O Plan de Infraestructuras Sanitarias de Atención Primaria da Consellería de Sanidade inclúe na chamada fase 1 do mesmo -que terá carácter preferente na súa execución nos próximos anos- ao futuro Centro Integral de Saúde do Carballiño e ao novo centro de saúde de Boborás.

A Consellería de Sanidade indica, en canto as carencias asistenciais que presenta o actúal centro de saúde do Carballiño, que "debido á insuficiencia de espazo físico para as sucesivas ampliacións da carteira de servizos fóronse empregando para consultas salas de esperas e outras zonas da edificación non destinadas a este fin (planta de soto do edificio inicial). Tamén manifesta que o centro actual non conta cunha distribución óptima e suficiente do espazo de xeito que resulte un centro adecuado ó actual nivel de desenvolvemento como Servizo de Atención Primaria e Punto de Atención Continuada e que permita prestar unha asistencia sanitaria de calidade.

En canto ao futuro Centro Integral de Saúde para O Carballiño, Sanidade propón un edificio de 4.500 metros cadrados de superficie, que estará dividido en 22 consultas de adultos, área bucodental, despacho de traballador social, área de infecciosos, 4 salas polivalentes, toma de mostras, e área pediátrica con 4 consultas, área da muller con 2 consultas, área de fisioterapia, sala de docencia.

No PAC: 6 consultas. No COF: 3 consultas. Na área de saúde mental: 3 consultas e despacho de saúde pública.

Con respecto ao centro de saúde actual increméntase: en 8 consultas na área de adultos, sala de educación sanitaria, área bucodental con 2 consultas, sala de xuntas No PAC: 2 consultas e sala de críticos e de observación.Un área de saúde mental con 3 consultas.

Boborás

O Plan de Infraestructuras sanitarias da Xunta detecta que o actúal centro de saúde de Boborás comparte espazos con outras instalacións municipais e presenta deficiencias estructurais.

O novo centro para o concello de Boborás constará de 2 consultas de medicina, 2 de enfermería, 1 do programa da muller, 1 polivalente e urxencias e 1 respiratorios. En relación ao centro actúal  increméntanse 1 consulta do programa da muller, 1 polivalente/urxencias e 1 respiratorios, asi como sala de xuntas. O espazo consruido estimado é de 649,6 metros cadrados.

Unha nova liña directa de alta velocidade entre Ourense e Vigo, que una dunha forma directa e eficiente as principais cidades das dúas provincias e que sexa plenamente competitiva ante o coche ou o autobús. Iso é o que defenderá o PSdeG-PSOE de Ourense nos plenos da Deputación e do Concello de novembro e por iso instarán ao Ministerio de Transportes, Mobilidade e Axenda Urbana (Mitma) á elaboración dun estudo informativo que contemple alternativas para conectar as provincias de Pontevedra e Ourense. Tamén reclamarán que a institución provincial se manifeste publicamente en favor desta proposta.

O voceiro socialista, Rafa Villarino, e os vicevoceiros en Concello e Deputación, Natalia González e Nacho Gómez, mantiveron un encontro con representantes da plataforma de defensa da liña entre Ourense e Vigo por Mondariz, na que analizaron as alternativas e concluíron que esta opción é a única óptima. E que durante, polo menos, a próxima década, estas dúas cidades estarán unidas por trens de alta velocidade que tardarán case media hora máis que un coche por autoestrada, ao ter que circular dando un “rodeo inaudito” por Santiago que duplicará os quilómetros e tamén o prezo. Fronte a esta “solución estrambótica”, desde o PSdeG-PSOE ourensán defenden que a opción por Mondariz permitiría realizar a viaxe a Vigo en menos de media hora e a Pontevedra nuns 40 minutos.

“Teríamos mellores tempos que Cerdedo e sería máis económica ao aproveitar a saída sur de Vigo, actualmente en tramitación”, sinalan. Os socialistas recordan que a cidade olívica e a súa área metropolitana son o “maior mercado potencial de Galicia” e, ademais, “mantén unhas relacións de mobilidade moi intensas coa provincia ourensá”, polo que “é obrigado unha boa conexión ferroviaria canto antes”. Villarino asegurou que “o trazado por Cercedo é antieconómico por afastado” e defendeu o estudo dun trazado “máis rápido e directo”, que redundaría no beneficio de Ourense e Vigo.

“Estamos falando de que Vigo e Ourense estarían conectados en só 25 minutos, e Vigo terá 1 hora e 5 minutos menos para chegar ata Madrid”. Neste sentido, o socialista defendeu que a conexión por Mondariz “podería empregar unha futura infraestrutura entre Galicia e Portugal tamén por liña férrea”, de maneira que o custe da obra sexa “máis axeitado, compartido entre administracións e incluso entre distintos países”. Os socialistas explican que viaxar en tren de Ourense a Vigo polo actual corredor do río Miño supón percorrer 132 quilómetros nunha hora e media. Para chegar de Ourense a Vigo polo bypass de Santiago percórrense 178 quilómetros, actualmente en hora e media, mais nun futuro próximo podería reducirse ata unha hora e quince minutos. O trazado por Cerdedo precisaría de algo máis de 50 minutos tras consumir 114 quilómetros. Sen embargo, unha opción directa por Mondariz permitiría unir Vigo e Ourense en pouco máis de 25 minutos. “É a única alternativa que reduce quilómetros cun custe económico estándar. Esta opción tamén posibilitaría unir Madrid e Vigo nunhas 2 horas e 45 minutos, fronte ás 3 horas e 50 minutos que os trens do modelo ‘Avril’ precisarán a partir do verán de 2022, ao ter que circular polo rodeo de Santiago”.

A alternativa que agora defende o grupo provincial socialista cámbia notablemente a zona de afectación do trazado na comarca carballiñesa. A única alternativa ata agora contemplada polo Goberno, a coñecida como a alternativa de Cerdedo, tería o seu trazado a través do municipio do Irixo e a conexión coa liña de Santiago a altura da parroquia de Cangues, mentres que a proposta de Mondaríz tería a súa conexión coa liña de Santiago moi probablemente dentro do territorio municipal do concello de Maside, afectaría tamén moi posiblemente ao concello de San Amaro e a outros concellos do Ribeiro, os máis próximos a zona montañosa do Faro de Avión.

Un plátano de Canarias por 1 euro, ésta é a campaña solidaria cos escolares da illa da Palma que levan a cabo durante esta semana -ata o próximo venres dia 5 de novembro- nos colexios Virxe da Pena da Sela do Irixo e no CPI Virxen da Saleta de Cea, e por iniciativa das comunidades escolares de ambos centros educativos. Todo canto se recaude  será enviado á Illa da Palma.

Ademáis, esta semana solidaria nos colexios do Irixo e Cea, que conta coa colaboración dos concellos do Irixo, Piñor e San Cristovo de Cea, complétase coa recollida de cartas e mensaxes de ánimo, debuxos e manualidades, que tamén se remitirán á illa da Palma para que os reciban os máis de mil nenos e nenas que quedaron sen colexio, e para que poidan recibílos cando regresesen ás aulas. 

Con esta iniciativa, as comunidades escolares do Irixo e Cea queren, ademais, sensibilizarnos ante a catástrofe pola que están atravesando na illa canaria da Palma como consecuencia da erupción do volcán "Cumbre Vieja".

A voceira municipal do BNG no concello do Carballiño, Sofía García, ven denunciando desde hai xa dous anos ante o concello a situación na que se atopa o edificio do conservatorio municipal do Carballiño e o perigo que supón para os nenos e nenas.

Tal como indica a voceira nacionalista “ hai lousas en diferentes caras do edificio que caeron e outras están ao caer, tamén hai fiestras rotas nas aulas, e é evidente que é moi perigoso sobre todo para os máis cativos”.

Levamos denunciando esta situación ante o concello , dí García, desde hai dous anos e a resposta dos responsables municipais sempre é a mesma, “que xa van comezar as obras”, porén as obras non comezan e a situación continúa agravándose cun deterioro cada vez máis evidente.

Desde o grupo municipal do BNG do Carballiño esiximos a reparación do conservatorio municipal por constituír unha situación de perigo inminente que non se pode consentir.

Asi o avanzou o presidente da Xunta, os novos centros de saúde que Sanidade proxecta para os concellos de Boborás e O Carballiño teñen a consideración de "actuacións máis urxentes" debido as súas necesidades asistencias, ambos proxectos encadranse na "Fase 1" do Plan de Infraesturas Sanitarias previsto para acometer por Sanidade.

No caso do concello de Boborás o procedemento municipal xa está moi avanzado, xa que a Deputación completou esta semana e por delegación do propio concello, o proceso de expropiación forzosa da parcela que ocupará o futuro Centro de Saúde nesta localidade. Os terreos xa están a disposición do concello de Boborás para súa urbanización e cesión á Xunta de Galicia.

No caso do concello do Carballiño, a estas alturas, nin xiquera hai unha decisión tomada por parte do concello sobre a decisión da ubicación da parcela que pide Sanidade para albergar a construcción do novo centro de saúde do Carballiño. Para a semana que ven está prevista que volva reunirse a comisión municipal que leva este asunto que leva atascado desde principios de ano, cando tras unha entrevista do alcalde Fumega co presidente da Xunta trascendeu a intención de Sanidade para dotar a O Carballiño dun novo centro sanitario.

O titular do Goberno galego, Alberto Núñez Feijó avanzou, na rolda de prensa posterior á reunión do Consello da Xunta deste venres 29 de Outubro, que o Plan de Infraestruturas Sanitarias de Atención Primaria contempla a posta en marcha de 37 novos centros de saúde e a ampliación e reforma doutros 14.

Logo de explicar que son 51 actuacións divididas en 3 fases que afectan ao 25% da poboación galega –650.000 usuarios-, Feijóo explicou que esta planificación segue criterios técnicos e asistenciais como: a antigüidade dos centros, o seu estado de conservación ou as carencias funcionais e operativas.

Máis polo miúdo, Feijóo detallou que dentro da Fase 0 figuran 10 actuacións que xa comezaron a súa tramitación. Son 9 centros novos- Abegondo, Santa Lucía na Coruña, Antas de Ulla, CIS de Ourense, A Rúa, Moaña, Soutomaior, Vilagarcía e CIS de Vigo- e a reforma do centro de saúde de Conxo en Santiago.

Na fase 1 abórdanse 21 actuacións que teñen a consideración de máis urxentes por necesidades asistenciais. Trátase de 14 novos centros -Noia, Porto do Son, Ribeira, Sagrado Corazón en Lugo, Pantón, Ribadeo, Boborás, O Carballiño, Muíños, Caldas de Reis, o Grove, Poio, CIS de A Guarda e CIS de Cangas- e 7 reformas - Carballo, para a súa conversión en CIS, Cedeira, Culleredo, A Milagrosa en Lugo, Meira, Outeiro de Rei e Moraña-.

Dentro da fase 2 faranse 14 centros novos - Fene, San Xoán en Ferrol; Fisterra, Malpica de Bergantiños, Teo, Becerreá, Guntín, Allariz, Montederramo, Mariñamansa en Ourense, Barro, Meis, Mos e Ponteareas- e 6 reformas - Vimianzo, Foz, Praza de Ferrol en Lugo, Ribas de Sil, Viana do Bolo e O Rosal-. “Son 20 actuacións que iniciaremos na segunda metade da lexislatura”, dixo Feijóo.

O obxectivo desta programación é, segundo o presidente da Xunta, “saber o que temos que facer, centrar esforzos na ordenación asistencial máis urxente, traballar cun horizonte estable e ir solicitando aos concellos as parcelas necesarias”.

Ademais, tamén se pretende homoxeneizar as normas de deseño e construción das infraestruturas, unificar estándares técnicos e harmonizar os criterios arquitectónicos, de equipamento e medioambientais, entre outros.

Tras salientar que este plan suporá a finalización do novo mapa de centros de saúde de Galicia no que estarían “todos novos ou ampliados ou reformados”, Feijóo concluíu que, xunto coa reforma do mapa de hospitais, “nos permitirá ter un novo Servizo Galego de Saúde e un excelente Servizo Galego de Saúde”.

O Grupo Naturgy, dende a súa compañía UFD Distribución Electricidade SA, vén de comunicar ao Concello do Carballiño que procederá a efectuar unha interrupción do subministro eléctrico en varias zonas da vila o próximo día 2 de novembro, martes. O corte do subministro eléctrico producirase á primeira hora da mañá, entre as 6.00 e as 8.00 horas, segundo sinalou Naturgy ao Concello do Carballiño.

A interrupción do servicio ten como obxectivo efectuar os traballos de mantemento e desenvolvemento da rede eléctrica . Para realizar os traballos procederase a deixar fóra de servizo unha serie de instalacións, o cal pode orixinar a referida interrupción do subministro nese intervalo de tempo.

As zonas afectadas son espazos das rúas Avenida 25 de Xullo, Ourense, Paco Luis Bernárdez e Telleira-Corzos. Segundo os datos facilitados por Naturgy ao Concello do Carballiño as instalacións eléctricas sometidas a descargo son:

Avenida 25 de Xullo. Números 2, 6, 13, 47, 55, 61, 63, 65, 80, 82, 88, 90, 108, 110, 9001, 9009.
Rúa Ourense. Números 3, 8, 13, 14, 16, 20, 22, 28, 33, 34, 35, 37, 39, 41, 42, 45, 47, 48, 49, 50, 51, 53, 55, 57, 60, 9003, 9006, 9007, 9010, 9024, 9025, 9029, 9031, 9037, 9038, 9987, 9999.
Paco Luis Bernárdez. Números 3, 11, 19.
Telleira-Corzos. Números 1, 9001, 9004, 9005, 9010.

Para calquera aclaración ao respecto os abonados poden poñerse en contacto co Grupo Naturgy, na súa delegación para Ourense, no número 900 333 999.

Segundo denuncia o BNG no Concello de San Cristovo de Cea, as bases de selección de persoal para formar parte do Obradoiro de Emprego “Via da Prata” posto en marcha pola Xunta de Galiza, e o cal inclúe ao s concellos de Piñor, Vilamarín e San Cristovo de Cea, adolecen de pouca obxectividade.

Para o Portavoz nacionalista Manuel Pérez, "existe un flagrante déficit de información sobre a forma de tramitación e resolución do mesmo, xa que se resolve directamente pola alcadía e totalmente de costas á corporación municipal".
O BNG de Cea cuestiona tamén que na tramitación deste Obradorio "se concedan demasiados puntos na entrevista persoal, sendo este un baremo absolutamente subxetivo, que desequilibra o proceso de selección mermando a importancia relativa da parte obxectiva, baseada no currículo, situación persoal e demais méritos dos candidatos".

Para os nacionalistas este proceder, "responde á clara intención por parte do PP de contratar a persoas afíns, facendo uso partidista dos recursos públicos e discriminando á veciñanza en base as súas afinidades políticas".
Debido ao exposto con anterioridade, desde o BNG de Cea veñen de solicitar a convocatoria dun pleno extraordinario no que se aporte toda a Información sobre o Obradoiro dual de Emprego “Vía da Prata” da Xunta de Galiza e promovido polos concellos de Piñor, Vilamarín e San Cristovo de Cea.

O presidente da Deputación de Ourense, Manuel Baltar, recibiu hoxe no Pazo Provincial ao recen nomeado alcalde de San Amaro, Francisco Redondo, co que analizou as principais necesidades do concello e estudou as posibles vías de colaboración coa institución provincial.

Na reunión, Manuel Baltar anunciou ao rexedor que a Deputación acometerá a reforma da estrada provincial que comunica San Amaro co veciño municipio de Maside, nunha actuación que persegue incrementar a seguridade viaria a través de intervencións como a ampliación da calzada.

Fernando Redondo tamén formulou no encontro a necesidade de financiación para rematar o proxecto de renovación do alumeado público de San Amaro, dentro do plan municipal de mellora da eficiencia enerxética, proposta que o presidente provincial se comprometeu a estudar para a súa execución no próximo ano.

Manuel Baltar, en nome da Deputación de Ourense, expresou ao alcalde de San Amaro os seus parabéns pola nova responsabilidade que asume diante da súa veciñanza, desexándolle “moitos éxitos na súa xestión, que serán tamén os éxitos da veciñanza como principais beneficiarios da acción de do goberno local”.