Política

"É unha decisión do goberno que é de toda a veciñanza do Carballiño, que se concreta  no casi millar  de suxerencias presentadas no concello, logo da exposición que dende maio de 2014 se ten feito do avance da modificación do PXOM", asi xustifica o alcalde Argimiro Marnotes esta medida "que é firme e non ten volta atrás".

O rexedor municipal considera que "neste momento son suficientes as suxerencias analizadas polos técnicos do equipo redactor, para ter claro que a exposición motivou a inquietude de moitas persoas, e reflexan esas suxerrencias que moitos veciños e familias verianse perxudicados por múltiples aspéctos, podendo determinarse que o interese xeral, suma dos intereese particulares corre un serio perigo".

Marnotes recordou como "nós sacamos do caixón un traballo que o concello tiña encargado desde o ano 2008, e o que fixemos é darlle a máxima difusión posilbe, sen enganar a ninguén, e explicando aos veciños de qué maneira unha modificación adaptada a lei do solo vai afectar ás súas propiedades, agora e grazas a esta exposición xa o saben, nós fixemos un exercicio de transparencia que outros non se atreveron a facer".

Finalmente, o alcalde do Carballiño avanzou que "os servizos xurídicos do concello analizarán o contrato asinado co equipo redactor, para proceder si fose preciso á rescisión do mesmo, o que está claro, pois o pbo teno claro, é que este avance nunca chegará a ser Plan Xeral no Carballiño".

O PSdeG lamenta a "torpeza e obstinación de Marnotes"

O grupo municipal socialista, ao coñecer a decisión de paralización da modificación do PXOM,  lamenta " que a torpeza e obstinación de Marnotes nos levase a todos a perder case un ano cun proxecto de modificació do PXOM que finalmente será retirado, e que o alcalde tardase meses en recoñecer o que dixemos desde un primeiro momento, que o seu proxecto era un desastre".

Entenden os socialistas que a decisión de anular o proxecto "non é máis que unha medida tomada á desesperada ante a proximidade das eleccións municipais, aínda asi os socialistas alegrámonos de que por fin o alcalde deixe a súa cabezonería e recoñeza, con esta decisión, que os grupos da oposición e os veciños en xeral, tiñamos razón cando esixiamos a retirada deste proxecto"

"Tamén é positivo que por fin recoñeza o seu error e a súa ineficacia xa que en catro anos non foi capaz de sacar adiante un proxecto urbanístico para  O Carballiño, subliñan desde o PSdeG.

O alcalde do Carballiño mostra a súa estrañeza ante o feito de que, xusto agora, se cre unha plataforma que engloba distintos colectivos laborais da vila "cando precisamente agora se están a solucionar todos os asuntos relacionados coas queixas destes traballadores".

Estas declaracións foron manifestadas tras coñecer a intención da plataforma de esixir solucións ao concello aos seus problemas.

O alcalde sinalaba que "precisamente este martes xa entregamos aos grupos da oposición o prego técnico e administrativo de contratación para a súa análise en comisión informativa a celebrar este xoves, que será n os documentos que rexerán para a nova empresa que xestionará o servizo de asistencia domiciliaria, un servizo que temos que deixar claro, nunca deixou de funcionar e en todo momento os usuarios estiveron atendidos. Este prego de contratación estará aprobado por pleno a próxima semana e, polo tanto, o proceso de adxudicación xa está en marcha".

Por outro lado, e en relación co matadoiro, Argimiro Marnotes mantén que "como xa saben os extraballadores deste servizo, porque manteño reunións con eles cada vez que adiantamos pasos para abrir esas instalacións, se está a ultimar o prego para dar funcionamento ao matadoiro, polo que é un problema que en pouco tempo estará tamén resolto,", e  aclara que a condición de extraballador non garante para nada a de traballador na seguinte adxudicación pois no prego é unha cuestión que non se pode formular.

En canto ao servizo de emerxencias "creo que manifestamos dende o grupo de goberno, que é un porblema que nos preocupa a todos, e por iso xa solicitamos o permiso á Xunta de Galicia, que é competente neste tema, para poder contratar operarios de emerxencias ata que estea en funcionamento o Parque de Bombeiros. E non é que pedísemos o permiso soamente, é que estamos a insistir para que se de canto antes. Somos conscientes que unha poboación como O Carballiño non pode estar sen este servizo, e por iso a nosa presión ante a Xunta. O pasado ano, solucionámolo por tres meses e este ano tampronto teñamos autorización farémolo ata 31 de decembro".

Finalmente, en relación coa Residencia de Tempo Libre, o alcalde carballiñés recordou "que o concello non pode abrir ou pechar esas instalacións, xa que son dependencias daXunta de Galicia, pero se pode, como está a facer dende que adquiriu ese compromiso, realizar todo tempo de campañas ou contactos para que estas abran o maior número de días posible. Entre as accións que esta realizando o actual grupo de goberno están a campaña divulgativa, a través da súa área de Turismo, para que se coñezan as instalacións e as posibilidades que ofrece. O pasado ano xa se conseguiu, grazas ás xestións do concello, que abrira maior tempo, para dar cabida a unha produtora de cine que realizou unha das principais producións galegas do ultimo ano, coa súa sede precisamente na Residencia carballiñesa".

Por outro lado, "as xestións realizadas persoalmente polo alcalde, van permitir que os días 25 e 26 de abril, a residencia de tempo libre estea operativa para albergar os participantes dun festival cultural organizado por unha asociación vinculada a Carballiño", subliña.

Entende o rexedor municipal que os colectivos queiran obter respostas aos seus problemas, o que xa non entende "é que se pidan cando xa se coñece a solución destes, a miña obriga como alcalde é precisamente preocuparme e xestionar as solucións, na medida da capacidade que ten a institución municipal que dirixo, todo o que afecte aos nosos veciños, e é iso precisamente o que estamos a facer dende o grupo de goberno, o resto, buscar titulares, ou aproveitar momentos preelectorais por parte dalgúns, é cousa dos que pretenden crear un clima de crispación que, grazas a unha boa xestión, non se axusta á realidade", sentencia.

A proposta será incluída no programa electoral do BNG carballiñés e foi presentada por Marco Antonio Reboredo e Nacho Atanes.

O sistema que pretenden implementar os nacionalistas consistiría na instalación de antenas ubicadas en distintas edificacións municipais, como a casa da cultura, o estadio de Espiñedo, o auditorio, ou -no caso rural- nos centros sociais das parroquias. Desta maneira crearíase unha rede inalábrica de banda ancha que permite o acceso á internet,  aberta á poboación e desde calquera lugar do municipio.

Entenden que desde o concello "están dándolle largas, todo son promesas e boas palabras peron ningún feito". 

A iniciativa de facer esta fronte común partíu dos extraballadores do matadoiro "sentímonos desamparados ante os reiterados incumprimentos para solucionar os nosos problemas", manifestou Paulino Carou.

Xunto con eles, comparten esta mesma inquietude en defensa dos seus postos de traballo, as traballadoras do servizo de axuda no fogar e da residencia de tempo libre, asi como varios voluntarios de Protección Civil aos que o concello ven contratando periódicamente para atender traballos do servizo de emerxencias.

O PSdeG solicita un pleno extraordinario

O grupo municipal socialista adiantou que esta mesma semana presentará no rexistro do concello do Carballiño a solicitude para a convocatoria dun pleno extraordinario da corporación para tratar a problemática laboral destes colectivos de traballadores, asi o avanzou nesta emisora de radio o concelleiro Adolfo Nogueira.

O Concello informa da presentación do prego de contratación para o servizo de axuda a domicilo

O documento xa foi trasladado aos grupos políticos e ao sindicato CIG. Ademáis -informa o concello- este xoves dia 26 de Febreiro o prego que rexerá a contratación deste servizo municipal revisaráse nunha comisión informativa antes da presentación ante o pleno da corporación, no transcurso da semana vindeira.

Entre os aspéctos que recolle o documento está a avaliación dos aspirantes a facerse con esta concesión municipal, primando a atención e a cobertura que ofrezan, máís que a propia oferta económica. Tamén se esixirá que teña o centro de traballo a menos de 5 kilómetros do Carballiño e se comprometa a crear unha bolsa de emprego para suplir posibles baixas de traballadores durante o tempo de vixencia do contrato.

A maioria dos 24 restaurantes carballiñeses participantes na convocatoria gastronómica da cachucha consideran un éxito esta 21ª edición celebrada este pasado domingo 21 de Febreiro.

Co cámbeo na data de celebración, que pasou do domingo de entroido ao de piñata, parece que por fin a convocatoria comeza a consolidarse. De feito, a maioria dos restaurantes tiveron unha ocupación total nos seus comedores, e en algún caso, tiveron doble quenda de comensais. En 3 restaurantes -según os datos aportados a esta emisora de radio- superouse, en cada un deles, o número dos 300 comensais que degustaron o menú de cocido de entroido, no que a cachucha foi a estrela da mesa.

Desde o concello do Carballiño apuntase que "a maioria dos restaurantes rexistraron entre o 90% e o 100% de ocupación, dandose o caso que moitos deles aseguraron que desde fai unha semana ya tiñan reservadas as mesas dispoñibles".

En canto á programación festiva, desde o concello carballiñés destacan a animación nos restaurantes participantes coas charangas contratadas, asi como "o desfile-espectáculo no que participaron 14 agrupacións entre comparsas, folións e carrozas, e os datos aportados pola Policia Local apuntan a que a afluencia de público a O Carballiño este domingo foi similar, e incluso superior, ao martes de carnaval".

O Observatorio Económico da Deputación Provincial de Ourense constata a fortaleza que ten o sector da alimentación e bebidas no Ribeiro, onde xera dous de cada tres empregos industriais. En concreto, impulsa 476 dos 776 empregos industriais existentes no conxunto da comarca -o 61,3% do total-, tal e como detallou esta mañá o xerente do INORDE, José Manuel Rodríguez, na presentación das conclusións da maior base da datos provincial, comarcal e municipal nun acto desenvolvido no Concello de Ribadavia.

Á cita asistiron alcaldes, técnicos de emprego, empresarios e axentes sociais da comarca. Na súa intervención, o xerente do INORDE incidiu nas liñas estratéxicas coas que a Deputación de Ourense rendibilizará en beneficio da provincia o no novo período de financiamento europeo. Os catro grandes eixos de actuación son os proxectos “Ourense Provincia Intelixente”, “Ourense Termal” e “Competitividade Ourense”, e a nova Axencia Provincial de Enerxía e Medio Ambiente.

José Manuel Rodríguez resaltou o potencial económico do Ribeiro e anticipou as aportacións que ten ao seu alcance a comarca dentro de cada unha das liñas estratéxicas. Asimesmo, animou aos concellos e a todos os colectivos á suma de propostas para impulsar novos proxectos dentro do Marco Estratéxico Común (MEC) 2014-2020.

                Rexeneración laboral

 Na presentación das conclusións comarcais do Observatorio Económico Ourensán deuse a coñecer que O Ribeiro foi en 2014 a segunda comarca ourensá con mellor comportamento do paro rexistrado, ao baixar un 11,7% en taxa interanual, só por detrás da Baixa Limia (-12,4%). En sete concellos houbo descensos a dobre díxito e en tres a baixada mesmo se moveu por enriba do 20%: Cenlle, Arnoia e Leiro. Pola súa banda, a cabeceira da comarca -Ribadavia- logrou unha redución do 7,3%.

 No tocante ás afiliacións, o xerente do INORDE argumentou que “medraron na maioría dos meses de 2014, pero finalmente pecharon o exercicio cun lixeiro debilitamento do 1,3%. O municipio de Ribadavia consolida a cifra de 1.600 postos de traballo, mentres que Leiro e Castrelo de Miño conseguiron xerar o ano pasado máis dun 3% de novos empregos”, salientou.

 Ademais, destacou que a industria rexistrou unha importante recuperación de emprego. No ano e medio analizado polo Observatorio -comparativa entre marzo de 2013 e setembro de 2014-, as afiliacións no sector industrial creceron un 14,1%, e no caso concreto da rama da alimentación e bebidas o crecemento disparouse ata o 40,4%, o que da conta da fortaleza da agroalimentación, e particularmente do sector vitivinícola, na comarca do Ribeiro. O Observatorio identifica 114 empresas na cadea de produción das bebidas alcohólicas, cifra que representa o 39,3% de todas as existentes na provincia.

 Finalmente, no acto de hoxe trascendeu que a rexeneración laboral tamén se extendeu nesta comarca ao sector servizos e ás actividades tecnolóxicas. As comparativas entre setembro de 2012 e o mesmo mes de 2014 -últimos datos dispoñibles- mostran un crecemento do 8,9% no emprego do sector servizos e do 15,2% nos sectores tecnolóxicos.

Foi a postura que adoptaron os catro citados a declarar ante o xuíz instructor no xulgado do Carballño na súa condición de imputados na causa que investiga a xustiza en relación a presunta contratación irregular de traballadores no concello carballiñés durante os anos de gobernos socialistas, unha causa que tamén afecta ao exalcalde Pachi Vázquez no TSXG.

No caso de Carlos Montes e os outros 3 exconcelleiros socialistas imputados tras a denuncia da Fiscalía, ao non ser aforados como acontece con Pachi Vázquez, o proceso está a cargo do Xulgado de Instrucción do Carballiño.

Os catro citados polo Xuíz Instructor acolleronse ao seu dereito a non prestar declaración.

A Comparsa "A fada das neves" da Asociación "Os Arrieiriños de Dacón" levouse o primeiro premio -1.300 euros- do concurso do gran desfile do entroido 2015. O xurado outorgoulle unha puntuación de 36,42 puntos. A comparsa daconense repite asi o éxito neste concurso, que xa gaña por terceiro ano consecutivo.

Moi preto, con 35,82 puntos, o segundo premio -1.000 euros- correspondeu á "Revolución Azucarada" da agrupación dos Azucarados de Maside. Nesta axustadísima votación, na que o xurado valorou entre outros aspéctos, a  orixinalidade, vestiario, empatía, coreografía, a ainmación ou a carroza, o terceiro premio -800 euros- foi para a "Fantasía doque o vento levou", da Asociación Cultural O Castro de San Amaro.

Para  a "Invasión dos bechos" da Asociación do Freixo, do concello de Crecente, foi o cuarto premio -400 euros-. "A Carapuchiña Vermella" da comparsa dos Trangallás do Irixo quedaronse co quinto premio -350 euros-, e finalmente o sexto -350 euros- foi para "A panda do Arenteiro" do colexio carballiñés Vila do Arenteiro.

O gran desfile do entroido carballiñés foi seguido por miles de persoas durante o seu percorrido polas rúas máis céntricas do Carballiño, nunha tarde de inverno soleada pero de moito frio, de apenas 7 graos ás horas do desfile, aínda que a sensación térmica era bastante inferior á temperatura que marcaban os termómetros.

Concederonse cinco accesits de 60 euros a "Os nevadiños de San Amaro", "Soños de papel", "Grupo de voluntarios da Cruz Vermella", "Calloboys" e "Os Tiroleses".

A tradición de entroido está tan arraigada  que ata as parellas escollen estas datas para casarse no concello, e fano como debe ser no carnaval, disfrazados., noivos, testigos e convidados.

Aconteceu este lúns de entroido ao mediodia no concello do Carballiño. A Noiva cadever contraeu matrimonio con zombie, acompañados do SombreireiroTolo, Alicia, e ata a mismisima Carapuchiña Vermella. 

Oficiou a ceremonia de casamento civil o Gran Rei "Elvis"

Un ano máis o martes de entroido no Carballiño estará marcado polo gran  desfile no que participarán máis de 700 comparsitas.  Percorrerá as principais rúas carballiñesas, enchendo de música, cor e animación a tarde do dia grande do carnaval carballiñés . En total serán 15 as agrupaciones que participarán neste desfile, o primeiro deles deste ano, xa que o domingo 22 -Festa da Cachucha- terémos o segundo.

O percorrido deste desfile comezará na rúa Otero Pedrayo,  para continuar por Conde Vallellano, rotonda da Alameda, avenida de Xullo Rodríguez Soto, Calvo Sotelo, ata a Praza Maior, onde estará o xurado que emitirá o fallo deste Carnaval 2015. Esta xornada de martes é festivo de carácter local no municipio do Carballiño.

Para que este percorrido non teña ningunha incidencia, desde a Policía local recórdase que estará prohibido o aparcamiento nas rúas Otero Pedrayo e Conde Vallellano, o martes 17, desde as 14:00 ás 22:00 horas.

Nesta edición repartiranse un total de 7.640 euros en premios para as mellores agrupaciones. Abrirá o desfile -fora de concurso- a tradicional comparsa carballiñesa Os Liborianos.

O fin de festa, na Praza Maior, estará amenizado pola orquestra América S.L., logo da verbena deste lúns de antroido coas orquestras Gran Parada e Atenas.