Un centenar de personas, representando aos máis diversos estamentos da cidade de Xixón e do Principado de Asturias, asistieron este mediodía ao acto de presentación da LVIi Festa dos Pulpo, que nesta edición se lle dedica a Asturias.

A alcaldesa de Xixón, Ana González, foi a anfitriona deste acto que contó coa presencia dos alcalde, Francisco Fumega; o concelleiro de Turismo, Manuel Dacal; o portavoz do PP, Ricardo Perea, así como empresarios carballiñeses con negocios en Asturias, e representantes das entidades e empresas patrocinadoras da festa como Abanca, Aceites Abril e Cer&Ber.

Medios de comunicación de Xixón e Oviedo, de TV, radio, prensa escrita e axencias, asistiron ao evento, que comezou cunha salutación da alcaldesa, na que destacou as similitudes e boa vecindade entre Galicia e Asturias, e fixo mención de ter raíces ourensans. Así mesmo, destacou a Festa do Pulpo do Carballiño como unha das grandes celebracións gastronómicas de Galicia.

E por iso animou aos xixoneses e asturianos a asistir á Festa.

Francisco Fumega agradeceu a deferencia pola súa asistencia ao acto e destacou as cualidades da Festa do Pulpo.

Tamén fixo mención da forte ligazón empresarial entre O Carballiño e Asturias, citando en concreto á cada de pulperías A Feira e Cer&Ber.

O acto, ao que tamén asistiron representantes da Delegación do Goberno en Asturias e do sector empresarial, hostaleiro e gastrinómico de Asturias, estuvo animado polo gaitero Carballiño Isidro Vidal.

Tras as salutacións das autoridades efectuouse unha degustación de empanada, pulpo á feira e carne ao caldeiro.

Dende o Concello de Piñor infórmase da posta en marcha dunha ESCOLA DE EMPODERAMENTO FEMININO, unha nova iniciativa financiada pola Secreataría Xeral da Igualdade que consiste nun curso formativo destinado exclusivamente a mulleres, no cal se impartirán todo tipo de contidos vinculados co empoderamento da muller.

A idea é fomentar a autoestima, as potencialidades a nivel persoal, a seguridade física e psicolóxica loitando contra os estereotipos de xénero e permitindo que as mulleres participantes sexan quenes de percibir todo o que son capaces de conquerir por sí mesmas, pois moitas veces son o motor principal nos seus fogares, traballos... pero non son plenamente conscientes delo.

A invisibilidade da muller ó longo da historia perpetuou un sistema patriarcal no cal a muller adoita ter un papel secundario. A Escola de empoderamento feminino de Piñor contará con 16 sesións de 2h de duración, sendo un total de 32 horas formativas que versarán sobre os seguintes temas a traballar:

1- Autoestima e crecemento persoal: tratarase de que as participantes traballen a súa autoestima, coa risa, o baile e a relaxación como principal antídoto aos problemas emocionais e do estado de ánimo que na actualidade se presentan como unha das principais causas de enfermidade na poboación feminina (6 sesións).

2- Coidar de coidarnos: nun contexto rural no que os coidados informais están en mans de mulleres de forma xeneralizada, as persoas coidadoras de dependentes son un colectivo moi vulnerable. Trataremos de que as participantes recoñezan a importancia de coidar da súa saúde, fomentando o autocoidado. (4 sesións).

3- Autodefensa persoal: abordando tódalas áreas (física, psicolóxica, emocional, individual, colectiva, etc.), creando espazos seguros e ampliando as nosas posibilidades fronte ás violencias. Traballaremos a actividade física e aplicaremos técnicas básicas de autodefensa ( 3 sesións) 4- Alfabetización dixital: obradoiro de manexo de teléfonos móbiles, no que ademais como tarefa se poida elaborar algún vídeo titorial sobre o emprego dalgunha aplicación móbil por parte das persoas participantes, etc (3 sesións)

Esta actividade levarase a cabo dende o 1 de agosto ó 26 de setembro, os xoves de 19:00h a 21:00h no Centro Social (Albarona). A é totalmente gratuita e deberá formalizarse nos Servizos Sociais do Concello de Piñor antes do 1 de agosto.

Cinco Dj animarán a festa de Holi Pulpo 2019 que, na terceira edición, celebrase o sábado 27 de xullo no Carballiño.

O evento foi presentado hoxe no concello polo promotor, Uriel Bernárdez, e o concelleiro de Turismo, Manuel Dacal.

Agárdase que podan participar máis de 1.500 persoas, batindo o récord da pasada edición. As entradas poden adquirirse online ao prezo de 10 euros, e de xeito físico no Hotel Arenteiro, Little Carballiño e Loft 27 ata o mesmo sábado.

O programa previsto comezará ás 15,00 h., dese sábado 27 de xullo na Pista Vermella, coa animación do Dj Warm Up. Ás 17,30 h., partirase para o parque municipal co acompañamento dunha batucada. A festa, que contará coa animación musical dos Djs Mike Wass e Alex André, María, José Grande, Marcos Magán e Big Browsers, así como a xa tradicional pintura de cores, prolongarase ata as 22,00 h.

Pecisamente, Uriel Bernardez dixo que a festa rematará a esa hora para promover que a xente acuda á vila a cear e a continuar a “movida” polos locais hostaleiros do pobo. O empresario agradeceu a colaboración do concello e dos patrocinadores, sen cuxa axuda non se podería levar a cabo o evento, según dixo.

Manuel Dacal felicitouno por esta iniciativa que contribuía a animar as rúas e atraer xente de fóra.

A Axencia Galega de Emerxencias (AXEGA) contribuíu, mediante a instalación de material absorbente, no control e contención dunha mancha de hidrocarburos localizada no Regato do Varón, no Carballiño.

Mediante esta actuación dos técnicos do Grupo de Apoio Loxístico da AXEGA, logrouse conter o derrame e impidir que avanzase río abaixo.

Foi un veciño quen coa súa chamada ao 112 Galicia, cando estaban a piques de dar as once desta mañá, permitiu activar un operativo no que participaron os técnicos do Grupo de Apoio Loxístico en colaboración cos Bombeiros do Carballiño e os membros do servizo municipal de Protección Civil.

Segundo puideron comprobar os servizos de emerxencias alí desprazados, tratouse dun derrame de hidrocarburos que quedou estancado no Regato do Varón, á altura da Rúa Fontela. Nesa zona actuaron os técnicos de AXEGA e os Bombeiros do Carballiño mediante a colocación de mantas absorbentes, que permitiron reter a mancha e impidir que continuase o curso do regato ata a súa desembocadura no Río Avia.

Ademais, desde o 112 Galicia, puxéronse os feitos en coñecemento da Garda Civil e da Policía Autonómica co fin de determinar a orixe da vertedura.

O cartel da LVII Festa do Pulpo do Carballiño xa está na rúa. Dende hoxe, 2.000 carteis comezarán a distribuirse polo Carballiño, Galicia e centros galegos de todo o mundo.

Trátase do inicio do ciclo da Festa do Pulpo que culminará o domingo 11 de agosto, día da celebración gastronómica.

O cartel, que é obra da deseñadora carballiñesa Ari Quintas, foi presentado esta mañá no concello polo alcalde, Francisco Fumega, e o concelleiro de Turismo, Manuel Dacal, que discuparon a súa ausencia por motivos de traballo.

Francisco Fumega dixo que se trata dun cartel moi fermoso que representa á perfección a simbiose do parque municipal coa tradición pulpeira e a do escanciado da sidra, nun claro homenaxe a Asturias, a quen se lle dedica este ano a festa. Por eso agradeceu o seu compromiso co Carballiño e o seu bo facer como deseñadora para levar o nome da Festa do Pulpo polo mundo adiante.

Manuel Dacal compartiu este agradecemento e referiuse a presentación da festa o próximo luns en Xixón, con asistencia das primeiras autoridades municipais e autonómicas, así como de persoeiros e medios de comunicación de Asturias. Tamén dixo que a próxima semana íase efectuar a presentación oficial da festa xunto cos patrocinadores e corporación municipal.

A deseñadora Ari Quintas foi tamén a autora do cartel da pasada edición da festa, que tivo un éxito extraordinario, e que por eso se lle encargou o deste ano, que se espera teña tan boa acollida como o anterior.

A cuarta edición da Feira Medieval A Liorta, que se desenvolverá este venres, sábado e domingo, incluirá algunhas novidades con respecto as pasadas edicións.

Así o sábado 20 de xullo, a partir das 21,30 h., no anfiteatro da Veracruz, o grupo de teatro Dar Trela levará a cabo a escenificación histórica da primeira voda celebrada na feira do Carballiño.

Pero non será a única novidade de A Liorta 2019, senón que ao longo dos tres días haberá multitude de espectáculos de rúa, na Praza Maior e no anfiteatro da Veracruz, como combates, voo de aves rapaces, lume e aéreos sobre estruturas elevadas, ademáis de pasarrúas de músicos, títeres e zancudos, e diversas actuacións sorpresa.

Asimesmo, a partir das 18,00 h., do venres 19 de xullo, estarán abertos os postos, talleres artesanais, rincón infantil, demostración de oficios antigos e exposición de aves rapaces.

PROGRAMA A LIORTA 2019

Venres
18:00 Hrs:
Os artesáns chegados dende todos os puntos cardinais dan vida ao mercado amosando as súas artesanías e produtos.
-Apertura de talleres, rincon infantil e oficios demostrativos antigos
-Apertura da exposición das Aves Rapaces
19:00 H. Pasarrúas musical a cargo do grupo de música Turdion
19:30 H. Funcion de “títeres”(raza Pardo Bazán)
20:15 Tiro con arco gratuíto
20:30 H. Exhibición de Voo.Rapiñas do Salnés (Praza da Veracruz)
21:30 H. orco e carro Matasanum (keppler TYT)
22:00 H. Pasarrúas musical Turdion
22:30 H. Pasarrúas animado
23:00 H. Espectáculo de Lume.- Estático (TENEBRAE) Praza Maior
23:30 H. Pasarrúas musical.- Itinerante.- Turdion
24:00 H. Peche do Mercado. (Hora estimada, variará en función do público)

Sábado:
11:00 H. Apertura do Mercado e posta en marcha dos talleres
11:00 H. Apertura do Rincón Infantil e da Exposición das Aves Rapaces.
11:30 H. Contacontos infantil (Praza Pardo Bazán)
12:00 H. Pasarrúas musical Grimorium.- Itinerante.
12:30 H. Exhibición de Voo.- Rapiñas do Salnés (Praza Veracruz)
13:00 H. pasarrúas animado
13:15 H. tiro con arco gratuíto
13:30 H. Combates Medievales.- Estático.- Especialistas Hípica Celta (Praza Veracruz)
14:00 H. Pasarrúas Musical.- Itinerante.- grimorium
14:30 H. Hora “del Buen Yantar”
17:00 H. Apertura do mercado, postos e talleres en vivo
17:30 H. personaxe sobre bola xigante (niño lapiz)
18:00 H. Matasanum carro endiablado (keppler)
18:30 H. pasarrúas con zancudos e musica
18:45 H. Os Cabaleiros dos Combates recorren o Mercado.- Itinerante.- Especialistas Hípica Celta.
19:00 H. Pasarrúas musical grimorium
19:30 H. Exhibición de Voo.- Estático.- Rapiñas do Salnés.
19: 45 H. función de contacontos
20:00 H. tiro con arco
20:30 H. Combates Medievales.- Estático.- Especialistas Hípica Celta.
21:00 H. bruxa negra aparece en escena ( Keppler)
21:15 H. 1719.VODA OU FODA?
Recreación histórica da primeira voda na feira do Carballiño. Grupo de teatro Dar Trela.
21:30 H. Pasarrúas musical grimorium.
22:30 H. pasarrúas animado música e personaxes
23:00 H. A Dama de Lume.- Espectáculo de lume (keppler)
23:30 H. Pasarrúas musical grimorium
24:00 H. Peche do Mercado.

Domingo
11:00 H. Apertura do Mercado e posta en marcha dos talleres…
11:00 H. Apertura do Rincón Infantil e da Exposición das Aves Rapaces.
11:15 H. Personaxes interactúan co público
11:30 H. Espectáculo de aéreos “Elfa” (Praza Maior)
12:00 H. Tiro con arco e contacontos
12:30 H. Exhibición de Voo.- Rapiñas do Salnés
13:00 H. bola xigante (Niño Lápiz)
13:30 H. Combates Medievais.- Estático.- Especialistas Hípica Celta
14:00 H. Pasarrúas Musical.- Itinerante.- Turdion
14:30 H. Hora “del Buen Yantar”
17:00 H. Apertura do mercado,postos e talleres en vivo
17:30 H. O Fauno.- Itinerante.- Cano Canyon
18:00 H. Matasanum e bruxa negra incordian polo mercado
18:30 H. Os cabaleiros dos Combates recorren o Mercado.- Itinerante.- Especialistas Hípica Celta.
19:00 H. Pasarrúas musical turdion
19:30 H. Exhibición de Voo.- Estático.- Rapiñas do Salnés.
20:00 H. funcion titeres
20:30 H. tiro con arco
21:00 H. Combates Medievales.- Estático.- Especialistas Hípica Celta.
21:30 H. A bruxa negra Keppler.
22:00 H. Pasarrúas musical grimorium.
22:30 H. Espectáculo de aéreos “O Mensaxeiro da sabiduría antiga” (Praza Maior)
23:00 H. Saída do pasarrúas cos fachos ardendo e música pola rúa principal ata a Igrexa da Veracruz.
23:30 H. Chegada á Igrexa da Veracruz e solta de “farolillos”.
24:00 H. Tenebrae.- Espectáculo estático na Veracruz.- keppler.
24:00 H. Peche do Mercado.