peto" e "Maianas", entre outros.
O domingo 27 abre a programación festiva o disparo de bombas de palenque e os pasarrúas da banda de música. As 12 do mediodia a Coral A Torre cantará na misa solemne, e despois haberá concerto da banda de música. Pola tarde a V Mostra-Feira de Artesanía Infantil, e pola noite, ademáis dos fogos artificiais, a verbena con Fania Show e Garibaldi.
O lúns 28, comezará a xornada coas bombas de palenque e a animación polas rúas de Maside da Banda de Música, que despois aconcpañará a procesión e ofrecerá un concerto na Praza Maior. A misa deste dia será solemnizada polo Orfeón do Carballiño.
Pola tarde, volverá abrir a Mostra-Feira de Artesanía Infantil, e na verbena actuarán as orquestras Tango e El Combo Dominicano.
Un centenar de persoas, entre as que se atopaban os portavoces e membros da corporación municipal do Carballiño, funcionarios, veciños e visitantes, concentráronse este venres dia 18 de Agosto ás 12 da mañá na Praza Maior e gardaron cinco minutos de silencio en repulsa polos atentados de Barcelona e Cambrils e en solidariedade coas vítimas, as súas familias e os veciños destas localidades.
Esta convocatoria levouse a cabo secundando a realizada pola Federación Española de Municipios e Provincias (FEMP).
Dende primeiras horas da mañá as bandeiras do concello do Carballiño están a media asta en sinal de condolencia.
A segunda edición do RallyMix do Concello de Piñor contará con máis de 40 pilotos que, durante os días 19 e 20 de agosto, participarán nesta competición que forma parte do calendario da Federación Galega de Automobilismo.
A presentación desta cita deportiva tivo lugar no Pazo Provincial, acto no que participou o deputado provincial de Deportes, Juan Anta; o alcalde de Piñor, José Luis González; o presidente da Federación Galega de Automobilismo, Iván Corral; o presidente da Escudaría MixRallyeSports e director da proba, Ignacio J. Davila; e o xefe de seguridade da proba, Cándido Carrera.
O deputado provincial de Deportes lembrou a "tradición automobilística" da provincia de Ourense e a gran capacidade de convocatoria que teñen "estes eventos que atraen a numerosos afeccionados do mundo do motor". Nese mesmo senso, Iván Corral lembrou que Ourense é "a provincia de referencia do automobilismo en España" e esta modalidade de Rallymix, "que vimos de implantar recentemente, só existe en Galicia a nivel nacional".
Pola súa parte, o alcalde de Piñor destacou "a importante repercusión económica que supón para o noso municipio e para os concellos limítrofes, desenvolver esta proba automobilística", e engadiu "tamén nos permite dar a coñecer o noso territorio aos asistentes que veñen de fóra de Galicia". As novidades que presenta esta segunda edición son "o cambio de data para evitar as inclemencias meteorolóxicas que sufrimos o ano pasado e os cambios realizados no trazado para achegalo ao centro do Concello", dixo José Luis González.
O tramo cronometrado é mixto cun total de 8,4 quilómetros dos cales 4,45 quilómetros son de asfalto e 3,95 quilómetros son de terra. "Ata o momento contamos con 42 pilotos inscritos na proba aínda que esperamos chegar aos 50, superando así os 31 participantes da pasada edición. Os equipos inscritos proceden de tódolos puntos de Galicia, do Norte de Portugal, Castela e León, Cantabria e Asturias", explicou o director da proba.
O evento comezará pola mañá o sábado, 19 de agosto, coas verificacións administrativas e técnicas e os recoñecementos, para arrancar coa competición, ás 12.15 horas, disputando tres mangas cronometradas seguidas. O domingo, 20 de agosto, a competición comezará ás 10.00 horas disputándose dúas mangas cronometradas. A entrega de premio realizarase sobre as 16.30 horas. O parque de asistencia estará no Campo de Fútbol do Reino.
A vila de Pazos de Arenteiro retrocederá dous séculos, os días 19 e 20 de agosto, coa celebración da festa "1809 A Batalla", a 1ª Festa Histórica de Pazos de Arenteiro que traerá ao presente as tradicións e as vivencias daquela época, para conmemorar o 208 aniversario da Batalla que tivo lugar dentro da Guerra da Independencia.
A presentación desta iniciativa cultural tivo lugar hoxe no Pazo Provincial, acto no que participou o deputado provincial de Cultura, Manuel Doval; a concelleira de Cultura e Turismo de Boborás, Patricia Torres; e de Sustinea, Rebeca Carreiro.
Manuel Doval, quen lembrou as heroicas accións do Capitán Cachamuíña e a defensa que fixo pola súa terra, dixo que con esta celebración "Boborás pon en valor este feito histórico a través dunha iniciativa cultural que aglutina teatro, música, obradoiros e un completo elenco de actividades para o desfrute de tódolos asistentes".
Con esta festa, o municipio de Boborás recupera a historia da vila e da súa bisbarra, representando a batalla que alí tivo lugar contra os franceses a comezos do século XIX cando os locais, da man do Capitán Cachamuíña, lograron derrotar ás tropas francesas.
Patricia Torres, quen agradeceu a colaboración da Deputación de Ourense para poder desenvolver este proxecto, asegurou que esta celebración "vai a ser un éxito, pois foron moitas as persoas que nos chamaron de fóra de Galicia para interesarse por ela". Asemade, a concelleira de Cultura de Boborás tamén agradeceu a colaboración "dos máis de cen voluntarios que estarán a traballar eses días para representar tódolos episodios que se viviron naquela época".
Pola súa banda, Rebeca Carreiro dixo que esta celebración aposta "polo desenvolvemento local sostible e persegue a dinamización de todo o núcleo poboacional da vila, participando nela veciños da localidade e doutras aldeas de arredor".
A programación da festa comezará o día 19 de agosto, ás 12.30 horas, co pregón da man do Bando Francés no Palenque. O mercado abrirá as súas portas ás 12.00 horas ámbolos días. Ademais tamén haberá actividades na rúa, o campamento do exército francés, teatro, unha mostra de esgrima, monólogos, música popular, obradoiros e postos de comida e artesanía, "un completo programa que rematará o domingo, 20 de agosto, ás 20.00 horas coa celebración da batalla final "fouces contra mosquetóns" na Ponte", sinalou Rebeca Carreiro.
O concello do Carballiño manifesta que A LV Festa do Pulpo pasará á historia por ter superado algúns rexistros, pero sobre todo por conseguir o máis amplo seguimento dos medios de comunicación e redes sociais. Así, en TVE 1, Antena 3 e TVG, e radios diron a noticia en directo nos seus servizos informativos do mediodía.
Tamén os xornais de Galicia destacan a celebración do evento. E cobra unha importancia trascendental as numerosas entrevistas mantidas os últimos días con axencias, radios e cadenas de televisión internacionais sobre a Festa do Pulpo. Entre outras, destacan a reportaxe de Adrián Cragnolini para Cadena 3 Argentina, ou a de Patricia Alvarado para o Grupo Radio Centro en horario de máxima audiencia, con 20 millóns de ointes en México e Estados Unidos.
Asimesmo, nas redes sociais multiplicáronse as imaxes e noticias, e de feito, o propio Facebook do concello do Carballiño acada neste intre un alcance de máis de 627.000 persoas e unha interacción de preto de 184.000. Todo isto da boa conta, por unha parte,da extraordinaria promoción que se fixo para esta edición da festa, e por outra, do crecente interese que suscita a Festa do Pulpo do Carballiño tanto a nivel informativo como popular, remarcan dende a institución municipal.
Por iso, dende o concello do Carballiño agradecen esta dedicación e o traballo desenvolvido por todos os profesionais, cámaras, fotógrafos e xornalistas, que estiveron cubrindo estes días os actos programados na 55 festa do Pulpo.
O Partido Popular suxire varias melloras
O grupo municipal do Partido Popular no concello do Carballiño fai varias propostas que -entende- mellorarían a organización da Festa do Pulpo.
Para acceder ao comunidado do Partido Popular prema no arquivo adxunto:
Páxinas
- « primeira
- ‹ anterior
- …
- 515
- 516
- 517
- 518
- 519
- 520
- 521
- 522
- 523
- …
- seguinte ›
- última »
