O secretario Xeral Provincial, Raúl Fernández, participou hoxe no acto de presentación da candidatura socialista no concello de Leiro, onde advertiu que “coñecendo a forma de actuar do PP, os socialistas deben manterse alerta respecto da posible ubicación da incineradora-vertedoiro no Ribeiro”, ao que engadiu que “se finalmente non se instala alí será gracias á presión da poboación”.Así mesmo, Fernández amosou a súa preocupación “polos incendios que estos días de calor arrasaron máis de 2.000 hectáreas na nosa provincia, e polo que a Xunta terá que responder ante os cidadáns”. “Por que non está en marcha xa o plan de prevención de lumes? Por que tendo a información meteorolóxica sobre a calor e a seca non se reforzaron os equipos? Quen solicitou as queimas que ao parecer se solicitaron e por que Medio Rural as permitiu?”, preguntou o dirixente socialista.

 O candidato socialista á alcaldía de Leiro, Manuel Rodríguez Vázquez, presentou o seu equipo, “persoas novas comprometidas, con ideais e ilusión para darlle un sopro de aire fresco á política do noso Concello”.

 No seu discurso, Rodríguez lamentou que nestes últimos catro anos vivíronse situacións antidemocráticas no Concello, facendo uso de insultos e calumnias nos plenos, e mesmo persecucións e nivel persoal e laboral, pintadas, panfletos e anónimos, “actitudes que hai que desterrar para sempre no noso pobo e que só conseguiron darnos máis forza para loitar polos intereses dos nosos veciños”.

 “Ante o goberno caduco do PP e a parálise das súas políticas en todos os ámbitos, os socialistas nos presentamos co único obxectivo de mellorar os servizos básicos do noso pobo, das súas infraestruturas, de ofrecer un Centro de Día aos nosos maiores, espazos de xogo para os nenos, e oportunidades laborais e vivenda para que os nosos mozos non teñan que facer a maleta e marchar”, dixo.

 “Temos un proxecto de renovación de xente e ideas”, dixo, e prometeu cercanía, transparencia, austeridade, participación, flexibilidade “e por suposto traballo e máis traballo en defensa dos dereitos de todos os veciños”.

 “Pola contra, o Partido Popular ofrece máis do mesmo: retroceso, caciquismo, oscurantismo e a busca do beneficio duns poucos a costa do benestar xeral”, afirmou, e puxo como exemplo a planta de lodos que tanto malestar ocasionou aos veciños de Leiro.

 O acto foi presentado polo alcalde de Ribadavia, Marcos Blanco.

A Concelleira do BNG convertiuse na primeira muller nacionalista en ocupar o cargo de Alcaldesa en funcións no Concello do Carballiño, tralo decreto asinado polo Alcalde Carlos Montes, que por motivos personais tivo que ausentarse do Carballiño esta semana. Aúrea Francisco Lorenzo asumiu o cargo de Alcaldesa en Funcións con "moita responsabilidade e co orgullo de ser muller, e tamén con ledicia polo cariño que sinto ó pobo do Carballiño, e pola miña vontade de servizo". Como Concelleira de Igualdade e Benestar e desta vez, tamén como Alcaldesa en funcións no Concello do Carballiño, Aúrea Francisco reuniráse este venres cos represetantes do Concellos da Comarca, nunha xuntanza de traballo para avanzar no desenvolveento do Plan de Igualdade e "noutros proxectos conxuntos, porque O Carballiño debe estar coa Comarca, axudando a todos os Concellos, por enriba das cores políticas, buscando o mellor para atender as necesidades da cidadanía".

A nova formación política foi presentada no rexistro de partidos políticos do Ministerio do Interior por 3 promotores, presentado a acta notarial da súa constitución e fixando o domicilio social na localidade de Cameixa, no Concello de Boborás. O seu ámbito de actuación será local, e a idea dos promotores sería participar nas eleccións municipais do 22 de maio no Concello de Boborás, para o que terán que presentar a correspondente candidatura ante a Xunta Electoral, unha vez que se abra o prazo legal, o feito de estar constiuido como partido político facilitaría a tramitación para presentarse ó proceso electoral, que sería máis complexo no caso de ser unha candidatura independente. Según pudo saber Cope O Carballiño, entre os promotores do novo partido figura José Benito González Trigás, actúal Concelleiro do Partido Popular na Corporación Municipal de Boborás.

Asi o adiantou a través desta emisora de radio o candidato do Partido Popular á Alcaldia do Carballiño, Marnotes confirmou que "de nº 2 vaime acompañar Martín, o pediátra, está moi ilusionado con este proxecto do Partido Popular,  porque él tamén pensa que é o momento do cámbeo político no Carballiño". Martín Nogueira Martínez ocupará, pois, o segundo posto na candidatura dos populares, da que Marnotes non quixo desvelar outros nomes, xa que "quedan aínda algunhos flecos por cerrar nas próximas horas". Sen embargo, dase por feito que a renovación será importante no primeiro tramo da lista, xa que do actúal grupo do PP no concello carballiñés tan só repetirá a concelleira Pilar Caride, caendose dos postos de saída Roberto Ameijeiras,Emilio García "Riobóo" e Anayansi Rodríguez.

O propietario da vivenda, J.C.G, presentou denuncia ante a Garda Civil, facendo constar que os ladróns entraron no domicilio tras forzar a porta de entrada, durante a mañá do pasado venres dia 1 de abril, apoderandose de 1.500 euros en efectivo, asi como de xoias por valor de 14.000 euros. Tamén se levaron un ordenador portátil, unha cámara de fotos e outra cámara de vídeo, que o denunciante valorou en 2.600 euros. Instrúe dilixencias o Xulgado nº 1 do Carballiño.

A empresa Cepsa instalará no municipio de Maside unha planta de envasado de botellas GLP, botellas de gases licuados do petróleo. O GLP é unha mestura de butano e propano e outros hidrocarburos. Esta nova planta ubicaráse no antigo aparcadoiro da estación de ferrocarril da Estación de Maside, nunha parcela adquirida por Cepsa Gas Licuado ó Adif.  Precisamente, o transporte deste tipo de gas faise fundamentalmente a través do ferrocarril.

O proxecto atópase en periodo de exposición pública no Concello de Maside, dando cumprimento ao decreto que regula a avaliación de incidencia ambiental, e ós efectos de presentación de posibles reclamacións ou observacións que se consideren oportunas. O expediente pode examinarse no Concello de Maside atá mediados do vindeiro mes de abril.

O Alcalde de Leiro, Francisco José Fernández, asinará nos próximos dias un convenio coa Consellería de Cultura, que posibilitará o acondicionamento dun inmoble anexo ó mosteiro de San Clodio, e que albergará un museo do viño denominado "Espazo dos sentidos do viño". Con dita actuación, cun orzamento superior a 1 millón de euros e prazo de execución de pouco máis de 1 ano, preténdese a rehabilitación dunha edificación singular recuperando o seu estado orixinal e incorporando á vez elementos novos, de forma que non compita coa importancia da cuberta cerámica do mosteiro. Contará con planta soto, vestíbulo, planta alta e zona de viñedo, na que se atopará: unha sala de catas, aseos, sala de reunións, sala de conferencias, zona de degustación para épocas estivais, zona de colleita personalizada por grupos, que integra un lagar e espazo de prensado, zona de exposición e venda de productos autóctonos, un salón dos sentidos e un taller orientado a catas non profesionais.

Dita área pretende ser un espazo das emocións que produce o viño, e no que se trata de mergullar ós visitantes no fascinante mundo das percepcións sensitivas que ofrece esta bebida, froito dun proceso de elaboración moi laborioso e coidado, para poder acadar a máxima calidade. Artéllase como un percorrido conceptual e de aproximación sensorial ao mundo do viño, con distintas etapas e complementándose con outras zonas, como poden ser a zona de desgustación ou a viña donde se aprecien as distintas variedades autóctonas.

Compleméntase a apreciación dos demais sentidos no artellamento multimedia coa inundación do espazo, con sons identificables vencellados ó mundo dos viños, dende gravacións efectuadas en adegas, o son de descortezar unha botella, o rumor do vento movendo as follas, o pisado da uva, o son da fermentación, etc…

Na zona de catas, desenvolverase o achegamento á textura das uvas e do viño, como complemento do sentido do sabor.

Este singular espazo museístico cumpre tamén co obxectivo de promover o coñecemento, a través do mundo do viño, da comarca do Ribeiro nos seus aspectos culturais e xeográficos, pois o enoturismo ten a virtude de vertebrar todos os recursos dunha zona: paisaxe, natureza, patrimonio, artesanía, ocio e deporte, festas e tradición e, por suposto, gastronomía.

O secretario Xeral do PSdeG, Pachi Vázquez, presentou os candidatos socialistas da comarca do Ribeiro, acto no que afirmou que “o PSdeG vai incrementar o apoio cidadán nesta comarca o próximo 22 de maio, especialmente na capital, porque a xestión de Marcos Blanco e todo o seu grupo de goberno nesta lexislatura foi unha das máis fructíferas do período democrático”. Na súa intervención, o líder dos socialistas galegos, sinalou ás débedas da Xunta de Feijóo con Ribadavia e a comarca, “de onde parece mentira que sexa o superdelegado da Xunta en Ourense, xa que ten paralizado todos os proxectos que están pendentes de ser executados”, dixo.

Así, lembrou que o parque empresarial de San Cristovo segue empantanado na 3ª fase de execución, e que despois de prometer incluír a dotación para esta obra nos orzamentos do 2011, non destinaron un só euro, poñendo en perigo a implantación de tres empresas e a creación de 100 postos de traballo.  Tamén denunciou a falla de apoio ao sector vinícola, que é a principal fonte de riqueza destas terras, e que non hai o máis mínimo interese en establecer un sistema de presos estables para os viticultores, con “contratos homologados” que garantan unha rendibilidade mínima da viticultura. Neste sentido indicou tamén a falta de interese por poñer en marcha o Museo do Viño, xa construido, e que está chamado a ser un dos reclamos turísticos da comarca.  O secretario Xeral dos socialistas galegos lembrou ademais que as políticas de Feijóo, despois de dous anos de goberno e de desmantelamento de servizos públicos como a sanidade e a educación, van dirixidas á suba de impostos e taxas. Vázquez puxo como exemplo o intento de querer introducir o copago nos servizos públicos e a suba da auga. Explicou que a nova Lei de Augas só persigue recaudar máis, elevando o prezo da auga ata un 140%, pero non resolve ningún dos problemas de abastecemento nin de saneamento.

O secretario Xeral provincial, Raúl Fernández, destacou  a unidade dos socialistas do Ribeiro fronte ás prácticas habituais do PP para colocar candidatos, “utilizando a Deputación como a súa sede electoral”. Fernández lembrou a importantísima suba en votos e alcaldías que houbo entre as eleccións municipais de 2003 e as de 2007, tendencia que está seguro continuará nos vindeiros comicios do mes de maio, e axudarán a gañar a Deputación provincial. “Estamos en condicións de que o Ribeiro erradique o caciquismo do PP, as políticas de alcaldes que chegaron ao poder durante o franquismo, de exalcaldes imputados e condenados como Rogelio Martínez, e de alcaldes inhabilitados como o de Melón”, dixo  

 O alcalde de Ribadavia e candidato á reelección, Marcos Blanco, tamén salientou  o consenso á hora de elixir os candidatos socialistas da comarca do Ribeiro, fronte á división interna do Partido Popular, que presenta uns candidatos que teñen como único obxectivo “axudarse a eles mesmos e conseguir un traballo na CEO o una Deputación provincial”, en vez de mirar polo interese xeral.  Blanco considera que os candidatos que hoxe se presentaron supoñen “un soplo de aire fresco” fronte ao caciquismo e clientelismo do Partido Popular  da comarca e aos recortes da Xunta de Feijóo.

 Así, lembrou o recorte de máis dun 30% na subvención para a Mostra Internacional de Teatro de Ribadavia, e do 75% da subvención para a rehabilitación de cascos históricos, que supuxo a redución de 29 expedientes de rehabilitación  abertos en 2009 a 6 expedientes en 2010 no casco histórico de Ribadavia. Neste sentido lembrou que Galicia era exemplo en toda España da recuperación das nosas zonas monumentais, e Feijóo dun plumazo condena a deixar morrer as zonas históricas das nosas vilas, que tamén forman parte do noso patrimonio. Sobre o patrimonio natural do Ribeiro, recordou que o PP quixo “comprando vontades, castigar á comarca do Ribeiro” coa ubicación dunha planta incineradora de lixo, cando no seu  día se opuxeron á instalación dun  parque medioambiental en Carballeda de Avia dedicado fundamentalmente á reciclaxe de residuos.

O acto foi presentado pola candidata no concello de Cenlle, Silvia Álvarez, quen afirmou “ser a cabeza visible dun novo equipo que está traballando con moitas ganas ilusión” porque “os veciños de Cenlle merecen un cambio profundo despois de máis de 40 años nos que o amiguismo e os intereses partidistas foron as constantes da acción de goberno municipal”.

 “Nós somos o futuro de Cenlle”, dixo, e reivindicou as políticas de  reequilibrio territorial porque “o rural tamén existe, e os socialistas apostamos por el”, engadiu. Así sinalou  que  “a riqueza natural do Ribeiro é a súa seña de identidade”, polo que “potenciar unha economía sostible para protexer o noso territorio significa dicir non á incineradora” que o PP quere instalar na provincia de Ourense. Aludindo á importancia dun cambio na Deputación provincial, Álvarez apuntou que “Ourense merece outros líderes que teñan as personas no centro das súas políticas e os dereitos sociais como unha prioridade, algo que está moi lonxe do caciquismo imperante no clan Baltar e no Partido Popular"

CANDIDATOS COMARCA DO RIBEIRO

Un veciño do lugar de Valfrio, na parroquia carballiiñesa de Santa Uxía de Lobás, faleceu onte pola tarde, aplastado polo tractor co que traballaba nunha leira preto da localidade de Dornela, nesta mesma parroquia de Lobás. Etelvino Villanueva Lorenzo, de 66 anos de idade, foi atopado morto minutos despois das 2 da tarde polos efectivos do Grumir que se desplazaron atá o lugar do sinistro, asi como unha médica do centro de saúde do Carballiño, que non conseguiron reanimalo. A hora do xantar, Etelvino non regresou á súa casa, polo que a súa muller pediu a un veciño que fora a ver qué pasaba, encontrandose coa víctima debaixo do tractor, ó parecer o accidente produciuse cando estaba tratando de retirar unhas pedras, entón, o tractor envorcou sobre a víctima, provocandolle a morte. Trátase do segundo veciño do municipio do Carballiño que falece en idénticas circustancias nun intervalo de tempo de apenas mes e medio, xa que o pasado dia 6 de febrreiro un home de Barro de Madarnás morreu, tamén ó envorcarlle o seu tractor.

O portavoz, Javier Rodríguez, sinala que dende hai un ano o Concello convoca os plenos ás 9.30 horas, obstaculizando a presencia da oposición nos mesmos, e incumprindo a legalidade. Lembra que ao inicio desta lexislatura aprobouse en pleno a celebración dos plenos o cuarto xoves cada dous meses ás 20.30 horas, pero o último pleno que tivo lugar a esta hora foi o do 28 de decembro de 2009. Rodríguez sinala que de forma reiterada pediu nos plenos que se cumprira o acordado, e mesmo presentou un escrito no Concello solicitando que se cumprira a lei, xa que se está vulnerando un dereito fundamental dos concelleiros da oposición e pode ser constitutivo de delicto.

O edil socialista manifesta que con esta forma de actuar o Partido Popular pon dificultades á oposición para acudir aos plenos e exercer o control da acción de goberno, xa que excepto no caso de funcionarios públicos os empregados de empresas privadas non poden faltar ao seu traballo cada vez que hai un pleno. Rodríguez critica esta actitude que amosa unha falta de respecto á democracia, e lamenta que o Irixo se una á estratexia do Partido Popular de Galicia de non convocar as sesión plenarias cando corresponde, vulnerando os dereitos dos cidadáns aos que representa a oposición.