Manuel Prado, o Presidente da Mancomunidade de Concellos do Carballiño, confia en que a nova Xunta de Galicia axilice o proxecto de construcción do parque intercomarcal de bombeiros profesionais para O Carballiño-O Ribeiro, un proxecto que acumula xa varios anos de retraso, primeiro pola tardanza do Concello do Carballiño en poñer a disposición do Consorcio os terreos nos que se ubicará o edificio, na zona industrial do Carballiño, e últimamente polas diferencias de criterio que mantiñan a Xunta do Bipartito e a Deputación en relación ás aportacións económicas que ambas administraccións deberían facer para o manteñento deste parque de bombeiros, do que xa dispoñen desde fai anos outras comarcas da provincia, como Valdeorras ou Verín, e máis recentemente A Limia, un proxecto que comezou a xestarse de forma simultánea a este do Carballiño. Manuel Prado manifestou no programa "a mañá de Cope" que o acordo entre os Alcaldes para poñer en funcionamento o parque de bombeiros era total, e que polo tanto este retraso era unha consecuencia máis da "mala xestión do goberno bipartito que xestionou a Xunta de Galicia nos últimos catro anos"

Lo siento tu navegador necesita flash para ver este contenido

Manuel Prado Presidente Mancomunidade Concellos do Carballiño

Polo mesmo motivo, a colocación dunha pancarta fronte a casa do Concello do Carballiño, a Policia Local do Carballiño
tamén denunciou o Concelleiro do Bng Bernardo García, e do mesmo xeito que a Julio Fernández, o portavoz de "matar por matar non", a Subdelegación do Goberno tamén iniciou expediente sancionador contra o Concelleiro carballiñés, cunha proposta de multa de 60 euros. García manifestou quu "toda esta histoira é un esperpento, xa é ben ridículo que unha manifestación de dúas persoas e unha pancarta de catro metros alteren o orden público", polo que detecta "un claro transfondo político" na actuación da Subdelegación. Tamén recordou o Concelleiro do Bng que as preguntas formuladas á comisión informativa da canceira aínda están sen contestar por parte dos responsalbes muncipais, e polo tanto seguen sen aclararse todas as irregularidades que se deron no funcionamento destas intalacións municipais da Medela.

A Subdelegación do Goberno ven de comunicar ó portavoz da asociación ecoloxista "matar por matar non", Julio Fernández, o inicio dun expediente sancionador pola colocación dunha pancarta os pasados dias 20,21,22, e 23 do pasado mes de abil na escalinata da  Praza Maior do Carballiño "impidiendo asi el tránsito habitual de los ciudadanos y olbligando a estos a cambiar su trayectoria, negadonse asimismo en un primer momento a identificarse cuando fué requerido para ello". Estos son os feitos que se lle imputan ó portavoz de MatarXMatar Non tras a denuncia formulada contra él pola Policia Local do Carballiño cando se manifestaba no pasado mes de abril en demanda da convocatoria da comisión de investigación da canceira municipal, tal como acordara o Pleno da Corporación Carballiñesa para aclarar os sucesos ocurridos nestas instalacións municipais, e despois de que o Seprona ratificase as denuncias de grupos ecoloxistas nas que se constataron diversas irregularidades no funcionamento da canceira e a desaparición de preto de cen cans, unhos feitos que aínda seguen sen aclararse. A comunicación da Subdelegación a Julio Fernández indícalle que pudo infrinxir o artículo 26 da lei de protección de seguridade cidadán, advertíndolle que ten 15 dias para presentar alegacións, e senón consideraríase resolta esta proposta, cunha multa de 60 euros.

Lo siento tu navegador necesita flash para ver este contenido

Declaracións a Cope Carballiño de Julio Fernández

A Directora Xeral da depencencia e autonomia persoal, Coro Piñeiro, confirmou hoxe nunha entrevista con Xan Pinal no programa "a mañá de Cope O Carballiño" que o Presidente da Xunta de Galicia asistirá este vindeiro sábado á Xuntanza de Maiores que terá lugar no parque municipal. Alberto Nuñez Feijóo realizará desta maneira a súa primeira visita institucional á Comarca do Carballiño desde que foi investido Presidente do goberno galego. En canto ás previsións de asistencia que se manexan a día de hoxe, serán entre vintecinco e trinta mil persoas as que este vindeiro sábo dia 27 de xuño se van trasladar atá  O Carballiño, procedentes de toda a xeografía galega. De confirmarse estas expectativas, a participación sería inferior á rexistrada nos últimos anos. Tamén se referíu a Directora Xeral á austeridade que presidirá este ano o orzamento previsto en relación ás pasadas edicións que estiveran a cargo da Vicepresidencia de Anxo Quintana, aínda que en palabras de Coro Piñeiro este recorte presupostario non impedirá "manter a dignidade" que se merece este día para as persoas maiores. Finalmente, A Directora Xeral tamén asegurou que esta Xuntanza seguirá  celebrandose con carácter anual na vila do Carballiño.

O distrito forestal Arenteiro-O Ribeiro, con base operativa na localidade de Seoane, onde se concentran os recursos humanos e materiais da Xunta de Galicia na loita contra os incendios forestais, tén un total de nove parroquias que foron catalogadas de moi alto risco, e que serán obxeto dun plan especial de vixiancia. Son as de Nieva, no Concello de Avión, Abelenda das Penas en Carballeda de Avia, A Corna e Loeda en Piñor, Melón e Quíns en Melón, Lobás no Carballiño, Amarante en Maside e, finalmente, a parroquia de Oseira no Concello de San Cristovo de Cea. Todas estas parroquias, consideradas como de risco extremo serán obxeto dun operativo especial de vixiancia e control. Ademáis, neste mesmo plan de prevención e defensa contra os incendios forestais, que ven de aprobar o Consello da Xunta de Galicia para este ano 2009, figuran como Concellos que tamén se catalogaron como de risco elevado os de Boborás, O Irixo, Maside, Piñor, San Cristovo de Cea, Melón, Carballeda de Avia, Cortegada e Melón, todos eles pertecentes a este mesmo distrito forestal que agrupa a totalidade dos Concellos das Comarcas do Ribeiro e O Carballiño.

Gudelj e Fran Noguerol, con Lolo Carril

A Fundación Real Club Celta de Vigo, en colaboración co Concello do Carballiño, organiza un campus deportivo de verán no que técnicos profesionais e figuras do celtismo ensinarán ós rapaces entre os catro e os quince ano os valores deportivos e a práctica do fútbol. Terá lugar entre os dias 13 e 18 de xullo e terá como escenario o novo campo de fútbol de herba artificial da Uceira. A matricula terá un coste de 200 euros e poderá formalizarse na área de deportes do Concello Carballiñés. No acto de presentación, a directora da Fundación Celta de Vigo, Carmela Cuevas, dixo que con esta actividade no Carballiño cumpliase co compromiso de trasladar este tipo de inicativas por toda a xeografia galega, e neste caso a unha comarca con gran sentimento celtista como é a do Carballiño. Neste mesmo acto, animaron ós rapaces a participar neste campus de verán o ex-xogador Gudelj e Fran Noguerol, xogador en activo da actúal plantilla do Celta, natural da vila de Cea, e os que agradeceu a súa presencia o concelleiro de deportes Manolo Dacal.

O Presidente da Entidade Local de Berán, José Luis Rodríguez, calificou como de "dia histórico o de hoxe para Berán", tras a aprobación das bases que deberán regular a convocatoria do concurso público para adxudicar a concesión do novo balneario de Berán. Nunha intervención a través do programa "A Mañá de Cope O Carballiño" posterior á celebración da Xunta da Entidade na que se aprobou o documento por unanimidade, O Presidente non desimulou o seu sentimento de satisfacción, xa que atrás queda un longo proceso de ano e medio no que as diferencias có vocal socialista Tomás Lorenzo foi retrasando sucesivamente a súa aprobación. Agora, as bases serán remitidas á Xunta de Galicia e o Concello de Leiro para a súa ratificación, antes de proceder a súa publicación no DOGA. As empresas que opten ó concurso terán 40 dias para presentar ás suas ofertas,  deberán abonar cen mil euros á sinatura do contrato, e un canon anual mínimo de 18 mil euros. Os veciños de Berán disfrutarán das novas instalacións balnearias cun rexime especial de prezos e tarifas reducidas.

A solicitude de recoñecemento dos perímetros de protección presentada ante a Xunta por parte dos Balnearios do Carballiño e As Caldas de Partovia está xerando certa inquietude entre a veciñanza, sobre todo na parroquia de Partovia, o que levou a asociación de veciños desta localidade a convocar unha reunión informativa que terá lugar este mércores dia 17 de xuño ás 8,30 da tarde na sede da asociación veciñal, no lugar das Cabadas. A esta reunión foron invitados os Alcaldes dos Concellos de Maside, San Amaro, Boborás e O Carballiño, ós que abarca os rerspectivos perímetros de protección, ós que ambos - As Caldas e O Carballiño- teñen dereito como balnearios históricos. O perímetro de protección recolle tres franxas distintas, sendo a primeira e máis próxima a estos centros balnearios a máis restrictiva en canto a certas actividades industriais e agrícolas, que aparecen recollidas no Real Decreto 116 do ano 2001. O departamento Territorial da Consellería de Economia e Industria somete a información pública esta solicitude, desde o pasado dia 10 de xuño e por un periodo de 20 dias hábiles, ós efectos de presentación de alegacións por parte dos propietarios de terreos, bens e dereitos comprendidos neste perímetro de protección.

A resolución da sala do contencioso-administrativo do Tribunal Superior de Xustiza de Galicia tén data do pasado dia 26 de abril, e xa foi comunicada  ás partes o dia 4 deste mes de xuño, e na mesma desestimase o recurso de súplica interposto polo Concello do Carballiño e a promotora Fanjol contra o auto do pasado mes de marzo no que solicitaba a inexecución da sentencia que obriga ó Concello do Carballiño á demolición da útlima planta do edificio do antigo hotel Rogelia, entre as praza dos Irmáns Prieto e a avda. de Julio Rodríguez Soto, tras o recurso contencioso promovido por un grupo de veciños do edifcio colindante, e os que a xustiza deu a razón. O TSXG estimou parcialmente a inexecución solicitada polo Concello Carballiñés, pero ordenou a demolición dos áticos da última planta do edificio. Agora, a resolución do recurso de súplica, manifesta que  "con independencia de los perjuicios que ello suponga para quien, según el contenido de la sentencia, ha vulnerado la normativa urbansitica y que era aplicable al caso, y que debe afrontar las consecuencias de ese proceder antijurídico".

Simpatizantes e persoas afíns ó bng carballiñés están trasladando ós responsables deste grupo municipal o seu malestar polas negociacións que se están levando a cabo co psoe para acadar un pacto de goberno no Concello do Carballiño. Malia que a dirección local do bng consultou á militancia nunha asemblea local e conta inicialmente coa a súa aquiescencia para negociar cos socialistas un goberno bipartito, o certo é que nos últimos dias son numerosas as persoas próximas ó bng que veñen manifestando o seu rexeitamento ante este anuncio, que está a despertar certo recelo nos ambientes afíns ó bng carballiñés. "Onte mesmo chamei persoalmente a Amil paa preguntarlle que estaba pasando e manifestarlle a miña opinión totalmente contraria o acordo que se pretende", comentaba unha destas persoas, "sumiron o Concello nun caos económico e político e agora veñen pedir socorro, atá agora estiveron ninguneando o bng, non o entendemos". Estas reticencias que se están detectando entre o electorado nacionalista máis fiel, podería facer reflexionar ós concelleiros do bng, que non son alleos a esta realidade, e saben que os remisos a asinar un pacto de goberno con psoe son numerosos nestes momentos no entorno nacionalista.

Mentres, as negociacións poden entrar nunha fase decisiva esta mesma semana. Os negociadores do Bng presentarán un compromiso de mínimos que deberían asumir os socialistas, e no que entrarían a realización dunha auditoria das contas muncipais e un plan de pago ós acreedores do Concello. Tamén está ainda por decidir o reparto de áreas entre unhos e outros. No bipartito que ambos protagonizaran entre 1995 e 1999, o bng daquéla con 3 concelleiros, ún memos dos que tén na actúal corporación, tivera ó seu cargo as concellerías de obras e urbanismo, medio ambiente e servizos sociais, e a primeira tenencia de Alcaldia.