Política

O alcalde Argimiro Marnotes manifestou no acto de presentación celebrado no stand de Turgalicia en Fitur 2015 que " O Carballiño tiña unha débeda que agora se paga coa cidade da Coruña para dedicarlle esta festa, coa idea de ter moita presenza da festa do pulpo na Coruña e da Coruña no Carballiño".

No acto estiveron presentes o alcalde da Coruña Carlos Negreira e a tenente alcaldesa Luisa Cid, que agradeceron esta dedicatoria do concello carballiñés, asegurando que "faráse todo o posible para estar á altura doutras cidades que xa recibiron tal distinción".

Durante a presentación mostrouse tamén o cartel do artista carballiñés Xesús Carballido, que servirá par promocionar a convocatoria festivo-gastronómica.

Pechou o acto a directora xeral de turismo da Xunta, Nava Castro, recordando que "o polbo é embaixador de Galicia, e o mellor polbo do mundo cómese no Carballiño".

A denuncia, presentada nos xulgados do Carballiño, partíu dunha Plataforma Veciñal constituída no concello de Piñor.

Consideran os denunciantes que, durante os últimos anos e dende que o socialista Francisco Fraga obstenta a alcaldía do concello de Piñor, non se cumpliron as máis elementais garantias legais, e tampouco se respectaron os procedementos que rexen na contratación pública.

Cando o actúal alcalde accedeu ao cargo, recordan, o concello de Piñor contaba con 3 traballadores no seu cadro de persoal, mentres que na actualidade son 20 os traballadores que integran a nómina muncipal nu concello de 1.237 habitantes según o último padrón de habitantes de Piñor.

O portavoz do Grupo Municipal do PSdeG do Carballiño, Paco Fumega, xunto aos alcaldes de Piñor, Francisco Fraga, e de Maside, Celso Fernández, denunciaron hoxe "a ineptitude e o desleixo do goberno de Marnotes e da Xunta para conseguir que a comarca do Carballiño non quede desatendida ante as emerxencias".

Fumega afirmou que "O Carballiño está agora mesmo desprotexido dende que remataron os contratos dos operarios que atendían as emerxencias de Protección Civil, debido á ineptitude e a ineficacia que ven sendo a dinámica dos catro anos de goberno de Marnotes”.

Sinalou que “O Carballiño precisa ofrecer servizos públicos como cabeceira de comarca, e o de emerxencias é ademais un servizo fundamental do que non poden prescindir os veciños”.

Por elo considerou que “as promesas incumpridas e os parches que está a poñer Marnotes son un insulto á cidadanía e aos voluntarios de Protección Civil, que foron ninguneados por este alcalde despois de prestar un servizo exemplar”.

O alcalde de Piñor sinalou que “esta é unha mostra mais da nula preocupación da Xunta pola nosa comarca” xa que “os cidadáns están desasistidos mentres o conselleiro da Presidencia di reiteradamente que a apertura do parque de bombeiros é inminente, pero pasan os meses e non vemos esa inminencia”.

Francisco Fraga asegurou que os concellos da comarca "que adiantaron diñeiro para a compra de material para o parque de bombeiros, teñen que estar cubertos ante unha emerxencia".

Apuntou ademais que a Xunta incumpre o acordo acadado no Pacto Local de que se contaría cun equipo para a atención de emerxencias mentres non estivese operativo o parque de bombeiros. “É inconcebible que unha comarca como a do Carballiño estea totalmente desprotexida pola inacción da Xunta”.

Por elo, os socialistas esixiron “menos palabras e máis obras” e urxiron a posta en marcha dun Grumir, GES ou similar, que atenda as urxencias mentres non estea operativo o parque de bombeiros, e incluso despois como apoio a este, para atender outras incidencias que se produzan.

O TSXG atende asi a petición do Ministerio Fiscal e acorda o procesamento do excalde do Carballiño, que deberá comparecer en declaración indagatoria o vindeiro dia 3 de Febreiro e abonar 2.000 euros como fianza en previsión de costas.

A fiscalía apreciara "relevantes e significativos indicios de criminalidade" na súa actuación, xa que os contratos levaronse a cabo "de maneira absolutamente arbitraria, atendendo exclusivamente a afinidades de tipo político, persoal ou doutro tipo".

O auto que acorda abrir proceso a Pachi Vázquez por un presunto delito de prevaricación continuada resalta que o exalcalde, aínda estando advertido da ilegalidade "continuou contratando con habitualidade ao persoal en rexime laboral sin un mínimo expediente, nin unha mínima acreditación do mérito e capacidade dos elexidos e sen publicidade algunha".

Tamén cita o auto un decreto do exalcalde "no que sin ningún procedemento ou xustificación amparada lexitimamente no ordenamento xurídico acorda sen maís recoñecer a condición de traballadores indefinidos a 6 traballadores que con anterioridade tiñan contratos temporais realizados sen ningún procedemento  ou amparo legal".

A maioria das 37 contratacións de traballadores que motivan o procesamento de Pachi Vázquez durante a súa etapa como alcalde do Carballiño foron feitas entre os anos 2003 a 2005.

Unha vez coñecido o auto do TSXG o exalcalde, e na actualidade deputado do PSdeG no parlamento de Galicia, volve proclamar a súa inocencia e anuncia que presentará un recurso contra o mesmo.

Mariela Montero Rodríguez recibíu como premio unha viaxe a Galicia, tras gañar o concurso de oratoria no que participa o estudantado de secundaria de Panamá.

Acompañada da súa profesora-adestradora e a vicecónsul de Panamá en España, a xoven foi recibida no transcurso dun acto institucional na casa do concello do Carballiño, ao que asistiron concelleiros e concelleiras das corporacións municipais de Boborás e O Carballiño. Despois, a comitiva visitou os dous institutos de secundaria carballiñeses e o templo da Veracruz.

O alcade Argimiro Marnotes lembrou a gran relación existente entre a nosa comarca e Panamá, a través da emigración, con numerosas familias orixinarias da comarca emigrantes a Panamá " e tantos dos nosos veciños que traballaron nesa colosal obra do canal de Panamá", remarcou o rexedor municipal.

Mariela agradeceu a acollida, manifestou ter a sensación de "estar como en casa" e invitou aos carballiñeses e galegos en xeral para coñecer Bocas del Toro, a súa terra natal en Panamá.

O Bloque Nacionalista Galego ven de dirixir un escrito á Conselleira de Traballo e Benestar, Beatriz Mato, á que piden compromiso para recuperar a participación na Festa dos Maiores, que con carácter anual ten lugar no parque municipal do Carballiño.

O BNG achégalle á Conselleira "a preocupación como organización política polo notable descenso de participacion, na última edición de 2014, xustificabase ese desceno porque ao parecer a consellería non sufragou o coste dos autobuses que desplazan aos maiores desde os distintos concellos de Galicia".

Entende o Bloque, e asi o manifestan á Conselleira, que "podian tomarse algunhas medidas para promocionar a festa, e como suxerencia, poderian dar as instruccións oportunas ás direccións dos distintos centros sociais da súa competencia, para que fagan a previsión para o pago dos autobuses".

Deportivo e Banda Orquestra para a Festa do Polbo

Noutro escrito, éste dirixido ao goberno municipal do Carballiño, o BNG  propón ao concello do Carballiño, e toda vez que a Festa do Polbo de 2015 está adicada a cidade de A Coruña, que se fagan as xestións oportunas e canto antes posible para contar este verán e nas datas previas á festa coa presenza no Carballiño do Real Club Deportivo da Coruña, que desputaría un partido amigable no Estadio de Espiñedo co Club Deportivo Arenteiro.

Outra das actividades que propoñen os nacionalistas é unha actuación da Banda Orquestra da Coruña no Carballiño nesas mesmas datas.

A casa sita no lugar de Figueirido, na parroquia de Pazos de Arenteiro, estaba deshabitada. Quedou completamente destruida a estructura de madeira, quedando unicamente en pe as paredes exteriores, que son de pedra.

Veciños da localidade advertiron o fume que saía do inmoble e deron aviso ao 112, aínda que os servizos de emerxencias tardaron algo máis dunha hora en chegar ao lugar do sinistro, según o testimonio dos propios veciños, que participaron activamente no control do lume, evitando que se propagase ás casas colindantes.

Pola súa parte, os servizos de emerxencias mobilizaron aos efectivos do GES do concello de Avión e voluntarios da Agrupación de Protección Civil do Carballiño, que acudiron con camións de bombeiros.

A Garda Civil investiga a orixe do lume, xa que a casa non contaba con electricidade, polo que se descarta a posibilidade do cortocircuíto.

"Ningún veciño vive mellor que hai 20 anos dende que levamos con este Goberno do Partido Popular", afirma o Grupo Municipal Socialista no Concello de Leiro, que considera ao popular Francisco José Fernández Perez como un "pésimo e nefasto alcalde, que está a levar a Leiro ao desastre, senón o está xa". 

O Portavoz socialista Manuel Rodríguez apunta un Cámping "inexistente debido ao pasotismo e á parálise destes señores, asi como as novas instalacións do Balneario de Beran que están pechadas; o Mosteiro de San Clodio que leva pechado tamén 5 meses", recorda o PSOE,  "despois de que gastasen nel hai poucos meses 300.000 euros de diñeiro público en mellorar as súas instalacións".

En materia de emprego, o PSOE asegura que non existe ningunha política enfocada a crealo, "máis ben o pouco que se crea pode ser de tres a cinco meses que se reparten os amigos do Alcalde".
Pola contra, nos 20 anos de Goberno do actual Grupo e este Alcalde, o PSOE asegura que as taxas e impostos municipais, como é o caso do IBI, "en vez de baixar cada ano soben máis e máis". Non existen bonificacións, a auga para o consumo é máis cara dende que se privatizou, a única beneficiada a empresa concesionaria, e segue sen saberse nada do Plan Integral de camiños e rúas de todo o municipio, entre outros asuntos.

"En resumo, denotamos unha total ineptitude, desidea e política de brazos cruzados que leva a cabo Fernández e que trouxo aos veciños mais paro, mais Impostos, peche dos principais motores económicos de Leiro (Balneario, Mosteiro, Cámping) e menos desenvolvemento económico", conclúe sinalando o Grupo Socialista no Concello de Leiro.

O BNG carballiñés manifesta a "preocupación e malestar pola situación na que se atopa o servizo de emerxencias do concello do Carballiño, xa que a partir deste martes 20 de xaneiro os voluntarios deixan de facer gardas".

Ata o pasado dia 31 de Decembro o concello carballiñés tiña contratados 12 traballadores, un servizo que se financiou a trávés do plan de cooperación "e agora quedámonos sen un servizo tan necesario par a cidadanía do Carballiño".

Engaden os nacionalistas que esta situación "pon de manifesto o liderazgo do alcalde do Carballiño, e sen querer ser alarmistas acusamos ao Partido Popular e ao seu alcalde de imprudencia temeraria".

Por último, desde o BNG critican "os imcumprimentos do Vicepresidente da Xunta, Alfonso Rueda, xa que afirmou en varias ocasións  que o parque de bombeiros estaría en funcionamento no ano 2014".

A Fiscalía da Comunidade Autónoma de Galicia pide que "se interese  o procesamento de Manuel Vázquez Fernández como autor (artículo 28 párrafo primeiro do Código Penal) dun delito de prevaricación continuada (artículos 404 e 74 do Cödigo Penal)".

Desta maneira, o fiscal contesta á petición do maxistrado do Tribunal Superior de Xustiza de Galicia que semanas atrás instaba ás partes implicadas a presentar as súas alegacións, ao mesmo tempo que solicitaba o posicionamento sobre o procesamento do exalcalde carballiñés.

No  escrito no que pide o procesamento, a fiscalía reitera a súa argumentación, incidindo nas irregularidades cometidas nas contratacións de traballadores municipais no concello do Carballiño durante os anos nos que Pachi Vázquez exerceu como alcalde do Carballiño.

 Comunicado de prensa de Pachi Vázquez

En relación coa causa que se instrue no TSXG por prevaricación administrativa en razón dunha querella interpostapola Fiscalía, así como das propias alegacións efectuadas por esta Fiscalía, quero precisar o seguinte:

 A contratación de persoal no concello do Carballiño durante a miña etapa como alcalde realizousesempre no marco da legalidade, e así se demostracunha serie de documentos que se adxuntane polasdeclaracións efectuadas polos técnicos municipaisno TSXG

 Das declaracións realizadas por estestécnicos do concello do Carballiño ante o TSXG infírese que en absoluto se produciu ninguna ilegalidade na contratación de persoal do concello durante o meumandato como alcalde.

 Todas as testemuñas realizadas corrobororaron que en ningún caso propuxen directa ou indirectamente a contratación de ningunha das persoas relacionadas na querella.

 As demáistestificais practicadas taméncorroboraron a existencia de expedientes de contratación, incluso as que nalgún momento sembraron algunhadúbida, pero que finalmente admiten a súa existencia.

 Para corroborar o procedemento administrativo seguido na contratación de persoal, se remite ao TSXG unha serie de documentos que demostran as convocatorias públicas de empregolevadas a cabo entre os anos 2001 e 2005, así como os informes de que non consta reparo de legalidade algún,correspondentesaos anos 2003, 2004 e 2005.

 Por todo isto, se solicita o archivo do procedemento, en base a que non hai indicios de ciminalidade e non cabe abrir un proceso.

Asemade, con respecto ás alegacións presentadas pola Fiscalía, resalta que, no seu informe, se especifique que “no caso de que se chegue á fase procesal ad hoc, non formulará petición de responsabilidade civil e sópodería interesar a nulidade das resolución e decretos asinados polo Sr. Vázquez, senmáis consecuencias ulteriores”.

De todos modos, quero reiterar a miña confianza na xustiza, que estou seguro tomará en consideración a miña petición de archivar a causa, sobre todo, a raíz das declaraciónstotalmente aclaratorias efectuadas polas personas que tiveron a responsabilidade da Secretaría e Intervención do concello do Carballiño durante o meu mandato como alcalde.