Deportes

O Arenteiro 2016/17 comezará a traballar o mércores dia 20 de Xullo ás 20:30 horas no Estadio de Espiñedo, no que será a xornada de presentación e inicio das sesións de adestramento para preparar a súa participación na Preferente Galicia.

O equipo comandado na dirección técnica por Manel Vázquez, contará con 4 caras novas: as de Rubén Arce e Carlos De Dios, procedentes do CD Barco; Adrián Padrón, que chega dende o Bergantiños de Carballo; e Saúl Castro, que rematou a pasada tempada na SD Bande, a onde chegara dende o Verín. Son xogadores de categoria e experiencia constrastada, polo que se agarda moito deles.

Con eles, estarán os futbolistas que continúan da pasada tempada: Pachi, Israel, Vilachá, Maxi, Dani Arbo, Dafonte, Bardelás, Iván Portos, Esteban, Cristian, Adrián Pol, Dani Vázquez, Vitti, Alberto Blanco e Dani Chimpín. Ademáis, o club espera poder "repescar" a Marcos Castro, que tivera que abandonar o equipo mediada a pasada  tempada por motivos profesionais.

No apartado de baixas, o club confirmou as de Martín Pérez, Sanginés, Marcos Sotelo, Aitor Martínez, Victor Gallego e Pana.

O capitán Pachi levantou a terceira Copa Deputación na historia  do club, a segunda consecutiva, desta vez contra o Poligono S.C, que foi un digno rival e non se entregou ata o pitido final.

Marcou moi cedo o Arenteiro, aínda cando moitos afeccionados estaban tomando asento no graderío do Couto, Vitti enganchou unha volea que foi ao fondo da portería industrial, no único gol da tarde.

O partido foi clásico dunha final, bastante feo e aturullado, sobre todo na primeira parte na que ningún dos equipos conseguíu levar perigo ante a portería rival. Xa no segundo periodo, o Arenteiro foi máis incisivo e tan só a falla de acerto nos últimos metros impedíu unha victoria máis clara.

Gran anbiente no graderío de preferencia do Estadio do Couto, practicamente cheo, con centos de afeccionados do Arenteiro, que o final vibraron porque o Arenteiro xa é tricampión do torneo ligueiro, tras este segundo título consecutivo.

O equipo dirixido por Manel Vázquez adestrou esta semana no Estadio do Couto, no propio escenario da gran final da Copa Deputación, onde este sábado dia 11 o CD Arenteiro pode facer historia na historia do club se é capaz de gañar o título por segundo ano consecutivo.

A citá e ás 7 da tarde e enfronte terá un duro rival, o Poligono S.C. que leva dende o pasado mes de xaneiro sen perder un partido, nin en copa nin en liga, na que conseguiron un brillante asceno á Preferente Galicia.

Autocares gratuítos a disposición da marea verde

Club Deportivo Arenteiro comunica aos afeccionados que non poidan desplazarse por medios propios a ourense, que terán a súa disposición autocares gratuítos con saída ás 6 da tarde dende o Templo da Veracruz.

Venda de entradas e camisetas conmemorativas

Este venres de 7 a 9 da tarde e o sábado de 12 a 2 poderán adquirirse tanto as camisetas conmemorativas como as entradas para o partido no stand oficial de club Deportivo Arenteiro na Praza Maior. Tamén en Bar Soldado, Fútboleros e Bar O Caserio.

Un gol de Vitti nos primeiros compases do partido en Bande igualou a eliminatoria, despois o Arenteiro tivo varias ocasións para sentenciar pero as sensacionais intervencións do meta local Suso levaron a eliminatoria á tanda de penaltis, na que os verdes gañaron 4-5.

Apenas ían 3 minutos de partido cando un centro de Martín Pérez dende a banda dereita é rematado maxistralmente de cabeza por Vitti ao fondo da portería banduense. Logo, tan so unhos minutos despois, á saída dun corner outro impresionante testarazo de Dani Arbo pudo deixar a eliminatoria medio sentenciada, pero o árbitro anula o gol, non se sabe moi ben o por qué.

A partir desa xogada o partido atástase, o Arenteiro parece que aflouxa e o bande tan so se aproxima á portería de Pachi a balón parado. Tras o paso por vestiarios, todo sigue igual, aínda que o bande intenta botar o resto pero con moi pouca bagaxe ofensiva, apenas un par de ocasións que resolve moi atento Pachi.

O Arenteiro gozaría das mellores ocasións do partido para ampliar a renta no marcador, por tres veces, e por medio de Vitti, Sanginés e Pana, pero o meta local Suso -soberbio toda a tarde- consigue que o seu equipo chegue vivo á tanda de penaltis.

E chegaron os momentos máis emocionantes da tarde, dende os 11 metros, marcaron os cinco lanzadores do Arenteiro: Dani Chimpin, Sanginés, Victor Gallego, Dani Arbo e Iván Portos. Pachi desviou o primeiro lanzamento do Bande.

CD Arenteiro: Pachi, Vilachá, Maxi, Arbo, Pana, Bardelás, Victor Gallego, Dani Chimpin, Martín Pérez, Vitti e Dani Vázquez. Tamén xogaron Sanginés, Pol. Esteban e Iván Portos.

A gran final: CD Arenteiro - Polígono San Cibrao, o sábado dia 11 ás 7 da tarde no estadio do Couto

O Arenteiro xogará a segunda final consecutiva da Copa Deputación de Ourense de Fútbol, será desta vez ante o equipo do Polígono San Cibrao, recén ascendido á Preferente Autonómica.

Para comodidade dos afeccionados do Arenteiro, poderán adquirirse as entradas, que teñen un prezo de 7 euros, xoves e venres no Stand de CD Arenteiro na Praza Maior, de 7 a 9 da tarde e tamén o sábado de 12 da mañá a 2 da tarde. Tamén se habilitarán  puntos de venda en Bar Caserío, Bar Soldado e Fútboleros.

Ademáis, tamén se poñen é venda, ao prezo de 5 euros, camisetas conmemorativas, asi como diverso "merchandising" do club.

Máis de 200 deportistas citaranse esta fin de semana no pavillón Paco Chao, na clausura dos cursos das escolas municipais de Ximnasia Rítmica-Club Marusia e de Patinaxe Artística.

Asemade, máis de 200 futbolistas participarán nos dous eventos que terán lugar o domingo en Espiñedo: a clausura das escolas municipais de fútbol e a final da Copa Delegación.

XIMNASIA

A clausura do curso do Club Marusia, que entrena ao equipo da Escola Municipal de Ximnasia Rítmica, congregará arredor de 130 ximnastas, e terá lugar o sábado, 4 de xuño, ás 17,00 h.

PATINAXE

O domingo, 5 de xuño, a partir das 17,30 h., terá lugar a clausura da Escola de Patinaxe Artística, tutelada polo Club de Patinaxe Aehde do Carballiño. Na gala intervirán os dous equipos da escola e do club, así como patinadoras doutros clubs, como Ourela de Ourense, Bande, Bolboreta de Redondela e Club Carpa de Vigo, que participou no campionato de España

ESCOLAS DE FÚTBOL E COPA FEDERACIÓN

A actividade deportiva da fin de semana complétase coa clausura das escolas municipais de fútbol e a disputa da final da Copa Federación, que terán lugar no campo de Espiñedo. Pola máñá, ás 10,00 h., comezarán os equipos de Iniciación e Prebenxamìns; ás 10,45, Benxamíns, e a continuación o resto de equipos. E sobre ás 13,00 h., o clásico encontro entre pais de alumnos e monitores. Ao remate haberá uns pinchos.

Ás 19,30 h., tamén en Espiñedo, disputarase a Final da Copa Federación entre os equipos Salamonde e Toén

O Arenteiro, que xogou un mal partido en Espiñedo e acabou perdendo por 0-1, necesitará unha remontada o pròximo domingo en Bande, para superar esta eliminatoria de semifinais da Copa Deputación.

En ningún momento da tarde soubo o Arenteiro xogarlle a este Bande, nin xiquera a partir de quedarse os visitantes con 10 xogadores no minuto 39, tras a expulsión do seu dianteiro Iglesias por encararse e golpear coa cabeza a Martín Pérez.

Conforme ían pasado os minutos os verdes mostrabanse incapaces de nin xiquera chegar con perigo á portería rival, consecuencia da precipitación no xogo, mentres que o Bande -ben armado atrás- aproveitou a veteranía do seu dianteiro Diéguez para marcar no minuto 72 de partido.

Lamentar, ademáis, a lesión de Marcos Sotelo, que apenas levaba un par de minutos no terreo de xogo e resultou lesionado, sufre unha luxación de clavícula que necesitará intervención cirúrxica. Xa cos catro cámbeos feitos, o porteiro suplente Pachi tivo que saltar ao campo.

Con este resultado, non lle queda outra ao Arenteiro máis que gañar o partido de volta e, a poder ser, marcando máis dun gol, se quere chegar á final do Couto do próximo 11 de Xuño.

O Arenteiro acabou perdendo en Atios por 3-1 un partido que ía gañando ata o minuto 78, non obstante a derrota deixa aos verdes no sétimo posto da liga 2015/2016 da Preferente, nunha das mellores clasificacións do Club nos últimos 20 anos.

Concretamente, este 7º posto so foi superado nas últimas dúas décadas pola 6ª posición da tempada 2007/2008. Polo tanto, podemos cualificar como de satisfactoria esta meritoria clasificación da tempada 2015/2016, na que o Arenteiro empata a puntos -58- co sexto clasificado, o Estradense, que queda por diante grazas ao coeficiente particular.

No derradeiro partido de liga, no campo porriñés de Atios, o equipo locatario e Arenteiro desputaron un partido bastante igualado ata o tramo final, logrando o Atios darlle a volta ao marcador nun par de minutos -78 e 79- e logo marcando o terceiro gol xa co tempo cumplido, ademáis de ter que lamentar a expulsión de Vitti no minuto 81. O Arenteiro adiantárase cun autogol do Atios na primeira parte.

Agora, unha vez que a liga baixou o seu telón, toca pensar na Copa e na SD Bande, que chegará a Espiñedo o próximo domingo dia 29 para xogar o partido de semifinais, a partir das 6 da tarde.

Tarde primaveral e gran afluencia de público ao "Luis Cid Carriega" de Allariz para ver o encontro de volta de cuartos de final da Copa Deputación de fútbol, que clasificou ao Arenteiro para semifinais tras vencer por 1-3 aos alaricanos.

E curiosamente, foi un alaricano o que a piques de chegar ao descanso adiantou aos carballiñeses no marcador. Victor Gallego aprobeitou un fallo do porteiro local para, de cabeza, poñer a eliminatoria en franquicia, nunha primeira parte de xogo romo por ambas partes.

Tras a reanudación o Allariz encontrouse co gol que igualaba o partido, que non a eliminatoria, que seguía favorable ao Arenteiro, que logo a sentenciaría con dous bonitos goles de Sanginés.

Asi pois, o Arenteiro xa espera rival para as semifinais do torneo copeiro, do que é o vixente campión. Un rival que sairá do sorteo que se celebrará este xoves e no que ademáis do Arenteiro entrarán Monterrei, Poligono e Bande.

No derradeiro partido de liga xogado no Estadio de Epiñedo, ante unha boa entrada no graderío, os verdes derrotaron 3-1 ao CD Lalín, unha victoria que aupa aos verdes ao sexto posto na clasificación da Preferente a falta dunha xornada para completar a competición, e condena virtualmente ao histórico Lalín a xogar o ano que ven na 1ª autonómica.

Tan so a carambola dun triple empate a puntos con Caselas e AlertaNavia salvaría aos dezanos do descenso na última xornada.

Sanginés marcou de vaselina o primeiro gol da tarde aos 25 minutos, e Vitti fixo o segundo aos 60 minutos. Logo recurtou diferencias o Lalín no 68, e novamente Sanginés no 80 -tamén outra vez cunha perfecta vaselina- volvía marcar para cerrar definitivamente o marcador.

CD Arenteiro: Pachi (Israel, m.53), Vilachá, Maxi, Aitor (Bardelás 58 m.), Pana, Dafonte, Sanginés, Esteban, Vitti, Gallego (Pol, 59 m.), e Martín Pérez (Dani Arbo, 58 m.)

O Arenteiro despedirá a liga o próximo domingo en Atios. Antes, este martes dia 17 de Maio xogará o partido de volta de cuartos de final da Copa Deputación en Allariz, ás 17:30 horas.

Un gol de Dani Vázquez no minuto 38 deu os 3 puntos ao Arenteiro na súa visita ao campo pontevedrés do Marcón Atlético, unha victoria que consolida aos verdes na séptima posición da táboa de clasificación na Preferente Galicia, a falta de tan so dúas xornadas para a conclusión do campionato.

Os pontevedreses saíron dende o principio decididos a ir polo partido e a piques estiveron de adiantarse no marcador, certo é tamén que Vitti pudo facer o propio para o Arenteiro, pero seu disparo cruzado foi rexeitado polo meta local. Antes do paso por vestiarios chegou o gol de Dani Vázquez cun tiro a media altura culminando unha magnífica combinación da dianteira verde.

Nos primeiros minutos da segunda parte os pontevedreses volveron á carga pero Israel, moi seguro toda a tarde, realizou un par de intervencións moi meritorias, nunha delas nun man a man cun dianteiro local cando xa se cantaba o gol.

O Arenteiro facía gala de seguridade na súa parcela defensiva, mentres a ansiedade se apoderaba dos locais. Xa nos minutos finais os verdes poideron sentenciar á contra, primeiro nunha acción de Vitti que enviou con moita intención un balón raso que sacou in extremis o meta local, e xa nunha das últimas xogadas do partido, cando Martín Pérez encaraba en solitario a portería rival e é zancadilleado polo meta do Marcón fora da área. O árbitro perdónalle a expulsión ao cancerbeiro local, resolvendo a xogada cun cartón amarelo.

A piques de cumplirse o tempo regulamentado, o árbitro recolle en acta un incidente que se produce cando "varios espectadores do equipo local entran no terreo de xogo e un deles propina manotazos sobre membros do corpo técnico do CD Arenteiro".

CD Arenteiro: Israel, Vilachá, Maxi, Dafonte, Pana, Dani Arbo, Bardelás, Dani Vázquez, Sanginés, Vitti e Esteban. Tamén xogaron Pol, Martín Pérez, Mario e Iván Portos.