Deportes

O novo adestrador do Arenteiro Manel Vázquez debutou con derrota na visita do Arenteiro ao Novo Campo da Estrada, e eso que os verdes fixeron o máis difícil, adiantarse no marcador no minuto 55 de partido por medio de Martín Pérez, pero en apenas 15 minutos os locais deronlle a volta ao marcador aproveitando as facilidades defensivas do Arenteiro. Despois, o Estradense e malia xogar en inferioridade numérica a última media hora aguantou o resultado.

CD Arenteiro: Pachi, Marcos Castro, Maxi, Dani Arbo, Pana, Dafonte (73 m. Gele), Bardelás (Oli, m. 89), Martín Pérez, Dani Vázquez, Vitti (lesionado, foi reemplazado por Marc no m. 16), e Marcos Sotelo (Esteban, m.77)

Bastante ben o Arenteiro na primeira parte, anticipandose ao rival e levando a inicitativa no xogo, pero os carballiñeses non tiveron continuidade no segundo tempo e propiciaron a remontada do Estradense.

Carballiñeses e ponteareáns repartiron puntos na primeira xornada da segunda volta no municipal de Espiñedo, moi encharcado polas continuas chuvias dos últimos dias, nun partido marcado polo derroche físico, sobre todo dos xogadores do Arenteiro, que volveron levar o peso do partido e mereceron algo máis que un empate. Foi a despedida do Arenteiro do adestrador eventual e preparador físico Diego López, na grada presenciou o partido o novo adestrador verde, Manel Vázquez.

Non deixou de chover durante todo o partido, nunha tarde invernal que levou a Espiñedo menos público do habitual. Do Arenteiro foron as mellores ocasións de gol do partido, pero a falta de definición nos útlimos metros sigue penalizando aos verdes e desta vez, ademáis, a boa actuación do meta visitante Aarón, cun par de intervencións moi meritorias.

Aínda que a Cultural Areas encontrouse coa fortuna da súa parte para adiantarse no marcador, non lle perdeu a cara ao partido o Arenteiro. A recompensa chegou no minuto 42 co empate de Marcos Castro, logo no m. 66 Dani Arbo dáballe a volta ao marcador cun perfecto testarazo tras un lanzamento de Sanginés. Xa na postrimería do partido empataban os de Ponteareas.

A nota máis negativa do encontro foi a lesión na dentadura de Dani Vázquez tras un lance no xogo cun rival.

CD Arenteiro: Pachi, Ocampo, Maxi, dani Arbo, Pana, dafonte, Victor Gallego, Martín Pérez, Marcos Castro, Vitti e  Dani Vázquez. Tamén xogaron Sangines, Bardelás, Gele e Esteban.

O técnico ourensano Manel Vázquez será presentado á plantilla este martes dia 12 ás 21 horas no campo da Uceira, e logo dirixirá xa o primeiro adestramento da semana. Co novo adestrador chega tamén o seu equipo de confianza, Julio Nóvoa que exercerá as funcións de 2º adestrador e Gabriel González que será o responsable da preparación física.

O novo adestrador xa vestíu a camiseta do Arenteiro como xogador fai 14 anos, como técnico conta xa con experiencia na Preferente tras o seu paso polo desaparecido Ourense B, último equipo que adestrou na tempada 2013/2014 e co que se proclamou campión da Copa Deputación.

O primeiro partido que dirixirá Manel Vázquez como adestrador do Arenteiro na Preferente Galicia -onde colle ao equipo clasificado na octava posición- será o domingo dia 17, no desplazamento dos verdes ao campo do Estradense.

Pendientes de Espiñedo e do tempo para o partido co Cultural Areas

As previsións de fortes chuvias para esta fin de semana, sobre todo na xornada dominical, ademáis do empeoramento do tempo debido á previsión de fortes ventos, fai perigar a celebración do partido deste domingo ante a Cultural Areas. Haberá que agardar ao estado do terreo de xogo e a evolución das condicións meteorolóxicas.

O último partido da primeira volta do campionato de liga e primeiro do ano 2016 saldouse co marcador inicial de 0-0, aínda que o Arenteiro mereceu algo máis que o equipo do Porriño, por xogo e ocasións de gol, pero ao final o marcador non se moveu, e repartíu un punto para cada contendente.

Xa sen Jorge Regal no banquiño de Espiñedo, e baixo a dirección técnica de Diego López, o Arenteiro estivo mellor que o seu rival, xerando varias ocasións de adiantarse no marcador, pero os verdes siguen negados ante a portería rival. Tanto na primeira parte, como despois na reanudación, o Arenteiro foi máis intenso que a UD Atios, que apenas creou perigo ante a portería de Pachi. Pola contra, os carballiñeses dispuxeron de varias oportunidades que non souberon culminar e que os privou dunha victoria segura.

O Arenteiro formou de inicio con Pachi, Ocampo, Maxi, Dani Arbo, Pana, Dafonte, Bardelás, Victor Gallego, Marcos Castro, Dani Vázquez e Marcos Sotelo. Tamén xogaron Sanginés, Martín Pérez, Gele e Vitti.

Os verdes tiveron que remontar un marcador adverso dende o minuto 12 de partido, tras o gol inicial do Sporting Celanova. Logo, o Arenteiro empatou por mediación de Victor Gallego no minuto 43, e xa na postrimería do encontro Esteban fixo o gol da victoria ( 1-2 ) que clasifica ao Arenteiro para a seguinte ronda do torneo de copa. Tarde moi fria e con forte vento no municipal de San Rosendo de Celanova, con marioría de seguidores do Arenteiro, no partido que siñificou a despedida de Jorge Regal como adestrador.

O gol dos locais aínda cando se xogaban os primeiros minutos de partido complicou o partido para o Arenteiro. Tras o gol do Sporting Celanova, o partido no resto de toda a primeira parte foi un monólogo do Arenteiro que tivo varias ocasións para marcar antes de que chegase o gol de Victor Gallego tras unha boa combinación en ataque dos verdes.

O go do empate volvía clasificar ao Arenteiro que, non obstante non foi capaz de cerrar a eliminatoria cun segundo gol que se fixo esperar ata o suspiro final. Antes, o Celanova dispuxera dun par de ocasións para meter o susto no corpo dos verdes, que finalmente e non sen sufrimento lograron o obxetivo.

CD Arenteiro: Israel, Ocampo, Maxi, Dani Arbo, Pana, Dafonte, Bardelás, Victor Gallego, Marcos Castro, Vitti (Marcos Sotelo, m. 61) e Dani Vázquez (Esteban, m. 83).

O Club deu a coñecer este sábado a decisión na súa páxina WEB e nas redes sociais. O técnico dirixirá por última vez ao equipo este domingo 27 de Decembro no campo de San Rosendo de Celanova en partido de volta dos octavos de final da Copa Deputación ante o equipo local do Sporting Celanova ( 0-0 na ida en Espiñedo).

No comunicado oficial do club agradécese o traballo desenvolvido por Jorge Regal dende o pasado mes de Xullo, cando se fixo cargo da dirección do equipo. Aínda que no primeiro tercio da liga o equipo estivo a un bo nivel e incluso en varias xornadas figurou en postos de promoción de ascenso, a deriva negativa dos últimos partidos provoca unha decisión que se veu madurando no transcurso da última semana.

O club tamén confirma que despois deste partido en Celanova faise cargo dos adestramentos e dirección técnica do equipo, ainda que de forma eventual, o preparador físico, Diego López.

Un gol en cada parte derrotou ao Arenteiro na súa visita a Lalín, unha derrota dos verdes con matices, xa que tras unha mala primeira parte, tras o descanso o Arenteiro foi superior e mereceu, polo menos, o empate. Non obstante foron os do Deza os que se levaron o partido tras sentenciar cun segundo gol, que ademáis foi en claro fora de xogo.

Sen ánimo de poñer excusas á derrota do Arenteiro, que continúa nunha dinámica de resultados moi negativa, o certo é que tampouco a sorte acompaña a este equipo. Nos primeiros 20 minutos de partido o Arenteiro fabricou ata 3 claras ocasións de gol, pero a errática definición volve pasar factura aos verdes, pola contra o Lalín marcou na única ocasión que tivo, que ademáis ven propiciada por un fallo defensivo do Arenteiro. A partir do gol local, o Arenteiro veuse abaixo.

Logo, na segunda parte, o Arenteiro recuperou o control do xogo e volveron chegar as ocasións, pero nin Victor Gallego, nin Vitti nin Sanginés -ao que anularon un gol por fora de xogo- souberon definir. Cando parecía que estaba cerca o empate, o que chegou foi o segundo gol do Lalín, como deixamos dito, en claro fora de xogo.

CD Arenteiro: Pachi, Ocampo, Maxi, Arbo, Pana, Dafonte, Bardelás, Marc, Victor Gallego, Vitti e Dani Vázquez. Tamén xogaron Sanginés e Marcos Castro.

Moi pronto se puxo o partido de cara para os pontevedreses do Marcón At. que no minuto inicial de partido non desaproveitaron o desaxuste defensivo do Arenteiro para poñerse por diante no marcador. E tamén moi pronto, no minuto 9, fixeron o segundo gol. 

Aínda había moito tempo por diante para a reacción, pero os pontevedreses controlaron sen moitos agobios os intentos verdes de meterse no partido, que conseguíu Marc a piques de chegar ao descanso ao transformar un penalti.

Na segunda parte, o mesmo guión, o Marcón At.facendo gala de poderío físico, suficiente para defender o resultado ante un querer e non poder do Arenteiro, e asi foron pasando os minutos ata o pitido final.

CD Arenteiro: Pachi, Vilachá, Ocampo, Victor Gallego, Marcos Sotelo, Dafonte, Bardelás, Marc, Marcos Castro, Vitti e Dani Vázquez. Tamén xogaron Pana, Gele e Esteban.

O partido estivo marcado polas imprecisións defensivas que propiciaron os catro goles que poideron verse no Estadio do Couto e unha deficiente arbitraxe do colexiado ourensano Renny Mazaira, que se tragou un penalti de libro -tanto él como o auxiliar de banda- sobre Vitti xa co 2-2 no marcador. Deu como legal o primeiro gol do Ourense, precedido dunha falta ao porteiro do Arenteiro. Antes, os locais protestaron a anulación dun gol e reclamaran, xa na primeira parte aínda co empate inicial, outro posible penalti na área do Arenteiro. Foi tamén sorprendente a expulsión do adestrador Jorge Regal, cando o balón estaba en xogo, parou éste para ordenar a expulsión. Un total despropósito.

Polo demáis, Ourense e Arenteiro rivalizaron en erros defensivos que deron lugar aos catro goles. Vitti adiantou ao Arenteiro no minuto 41 tras un fallo do meta local, no minuto 52 outra xogada polémica, un dianteiro do Ourense carga na área pequena sobre o porteiro Israel, ao que desequlibra, o baón queda vivo e aproveitao Bruno para empatar. Apenas unhos minutos despois, no 58 de partido, volveu adiantarse o Arenteiro nunha das mellores xogadas da tarde dos verdes, que propicia o gol en propia meta dun defensor ourensano. Finalmente,  tras outra imprecisión defensiva do Arenteiro no minuto 63 chegou o gol do empate de Adrian Padín, que sería definitivo.

O CD Arenteiro saltou ao campo do Couto con Israel, Vilachá, Maxi, Dani Arbo, Marcos Sotelo, Dafonte, Bardelás, Marc, Sanginés, Vitti e Dani Vázquez. No transcurso do encontro tamén xogaron Marcos Castro, Martín Pérez, Pana e Gele.

Quizás no peor partido do Arenteiro no que vai de liga no Estadio de Espiñedo, os verdes lograron -eso foi o mellor da tarde- volver á senda das victorias, deixando atrás unha série de 3 derrotas. Corría o minuto 72 de partido cando Marcos Sotelo sorprendeu cun magnífico zurdado dende 25 metros que se colou como unha exhalación sen que o porteiro da Unión Grove non poidese facer nada para evitar o gol local.

O partido estivo atascado dende o inicio, cunha primeira parte mala de solemnidade, e unha segunda na que tan so a incerteza no marcador mantiña a emoción dos aburridos afeccionados que acudiron a Espiñedo.O Arenteiro xogou dende o minuto 84 con dez xogadores, por expulsión directa de Victor Gallego.

Ambos equipos dispuxeron dun par de ocasións de gol no transcurso do partido, as dúas do Arenteiro a balón parado, na primeira parte na execución dunha falta na que Marc enviou o balón ao longueiro, e na segunda metade, tamén ao lanzamento doutra falta, que rematou con moita intención Vitti e a pelota foise fora por pouco.

Xa no tempo de desconto, e acaso na mellor xogada da tarde dos verdes, Pana culminouna cun gol que foi anulado polo árbitro lucense Jesús López, a instancia da asistente internacional Tania Fente, que o próximo martes formará parte do trio arbitral que dirixirá o Israel-Gales de fútbol femenino.

No Arenteiro formaron de inicio: Israel, Vilachá, Maxi, Dani Arbo, Marcos Sotelo, Dafonte, Bardelás, Marc, Marcos Castro, Vitti e Dani Vázquez. Tamén xogaron Sanginés, Victor Gallego, Ocampo e Pana.