A Festa do Pulpo farase aínda máis grande nesta 61 edición. Despois de estrear a súa internacionalización, este verán potenciarase dentro da Ruta Xacobea coa dedicación da celebración ao Camiño Miñoto. Trátase dun dos percorridos máis antigos que enlazaban o norte de Portugal con Compostela. Precisamente na capital de Galicia, punto final do Camiño Miñoto, terá lugar a presentación oficial da Festa do Pulpo, prevista para o 4 de agosto e coa Praza do Toural como escenario.

A programación arrancará o luns coa Semana Grande para Pequenos, na Praza da Veracruz, e que ofrecerá obradoiros, inchables e ata unha festa da espuma. Os máis pequenos poderán disfrutar das actividades en horario de 19.00 a 21.00 horas.

Outro dos pratos fortes da programación será, como é tradición, a elaboración da tapa máis grande do mundo, o 8 de agosto. Intentarase bater un novo récord con 580 quilos de pulpo e para a súa elaboración empregaranse 45 litros de aceite, 5 quilos de sal e 2 de pimentón. O Concurso de Camisetas, previsto para o 12 de agosto, contará con animación DJ, a partir das 18.00 horas.

A gran comida en honor a este manxar terá lugar no Parque Municipal, o 13 de agosto. Unha das novidades desta edición será a recuperación da música tradicional cos concertos Son do Pulpo, a cargo de Coribantes de Buchabade e Ardentía. A música será protagonista todos os días de celebración, con concertos e charangas.

Este é o programa detallado:

Do 31 de xullo ao 3 de agosto: Semana Grande para Pequenos. Praza da Veracruz. De 19.00 a 21.00 horas.

4 de agosto: Andaina nocturna aos petroglifos de Cangues. Saída do local da AA.VV. de Madarnás, ás 22.00 horas. Organiza: Centro de Estudos Chamoso Lamas.
Presentación da Festa do Pulpo en Santiago de Compostela. Praza do Toural. Entre as 12:00 e as 14:00 horas.

4-6 de agosto:
Feira Medieval A Liorta (de 11:00 a 23.30 horas).

5 de agosto:
Música Feito no Carballiño: Sueño de Ítaca. Alameda. 20.30 horas.

7 de agosto:
Música Feito no Carballiño. Marta e Sergio Tanús. Praza Maior. 20.30 horas.

8 de agosto:
Elaboración da tapa de pulpo máis grande do mundo. Praza Maior.

9 de agosto:
Concerto de pop rock: Soul & Roll. Praza Maior 20.30 horas.

10 de agosto:
Festival Folclórico Internacional. Praza Maior. 22.30 horas.

11 de agosto:
Torneo de fútbol Festa do Pulpo. CD Arenteiro-Lugo. Campo de Espiñedo. 19.30 horas.
Animación na rúa: Charanga Mekánica Rolling Banda. A partir das 20.00 horas.

12 de agosto:
Concurso de camisetas. Animación Dj`s. Praza Maior. A patir das 18:00 horas.

13 de agosto:
Festa do Pulpo no Parque Municipal.
11.00 horas: Saída dos grupos de música tradicional.
11.30 horas: Apertura de postos grastronómicos.
12.00 horas: Concertos “Son do Pulpo”. Música tradicional. Coribantes de Buchabade. Ardentía.
Saída das charangas pola vila.
14.00 horas: Apertura do recinto oficial.
17.00 horas: As charangas volven saír na vila.
20.30 horas: Orquestra Yukatán. Primeiro pase.
23.30 horas: Orquestra Yukatán. Segundo pase.

No programa especial dos venres de verán dedicado ao concello de Piñor, avanzamos por medio do seu alcalde José Luis González importantes novas para o municipio piñorense, entre elas a inminente inauguración tanto do albergue de peregrinos como o centro sociocultural polivalente, construidos no pobo de Arenteiro, que de cumplirse as previsións abrirán as súas portas no próximo mes de setembro.

O rexedor municipal tamén comentou que vai a bo rítmo o proxecto do museo do cadaleito de Piñor, nun municipio que é punteiro a nivel español na fabricación de ataudes. Ademáis, o alcalde piñorense marcou como un obxetivo prioritario para este mandato municipal recén comezado, a construcción dunha residencia de maiores que promoverá o propio concello, que desta maneira será primeira residencia de maiores de titularidade municipal da comarca. Terá unha capacidade de 40 prazas e financiaráse por medio de fondos NEX Generatíon.

Neste mesmo programa tamén tivemos ocasión de achegarnos ata o Hostal-Restaurante Ateneo, unha das referencias na restauración na comarca, falamos con Sonia Muñoz, da cuarta xeneración desta saga familiar con máis de 100 anos de tradición.

Aquí podes escoitar o programa emitido por COPE O Carballiño este venres dia 28 de xullo de 2023.

O PSdeG-PSOE de Punxín critica a postura do Partido Popular e Compromiso por Galicia, que a día de hoxe, e máis dun mes despois do pleno de investidura, seguen sen dar explicacións sobre as condicións do seu pacto de goberno. No pleno municipal celebrado no día de onte, as e os socialistas pediron explicacións e información sobre o pacto acadado entre ambas formacións para o goberno municipal os vindeiros 4 anos, pero atopáronse “coa calada por resposta”.

Dende o grupo municipal socialista afirman que se trata dun pacto “contra natura” e no que segundo manifestan “priman as mentiras”. As e os socialistas argumentan que “en menos dun mes xa nos decatamos de varias mentiras por parte de ambas formacións” e destacan como unha das máis sonadas “as competencias do líder de Compromiso por Galicia na localidade, Eladio Fernández, que segundo afirmaban ía gozar de certas competencias con este acordo, das que a día de hoxe, nada se sabe”.

A voceira do PSdeG-PSOE en Punxín, Lorena Peleteiro Vázquez, cualifica de “bochornosa” a actitude amosada polo tenente de alcalde, Eladio Fernández, e afirma que “estou convencida de que si eu non fora unha muller, non se dirixiría a min no ton e nas formas nas que o fixo durante o pleno”. A líder dos e das socialistas de Punxín subliña que Fernández “en vez de darnos as explicacións pertinentes sobre o pacto de goberno, dános leccións sobre como temos que facer o noso traballo, deixando en evidencia que este acordo non ten nada que ver co beneficio de Punxín, senón co seu propio ben e beneficio persoal”.

Peleteiro Vázquez tamén destaca que “estamos ante unha mostra máis de como o PP e CxG xogan cos intereses de Punxín e da súa veciñanza, co único fin de obter rédito persoal dun pacto de goberno anti natura”. A voceira socialista esíxelle a ambos partidos que “reflexionen e se poñan a traballar dunha vez por todas pola veciñanza e non por repartirse cargos”.

Dende o PSdeG-PSOe de Punxín poñen de manifesto que seguirán mantendo a liña que mantiveron ata o de agora e que fixo que subiran un concelleiro nas últimas eleccións. “Imos a seguir a traballar como a oposición construtiva que somos, mantendo a coherencia como unha das nosas sinais de identidade, como viñemos facendo ata o de agora”, finalizan os e as socialistas.

Trinta familias do Carballiño son as protagonistas da exposición fotográfica “Pulpeiras e familia” que dende hoxe pode visitarse no Centro Cultural Marcos Valcárcel da Deputación. Un proxecto artístico que naceu da man da asociación fotográfica “O Potiños”, en colaboración con Pulpeiros do Carballiño.

Os fotógrafos que participaron nesta iniciativa foron xuntando diferentes xeracións e convivindo con eles para comprender mellor o seu traballo e o amor a esta profesión. “As nosas fotos queren reflectir ese traballo, esa dedicación, e para iso prescindimos do elemento máis esencial: o pulpo. Quixemos que coas súas ferramentas -caldeira, pratos, ganchos, aceiteira, saleiro e pementeira- expresasen a satisfacción dun traballo ben realizado”, sinalan dende a agrupación fotográfica ao avaliar o resultado final.

As fotografías da exposición, realizadas en branco e negro, “son unha homenaxe a todas as persoas que, ao longo de cinco ou seis xeracións, seguen a facer un traballo ben feito e foron creando unha marca”.

Na inauguración da mostra, o deputado provincial Rosendo Fernández salientou a implicación incondicional da Deputación de Ourense dende o primeiro momento en que se coñeceu a proposta expositiva, así como a identidade xa inseparable do Carballiño co pulpo e cos pulpeiros e pulpeiras.

O director do centro cultural, Francisco González, agradeceu a Manuel Blanco, presidente de “O Potiños”, o traballo desenvolvido pola asociación para converter en realidade esta exposición, que estará en cartel ata o 20 de agosto.

As estadísticas turísticas do Ministerio de Industria, Comercio e Turismo do Goberno de España acreditan que O Carballiño recibíu durante os primeiros cinco meses deste ano 2023 un total de 20.226 turístas, o que representa un incremento do 13% máis que neste mesmo periodo de tempo no ano 2022.

Entre os meses de xaneiro e maio, o último contabilizado de momento este ano, os turístas de orixe nacional que estiveron no Carballiño foron 18.735, cun incremento do 13,6% en relación ao ano pasado, e os de orixe internacional foron 1.491, un 5,9% máis que o ano precedente neste mesmo periodo de tempo.

A normativa fixa como data límite para proceder á limpeza a do 31 de maio, a partir desa data o concello tería que proceder a sancionar os correspondentes, comunicandolles os incumprimentos, e se fose o caso pedir autorización xudicial para realizar os traballos con cargo aos propietarios.

Case dous meses despóis desa data límite, os veciños da contorna dun solar na rúa dos Carboeiros, manifestan estar cansos de reclamar que unha entidade bandaria con sucursal no Carballiño proceda a limpar un solar que é da súa propiedade, o estado no que se encontra preocupa aos veciños que teñen vivendas colindantes con esta parcela. 

O Partido Popular qudeouse a 33 votos dos colleitados por Mariano Rajoi nas eleccións de 2004, este domingo con Feijóo chegou desta vez aos 4.465 votos, cun incremento de 14 puntos en relación ás eleccións de 2019, ao facerse co 56,26% dos 8.017 votos que se rexistraron nestas eleccións xerais de 2023 no municipio carballliñés. Trátase do terceiro mellor resultado electoral da democracia no Carballiño, aínda que se queda lonxe daqueles 4966 votos populares das xerais de 2011, tamén con Mariano Rajoi como candidato.

O PSOE baixou 5 puntos, e quedouse nos 1996 votos, co 25,15% do total. O BNG tivo 536 votos, case 2 puntos máis que fai 4 anos, VOX 457 votos, baixou 3,49%  puntos a respecto de 2019, e SUMAR   obtivo 342 votos. A Participación foi alta, o 71,26% do electorado carballiñés acudíu este domingo ás urnas.

Cine para todos os gustos e para todas as idades, con ata 4 películas para ver a diario ata o próximo xoves dia 27 de xullo (agás mércores que pecha por descanso) no cine de referencia para as comarcas do Carballiño-Ribeiro, no Novocine de Leiro.