Por segundo ano consecutivo O Carballiño viivirá un festa recibindo no municipal de Espiñedo a un equipo da primeira división, agás os catro equipos que desputarán a Supercopa de España, que son R. Madrid, Barcelona, Betis e Valencia. Será os dias 12 ou 13 de novembro cando se xogue o partido na que  sen dúbida volverá vivirse unha xornada histórica no Carballiño.

O Rival do Arenteiro sairá por sorteo entre os outros 16 equipos da máxima categoria do fútbol español. A eliminaria será a partido único, igual que foi o ano pasado o Valencia CF. Ademáis, o Arenteiro clasifícase para as semifinais da Copa Federación, tamén en eliminatoria a partido único que se xogará o próximo mércores dia 19 deste mes de outubro en Espiñedo ante o histórico equipo do Real Unión de Irún, que milita na actualidade na Primeira Federación.

E todo elo, grazas ao triunfo ante os canarios do Panadería Pulido San Mateo de As Palmas de Gran Canaria, ao que o Arenteiro derrotou por 3-0 nunha gran tarde de fútbol nun Espiñedo que viviíu un gran ambiente, con máis de 1.600 afeccionados que festexaron esta nova proeza dos verdes.

Vídeo-resumen do partido na TVG: https://www.g24.gal/-/o-arenteiro-estara-no-bombo-da-copa-do-rei

Os comerciantes galegos poden adherirse a partir deste xoves 13 de outubro, ao programa do Bono Activa Comercio, unha iniciativa á que a Xunta de Galicia destina 5M€ coa previsión de chegar a mobilizar 17M€ en compras no comercio de proximidade de toda Galicia.

Tal e como vén de publicar o Diario Oficial de Galicia, os establecementos poderán sumarse a través da web bonosactivacomercio.gal ata o próximo 30 de novembro. No caso dos clientes, poderán descargar a través do móbil os seus descontos neste mesmo espazo web desde o próximo 24 de outubro, data na que tamén poderán empezar a utilizarse. O programa, que prevé chegar a máis de 160.000 persoas, ofrece un bono desconto de 30 euros que se poderá empregar na lista de establecementos adheridos a esta iniciativa. A principal novidade deste ano é a ampliación de tramos de desconto e os importes.

Así, o desconto será de 5 euros para compras a partir de 20 euros e inferiores a 30 euros; 10 euros para compras desde 30 euros e inferiores a 50; e de 15 euros se superan os 50 euros de compra.

O obxectivo desta iniciativa é axudar á economía das familias contribuíndo a aliviar o impacto da inflación na capacidade de gasto dos fogares galegos; así como incentivar as compras no comercio de proximidade, nunhas datas clave para a actividade comercial.

Tras tres días de ponencias, debates, coloquios, proxeccións audiovisuais e visitas culturais, clausururábe na Adega Pazo Tizón de Moldes o XII Congreso do Centro de Estudios Chamoso Lamas, que se caracterizou polo elevado interese e nivel das investigacións presentadas, a diversidade temática e, sobre todo, pola alta participación, cunha media de asistencia de cincuenta persoas, chegando nalgunha xornada ao global dun centenar de asistentes.

O profesor de Historia da Arte da Universidade de Santiago, o carballiñés David Chao Castro pronunciou a conferencia de clausura, na que puxo de manifesto a necesidade de preservar aqueles elementos de interese arquitectónico e paisaxístico máis emblemáticos da vila do Carballiño.

Ao termo da exposición, e coa presencia dos alcaldes do Carballiño e Maside, así como da alcaldesa de Boborás, realizouse un breve balance deste encontro bianual multidisciplinar, destacando as aportacións das conferencias e comunicacións ao coñecemento e divulgación do patrimonio cultural e medioambiental das terras do Carballiño e do Ribeiro, que se considera de alto valor, e que serán publicadas o próximo ano nunha edición dedicada a este congreso da revista Argentarium, que promove o Centro de Estudios Chamoso Lamas.

O PSdeG-PSOE de Punxín denuncia que o grupo de goberno do Partido Popular oponse a unha iniciativa socialista na que lle solicitan ao Concello que inste á Xunta de Galicia a continuar coas labores de escavación no castro de Lás, a deixar de desmantelar os servizos que se viñan prestando e a realizar un mantemento adecuado do lugar. As concelleiras socialistas censuran a postura do alcalde, Manuel Vázquez Fernández, e do seu equipo de goberno e acúsanos de “mirar para outro lado”, namentres se descoida o patrimonio e se suprimen servizos básicos no municipio.

O Grupo Municipal Socialista levou ao último pleno da corporación municipal dúas iniciativas que tiñan por obxectivo “impulsar a mellora do municipio, ofrecendo unha mellor calidade de vida á veciñanza e traballar no coidado do patrimonio e dos recursos turísticos de Punxín”. O PP votou en contra de ambas propostas “amosando, unha vez máis, a falla de interese por Punxín, polos seus recursos e pola súa veciñanza”, afirman as concelleiras socialistas.

No relativo a moción na que o PSdeG-PSOE de Punxín pedía a continuación das escavacións no castro de Lás, a voceira socialistas, Lorena Peleteiro Vázquez, subliña que “nos últimos tempos, a Xunta de Galicia vén desmantelando os servizos que se viñan prestando no castro de Lás”. Unha situación, que en palabras da voceira socialista, “súmase ao total abandono por parte do goberno galego destas instalacións”, circunstancia que segundo Peleteiro “agrávase co silencio cómplice dos gobernos municipais de Punxín e San Amaro, que continúan calados e sen reclamar, o que é un dereito da nosa veciñanza e un deber da administración autonómica, como é realizar investimentos para o coidado, mellora e mantemento do noso patrimonio”.

Peleteiro Vázquez afirma que “non entendemos que tendo un dos castros máis grandes do noso país, cunha extensión aproximada de 10 hectáreas, e que debería ser un referente turístico da comarca, atopémonos co abandono e co desleixo e a oposición do goberno municipal”. A voceira socialista fai fincapé en que o PP “oponse a traballar para converter Las nun referente turístico e para rematar co desmantelamento e o abandono que está a sufrir nos últimos anos”.

Dende o PSOE de Punxín amosan a súa “decepción e tristeza” pola oposición do goberno municipal a esta iniciativa, e máis cando este ano, “cúmprense 100 anos do comezo das primeiras escavacións, dirixidas por aquel entón por Florentino López Cuevillas”. As e os socialistas tamén lembran que a día de hoxe “só se escavou un 15% do total da superficie do Castro”, motivo polo que consideran “moi importante” que se prosiga con estes traballos.

O PP tamén se opuxo a outra iniciativa socialista na que instaban ao Concello a realizar un plan de legalización e acondicionamento das diferentes fosas sépticas do municipio. As socialistas explican que no municipio “existen unha serie de fosas sépticas que se atopan en situación irregular, sen legalizar e con vertidos que van a diferentes ríos, regatos e terreos colindantes”. Neste senso, tamén destacan que o Concello de Punxín “carece dun plan de baleirado das mesmas, o que causa que non se realice a limpeza e o mantemento das mesmas, ata que están rebordando e a veciñanza alerta da situación”.

A Deputación de Ourense prestará soporte aos autónomos ourensáns para a implantación dunha ferramenta dixital gratuíta -Serviautónomo- que facilita o contacto con clientes en toda España e ofrece un amplo abano de servizos para a xestión diaria dos seus negocios. O presidente do goberno provincial, Manuel Baltar, comprometeu o apoio da Deputación a esta iniciativa durante o encontro que mantivo no Pazo Provincial coa directiva da Asociación Empresarial de Profesionais e Autónomos (AEPA) de Ourense, representada polo seu presidente, David Martínez, e o tesoureiro, Julio Vila, ambos acompañados polo director da firma responsable da aplicación, Ricardo Herrera.

Manuel Baltar aplaudiu un proxecto que "ofrecerá atención personalizada aos 23.000 autónomos da provincia, un sector empresarial e de emprendemento de gran importancia no noso territorio como así o reflicten os datos do Observatorio Económico Ourensán, e como tamén se puxo de manifesto durante un momento tan difícil como foi a pandemia".

O presidente do goberno provincial afirmou que hoxe, máis que nunca debido á situación económica e aos elevados custos de produción, "a Deputación ten que estar aí apoiando e colaborando cos autónomos na posta en marcha dunha nova ferramenta dixital que facilita a interconexión, o contacto cos clientes, a xestión económica e información permanentemente actualizada". Nesta liña, Manuel Baltar resaltou a "estreita colaboración" do goberno provincial con este colectivo, con fitos como a implantación de axudas directas para aliviar o primeiro impacto da crise derivada da pandemia.

Un soporte con perspectiva provincial para toda España

Para difundir esta nova ferramenta, o obxectivo é realizar accións formativas por toda a provincia de Ourense, favorecendo a capilaridade dun instrumento que busca acercar os servizos dos autónomos ourensáns a clientes de toda España.

Como presidente de AEPA Ourense, David Martínez agradeceu a cooperación da Deputación nun proxecto "que nos vai axudar moito, pois somos un dos colectivos máis afectados pola crise que atravesamos". Esta aplicación, dixo, "facilitará en todo momento o acceso aos servizos de calquera profesional, transformándose nun medio de gran utilidade para situar aos autónomos da provincia en calquera punto de España". Martínez resaltou a posta en marcha "no berce dun dos primeiros autónomos da historia: O afiador".

Serviautónomo cubre tres aspectos fundamentais no traballo dun autónomo, explicou Ricardo Herrera: a presenza en Internet; a creación dun rede de contactos con clientes; e a xestión diaria do seu negocio. A plataforma conecta dun xeito rápido e sinxelo ás persoas que buscan un determinado produto ou servizo cos profesionais máis próximos que lles poden axudar. Ademais de dispoñer dun espazo web propio para promocionar os seus produtos ou servizos en internet, o autónomo tamén pode xestionar desde o seu móbil a axenda de traballo, elaborar facturas, controlar operacións ou acceder a información sobre axudas ou normativas.