A vertedura detectouse na tarde deste pasado venres, na zona entre a ponte medieval de Veiga e a presa do Cuco, tinguindo de branco as augas do río Arenteiro, aínda que de momento non se advertiron danos medio ambientais, o presidente da Asociación de Pesca Deportiva Arenteiro que xestiona o couto de pesca confirmou a esta emisora de radio que "fixéronse as comprobacións oportunas tras poñer a vertedura en coñecemento do Seprona e as autoridades municipais, e non se advertíu mortandade no río".

Está por determinarse a orixe da vertedura, o Seprona abríu unha investigación, pero todo parece indicar que se trata de restos de pintura e escaiola procedentes dalgunha obra.

Extradorninarias novas as que nos trae este sábado dia 7 de Novembro, no que se rexistra a maior descenso nun dia  de persoas enfermas no Carballiño e Comarca dende a explosión vírica do pasado mes de Outubro. O concello do Carballiño rexistra hoxe 22 contaxios activos menos que onte, o que deixa a cifra actualizada en 59 casos. Tamén é moi siñificativa a baixada de enfermos no concello de Boborás, que pasa dos 14 casos de onte aos 8 que Sanidade notifica hoxe sábado, un descenso do 43% de contaxios activos en relación a onte.

Tamén continúa a tendencia á baixa desta semana o concello de Cea, que notifica hoxe 10 contaxios activos, 2 menos que onte. O único concello que empeora os datos de onte, aínda que levemente, é O Irixo que ten hoxe 3 casos, un máís que onte.

E sen novidade no resto do concellos, manteñen os mesmos contaxios deste dias: Beariz (3) Maside (2) Piñor (6) Punxín (2) e San Amaro (2). No conxunto dos nove concellos da comarca hai hoxe 95 persoas enfermas de Covid-19. 

A fonte do monumento “Munten”, do artista carballiñés Xesús Carballido, situada na Praza do Emigrante, conta con novos sistemas hidráulicos e lumínicos, permitindo ata catorce modos diferentes de funcionamento con sete cores fixas e sete secuencias de cores diferentes.
Para a súa posta en marcha elexiuse a modalidade fixa da cor violeta, característica da cocción do pulpo, nunha clara homenaxe á tradición pulpeira do Carballiño.
Trátase dunha iniciativa da concellería de Medio Ambiente, que dirixe Rita Soto, e que ten por obxectivo renovar as fontes da vila adaptándoas á normativa de eficiencia enerxética, así como a súa posta en valor como elementos de embelecemento das prazas e espazos públicos municipais.
Neste senso, esta fonte é a primeira que conta con todas as medidas medioambientais e de eficiencia enerxética establecidas, e que, polo tanto, está totalmente legalizada.
O proxecto incluiu, no tocante ao sistema hidráulico, a resposición da bomba autoaspirante con filtro, un prefiltro integrado para evitar a entrada de obxectos extraños que puideran dañar as partes hidráulicas, motores protexidos e acondicionados para soportar ambientes calurosos e niveis de humedade elevados, así como electroválvulas de enchido e baleirado. E, no tocante ao sistema lumínico, incorporouse un sistema de cambio de cor con LumiPlus Eco, un pulsador que permite 14 modos doferentes de funcionamento, con 7 cores fixas e 7 secuencias de cores diferentes, así como un cadro de control con ineterruptos horario.
O custe deste proxecto foi de 4.983,94 euros, sufragado polo concello dentro da partida orzamentaria de mantemento de xardíns da Concellería de Medio Ambiente.
O monumento “Munten”, obra do artista carballiñés Xesús Carballiño, rodeado por un estanque-fonte deseñado polo arquitecto ourensán Fernando Martínez Lamas, autor asimesmo do aparcamento soterrado e das prazas da Alameda e do Emigrante, inaugurouse no ano 2003 e foi restaurado nos anos 2014 e 2017.
O monumento, unha estrutura de ferro recuberta por 600 placas de cobre con signos arcaicos e actuáis grabados a man artesanalmente, alusivos ás culturas das máis de medio cento de cidades e países do mundo onde residen emigrantes carballiñeses, é unha homenaxe á fonda pegada da emigración no Carballiño.

O club da preferencia aos socios, con número do 1 ao 300, para que recollan o seu pase no despacho de entradas do Estadio de Espiñedo este sábado dia 7 de Novembro en horario de 11 a 13 e de 17 a 19 horas, ata agotar as 150 entradas dispoñibles para completar o novo aforo autorizado polas autoridades sanitarias.

Según este sistema, no próximo partido daríaselle preferencia aos socios con número a partir do 300, e asi mentres dure esta situación debido ás restricións motivadas pola pandemia. A boa noticia para os afeccionados do Arenteiro é que o partido ante a UD Atios a partir das 16:30 horas deste domingo 8 de Novembro será retransmitido íntegramente na WEB da Televisión de Galicia na ligazón https://is.gd/hxojQA Ademáis, en formato carrusel tamén poderá seguirse na TVG-2, alternando o partido de Espiñedo co Barco-Arousa e o Bergantiños-Vilalbés.

Por vez primeira en 14 dias de descenso diario no número de contaxios activos de coronaviurus no concello do Carballiño, os datos deste venres dia 6 de Novembro rompen esa tendencia e rexistran hoxe un incremento de 3 casos máis que onte, o que sitúa no número de persoas con infección activa no Carballiño en 81.

Non se produce ningunha variación no resto do concellos, que manteñen activos os mesmos casos que onte: Boborás (14) Cea (12) Piñor (6) Beariz (3) Maside (2) O Irixo (2) Punxín (2) San Amaro (2)

O Diario Oficial de Galicia ven de publicar a actualización das restricións vixentes no concello do Carballiño, que entraron en vigor ás 00:00 horas deste xoves dia 5de Novembro, flexibilizando un chisco as medidas que viñan aplicandose dende fai dúas semanas.

Asi, a Xunta volve permitir dende hoxe a apertura dos ximnasios no concello do Carballiño, que ata agora permanecían pechados, para a práctica deportiva aínda que limitando a actividade a que sexa individual ou para grupos de persoas conviventes. Tamén se autoriza o uso de intalacións e recintos deportivos do Carballiño, asi como os de carácter cultural, como o auditorio, con limite de aforo o mesmo que nos espectáculos deportivos terá que haber limitación de aforo, tamén para teatro, cine ou espectáculos musicais.

Polo demáis, continúan vixentes tanto a mobiliade reducida -non se pode sair nin os de fora entrar no Carballiño- e tampouco hai novidades para a hostelería e restauración, que seguirán pechadas e tan so con servizo para levar á casa ou recollida no propio local.

Boborás e O Irixo

Ambos municipios regresan á fase 2, e volven permitirse as actividades consideradas non esenciais. Desta maneira, volve permitirse a apertura de restaurantes e bares, que poderán atender no interior cun aforo do 50% e en terraza ata o 75%, e poden reunirse grupos de ata seis persoas. Ademáis, os residentes tanto no Irixo como en Boborás, xa poden desplazarse  fora do concello a aqueles municipios que non teñan restrinxida a mobilidade. Pero non poderán entrar en municipios que teñan prohibida a entrada como é o caso do Carballiño, e dende as 00:00 deste sábado noutros 59 concellos galegos.

O delegado territorial da Xunta en Ourense, Gabriel Alén, reuniuse con Ramiro Bello, presidente da Plataforma pola Defensa do Transporte Público do Carballiño e Comarca para trasladarlle a proposta da Consellería de Infraestruturas e Mobilidade de mudar os servizos de autobús do Carballiño a carón da estación de ferrocarril. Esta medida, xa lle foi proposta pola conselleira Ethel Vázquez ao alcalde, Francisco José Fumega, nunha xuntanza por videoconferencia o pasado 8 de outubro co gallo de facilitar a intermodalidade e mellorar a calidade do servizo.

O delegado territorial salientou o compromiso do Goberno galego coa mellora constante dos servizos do transporte público no concello do Carballiño e a súa contorna, e lembroulle ao presidente da plataforma que as novas concesións de autobuses previstas no Plan de Transporte Público de Galicia incorporaron as solicitudes trasladadas polos municipios da comarca, ampliando a cobertura xeográfica do trasporte público e mellorando as conexións, tanto con Santiago, como con Ourense.

Alén Castro, tamén lle ampliou información sobre a medida que implantou o Goberno de Galicia o pasado mes de xuño, pola que todos os xoves menores de 21 anos do Carballiño poden viaxar gratis pola provincia nos autobuses dependentes da Xunta.

Así mesmo, o delegado territorial amosoulle a preocupación da Xunta pola situación dos servizos ferroviarios na provincia, xa que a frecuencias anuladas con motivo da declaración do estado de alarma aínda non foron recuperadas nin Renfe ofrece previsións sobre a súa restitución.

O concello do Carballiño recibiu hoxe un galardón consistente en dúas Flores de Honra concedidas pola inciativa Vilas en Flor Galicia.
O premio foi comunicado no transcurso dun acto que se celebrou desde Santiago por videoconferencia con vintesete concellos, e no que participou a conselleira de Medio Ambiente, Ángeles Vázquez, ademais dos promotores desta iniciativa. O concello estivo representado pola concelleira de Medio Ambiente, Rita Soto.

É o segundo ano que o concello do Carballiño participa nesta experiencia, e por iso a concelleira agradeceu a concesión do galardón, que supón, según dixo, “un aliciente máis para seguir mellorando este recurso e contribuir a que os espazos naturais do Carballiño sexan cada vez mellores. Realmente, no Carballiño temos arredor de 500.000 metros cadrados de zonas verdes, plenamente integradas no casco urbano, e cuxo mantemento require un gran esforzo económico, así como en medios técnicos e persoal. É un recurso ao que destinamos anualmente unha parte importante do noso presuposto municipal, pero que damos por ben empregado, xa que representa un dos principais reclamos turísticos do Carballiño”.

Vilas en Flor Galicia é un programa anual que recoñece en forma de galardóns, chamados Flores de Honra, a traxectoria e as accións levadas a cabo polos municipios galegos na mellora e potenciación dos espazos verdes urbanos, a súa xestión sustentable, a educación ambiental e a concienciación cidadá no coidado da contorna.

Vilas en Flor é unha iniciativa de ASVINOR (Asociación de Viveristas do Noroeste), AGAEXAR (Asociación de empresas de xardinería de Galicia) e da Fundación Juana de Vega cuxos obxectivos son promover a protección, mellora e posta en valor dos espazos verdes nos municipios de Galicia e contribuír con iso a mellorar a calidade de vida dos seus habitantes e a súa cohesión social; mellorar a imaxe dos municipios e os seus encantos para visitantes e turistas; xerar espazos de formación, reflexión e debate ao redor da xestión sustentable dos pobos e cidades; promover os espazos verdes como punto de encontro de relacións sociais interxeracionais; e mellorar a conciencia social cara ás políticas de sustentabilidade ambiental e potenciación dos espazos verdes urbanos.