Ata o minuto 88 non pudo cerrar o Arenteiro un partido no que se adiantou no marcador o equipo visitante por medio dun golazo de Benito, despois os carballiñeses deronlle a volta ao marcador, índose ao descanso xa con un 2-1 ao seu favor.

C.D. Arenteiro: Pachi, Carlos, Oscar, Diego López, Dabarca ( Lois ), Alex, Canexón ( Prada ), V. Gallego, Martín ( D. Quiroga), A. Núñez ( M.Sotelo ) e Bardelás.

Goles: 

0-1. Minuto 16, Benito cun trallazo dende fora da área.

1-1. Minuto 28, Victor Gallego coa "colaboración" do meta visitante, Roi.

2-1. Minuto 44, Canexón tras un magnífico pase de Victor Gallego.

3-1. Minuto 88, Prada tras un centro dende a dereita de Diego Quiroga.

O Partido: Sufríu máis do que era de esperar o Arenteiro para sentenciar no marcador, tivo ocasión de facélo, sobre todo en ocasións bastante claras nas botas de Martín e V. Gallego, e non o fixo, polo que o partido estivo vivo atá os minutos finais, atá en dúas ocasións na segunda parte pudo empatar o AT. Vilariño, pero nunha delas o desacerto do dianteiro visitante e noutra unha gran intervención do meta local Pachi, evitarono. 

Os dianteiros Walter Martín e Diego Quiroga, éste último chegado  ao Arenteiro procedente do Club Lemos, adestraron xa con normalidade esta semana, polo que ambos poden entrar na convocatoria para o partido deste domingo -17,30 horas- en Espiñedo ante o AT. Vilariño.

A incorporación de ambos pode ser un alivio para o adestrador Miki López, xa que os outros dous dianteiros dos que dispón, Cancelas e Manu, non poideron adestradar durante toda a semana, o primeiro por motivos laborais e o segundo aqueixado de molestias, que xa lle impediron xogar o pasado domingo en Ramirás. O resto do plantel está dispoñible, incluido Alex, que comezou a semana con molestias.

Trala derrota do pasado domingo, ao Arenteiro so lle vale a victoria ante o AT. Vilariño para non perder de vista os primeiros postos da clasificación, onde debe estar o equipo carballliñés nesta competición da 1ª Autonómica.

O popular presentador da TVG pronunciará o pregon das festas de San Cibrao ás 9 da noite deste venres dia 13, na Praza Maior.

A comisión de festas desvelou a incognita, finalmente o presentador televisivo será o encargado de abrir o co seu pregón as festas patronais. Aínda que nun primeiro momento os compromisos profesionais do pregoneiro condicionaban a hora do pregón ás seis da tarde, finalmente esta circustancia foi solventada e o acto desenvolveráse á hora anunciada no programa, ás nove da noitiña.

Xosé Manuel Piñeiro, coñecido tamén como "Superpiñeiro" fará o pregón dende o escenario da orquestra "Metrópolis" que xa a esa hora da tarde estará instalado na Praza Maior carballiñesa.

A tempada rematou o pasado dia 8, recordan que "nunca na historia aconteceu esto, sempre se pechou a piscina coincidindo co inicio das festas".

O grupo socialista sospeita que o peche ten que ver "co mantemento totalmente nulo destas instalacións durante todo o ano , so a última hora e con presas, de aí as consecuencias, vasos en malas condicións, hixinene escasa e céspede calamitoso".

Non obstante felicitan "á empresa explotadora do bar, ao persoal de socorrismo e á empresa adxudicataria" e anuncian que solicitarán o contrato da concesión. Engaden dende o PSOE que "cando non queres traballar os servizos públicos pasan a mans privadas, ésta é a clara política dun partido e o seu afán privatizador".

A nova asociación nace cos obxetivos de conseguir que o concello autorice a instalación de barras na vía pública, que se cumpla a lexislación do botellón e lograr que "O Carballiño volva ser un referente na noite".

Aclaran dende o novo colectivo que se trata dunha entidade "que é independiente da Asociación de Hostelería do Carballiño". A nova asociación comezou a xestarse trala polémica da pasada festa do polbo en relación á decisión do concello "de non permitir as barras como noutros anos, o obxetivo é que todos os locais poidan traballar en igualdade de condicións podendo instalar barras no exterior en datas tan boas para a hostelería como son a festa do polbo ou as festas do setembro".

O de Santa Isabel de Ramirás sigue sendo un campo maldito para o Arenteiro, e tamén o foi desta vez, o equipo carballiñés non se adaptou ao terreo de xogo de terra e sufre unha derrota no segundo partido de liga na 1ª Autonómica.

C.D. Arenteiro: Pachi, Carlos, Diego López, Dabarca, Oscar Portos ( Omar, m. 70 ), Alex, Canexón ( Meji, m. 76 ), Victor Gallego, Marcos Sotelo ( Cancelas, m. 86 ), Adrián Núñez e Prada ( Bardelás, m. 60 ).

O Partido: Gañou o equipo que máis intensidade puxo, e éste foi o C.D. Ramirás. Dous tantos de Alberto en cada tempo, o segundo deles un golazo, chutando dende fora da área grande por toda a escadra, supuxeron unha derrota que debe servir ao Arenteiro para aprender ben a lección e saber que nesta competición vaise encontrar con este tipo de partido en máis dunha ocasión.

Durante 2013 a apertura reduciuse a tan so catro meses, agora a cámara autonómica acorda que a partir de 2014 sexan oito meses ao ano.

A comisión quinta do parlamento de Galicia adoptou este acordo tralo debate no que o PSdG defendeu a apertura os 12 meses do ano, finalmente aprobouse a proposta do Partido Popular que optaba pola apertura durante oito meses. O acordo parlamentar chega tras unha campaña dos traballadores, sindicatos e PSdG na que demandaban e defendian o funcionamento das instalacións, que son de titularidade autonómica.

Tras coñecer o acordo, o concello do Carballiño emitíu un comunicado no que anuncia que "o alcalde do Carballiño retomará agora o traballo de difusión destas instalacións dentro e fora do territorio galego, asi como a grupos e colectivos que poidan estar interesados, éstas accións xa se iniciaran a través de conversas dos responsables da Residencia, quedando pendientes ata que se debatise o futuro da mesma no parlamento".

O conselleiro de Medio Ambiente, Territorio e Infraestruturas, Agustín Hernández, e o alcalde de Boborás, Cipriano José Caamaño Castro, asinaron un convenio de colaboración para acondicionar e mellorar o camiño de acceso ao cemiterio da parroquia de Pazos de Arenteiro. O importe deste convenio, aportado ao 100% pola Xunta de Galicia, elévase a 51.512 euros.

Trátase dun conxunto histórico-artístico declarado ben de interese cultural, polo que debe acondicionarse o contorno no que se ubica, ao tempo que as obras deben producir o mínimo impacto posible.

As actuacións consistirán na mellora do trazado e no ensanche da vía en dous tramos diferenciados. No treito I (os 15 metros do camiño máis achegados ao núcleo de Pazos de Arenteiro) executarase un novo trazado para eliminar unha gran curva e diminuír a pendente. Será necesario trasladar e reconstruír noutra ubicación uns muros de contención existentes no paso do novo trazado.

No segundo treito II (nos restantes 85 metros do camiño teñen un ancho de entre 2,1 e 2,5 metros (salvo nos últimos 15 metros, que o ancho é de 6,5 metros por rematar en explanada de entrada ao cemiterio), procederase ao ensanche da vía, onde o pavimento do camiño realizarase en formigón, procederase ao soterramento de conducións e entúbarase unha canalización de auga aberta que discorre por un lateral.

Tamén se fará a instalación necesaria para alimentar nun futuro a un punto de luz no cemiterio e, por último, executarase uns muros de contención de pedra ao redor do cemiterio.

En relación coas obrigas, o departamento que dirixe Agustín Hernández encargarase de contratar, executar, dirixir, controlar e recibir as obras; mentres que a Administración local deberá redactar o documento técnico de definición da obra, obter os permisos, licencias e autorizacións, poñer a disposición da Xunta os terreos libres de cargas e asumir a explotación e conservación das obras.

O conselleiro manifestoulle ao alcalde de Boborás que non se trata dunha obra cun orzamento elevado, pero puxo en valor a importancia desta actuación xa que responde ao obxectivo de recuperar os espazos de encontro para mellorar as posibilidades de lecer dos cidadáns e contribuír ao reequilibrio territorial fixando poboación no media rural.

Os dias 18 e 19 de Setembro quedanse este ano baixo mínimos en canto á programación festiva, que se inicia un dia antes do que ven sendo tradicional, farao o venres dia 13.

A comisión de festas, este  ano a cargo da Asociación de Hostelería do Carballiño, manexa un orzamento que ronda os 90.000 euros "a mesma cantidade do ano pasado", subliñou o responsable do colectivo, César Nóvoa. O concello reduce a súa aportación económica, que pasa dos 33.000 euros do ano 2012 aos 26.000 euros deste ano.

Animarán as verbenas do San Cibrao carballiñés as orquestras Metrópolis, Madeira, La Oca, Sintonía de Vigo e Panorama. Polo dia, actuarán as bandas de música do Carballiño e A Lira de Ribadavia, e a charanga Castro Bello. O domingo 15 actuará o músico dominicano Henry Méndez. Os gaiteros Orcellón acompañará diariamente á comparsa de Xigantes e Cabezóns.

A comisión de festas non se esquece dos nenos, que terán actividades diarias nestas festas ás catro e media da tarde na pista roxa e unha "Olimpiada infantil" o dia 16 no parque dos Catro Camiños.

A nova praza da Veracruz será o escenario das tradicionais sesións de fogo artístico, o dia 16 coa Pirotecnia Abad e o martes 17, festivo local, a cargo da Pirotecnia Penide.

Para o dia 18 tan so está programada a actuación dun DJ que amenizará unha festa infantil na Praza Maior, e para o dia 19 a comisión, se o permite o orzamento, contrataría a unha orquestra para despedir as festas do setembro.