O Voceiro do Grupo Municipal Socialista do Concello do Irixo, Iago Fariñas Valiña, presentou as pasadas semanas unha moción para ser debatida no pleno instando ao Concello Á ADQUISICIÓN PARA A SÚA CONSERVACIÓN E POSTA EN VALOR DAS CASAS REITORAIS ABANDONADAS NO CONCELLO DO IRIXO.
O concello do Irixo, do que forman parte doce parroquias, ten a meirande parte das súas casas reitorais en auténtica ruína como a de San Cosme ou a de Reádegos , Froufe ou Espiñeira; ou en semi-ruína, como a de Dadín, Cangues ou Corneda, esta última dun gran valor artístico e arquitectónico e en continua espoliación. Xa no ano 2002 o concello anunciou publicamente a adquisición da casa reitoral de San Cosme para turismo Rural e así fora reflectido nos medios de comunicación, pero pasados, máis, de 14 anos nada se sabe da compra de ningunha destas casas reitorais que forman parte do noso rico patrimonio, aínda que non sexan propiedade deste Concello.
O Grupo Municipal Socialista, indica que estas accións se poden realizar sen prexuízo de incluír outras casas reitorais, edificacións ou terreos que puideran quedar en desuso como a do Campo, ou en estado de abandono progresivo, pero actualmente de forma mais urxente centrándose claramente na Parroquia de Cangues (Santo Estevo), Parroquia de A Cidá (Santa Mariña), Parroquia de Corneda (Santiago), Parroquia de Dadín (San Pedro), Parroquia de Espiñeira (San Pedro), Parroquia de Froufe (San Xoan), Parroquia de Reádegos (Santa Baia) e Parroquia de San Cosmede de Cusanca (San Cosmede) As casas reitorais do Concello do Irixo, conforman, en gran parte, un conxunto artístico e arquitectónico que merece, sen lugar a dúbidas, a pena ser conservado e posto en valor e uso con múltiples posibilidades.
Debido ao estado destas propiedades, e a que a Igrexa hai xa uns anos que decidiu vender algunhas propiedades en desuso e especialmente as que están en estado ruinoso ou practicamente, como é o caso das anteriores sinaladas, sería moi asumible negociar coas autoridades eclesiásticas para que o Concello do Irixo adquirise a titularidade de todas estas antigas casas reitorais para recuperalas e poñelas en valor. Todas estas casas, algunhas situadas estratexicamente e outras con enormes posibilidades segundo o caso, poderían, despois dun laborioso proceso de restauración, non so albergar espléndidas vivendas de turismo rural ou albergues, que darían un pulo importante ó concello no ámbito laboral e turístico; senón tamén poderían ser convertidas en centros culturais, dotacionais ou municipais que darían servizo social para todos os veciños e veciñas do Irixo.
Xa que logo, poderían ser puntos de ocio e reunión dos veciños de cada unha das parroquias. É, ademais, unha obriga moral non deixar que se perda o patrimonio deste concello, senón arranxalo, conservalo e destinalo para uso e desfrute dos veciños ou dotar, nesas instalacións, outros servizos a este concello, porque non esquezamos que o patrimonio do concello é dos veciños e veciñas de todas as parroquias. Debido ao seu estado de deterioro á inversión inicial non debería ser moi elevada e perfectamente asumible por este concello, sempre e cando se axuste o seu presuposto, dotando unha partida orzamentaria, ou chegado o caso, unha modificación de crédito para acometer a compra despois dunha negociación coas autoridades eclesiásticas.
A rehabilitación de todas estas propiedades, que se iría prolongando no tempo, podería contar con diversas subvencións de distintas administracións e mesmo poderían dar lugar á creación dun obradoiro de emprego, xerado polo propio concello ou en colaboración con outros concellos veciños, o que xeraría traballo e riqueza no concello.
Os socialistas, queren destacar que a negociación para a adquisición destas casas reitorais coas autoridades eclesiásticas, debería incluír espazos ou metros de terreos da Igrexa que sexan necesarios para mellorar as comunicacións ou as infraestruturas do concello. Sirva como exemplo, que coa cesión duns dous ou tres metros na fachada do destro da parroquia do Campo se podería acometer o ancheamento e a urbanización do entorno con beirarrúas, que mellorarían considerablemente o entorno e garantirían a seguridade dos peóns que actualmente circulan pola estrada para desprazarse á igrexa; ao non dispoñer, no entorno da parroquia, de accesos axeitados.
O Grupo Municipal Socialista do Concello do Irixo, presentou, hai semanas, para a súa consideración e dada a importancia da conservación e posta en valor deste patrimonio existente no concello, que ademais serviría conxuntamente con outras accións para dinamizar o turismo e a economía do concello, unha moción instado ó Pleno municipal á adopción do seguinte ACORDO: “Que o Concello do Irixo negocie coas autoridades eclesiásticas, sexa o Bispado ou quen ostente a representatividade deste para tales cuestións, a adquisición na fórmula máis vantaxosa, preferiblemente a compra, das casas reitorais existentes no Concello, deshabitadas e en estado de abandono para rehabilitalas coa solicitude das axudas das distintas administracións autonómicas, estatais ou europeas, aproveitando a rehabilitación das mesmas para a creación dun Obradoiro que xere emprego e dinamice a economía do municipio e finalmente destinalas a vivendas de turismo rural, albergues, centros culturais, dotacionais ou municipais, etc. para todos os veciños e veciñas de O Irixo.”
A lectura do convenio asinado o pasado marzo polo alcalde do Carballiño coas empresas que pretenden construir unha liña de alta tensión que atravesa o noso concello produce indignación e vergoña.
Non é de estranar que o PPSOE o mantivera oculto baixo sete candados e fixera todo o posible para que os cidadáns non tiveran coñecemento do mesmo.
O Concello compremeteuse a cumprir unha clausula de confidencialidade que implica manter un silencio cómplice con respecto ao levantamento desta infraestrutura.
Este ó literal de dita clausula, octava do convenio:
“El Ayuntamiento se compromete a mantener en secreto la información técnica de cualquier clase proporcionada o relacionada con las Sociedades (as 5 empresas promotoras) que le fuera comunicada o adquirida en cualquier forma durante el desarrollo de su colaboración. Esta obligación se mantendrá durante la vigencia de este convenio, así como después de su terminación durante 5 años adicionales, con las limitaciones que establezcan las leyes aplicables.
El Ayuntamiento, sus empleados y/o colaboradores están obligados a guardar estricto secreto y a no hacer público, divulgar o comunicar, de forma directa o indirecta a cualquier otra persona o entidad cualquier información confidencial propiedad o de uso interno de las Sociedades, de sus clientes o de sus proveedores (técnica o de cualquier naturaleza), relativa a los trabajos, actividades, o a cualquier tipo de informació n a que haya tenido acceso a través de cualquier medio”
É inmoral e mezquino que un goberno municipal poida asinar un acordo para manter oculto aos veciños os proxectos dunha serie de empresas que se pretenden lucrar invadino o noso territorio e poñendo en perigo a nosa saúde e a nosa terra.
Grupo municipal de Espazo Común. Concello do Carballiño.
O Carballiño comeza hoxe as festas patronais de San Cibrán, as popularmente chamadas en toda a comarca "as festas do setembro".
Desde hoxe venres dia 12 e ata o venres 19, a veciñanza e visitantes desfrutarán de concertos, exposicións, actividades infantís ou actos relixiosos, unha completa programación deseñada para pequenos e maiores. O concelleiro de Cultura, Diego Fernández, convida á poboación a achegarse ao Carballiño durante esta semana para divertirse, confraternizar e despedir o verán.
Os festexos comezan pola tarde coa última cita deste 2025 do ciclo musical “Feito no Carballiño”, que arrancou o pasado mes de xullo e no que participaron diversas bandas locais ao longo do verán. Mañá participarán os grupos Five Pipers, Susie Q’s e Kambotes, que subirán ao escenario da Praza Maior a partir das 20,00 horas.
O acendido da iluminación festiva polas rúas do Carballiño e a Festa da Xuventude completan a programación da primeira xornada. A Festa da Xuventude terá lugar na rúa Faustino Santalices a partir das 00,00 horas. Os asistentes poderán gozar de versións de cancións indies coa banda Malenne para rematar bailando os éxitos musicais actuais con DJ Valeiras.
Concerto de Xabier Díaz & Adufeiras de Salitre
Os festexos continúan a fin de semana con máis oferta musical e lúdica. O sábado, os máis pequenos poderán desfrutar da Festa Infantil de Olimpíadas coa animación musical de DJ Tibu na praza Emilia Pardo Bazán a partir das 17,00 horas. A charanga CLK ambientará as rúas da vila, que pola noite recibe a Xabier Díaz & Adufeiras de Salitre. O concerto, ás 23,00 horas na Praza Maior, incluirá a presentación do último álbum, “Axúdame a sentir”, así como temas dos traballos anteriores. Festicultores Troupe e o espectáculo piromusical na praza da Veracruz completan a programación do sábado.
Xa o domingo, actuará a Banda de Música A Lira de Ribadavia: a mediodía na Veracruz, e pola tarde na praza Juan Corral Paxariño. A charanga Dr. Anchoa animará as rúas e pola noite será a quenda da Orquestra Florida, que actuará na Praza Maior ás 20,30 horas e ás 23,00 horas.
Nova ubicación das barracas
Debido ás obras de posta en valor do entorno da Veracruz, que inclúen a nova iluminación da praza e do templo e a recuperación agora do empedrado, o goberno local decidiu mudar a ubicación habitual das barracas de maiores. En lugar de situarse na Veracruz, trasládanse ás rúas Ben-Cho-Sei e Celso Emilio Ferreiro.
O salón de actos do Concello de San Cristovo de Cea acolleu a sinatura do convenio de colaboración coa Consellería de Sanidade para a renovación do sistema de fontanería do Centro de Saude de Cea, que presentaba un avanzado estado de deterioro.
O Conselleiro, Antonio Gómez Caamaño e o alcalde, José Luis Valladares Fernández, asinaron este documento que supón unha inversión de preto de 14.000 para mellorar o sistema coa finalidade de asegurar unha subministración de auga axeitada, evitando posibles avarías ou fugas.
As obras consistirán na substitución de xeito completo da rede de tubaxes da planta baixa. Ademais, instalarase un sistema de retorno da auga quente sanitaria e do termóstato, co que se mellorará a eficiencia enerxética e se garantirá un maior confort para os usuarios e traballadores do Centro de Saúde de San Cristovo de Cea
Xa hai tempo que o muro de contención da Ben Cho Sei está cedendo. Vese ben na rúa que está partida pola metade e cedeu bastantes centimetros. E non se lle ocorre outra cousa que por unha atracción pesada nesa zona. Non hai forma de aprender, buscámolas pola man. Deus queira que non pase nada, porque se agardamos que os técnicos responsables fagan ben o seu traballo imos apañados.
¿Son o único que non ve normal a ubicación escollida? Que seguridade hai ahí cos coches da rotonda pasando ven a carón? Non me creo que o xefe de policía local autorizase iso. Vergonza.
A conselleira de Vivenda e Planificación de Infraestruturas, María Martínez Allegue, reuniuse hoxe con veciños afectados polos lumes no concello ribeirán de Carballeda de Avia. Xunto á directora territorial da Consellería en Ourense, Pilar Fernández, visitou o núcleo de Vilariño, e deu conta á veciñanza das liñas das axudas activadas pola Xunta en materia de vivenda.
Allegue insistiu no compromiso do Goberno galego para axilizar “coa máxima celeridade” a tramitación destas achegas, a fin de que as persoas afectadas poidan comezar canto antes a recuperación dos fogares. A conselleira lembrou que as axudas da Xunta poden acadar case 150.000€ no caso de vivendas habituais, xa que aos 132.000€ para rehabilitación do inmoble poden engadirse 16.200€ polo enxoval doméstico. En caso de segunda residencia, as axudas son de ata 66.000€ e 5.400€ para o enxoval.
Ademais, o Goberno galego tamén asumirá o 100% do alugueiro temporal, se é preciso e achegará ata 600€ máis para sufragar gastos de aloxamento provisional, transporte ou mudanza. Os afectados poderán percibir a contía total da axuda de xeito anticipado, o que lles permitirá axilizar obras de rehabilitación das vivendas.
Todos os damnificados teñen a súa disposición o teléfono 012 e o persoal do IGVS, e tamén nas 16 oficinas despregadas nas zonas afectadas (A do Ribeiro en Ribadavia) poden resolver todas as súas dúbidas.
No pasado mes de maio, e tras 14 anos de conflicto, facíase público un principio de acordo entre os comuneiros de Cristimil e A Torre e a Xunta para a cesión dunha ampla parcela de 142.000 m2, na zona do comunal na que se promoveu a construcción do edificio que alberga ao museo da cultura castrexa de Galicia.
O acordo, según os comuneiros, consistía que a cámbio da "expropiación amigable" recibirían unha compensación económica de 241.962 euros.
O acordo estaba previsto que fose asinado polas partes o próximo dia 20 deste mes de setembro, coincidindo coa Festa Castrexa organizada polo concello de San Amaro, pero a proposta aprazada de pago feita pola Xunta non é aceptada polos comuneiros.
Asi o explicou en COPE O Carballiño o presidente da Xunta de Comuneiros, José Modesto Rodríguez.
Aquí podes escoitalo:
As atraccións festivas de maior tamaño que cada ano viñan instalándose na Praza da Veracruz cambian de ubicación por decisión do concello do Carballiño e instalaránse nas rúas Celso Emilio Ferreiro e Ben-Cho-Sei, nestas dúas rúas preto do centro urbano que conflún na rotonda de entrada na rúa Ourense.
Desta maneira, quedará libre de atraccións a Praza da Veracruz, para protexer este espazo, e tamén para reservalo para distintas actividades do programa festivo, como a novidosa sesión piromusical que terá lugar o sábado dia 13 ás 24 horas.
Continuarán na súa ubicación habitual dos últimos anos o resto das atraccións, as máis propias do público infantil que ocupara á rúa Conde Vallellano, no tramo entre Aldara e a rotonda da Alameda, asi como os clásicos cochiños de choque na Pista Roxa e outras atraccións que instalaránse no pequeno tramo de Julio Rodríguez Soto ata a rúa Cuba, asi como unha parte da Alameda.
As atraccións comezarán os traballos de montaxe a partir das 00.00 deste mércores dia 10, no que entrarán en vigor as restriccións para o tráfico nas rúas afectadadas, e comezarán a desmontaxe a útlima hora do xoves 18, unha vez que remate a celebración do dia do neno, con descontos en todas as atraccións que este ano participan nas festas patronais do Carballiño
O Carballiño acollerá este sábado a concentración de coches antigos III Memorial José Luis Blanco Nogueira, impulsado polo Clube Galego de Automóbiles Antigos coa colaboración do Concello do Carballiño. Nesta terceira edición, o evento contará coa participación dun centenar de vehículos históricos de carrocerías como Rolls-Royce, Austin-Healey, Buick, Citroën, Aston Martin, Opel ou Ford.
“Para nós é unha cita moi importante, un elemento máis de atracción turística e tamén un xeito de ensinar este traballo artesanal. Son vehículos con decenas de anos que seguen como o primeiro día”, apuntou Diego Fernández, concelleiro de Cultura, na presentación da actividade. O edil espera que a concentración se consolide como unha actividade máis do verán do Carballiño.
Pola súa parte, Rogelio González, un dos promotores do evento, convidou á poboación a achegarse este sábado e desfrutar da historia viva da automoción. “Este ano veñen coches todavía máis antigos, teremos un Opel do 1928, varios do ano 32 e moitos do 39”, detallou. Outras das principais novidades é a visita ao Museo Reverter, onde o grupo de condutores verá o famoso Alpinche de Estanislao Reverter. O evento toma o nome de José Luis Blanco Nogueira, fundador e primeiro presidente do Clube Galego de Automóbiles Antigos.
Punto de encontro na Veracruz
A concentración comezará ás 10,00 horas deste sábado 6 de setembro.
O punto de encontro é na Praza da Veracruz, da que os coches partirán ás 11,30 horas para realizar unha ruta de 57,7 kilómetros. Os condutores visitarán o Castro de San Cibrao de Lás e o Museo Reverter, ademais de percorrer Ventosela, San Amaro, Maside e Dacón. Desde Dacón dirixiranse ao Carballiño, onde realizarán un paseo polas rúas principais para rematar no Parque Municipal. “Alí teremos música, ademais de sorteos e sorpresas, xa que contamos coa participación de varias casas de automóbiles”, sinalou Rogelio González.
Páxinas
