‘Mercar non teu comercio ten premio’ é o nome desta nova campaña que esta mañá presentouse na sede da CEO. Esta iniciativa promocional, que pretende dar visibilidade ao pequeno comercio e dinamizar as compras nel, foi explicada pola presidenta da Federación de Comercio de Ourense, Beatriz Gómez, que estivo acompañada por outros membros desta entidade, os vicepresidentes Enrique García e Margarita Díaz, e o secretario Jesús de Deus.
A campaña desenvolveráse nas principais poboacións da provincia e no caso do Carballño a inciativa terá lugar entre os dias 21 e 27 de outubro, este último dia faráse o sorteo na Praza Maior do Carballiño
O funcionamento é sinxelo e accesible a calquera cliente. No período de vixencia da campaña en cada localidade, o cliente que comprase no comercio local e queira probar sorte, ten que gardar as súas tickets para trocalos por participacións o último día de campaña nunha carpa que se habilitará para este fin durante 2 horas, e na que se realizará, a continuación, o sorteo que será presencial e cunha urna onde se depositarán as participacións. Cada 10 euros de compra poderanse trocar por unha participación no sorteo e o gañador ou gañadora ha de estar presente na carpa no momento da extracción das papeletas premiadas.
En total, repartiranse 12.000 euros en formato de tarxeta prepago para gastar no pequeno comercio. En Ourense cidade póñense en xogo 2.100 euros repartidos en 4 premios de 300 euros e 18 de 50 euros; mentres que a cantidade para cada vila é de 900 euros, distribuídos en 2 tarxetas para gastar 300 euros cada unha, e outras 6 por valor de 50 euros. Esta repartición obedece ao censo tanto de poboación como de comercios da capital con respecto ás localidades participantes.
A presidenta do colectivo en Ourense aproveitou para comentar a difícil situación que atravesa o pequeno comercio, que trata de seguir resistindo #ante o panorama de crise que atravesa o sector. Por iso sinalou que campañas deste tipo son moi positivas, así como ‘necesarias para darlle visibilidade ao pequeno comercio, que é fundamental para a creación de riqueza, emprego e dinamización das cidades’.
Finalmente, Gómez cualificou de boa noticia a proposta do Concello de repartir 100 euros a cada habitante da cidade para a campaña do Nadal para destinar a comercio, hostalería e actividades profesionais, unha formulación que espera que sexa aprobado polo pleno e poida levar a cabo. Tamén confía en que a Xunta volva convocar en breve a campaña Bonos Activa Comercio, lanzada hai un ano para reactivar as compras no pequeno comercio despois das restricións ocasionadas pola pandemia.
Ultimamente vexo moitas reaccions sobre o tema, en primeiro lugar hay que decir a cousa esta que bota fume, nunca mellor dito, alguns din que Fumega lle cortou as alas a Adolfo,cousa coa que discrepo, xa que se o alcalde quixera como din alguns no 2016 frear a Adolfo non lle houbese dado fai tan so uns meses atras a portavocia do grupo de goberno, sentando o seu lado nos plenos e sendo o concelleiro con mais competencias, seguridade, emerxencias, persoal, emprego, promocion economica, etc levando unha moi boa xestion ata case finais da lexislatura, aprobando tres presupostos con tres partidos diferentes e cun goberno en minoria, o alcalde beneficiaballe ter no seu equipo a alguen da valía de Adolfo, a quen demostrado esta, non e nada sinxelo nin agradable ter coma rival, todos sabemos que Adolfo tarde ou cedo acabaría sendo o sucesor de Fumega na alcaldía, asi coma deputado provincial, onde a sua retórica, se se fixese tecnicamente o auparía a portavocia do grupo socialista, outra cousa ben distinta e que algunha man negra poderosa o desplazase a fin de deixar o camiño libre a outra persoa de cara a Maside, quen a pesar de ser ben querido por min, non goza da todopoderosa dialectica do de Zafra, pero quen sabe o que realmente pasou ?
A conselleira de Medio Ambiente, Territorio e Vivenda, Ángeles Vázquez, e o alcalde de Beariz, Manuel Prado, mantiveron unha reunión na que estudaron a posibilidade de levar a cabo actuacións de humanización en varias rúas do municipio.
Este proxecto levaríase a cabo no marco do plan Hurbe, unha iniciativa posta en marcha pola Xunta en 2010 para promover o desenvolvemento das vilas e dos núcleos rurais con criterios de sustentabilidade económica, medioambiental e social; así como mellorar os equipamentos e dotacións, aumentando a variedade e elevando os niveis de servizos co fin de incrementar o atractivo das vilas e dos núcleos rurais galegos.
De feito, ao abeiro desta iniciativa, no concello de Beariz xa se levaron a cabo melloras nas rúas do núcleo de Alvite, nas prazas de Alvite e Lebozán, e nas contornas da casa consistorial e da igrexa de Doade.
Penso que algún tertuliano anda bastante equivocado co tema da presunta deslealtade a Fumega. Curiosamente no ano 2016 tiven coñecemento por un concelleiro do PSOE de Maside que Fumega tiña pensado cortarlle as alas a Adolfo porque pensaba que destacaba demasiado. No ano 2016!!!
Hai algún que outro tertuliano que debería seguir este relato historiográfico pra non meter a pata nas tertulias porque queda moi feo cargar contra un correlixionario con infundios. Corría o ano 2011 e Fumega preséntase como alcalde de cor verde VOX fuxindo das cores socialistas habida conta do claro declive do zapaterismo. Adolfo, que me cae fatal, por esa dialéctica contundentemente brillante, por esa capacidade incansable de traballo, e porque está nas antípodas da miña ideoloxía, facía de fiel escudeiro de Fumega.
Obtivo unha maioría absoluta o PP. O insolente rapaz Adolfo, protagoniza a oposición máis prolixa na historia do Carballiño dende que eu recordo. Mocións e iniciativas a tutiplén, participacións coas plataformas a gogó (lembremos o tema da incineradora no Irixo). Constantes notas de prensa, denuncias incansables nesta páxina, ben redactadas, ben fundamentadas. Fumega seguía sendo un gran descoñecido salvo polo traballo do seu gregario de luxo (o impertinente rapaz). E dormitaba agardando tempos mellores.
Unha errática xestión da maioría absoluta do PP con erros garrafais como tentar facer un PXOM mal explicado un ano antes das eleccións, poñen máis fácil ao insolente rapaz brillar na oposición. Fumega cheira tempos mellores e fai un gran fichaxe estrella, o fillo dun exalcalde de Maside, que pese a seguir empadroado en Maside no 2015 pra apoiar ao seu pai, tiña moitísimo que ofrecer á política carballiñesa.
En todo o ano 2015 e no ano 2016 sígueme caendo fatal o señor Adolfo, pero teño que rendirme a súa infatigable capacidade de traballo, e comeza a encenserse unha luceciña de admiración pola súa dialéctica cada vez máis brillante. Incluso comezo a ler todos os seus artigos de oponión no diario La Región, porque aínda que non comulgo con casi ningunha das súas ideas, comezo a sentir gusto por ese estilo tan desenfadado e sinxelo de defender a ultranza a súa ideoloxía nun diario. Lealdade absoluta coa ideoloxía socialista. Xa quixeran moitos do cónclave que citarei ter a mesma lealdade.
Mediados do ano 2016, coméntolle esta admiración a un concelleiro do PSOE de Maside. Dime que a Adolfo vanlle recortar as alas.
Finais do ano 2018, celébrase un cónclave de alcaldes socialistas no concello de Maside. O presidente provincial o ex alcalde de Amoeiro, o alcalde de Coles, e o alcalde de Maside saen pola porta de atrás do concello. Quince días despois, Fran o exalcalde de Piñor, deixa de ser o voceiro do PSdeG na Deputación.
Concluo: Se un simple veciño de Maside coñecía no ano 2016 o que acontecería con Adolfo, porque un concelleiro do PSOE de Maside faillo saber. Se no 2018 é defenestrado outro compañeiro do PSOE, que agora milita no Espazo Común, o relato da deslealdade non o traga nin o máis parvo, a non ser que ande totalmente desinformado. A min caeme moitísimo mellor Fumega que Adolfo, pero teño a fea costume de seguir os cartos e os postiños pra enterarme do que realmente acontece. Fago como os ingleses: Follow the money... En non podo evitar establecer unha causa efecto entre o relato historiográfico, e quén ocupa agora a portavocía da Deputación. E Fumega caeme mellor quizáis porque comparte conmigo peluqueiro en Maside, porque quizáis é más accesible (aínda que non recurriría ao ciruxano máis accesible senon ao máis eficiente), e porque fai chascarrillos dun home masidao que pasea un gato como se fora un can.
Pero non lle perdoarei a Fumega privarme do exquisito espectáculo dun merecente Adolfo Nogueira como voceiro na Deputación. Será porque non trago a baltar... E penso que algún tertuliano lle debe algunha disculpa ao insolente Adolfo Nogueira, quizáis porque ideolóxicamente está moi por riba dos: Follow the money...
Como veciño de Maside quero denunciar o trato inxusto que recibimos os veciños que temos domiciliados no banco os distintos recibos do concello. Acabo de ver na sede electrónica do meu banco que esta semana me van cobrar o recibo da contribución, cando os que van pagar o concello en efectivo teñen ata fin de ano. Non me parece unha situación para nada xusta, que cobren o recibo con tres meses de antelación con respecto a quen a paga de contado no concello. Noutros concellos polo menos fan algún tipo de desconto, aqui nada de nada. Se non queren dar descontos que cobren a 30,60,90 polo menos durante o periodo de recadación do imposto. Pois nada, que sigan asi botando unha man, ca que nos está e vai seguir caendo. Que a mín noutra non me pillan. Haberá que volver a ir pagar en efectivo vispera de fin de ano.
O subdelegado do Goberno en Ourense, Emilio González, comprobou esta mañá no Carballiño o bo funcionamento dos descontos que o Goberno activou no transporte público terrestre desde o 1 de setembro.
O subdelegado valorou o impacto desta decisión na provincia de Ourense, onde o autobús ten unha importancia estratéxica pola dispersión poboacional. Emilio González puxo en valor o desconto do 50% do prezo do billete do que gozan os usuarios, do que a maior parte, o 30%, está custeado polo Goberno de España, mentres o 20% restante é complementado pola comunidade. “O Goberno está a sufragar a maior parte do desconto nestes transportes que son de competencia e titularidade autonómica”, recalcou o subdelegado.
“Son xa miles de cidadáns e miles de familias en Ourense as que se están beneficiando dun gran aforro en transporte cada mes”, manifestou o subdelegado, que estivo acompañado na visita polo alcalde do Carballiño, Francisco Fumega. Desde que se aprobaron estas axudas, o incremento de usuarios do transporte en autobús desde O Carballiño aos distintos destinos de Galicia foi do 30%. Máis da metade dos viaxeiros que saen da estación do Carballiño (o 60%) utiliza o autobús para desprazarse á capital da provincia.
Emilio González remarcou a importancia de paliar a inflación e os efectos da crise enerxética derivada da guerra de Putin. “Estamos xunto ás familias, xunto aos traballadores e traballadoras, co conxunto da cidadanía, para afrontar xuntos os efectos da subida de prezos”, manifestou.
O desconto do prezo do autobús interurbano e do urbano, nos municipios adheridos á medida, compleméntase coa gratuidade dos abonos de tren en todas as liñas que conectan as estacións de Galicia, tanto Proximidades, como Media Distancia e tamén Avant, que conecta Ourense con Santiago e A Coruña.
O subdelegado animou á cidadanía da provincia para aproveitar o transporte público para aforrar e para mellorar a mobilidade e reducir a dependencia enerxética.
Xogábase este domingo dia 2 de outubro un partido que queda xa para a historia do club e do fútbol 11 feminino carballiñés, xa que o Arenteiro Feminino debutaba en competición oficial na Segunda División Feminina Galega no campo vigués de Samil.
Unha historia que comeza, e ademais da mellor forma posible para as rapazas verdes do Arenteiro. O equipo dirixido por Alba Rodríguez lograba un gran triunfo ante as viguesas do Casablanca, sendo Letizia Hermida a autora do histórico primeiro gol do Arenteiro Feminino en competición oficial, mentres que María Juan e Lidia Rodríguez completaban o 0-3 a favor das carballiñesas.
Ficha do partido: https://www.futgal.es/pnfg/NPcd/NFG_CmpPartido?cod_primaria=1000120&CodA...
A Xunta adxudicou en total de 96 prazas en toda Galicia, das que 7 pertencen a centros de saúde das comarcas do Carballiño e O Ribeiro, unha selección que se realizou mediante concurso de méritos para incentivar a cobertura de prazas vacantes en Atención Primaria, as chamadas "prazas de difícil cobertura", un sistema que ven a paliar o deficit de facultativos que mantiña baixo míninos varios centros de saúde.
Nesta primeira quenda para a adxudicación de prazas de médicos de cabeceira , cubrironse as que estaban vacantes nos centros de saúde de Piñor, San Amaro, Punxín e Beariz na comarca do Carballiño, mentres que na comarca do Ribeiro incorpóranse novos médicos nos centros de saúde de Cenlle, Leiro e Beade.
Ademáis de cubrir as prazas nos citados centros de saúde, o novos facultativos reforzarán as gardas médicas nos PAC do Carballiño e Ribadavia, onde se atende as urxencias en horario entres as 3 da tarde ás 8 da mañá.
Comezan os populares carballiñeses na súa proposta subliñando que os artigos 15 e 16 do Real Decreto Lexislativo 2/2004, do 5 de marzo, polo que se aproba o texto refundido da Lei Reguladora das Facendas Locais indican que as entidades locais deberán acordar a imposición e supresión dos seus tributos propios, e aprobar as correspondentes ordenanzas fiscais reguladoras destes, que deberán conter, polo menos a determinación do feito impoñible, suxeito pasivo, responsables, exencións, reducións e bonificacións, base impoñible e liquidable, tipo de gravame ou cota tributaria, período impositivo e pagamento.
Nesta mesma exposición de motivos desta moción, o grupo municipal popular di que "certo e que os concellos, a hora de determinar os seus impostos propios, deben actuar con responsabilidade, tratando de facer as previsións correctas de recadación que permitan cubrir os gastos dos servizos públicos que ofertan. Pero ao mesmo tempo todos os grupos políticos podemos estar de acordo en que o exercicio 2023 ven marcado por unhas circunstancias que o fan excepcional. De feito, a inflacción atópase hoxe nuns niveis inasumibles para moitas familias, sen que se vexa unha solución a curto prazo para esta situación".
Recordan como "ao mesmo tempo, estas circunstancias excepcionais levaron a que o Congreso dos Diputados, a instancia do Goberno Central, decidiu manter a suspensión das regras fiscais, en liña coa recomendación da Comisión Europea, ante a crise desatada polo encarecemento de prezos derivados da invasión rusa de Ucraína. Estas circunstancias deben levar tamén a reflexión por parte de todos os grupos municipais, a hora de fixar os impostos, taxas e prezos públicos para o ano 2023".
Nesta mesma cronoloxía, o grupo municipal do PP no concello do Carballiñi lembra que "xa dende o ano 2019, unha reforma xeneralizada de toda a política fiscal do noso Concello, sen que ata o de agora se levase a cabo ningunha medida polo o Grupo de Goberno. Para levar a cabo esta reforma fiscal, o Grupo Municipal do Partido Popular propuxo a reforma do IBI, baixando o tipo impositivo e tamén creando novas bonificacións para autónomos e pequenas empresas; a reforma do ICIO, a fin de non gravar as obras que se levasen a cabo por autónomos e pequenas empresas dentro da súa actividade; a reforma da ordenanza do lixo, adaptando as tarifas a nova realidade da nosa vila; e xa o ano 2021 opuxémonos con toda rotundidade a elevación das taxas municipais en función da inflacción, que nese momento era do 2,7%, cantidade que hoxe nos parece case ridícula".
Consideran os populares que "a día de hoxe aínda e posible levar a cabo unha reforma dos impostos e taxas municipais que, mais alá de pensar exclusivamente nas necesidades financeiras do Concello pense na veciñanza, e como se pode colaborar desde o Concello a paliar a situación que se espera para o ano 2023".
Desta maneira, indican como "desde a responsabilidade e a prudencia que debe ter un concello, creemos que e posible a redución dos ingresos públicos, sen que por elo sufran os servizos municipais. Basta ver que nos dos últimos exercicios o Grupo de Goberno practicamente gastou a totalidade do remanente do Concello, e a pesar de elo o Alcalde xa está a falar de que neste ano o superavit será de 600 ou 700 euros. En definitiva, o concello ten capacidade económica para estudar unha rebaixa dos impostos (principalmente o IBI e o ICIO, pero sen descartar a rebaixa do imposto de vehículos de tracción mecánica ou incluso da plusvalía), e desde logo para rebaixar de forma xeneralizada todas as taxas e prezos públicos, ou a lo menos, non subilas, como se quixo facer o ano pasado".
En todo caso, matizan que non pretenden que "estas baixadas xenerais se manteñan no tempo indefinidamente, senón que permanezan mentres a situación económica actual sexa a actual, e as regras fiscais continúen suspendidas. Unha vez a economía española se recupere, entendemos que o concello do Carballiño deberá levar a cabo unha análise completo da súa política fiscal, adaptándoa as novas circunstancias, pero neste momento deberíanse tomar decisións que traten de reducir as consecuencias da inflación para os nosos veciños".
Por todos os motivos expostos, o Partido Popular no concello do Carballiño demandará do pleno da corporación un acordo para que por parte do departamento correspondente se estude a posibilidade de implantar bonificacións e reducións nos tipos de gravame dos impostos municipais actualmente vixentes.
Así como polo mesmo departamento se estude tamén posibles reducións ou supresións das taxas e prezos públicos vixentes.
E por último que se modifiquen as ordenanzas para poder aplicar estas rebaixas, aínda que solo fose para o ano 2023, ou para o tempo en que sigan.
Poins nada, que chegan as eleccións -andamos pretiño delas- e xa saen os caracois a posicionarse cos seus egos. Un que di que se presentará pra que os veciños dean o visto bo a súa "brilante xestión". O outro, máis timorato, di que hai que facer moi fondas reflexións, e que precisa que o seu partido o arroupe e o mime pra voltar ás andadas -é dicir, outro paripé-.
En definitiva, PPSOE, o de sempre. Mesmas políticas caducas, mesmos partidos secuestrados polos egos de tres ou catro. Sen democracia interna, sen proceso claro e transparente de primarias, sen a máis mínima autocrítica -o PP ven de acadar os peores resultados quizáis da súa historia no Carballiño, e protagonizou unha pseudooposición que probablemente o leve a empeorar eses pésimos resultados-, e todo elo en detrimento dunha comarca -o que acontece na vila do Carballíño ten trascendencia en toda a comarca- que penso que non merece tal apatía.
É moi difícil pedirlle a un alcalde que ven de gañar dous comicios que se retire, que non lle faga máis dano á comarca. É máis sinxelo pedirlle ao outro candidato da oposición que se ten tantas dúbidas e precisa de tanto arroupamenteo e paripés é mellor dar paso a xente con maior estímulo e ambición. E que lle plantexe ao presidente do PP e do Arenteiro un proceso de primarias sen tutelas.
Agardo que tanto Espazo Común como BNG lle dean un pouco máis de motivación á soporífera carreira de caracois, e que non teñamos que lamentar de aquí a catro anos e medio que temos o que merecemos. A apatía do PP é o colaborador necesario pra unha nefasta maioría absoluta do fumeguismo, tan apático en xestión como o propio PP.
Páxinas
- « primeira
- ‹ anterior
- …
- 176
- 177
- 178
- 179
- 180
- 181
- 182
- 183
- 184
- …
- seguinte ›
- última »
