A Deputación de Ourense vén de aplicar un novo sistema dixital para xestionar e obter unha detallada información das características ou incidencias que se rexistran nos 1.850 quilómetros de estradas provincias.

Este novo programa de información xeográfica baséase en imaxes dixitais de 360 graos. Grazas a elas, o persoal da Área de Infraestruturas da Deputación pode recompilar en calquera momento todo tipo de características dunha estrada, como radios de curvatura, rasantes, peraltes, plataformas ou distancias de visibilidade.

Ao mesmo tempo ofrece a posibilidade de coñecer en detalle o entorno da propia estrada, como as condicións orográficas, desmontes, terrapléns, muros, cunetas, zonas de poda e tala, obras de fábrica, drenaxes, cruzamentos, enlaces ou travesías.

O sistema tamén é quen de dar datos concretos sobre os equipamentos que se atopan en cada punto da estrada, entre eles a sinalización vertical e horizontal, elementos de contención, balizas, redutores de velocidade e bandas transversais de alerta que producen sons e vibracións para advertir ao condutor que reduza a velocidade.

Os tramos urbanos das estradas provinciais, así como unha completa identificación do dominio público viario, zonas de protección e liñas de límite para as edificacións tamén están perfectamente rexistradas no programa.

Toda esta información proporciona un coñecemento exacto das características xeométricas, funcionais e estruturais das estradas, ofrecendo así datos de xeito claro, rápido e obxectivo para a súa análise e toma de decisións, optimizando a explotación da rede provincial.

Este traballo tradúcese na creación, edición e xestión de partes de traballo, vixilancia, emerxencias e labores de conservación, poñendo tamén a disposición dos técnicos informes periódicos das actividades realizadas.

Tralo de traballo de recoñecemento dos preto de dous mil quilómetros de vías provinciais realizado mediante un vehículo equipado con cámaras especiais, o sistema incorpora tamén unha aplicación informática para dispositivos móbiles na que o persoal de obra -vixilantes e capataces- poden rexistrar in situ calquera incidencia.

Escoita aquí a Tertulia de COPE O Carballiño, na que entre outros asuntos análízanse os últimos datos do INE sobre o cremenento vexetativo negativo na comarca ou a afluencia de turístas a O Carballiño no último ano, asi como as últimas polémicas na vida política local.

Participan nesta tertulía de venres 15 de marzo José Antonio Barge, Fátima Gómez, Manuel Nogueira e Sebas Lamazares, con Xan Pinal como moderador, e as aportacións da audiencia de COPE O Carballiño.

A directora xeral de Emprendemento e Apoio ao Emprego, Margarita Ardao, participou no evento A remuda xeracional na IXP do Pan de Cea, onde puxo de relevo o Plan implementado pola Xunta para garantir o mantemento de negocios a través da Rede de polos de emprendemento e apoio ao emprego que conta xa con 13 centros activos. No caso do Polo do Carballiño, hai cinco proxectos dispoñibles para que persoas interesadas poidan retomalos tras deixalos os seus anteriores titulares.

En concreto, quen queira facerse con algunha desas empresas alugándoa ou mercándoa pode poñerse en contacto coa Rede de polos a través da páxina web https://polosemprendemento.gal/remuda-de-negocios. Logo, será o persoal desta Rede o que se encargará do acompañamento asesorando, axilizando e facilitando estes procesos de remuda ou de transmisión de negocios.

Celebrada en San Cristovo de Cea, a actividade de hoxe está orientada precisamente a fomentar un intercambio de impresións entre as persoas representantes da indicación xeográfica protexida (IXP) Pan de Cea e o alumnado de Formación Profesional que se está especializando no oficio. Poñendo o foco nesta actividade comercial como dinamizadora do rural, fomentarase o debate e a reflexión co obxectivo de asegurar o mantemento da marca, cunha exposición de conclusións por parte de varias mesas de traballo e cunha visita ao forno tradicional de Aboamigalla con degustación incluída.

O encontro tamén serve para dar a coñecer a Rede de polos de emprendemento e apoio ao emprego, que presta asesoramento individualizado e gratuíto en calquera fase en que se atopen os proxectos empresariais, co obxectivo de xerar riqueza, dinamizar a economía e fixar poboación especialmente no rural. No conxunto da provincia de Ourense, xa se levan atendido arredor de 300 proxectos, entre os que destacan os do sector servizos, seguidos dos de hostalaría e do comercio.

No caso do Polo do Carballiño, téñense asesorado un cento de iniciativas, un 55% delas lideradas por mulleres. Ademais do centro carballiñés, na provincia ourensá están a funcionar os Polos de Verín, O Barco de Valdeorras e -desde a semansa pasada- tamén o de Baños de Molgas.

Os socios da Cooperativa Láctea de Santa Mariña de Loureiro deciden en asemblea este próximo domingo o seu futuro, coa amenaza dun peche que siñificaría o final a case 60 anos deste proxecto que impulsara o párroco Antonio Bernárdez.

Aínda que hai esperanza, a continuidade da marca que elabora productos de tanto prestixio como o kéfir ou o requeixo, podería pasar por unha oportunidade ofrecida por unha gandeira da veciña comarca do Deza, disposta a investir nesta cooperativa. A decisión terána os 47 socios, ningún deles xa en activo, que ten a cooperativa.

Nesta entrevista en COPE O Carballiño, a cooperativista Gloria Bernández e o xerente Marcos Otero, explican as claves da situación actúal en Santa Mariña de Loureiro.

Os últimos datos publicados polo Instituto Nacional de Estadística correspondense co ano 2022,  e dos mesmos despréndese que a comarca do Carballiño rexistrou un crecemento vexetativo negativo de 340 persoas, xa que o número de nacementos continúa tocando fondo e quedouse en 110 no conxunto da comarca, mentres que o número de defuncións foi de 450.

No Carballiño os nacementos foron 68 e e faleceron 203 persoas. (-135)

No Irixo, o pior dato da comarca, tan so naceron 2 nenos e morreron 47 persoas. (-45)

En San Cristovo de Cea, houbo 5 nacementos e 49 falecementos. (-44)

Boborás rexistrou 3 nacementos e 35 falecementos. (-32)

San Amaro, tivo 6 nacementos e 30 defuncións. (-24)

Punxín, 3 nacementos e 22 defuncións. (-19)

Piñor, 4 nacementos e 18 falecementos. (-14)

Beariz, 2 nacementos e 15 defuncións. (-13)

Maside, o dato menos malo da comarca, con 17 nacementos e 31 falecementos. (-14)

O concelleiro resposable das áreas municipais de obras e seguridade no concello carballiñés, Alberto Otero, protagonizou unha intervención radiofónica en COPE O Carballiño na que contestou a todas a cada unha das preguntas formuladas pola audiencia desta emisora de radio.

Podes escoitalo no audito adxunto.

Cumplironse os pronósticos e esta segunda fin de semana de marzo chegou cunha boa nevarada nas zonas máis elevadas da nosa comarca, onde máis, nas partes máis altas das parroquias de Vales e Oseira, onde na xornada do sábado complicouse bastante a situación nos accesos a varias localidades ata que actuou o vehículo quitaneves do concello de San Cristovo de Cea, que deixou as estradas transitables, pero con moitas dificultades.

Áspera, Confurco, e sobre todo Povadura e Arenteiriño, foron as localidades onde a nevarada foi máis copiosa. Na tarde do sábado, foron numerosas as familias do Carballiño e outros lugares da comarca que se achegaron a esta zona da parroquia de Vales e de Oseira para gozar da neve,  de igual maneira que outros elixiron a parroquia de Vales, na zona maís próxima aos cumios da Serra da Martiñá.