Deportes

O adestrador ourensán Jorge Regal e o club chegaron a un acordo definitivo, polo que o técnico dirixirá ao primeiro equipo do Arenteiro na Preferente Autonómica.

O Club aposta asi por un adestrador que conta con título nacional e con gran experiencia no fútbol ourensán, tras o seu paso polo CD Ourense, Pabellón Ourense CF e UD Barbadás.

Desde esta semana Jorge Regal xa está traballando para avanzar na confección da plantilla de xogadores, altas, baixas e renovacións, coa idea de configurar un grupo de garantías para afrontar unha tempada que se prevé moi competida na Preferente Autonómica.

Doutra parte, o Club quere recoñecer públicamente o enorme traballo realizado nos dous últimos anos pola adestrador Miki López ao fronte do primeiro equipo, do que se fixo cargo en 1ª Autonómica e deixa en Preferente, tras unha tempada na que se cumplíu con solvencia o obxetivo marcado pola  Xunta Directiva, lograr a permanencia na categoría da Preferente e lograr a Copa Deputación.

O Arenteiro proclamouse campión da XXXV Copa Deputación de Fútbol, título que os verdes consiguen por segunda vez na historia e tras derrotar a SD Bande nunha vibrante final desputada no Estadio do Couto de Ourense, que rexistrou un gran ambiente.

Os goles de Martín Pérez, Dani Vázquez e Dani Arbo deron a victoria ao equipo carballiñés, que sempre foi por diante no marcador que en dúas ocasións lograron igualar os da Baixa Limia, que foi un digno rival, con dous goles do dianteiro pontevedrés Diéguez.

O capitán Carlos Escudero recolleu o trofeo de campión no medio do delirio dos centos de afeccionados carballiñeses que vestiron de verde carballiñés o Estadio do Couto.

Despois, a celebración continuou no Carballiño, onde o equipo foi recibido na casa do concello polo alcalde en funcións, Argimiro Marnotes, e numerorosos afeccionados que ovacionaron aos campeóns.

Club Deportivo Arenteiro xogará este vindeiro domingo dia 7 de Xuño no Estadio do Couto de Ourense, ás seis e media da tarde,  a final da Copa Deputación 2014-2015 ante a Sociedade Deportiva Bande. 

Será a cuarta vez na historia  do club en acceder a gran final deste torneo, que so gañou o Arenteiro no ano 2002 ante a SD Nogueira de Ramuín, xa que perdería as outras dúas finais, as de 2005 e 2007 ante Verín e Barbadás.

Xa están á venda camisetas conmemorativas, que poden adquirirse en Café-Bar Soldado, Fútboleros Carballiño, Café-Bar Caserío, e no Stand da Praza Maior de 7 a 9 da tarde, e nestes mesmos lugares realizase a venda anticipada de entradas, que teñen un coste de 7 euros. Os rapaces dos equipos do fútbol base da Escola Municipal de Fútbol terán entrada gratuíta.

Para facilitar o desplazamento de afeccionados ata Ourense, o concello do Carballiño pon a súa disposición autocares gratuítos con saída ás cinco da tarde desde a Igrexa da Veracruz.

O Arenteiro volverá desputar unha final da Copa Deputación, que gañou unha soa vez, no ano 2002. O vindeiro domingo dia 7 de Xuño, ás seis e media da tarde no campo do Couto, terá ocasión de gañar a segunda da historia ante a S.D. Bande. Os carballiñeses plántanse nesta final tras superar con solvencia ao Barbadás B por un global de 4-0 en semifinais.

C.D. Arenteiro: Marcos Nieto, Gele, Dani Arbo, Ocampo, Pana, Dafonte, Martín Pérez, Bardelás, Sanginés, Dani Vázquez e Marcos Sotelo. Tamén xogaron Escudero, Victor Gallego, Quiroga e Sanginés.

Goles:

0-1. Minuto 40. Dani Arbo cabecea fora do alcalde do meta local aproveitando un lanzameto de falta ben executado por Marcos Sotelo.

0-2. Minuto 45. Xogada de pizarra do Arenteiro, falta que saca M. Sotelo abrindo á banda sobre Sanginés, éste envia un centro medido ao segundo pau onde volve aparecer Dani Arbo e, tamén de cabeza, fai o segundo da tarde.

0-3. Minuto 52. Penalti na área local sobre Sanginés que transforma Martín Pérez.

O Partido: O Arenteiro so pasou apuros nos primeiros compases do partido, cando dúas boas intervencións de Marcos Nieto foron decisivas para evitar que O Barbadás se adiantase no marcador, despois,  na segunda parte e xa co 0-3 no marcador o meta do Arenteiro estivo sensacional ao desviar un penalti que ademáis siñificou a expulsión de Ocampo por man dentro da área, polo que o Arenteiro xogou con 10 desde o minuto 54. Polo demáis, dous goles de estratexia nun intervalo de apenas 5 minutos deixaron ao Barbadás moi tocado, e xa na segunda parte foi fácil para o Arenteiro.

Baixou o telón a liga 2014-2015 e o Arenteiro fixoo con derrota ante os pontevedreses do Marcón AT., que se xogaban a vida neste partido na derradeira xornada de liga nesta súa primeira visita oficial ao Estadio de Espiñedo, que na liña de toda a liga, volveu rexistrar unha gran entrada no graderío.

Tarde gris dos verdes que tan só na primeira parte fixeron méritos para sacar o partido adiante, pero que se viñeron abaixo na segunda parte, sobre todo despois de encaixar o primeiro gol.

A nota positiva do Arenteiro foi o debut co primeiro equipo dos xuvenís Pol e Esteban, e tamén a homenaxe ao capitán Carlos Escudero, que tras cinco tempadas xogou o seu último partido co Arenteiro en Espiñedo, non aínda o último coa camiseta verde, xa que aínda queda pendiente a competición copeira.

Tamén foi o último partido co Arenteiro en Espiñedo para o mister Miki López, que tras dous anos no club e conseguir deixar ao Arenteiro en Preferente, non continuará a vindeira tempada.

Os verdes despidense da competición de liga este domingo dia 24 de Maio, no Estadio de Espiñedo, desde as seis da tarde ante o equipo pontevedrés do Marcón At. O Arenteiro chega a este derradeiro partido de liga cos deberes xa feitos desde fai varias xornadas nas que asegurou a permanencia, polo que volverá militar na Preferente para a vindeira tempada.

Pola súa parte o Marcón At., trala reclamación por alineación indebida do Pontevedra B en Baiona no seu partido co Erizana, chega a Espiñedo coa obriga de gañar para asegurar a súa participación na Preferente no vindeiro curso.

Os verdes sumaronse á festa preparada polo Estradense como despedida de tempada no novo campo municipal da Estrada, con boa entrada e ambiente festivo, charanga e merenda incluida. O Arenteiro, que pudo adiantarse no marcador aos 3 minutos nun penalti lanzado por Sanginés que desviou o porteiro local, entregou despois o partido e no minuto 23 os locais xa gañaban 3-0. Marcos Sotelo recortaría distancias no m. 28, pero foi so un espellismo.

C.D. Arenteiro: Pachi, Carlos, D. Arbo, Ocampo, Pana, Dafonte, Victor Gallego, M. Pérez, Sanginés, D. Vázquez e M. Sotelo. Tamén xogaron Bardelás -que entrou no descanso por Dafonte- e no transcurso da segunda metade tamén o fixeron Manu, Quiroga e Choco.

O Partido: Non necesitaba o Estrandense dos favores arbitrais, que facilitaron os dous primeiros goles locatarios, pero o colexiado coruñés Marcos Ordoñez, para non ser menos, tamén quixo apoiar a festa local, despois deixou ao Arenteiro con 10 xogadores no campo -m. 15 da 2ª parte- tras expulsar a D. Arbo por doble cartón amarelo. Asi e todo, o Estradense foi moi superior a este Arenteiro que, polo visto hoxe, faiselle larga a tempada unha vez que hai varias xornadas que cumpliu o obxetivo de certificar a permanencia. Unha magoa, porque ao pouco que o equipo apretase, en vez de quedar na metade da táboa, houbese rematado a liga unhos cantos postos bastante máis arriba na clasificación final.

Arenteiro e Verín xogaron un partido moi igualado e condicionado no marcador final por unha lamentable arbitraxe de Daniel Hernández, do colexio de Ourense, que cometeu tres graves erros, anulando dous goles legais ao Arenteiro aínda co 0-0 no marcador e tragandose un penalti de libro na área do Verín. Non se trata de xogadas dubidosas, senón de erros arbitrais moi claros.

CD Arenteiro: Pachi, Carlos, Dani Arbo, Ocampo, Lois, Dafonte, Manu, Bardelás, Quiroga, Brais e M. Sotelo. Tamén xogaron V. Gallego, Pana, Sanginés e Choco.

Goles:

0-1. Centro de Unai sobre a área pequena e David Soares remata sen oposición.

O Partido: De xogo bastante ramplón por ambos bandos e no que os de Monterrei, coa lei do mínimo esforzo levaronse os 3 puntos cando, visto o visto, o máis xusto sería un empate ou unha victoria do Arenteiro, pero para impedila estaba o trio arbitral, cunha desafortunada actuación, anulando dous goles como dous soles ao Arenteiro, e aínda tería tempo para a guinda, deixar sen sinalar un penalti por man na área do Verín, que é increíble non pitar.

Lalin e Arenteiro repartiron puntos no partido xogado no Manuel Anxo Cortizo, un punto que certifica a consecución da permanencia matemática na categoria para ambos equipos, que volverán a vindeira tempada encontrarse na Preferente Autonómica.

CD Arenteiro: Pachi, Carlos, Ocampo, Lois, Pana, Dafonte, Martín Pérez, Manu, Quiroga, Choco e Brais. Tamén xogaron Diego López, Marcos Sotelo, Bardelás e Dani Vázquez.

Goles:

1-0. Minuto 5. Falla a cobertura verde, certo é tamén que o defectuoso bote do balón outorga ventaxa a Dani Méndez, e o mellor xogador esta tarde do Lalín non perdoa.

1-1. Minuto 26. Falta sobre a portería do Lalín que lanza D. Quiroga e Ocampo de sensacional testarazo fai o gol do empate.

O Partido: Aínda que pareza paradóxico, o Arenteiro foi moi superior ao Lalín ata o minuto 43, cando os locais se quedan con 10 xogadores por expulsión de Maceiro. Porque toda a segunda parte foi un querer e non poder, a ansiedade por gañar o partido condenou aos verdes, mentres o Lalín -agazapado atrás- propiciou un infructuoso dominio do Arenteiro, lanzando balóns en largo sobre Dani Méndez, o seu estilete atacante, que a punto estivo no minuto 89 de lograr que os 3 puntos quedasen en Lalín, certo é que antes o Arenteiro tivo un par de ocasións para sentenciar, a máis clara nun balón que recibe Marcos Sotelo libre de marca dentro da área, pero o seu disparo foise moi alto.

Un gol de Manu tras unha gran xogada de Brais e o resultado final foron o mellor do partido para un Arenteiro que non estivo fino neste primeiro encontro de semifinais de Copa Deputación xogado no Estadio de Espiñedo, que igual que no resto da tempada, volveu rexistrar unha moi boa entrada de afeccionados.

CD Arenteiro: Marcos Nieto, Gele, Diego López, Dani Arbo, Pana, Ocampo, Bardelás, Martín Pérez, Sanginés, Dani Vázquez e Victor Gallego. Tamén xogaron Choco, Manu, Lois e Brais.

Goles:

1-0. Minuto 81. Enorme xogada do chantadino Brais pola banda dereita superando aos contrarios que lle saen ao paso, o seu pase ao corazón da área é rematado maxistralmente por Manu.

O Partido: Non foi unha boa tarde para os verdes cun xogo moi interrumpido, pérdidas de balón e imprecisións varias. Asi e todo, o Arenteiro desperdicíu algunhas ocasións para lograr unha ventaxa máis ampla na eliminatoria, xa que aos 6 e 11 m. Sanginés e Martín Pérez dispuxeron de boas oportunidades, igual que a de Victor Gallego no minuto 55, que tras facer o máis dificil fallaba na definición. O Barbadás B, que chegou a Espiñedo reforzado con varios xogadores do equipo da terceira división, pudo tamén marcar no m. 80 por mediación de Isi, pero cando se cantaba o gol apareceu o meta local Marcos Nieto para evitalo, nunha gran intervención.

O Partido de volta xogaráse no campo dos Carrís de Barbadás na derradeira fin de semana deste mes de Maio, unha vez rematada a competición de liga.