Política

O descontento coas grandes formacións políticas tradicionais ponse de manifesto nestas eleccións municipais do 24 de Maio coa aparición de 7 candidaturas no ámbito comarcal, que se autoproclaman como "veciñais" e "independentes".

Alternativa Veciñal do Carballiño presenta a Bernardo García como candidato á alcaldía, seguido nos primeiros postos da candidatura por Maria Jesusa Álvarez, Ernesto Atanasio e Patricia Ordás.

No concello do Irixo xurdiron nestas eleccións 2 candidaturas á marxe dos partidos políticos. "Polos Veciños" encabezada por José Manuel Prieto, e "Fai O Irixo" por Florentino Pérez.

En Boborás, Manuel González, como candidato á alcaldia, e Alberto Otero abren a lista electoral de "Xuntos por Boborás".

No concello de Beariz, Manuel Ogando Penela é o candidato á alcaldia bearicense por "Alternativa para Beariz".

En Punxín, Joaquín Moldes lidera a candidatura "Cambio Intelixente de Punxín".

E finalmente, no concello de Piñor, Uxío Rodríguez é o candidato á alcaldia pola agrupación de electores "Veciños de Piñor".

A Sala do Civil e o Penal do Tribunal Superior de Xustiza de Galicia rebate con 11 argumentos xurídicos as alegacións feitas pola defensa do exalcalde do Carballiño. Polo tanto, sigue adiante o proceso aberto pola xustiza contra Pachi Vázquez.

A Sala do TSXG avala desta maneira a decisión do Xuíz Instructor do caso, tras a querela presentada pola Fiscalía, por un presunto delito de prevaricación continuada en relación á contratación de persoal no concello do Carballiño durante os mandatos municipais nos que Pachi Vázquez foi alcalde do Carballiño.

A resolución do alto tribunal galego é "firme" e advierte que "contra a mesma non cabe recurso".

O candidato do PSdeG á alcaldía do Carballiño, Paco Fumega, presentou ás 27 persoas que conforman a candidatura que el mesmo encabeza para as Eleccións Municipais do 24 de Maio.

A Casa da Cultura do Carballiño foi o escenario de presentación dos candidatos e candidatas, nun acto no arrouparon ao candidato socialista alcaldes doutros concellos, portavoces e afiliados do PSdeG.

Fumega destacou que a lista do PSdeG do Carballiño "está integrada por un equipo de persoas  que se presentan a estas eleccións ilusionadas, con gañas de traballar polos cidadáns e preparadas para gobernar”.

O obxectivo da candidatura é claro: “recuperar a alcaldía do Carballiño para reconquistar os nosos dereitos, despois de catro anos cun goberno nefasto do PP que o único que fixo foi castigar aos cidadáns con máis impostos e menos servizos”.

En palabras do candidato socialista, o PSdeG traballará “para que O Carballiño volva a ser a vila punteira da provincia, un lugar apetecible para vivir, cunha oferta de servizos públicos para os cidadáns, atractiva para o turismo, e cunha dinamización empresarial e industrial axeitada para fomentar o emprego”.

 Candidatura do PSdeG O Carballiño 

1  Francisco José Fumega Piñeiro. Doutor en Xeografía Aplicada.

2. José Manuel Dacal Fernández. Empresario.

3. Érika Paz Rodríguez. Enfermeira.

4. Adolfo Nogueira Campo. Empresario

5  Marina Ortega Otero. Psicóloga.

6. Charo González González. Diplomada en Ciencias Económicas e Empresariais.

7. Diego Fernández Nogueira. Politólogo e Técnico Forestal.

8. Rita Soto Vázquez. Empresaria.

9. Rosa María Fuentes García. Patronista Industrial.

10.  Francisco Pérez Gómez. Enfermeiro.

11.  Iolanda Otero Barroso. Politóloga e Consultora de Proxectos Europeos.

12.  Paulino David Carou Mosquera. Desempregado. Ex traballador do matadoiro.

13.  Lorena Corral Cao. Enfermeira e Matrona.

14.  Delfín González Pérez. Técnico Especialista Administrativo.

15.  Carlos Ernesto Fernández Pérez. Xubilado de Telefónica.

16.  Jesusa Rodríguez Fontán. Encargada de tenda.

17.  José Manuel Seijas Fumega. Auxiliar de Farmacia.

Almudena Valiñas Conchouso viña exercendo como concelleira do BNG en Avión desde o ano 2009. Por medio dun comunicado remitido aos medios e publicado en redes sociais a concelleira, que na actualidade sigue exercendo como tal na corporación muncipal de Avión, comunica que ven de solicitar a súa baixa no Bloque Nacionalita Galego.

Faino tras anunciarse por parte da executiva nacional do BNG a presentación dunha "candidatura protesta e anticaciquil contra as políticas de extorsión do PP" que encabeza o portavoz nacional do BNG, Xavier Vence.

A aínda, a día de hoxe,  concelleira do BNG en Avión manifesta o seu enérxico malestar "paréceme unha falta de respecto cara a veciñanza de Avión a candidatura presentada polo BNG dende a Executiva Nacional". Tamén asegura que en ningún momento foi esa decisión consensuada cos militantes do BNG de Avión.

Almudena Valiñas aclara tamén  que "dende que exerzo como concelleira do BNG en Avión non se exerceu sobre min ningún tipo de extorsión por parte do Partido Popular". Finalmente, a concelleira atribúe a dificultade de presentar unha candidatura do BNG "non por extorsións, senón pola apatía que existe cara a política no noso concello, como proba o feito de que o propio Partido Popular, que lava 30 anos gobernando Avión, presenta unha candidatura sen suplentes", manifesta.

O departamento municipal de obras asegura que "a planificación e, sobre todo, a redacción dun invetario de rúas e camiños de propiedade municipal, permitiron o actual greupo de goberno, a traveso da súa área de Obras e Urbanismo, o arranxo, mellora e mantenemento, de centos kilómetros de vías urbanas e interurbanas no municipio carballiñés, nas que se inveretiron más de 1.000.000 de euros neste últimos anos". Así mesmo, a procura de colaboración con outras administracións fixeron posible executar proxectos.

Dende o 2012 ata finais do 2014, o concello do Carballiño executou obras tanto no ámbito rural como no propio casco urbano, centradas no arranxo e na mellora dos viais, como as realizadas nos accesos norte de a Reguenga, oeste en Seoane ou o acceso o cemiterio de Señorín. Así mesmo, na mesma época, realizaronse obras na rúa da Fonte de Seoane, na estrada de Mesego, na de Señorín a Centeas e o camiño de Casansedo.

No mesmo periodo realizaronse obras de mellora nas rúas colindantes o Paco Chao, na rúa Cea e na rúa Cricunvalación. Todos estes traballos de acondicionamento e mellora de firmes levaronse a cabo en colaboura tanto coa Xunta de Galicia como a Deputación Provincial.

Entre os anos 2013 e 2014 executaronse traballos entre Mosteiro e Paradela, Mesego O Corval, na Gouxiña e Señorín, invirtiendose nestas más de 50.000 euros, cantidade similar a invertida nas localidades de Cabanelas, Trigás, Boedes e na rúa Serra do Faro.

Así mesmo, xa na zona urbana, durante estes últimos anos levaronse a cabo obras en Alberto Vilanova, por un importe de 50.000 euros, Conde Vallellano e Rúa Ourense por un importe de 300.000 euros, e na rua Xosé Pontes, onde se invertiron 17.000 euros na mellora do firme e as beirarrúas.

Entre os investimentos municipais feitos neste mandato en materia de obras no medio urbán están os 150.000 euros na humanización do entorno da igresia vella, ou os 120.000 euros en Curros Enríquez, "dúas obras moi aplaudidas polos veciñños e comernciantes da zona", apuntan desde o concello. Ademáis, invertironse cerca de 50.000 euros en obras nas rúas Marcelino Parrrondo, Canteiros, Aquilino Sánchez e Serra da Martiñá.

O concello tamén se refire á recuperación e mellora nas rúas Leiro, Castelao e Beariz, a traves dun convenio ca Deputación, e nas se invertiron 100.000 euros. Finalmente, e atraves da brigada municipal de Obras, estanse levando a cabo continuamente traballos de mantenemento e tratamento especial en todolos puntos que detectan algún problema.

O edil de Obras, Magín Daparte, subliñaba que “tendo en conta co que nos atopamos ao chegar ó goberno municipal, un concello que non contaba cun inventario de rúas e estradas da súa propiedade, puxemos especial interese  en levar a cabo este inventario , co que poder traballar dun xeito lóxico e, sobre todo, planificar tanto os traballos como o manetnemento dos mesmos, xa que de pouco vale arranxar se logo non se executaban traballos de mantenemento, algo que nos fixemos dende o principio”, remarcou.

Finalmente, o concelleiro de Obras recordaba que “ademáis de todos estes traballos e proxectos non podemos esquecer a inversión que se realizou en zonas urbanas como a rotonda da Alameda, Martínez Avellanosa e Xulior Rodríguez Soto, de propiedade autonómica, e que tivemos que exixir a súa execución, ou a gran inversión na nosa nova praza da Veracruz, que superou o 1.000.000 de euros”.

O candidato á alcaldía do PSdeG, Paco Fumega, realizou hoxe unha visita ao Parque Municipal na que constatou o estado de abandono de boa parte da zona, fundamentalmente na área de xogos infantís, totalmente deteriorados, ou puntos cheos de maleza, como no mirador das inmediacións da piscifactoría.

Fumega, que estivo acompañado polo concelleiro Manolo Dacal e dous dos novos membros da candidatura do PSdeG, Diego Fernández e Charo González, lamentou o desinterese do goberno do PP polo que é “un dos emblemas do noso patrimonio natural”.

Por elo, comprometeuse a potenciar o Parque Municipal cando chegue á alcaldía, e á posta en marcha de brigadas de limpeza permanentes “que traballen todo o ano e non só en momentos puntuais”.

Avogou por impulsar o turismo non só cun coidado axeitado do Parque Municipal, a zona do cámping ou a piscifactoría, senón con outras propostas, como a  recuperación do río Arenteiro como zona de lecer e baño.

“É fundamental crear novos xacementos de emprego porque nos últimos catro anos O Carballiño incrementou o número de desempregados e está a sufrir unha gran perda de poboación. Potenciar o noso patrimonio natural para atraer aos turistas é fundamental para o noso futuro”, avanzou.

“É moi difícil potenciar o turismo e ofrecerlles esta zona de recreo e lecer coa herba sen podar, que nalgúns puntos cubre media perna, con silveiras, fochancas e mobiliario urbano deteriorado”, sinalou.

Fumega apostou tamén por levar a cabo “unha política do detalle, do día a día” que considerou fundamental para que O Carballiño “ volva  a ser a vila punteira da provincia de Ourense”.

O candidato socialista lembrou que a Marnotes “que tanto lle gusta falar da herdanza recibida, hai que recordarlle que a herdanza que está a deixar aos carballiñeses é a dun Carballiño sumido no abandono total pola súa desidia”.

 “Nós apostamos por cambiar o rumbo e ocuparnos do que lle preocupa á xente para construír un Carballiño de progreso e futuro”, rematou.

O alcalde do Carballiño presentou a súa candidatura, coa que "o Partido Popular persigue o obxetivo de consolidar a maioria absoluta na corporación municipal".

Forman parte da candidatura que encabeza Argimiro Marnotes a totalidade dos concelleiros e concelleiras do actúal grupo de goberno do concello do Carballiño, aínda que no caso de Purificación Alberte, Jesús Rodríguez e Martín Nogueira fano de maneira testimonial, xa que saen dos primeiros postos que ocuparon fai catro anos e pasan a figurar no segundo tramo da candidatura.

Repiten na candidatura Pilar Caride ( 2 ), Emilio Carballeda ( 3 ), Teresa Cerdeira ( 5 ), Magín Daparte ( 6) e Rodrígo González ( 8 ).

Entre as novas incorporacións, as que o fan no primeiro tramo da candidatura son as de José Luis Sobrino , que ocupa o cuarto posto da candidatura, asi como Mónica Banga -séptima-, Miguel Ángel Romero, que figura na novena posición, e Lidia Gisela Almonte Polanco, que é décima nesta candidatura dos populares.

Para ver a candidatura completa prema no arquivo adxunto:

A candidatura "Polos Veciños" preséntase a estas vindeiras eleccións municipais no concello do Irixo como un grupo de "xente nova, ideas novas, outra forma de ver o concello".

Para ver a presentación da candidatura e a súa composición prema no arquivo adxunto:

O Grupo Municipal Socialista do Carballiño acusa ao alcalde, Argimiro Marnotes, "de mentir unha vez máis no que respecta á documentación remitida dende o Concello ao TSXG en relación ao procedemento que se sigue contra Pachi Vázquez e outros concelleiros  sobre a contratación de traballadores polo Concello hai máis de dez anos".

O Grupo Municipal Socialista ten constancia -aseguran- de que nos últimos días se remitiron dende o Concello ao TSXG máis de 1.000 expedientes daqueles contratos, co cal se demostra que no arquivo municipal había moita máis documentación da que se recoñecía por parte das autoridades municipais e da súa defensa neste procedemento.

Ao mesmo tempo, engaden desde o PSdeG "se corrobora que a documentación presentada pola defensa de Pachi Vázquez ante o TSXG atopábase realmente no arquivo municipal, malia ás declaracións do avogado do concello e dos responsables municipais, de que non había expedientes dos contratos dos traballadores naquel período". 

O voceiro do Grupo Municipal, Paco Fumega, e o concelleiro Adolfo Nogueira, explicaron en rolda de prensa que, polos medios de comunicación, “puidemos saber que o avogado que representa ao Concello do Carballiño declarou hai dous días que o Concello non tiña máis documentación sobre este asunto e que non remitira nada novo ao TSXG”. “Isto se contradí co feito de que moi recentemente se enviaron máis de 1.000 expedientes dende o concello ao TSXG”, sinalaron.

Fumega e Nogueira consideraron “gravísimo” e “lamentable” este feito “porque si, efectivamente e como se demostra, había documentos dabondo no arquivo municipal sobre os procesos de contratos laborais do período da alcaldía de Pachi Vázquez, se estiveron ocultando durante máis de seis meses e incluso se negou ata agora a súa existencia”.

“Incluso, pola información que ten este Grupo Municipal, o TSXG remitiu hai pouco tempo un requerimento ao concello do Carballiño para que se aportase a documentación aludida pola defensa de Pachi Vázquez, presentando incluso copias de moitos expedientes de contratos”, apuntaron.

Ante a manifesta falla de transparencia do goberno do PP, o Grupo Municipal do PSdeG esixe ao alcalde que facilite unha relación de toda a documentación remitida polo concello ao TSXG relativa a este procedemento, coas datas da súa remisión.

Reclama ademais que facilite copia do rexistro do concello no que figuran estes documentos e unha explicación sobre o ocultamento da existencia destes documentos no arquivo municipal.

Os socialistas demandan tamén explicacións sobre a tardanza na remisión destes documentos ao TSXG e esixen información sobre os requerimentos do TSXG para que se lle remitira documentación dos contratos laborais suxeitos a este procedemento, incluídas as datas na que foron requeridos.

Tendo en conta que os expedientes dos contratos laborais son pezas esenciais neste procedemento, xa que inclúen o modo de selección e as probas efectuadas,  resulta, cando menos sospeitoso e  unha irresponsabilidade ética e política, tratar de ocultar e retrasar a súa posta ao servizo tanto da Xustiza como dos representantes da cidadanía no concello, e incluso dos propios cidadáns.

Os socialistas lembraron que lamentablemente “esta falla de transparencia e as mentiras aos cidadáns, veñen sendo a táctica habitual deste alcalde, aínda que neste caso cobra maior gravidade aínda” polo que lle advertiron a Marnotes que “non todo vale en política”.

“Se quere demostrar transparencia, agardamos por toda esta información canto antes”, remataron, “porque o alcalde está xogando co traballo de moitas persoas, coa imaxe dos cargos públicos afectados, e ademais coa imaxe do propio Concello, ao deixar en evidencia ao persoal e á propia institución. “Ademais, débelle unha explicación á cidadanía sobre si, por erro ou intencionadamente, se está a ocultar información”.

Marnotes afirma que "O PSdeG do Carballiño perde os papeis no asunto de Pachi Vázquez coa xustiza"

O alcalde carballiñés afirma que “por enésima vez TEÑO que decir que dende este concello estase a aportar toda a documentación que se solicita dende o tribunal, algo para o que dispuxemos unha reorganización do persoal do concello co obxecto de axilizar o máximo estes requirimentos, e que en moitos casos están entorpecendo o día a día da administración municipal”.

Así mesmo, e sobre a nova documentación aportada ao TSXG, a que os socialistas  do Carballiño aluden como exemplo de ocultación por parte do concello “dicir que por nin por parte do alcalde nin por ningún concelleiro do grupo de goberno se ocultou, manipulou e nin siquera se analizou a documentación solicitada e enviada nin agora nin antes pola Secretaría"

Manifesta Marnotes que "a documentación que pediu o TSXG non e a mesma que pedira no seu día a fiscalía, e que, non por ser gran cantidade de papel, ten porque demostrar a inocencia do Sr. Vázquez, e que incluso pode ser indicativa de todo o contrario, ou incluso que os documentos remitidos non se refiran ós contratos cuestionados polo Xuíz, polo que en todo caso, o que cabe e a prudencia e paciencia, a espera das resolución xudiciais, asuntos que os Concelleiros do Psoe no Carballiño non están a ter, mostrando unha vez máis a súa función de amplificadores da defensa do propio Señor Vazquez".

Así mesmo o alcalde do Carballiño recorda que “Pachi Vázquez pode, como calquer otro cidadàn, incluso aínda que hoxe sexa veciño de Ourense, solicitar por rexistro o que precise para a súa defensa, e non ten que mendigala como dice, solo pedila, algo que ata o momento non temos constancia de que fixera.”

Finalmente, Marnotes  sinala que “ o único que se fixo por parte desta alcaldía foi ofrecer todo tipo de colaboración coa Xustiza para que este asunto se aclare o máis pronto posible”.

Tamén que “lembren todolos veciños e veciñas do Carballiño que o concello non denunciou nin acusou nunca ó exalcalde desta vila, Manuel Vázquez, senón que a denuncia partiu da propia fiscalía, e o concello so está personado como parte afectada na mesma causa xa que, se o fallo do xuiz inculpara a Pachi Vázquez e fose motivo de calqueira tipo de sanción, máis alá da condena penal, e non poidera afrontar con seu patrimonio a sanción, debería facelo o concello".

Finalmente, o alcalde do Carballiño entende que " O PSdeG equivoca o enemigo, pois o proceso que se sigue ante o TSXG non depende do Alcalde do Carballiño, senón de xuíces e fiscales que veñen mantendo esa posición dende o principio. Lembremos que o ex-alcalde xa anunciou que unha vez ante os medios que tiña documentos que o exculpaban, e o xuíz xa lle dixo que ningún deixaba  constancia de realización de prueba selectiva algunha para las contrataciones. Despois de eso, o mínimo que se lle pode esixir ó PSOE do Carballiño e algo de prudencia e respeto as decisión dos xuices.”

O  grupo de goberno cifra en  máis de 500.000 euros nos últimos anos para devolver os servizos de saneamento e abastecemento a varios barrios da vila, que levaban tempo con estes servizos deficitarios. As áreas de Urbanismo e Medio Ambientet, "crearon unha planificiación durante este tempo, dirixida principalmente a renovar a rede municipal co fin de ofrecer mellores servizos, e ao mesmo tempo evitar verteduras nas dúas concas carballiñesas, a do Carrás e o Arenteiro, como estaba a acontecer antes, por non se realizar esta programación e planificación".

Así mesmo as obras executadas, e tamén "as que están proxectadas para os próximos meses, evitan tamén as inundacións que se producían en varias zonas da vila e o rural". O edil de Obras sinalaba que "un dos primeiros problemas que detectamos ao asumir estas funcións de goberno foi comprobar que moita da nosa rede municipal estaba estragada e anticuada, o que provocaba constantes ,molestias aos veciños e usuarios".

Unha das primeiras accións levadas a cabo dende a área de Urbanismo foi o de aproveitar calquera tipo de acometida que se fose a executar nunha rúa, para revisar o estado da rede, e renovalo nos lugares onde detectaron defectos "así optimizamos os recursos ao tempo que renovabamos infraestruturas que, se ben non son obras de gran lucimento, ao estar enterradas, se eran mais que necesarias para o confort e o servizo aos veciños", indica Magín Daparte.

Entre os proxectos executados encóntranse a renovación do colector xeral da rúa Ourense, onde se inverteron máis de 40.000 euros, na reposición das canalizacións de recollida de pluviais, rede de sumidoiros abastecemento, así como os correspondentes pozos, rexistros e bocas de rego. Esta zona levaba tempo con defectos nestes servizos, que provocaron mesmo o afundimento da calzada nesa zona.

Así mesmo acometeronse os traballos de renovación do abastecemento de Curros Enríquez, nas súas dúas marxes, aproveitando a obra de peatonalización de toda esa rúa. Nesta zona elimináronse os problemas que presentaba nos últimos anos, dende hai máis dunha década, cos rebentóns e inundacións de baixos comerciais e establecementos. Neste proxectos investíronse máis de 120.000 euros en total, repoñendo máis de 70 metros de canalizacións.

No mesmo barrio, en concreto na zona da Veracruz, realizáronse obras de mellora da rede de recollida de pluviais, que evitaron tamén moitos problemas nas vivendas da zona.

No 2014 fixeronse obras de mellora na rúa Alberto Vilanova, que conduce ata o centro de saúde, onde se investiron preto de 42.000 euros, e nas que se executaron traballos de colocación de novos sumidoiros e canalización de pluviais, que eliminaron o problema das inundacións na rúa Alexandre Bóveda, así como a substitución dun tramo de rede de sumidoiros.

Outra obra dese mesmo ano foi a da zona da Praza da Mina, onde se eliminaron os problemas de saneamento, coa renovación do colector, así como a reposición de máis de 120 metros de canalizacións nas redes de rede de sumidoiros, e pluviais.

Por outro lado executáronse obras na recollida de pluviais da zona do polígono da Uceirea, que vertían cara á avenida de Compostela, e que provocaba tamén inundacións. Coa nova canalización evitáronse en boa medida estas incidencias.

Por último na rúa José Pontes executáronse tamén traballos de mellora en toda a rúa, que incluíron reposición e mellora da rede de saneamento e pluviais, cun importe total de preto de 20.000 euros.

Tamén se realizou un estudo da situación da rede no medio rural, xunto coa empresa subministradora da auga no municipio, co fin de seguir dotando de mellores infraestruturas a toda esa zona.

Así mesmo están previstos varios traballos que se executarán en poucos meses, no apartado de saneamento e abastecemento en varios barrios da vila carballiñesa. Magín Daparte aseguraba que "estamos a crear unha rede de futuro, seguindo un esquema moi claro e sinxelo, a separación de pluviais e saneamento, para evitar inundacións, sobrecarega das depuradoras, polo tanto diminuír o seu consumo, e evitar vertidos aos nosos ríos, ou a terreos privados".