A Axencia Galega das Industrias Culturais -AGADIC- volve incluir ao Festival de Teatro Gaelgo do Carballiño dentro dos eventos escénicos máis importantes de Galicia, e outórgalles unha subvención para este ano 2019 de 15.000 euros.

O ano pasado AGADIC deixara sen axuda ao certame teatral carballiñes ao considerar daqúela que non cumplía os requisitos para subvencionálo.

Agora, AGADIC ven de facer pública a resolución pola que se outortan as axudas deste ano, mediante adxudicación por concorrencia competitiva para este tipo de festivais escénicos.

O Festival de Teatro Galego está organizado na actualidade pola Asociación FETEGA e tradicionalmente viña celebrándose dende a súa fundación no ano 1989 a principios do mes de Setembro, aínda que na edición de 2018 por vez primeira na súa historia adiantouse ao mes de Agosto.

Puideron optar a esta liña de subvencións os encontros celebrados en Galicia entre o 1 de novembro de 2018 e o 31 de outubro de 2019, que contasen cunha traxectoria de polo menos dúas edicións anteriores e que ofrecesen nos seus carteis un mínimo de seis compañías ou grupos, entre outras condicións.

As bases fan fincapé na consideración deste tipo festivais como un sector cultural estratéxico para Galicia e no impulso da súa profesionalidade, de xeito que se esixe que polo menos a metade dos concertos ou representacións programadas sexan de pago, agás no caso dos festivais escénicos de rúa.

A Xunta busca deste xeito contribuír á consolidación dun mapa galego de festivais de carácter profesional, así como a dinamizar a contratación artística e a creación de públicos nestes sectores culturais.

Os días 16, 17 e 18 de xullo celébrase unha nova edición do cine de verán ao aire libre, Flores de cine, unha actividade promovida polo Cine-Club Carballiño para as noites de verán na baixada á Flores.

Proxectaránse tres películas na baixada de Flores, en horario de 22:30 horas.

Este ano os títulos escollidos son os seguintes:

O martes 16 comeza este ciclo cun clásico do ano 1957, "Doce hombres sin piedad", gañadora do Oso de ouro no Festival de Berlín dese ano e que conta cunha memorable actuación de Henry Fonda.

O mércores día 17 proxectaráse "En el calor de la noche" (1967), un thriller gañador de 5 Oscar e 3 Globos de Ouro. Está protagonizada por Sidney Poitier e Rod Steiger.

Completaráse este ciclo cinematográfico o xoves día 18 con "La chica del puente", de P. Leconte, para moitos unha das grandes películas do ano 1999.

Na seguinte ligazón podes escoitar o programa especial de COPE O Carballiño dedicado ao concello de Boborás e a festa histórica "1809: A Batalla", que se celebra esta fin de semana, sábado 13 e domingo 14 de Xullo, en Pazos de Arenteiro.

http://copecarballino.es/content/programa-especial-1809-batalla-de-pazos-de-arenteiro

Nos arquivos adxuntos podes descargar toda a programación e información de interese para gozar das distintas actividades:

Sete comparsas e dúas charangas animarán o desfile do Entroido de Verán, que terá lugar este sábado, 13 de xullo, ás 21,00 h.

A partir das 19,00 h., haberá animación de rúa coas charangas Castro Vello e Doctor Anchoa. No desfile estarán as comparsas Os Liborianos, Os Picapedra de Aspadisi, Os 100TOLOS, Fantasía Mundo Fénix de Partovia, Os Arrieiros de Dacón, Os Azucarados de Maside, a Asociación Cultural do Castro de San Amaro e as carrozas de Parada, así como as charangas Castro Bello e Doctor Anchoa.

O percorrido será o seguinte: Praza da Veracruz, Curros Enríquez, Rotonda da Alameda, Avda. Xullo R. Soto, Centro Galego de Bos Aires, Tomás Mª Mosquera e Praza Maior.

Ás 23,30 h., a orquestra Grupo Limón animará a verbena na Praza Maior.

ENTROIDO INFANTIL

O Entroido de Verán comezará este venres dia 12, ás 10,00 h., cun obradoiro de máscaras na Praza Maior, e a partir das 11,30 h., baile infantil de disfraces con animación do DJ Tibu.

Pola tarde e noite, venres de entroido nos locais de hostalería, con pinchos gratuitos para as persoas disfrazadas, e a partir das 23,00 h., baile de disfraces cunha espectacular disco-móbil e Dj na Praza Maior.

GRUPO TATTOO

Así mesmo, o Grupo Tattoo actuará o domingo, 14 de xullo, a partir das 21,00 h., na Praza Maior.

Será a proposta que se presentará por parte do grupo de goberno socialista ao pleno de organización do concello convocado para este xoves dia 11 ás 10 da mañá.

A alcaldía terá unha dedicación exclusiva cunha retribución bruta anual de 39.800 euros, distribuidos en 12 pagas mensuais e dúas extraordinarias de igual contía.

A Concellería de Industria, Emprego e Dinamización Turística, que obstenta o concelleiro Manuel Dacal, terá unha dedicación parcial do 80%, cunha retribución bruta anual de 12.320 euros,

A Concellería de Deportes e Comercio, da que é a súa titular a concelleira Silvia Baranda, contará cunha dedicación parcial do 70%, cunha retribución de 10.780 euros ao ano.

Tamén terá unha dedicación parcial  do 70% e unha retribución de 10.780 euros anuais  a concelleira Guadalupe Sobrado, responsable da concellería de Benestar Social, Igualdade, Sanidade e Educación.

Estaba prevista unha cuarta dedicación parcial do 50% para o concelleiro de cultura Diego Fernández, pero éste comunicou ao alcalde que renunciaba a ela, toda vez que terá unha das dedicacións do grupo socialista na Deputación Provincial.

Nos anteriores mandatos municipais a norma establecida viña sendo a de dúas concellerías con dedicacións parciais, agora pasan a ser catro.

Neste mesmo pleno, determinaráse a periodicicade das sesións plenarias ordinarias, que terán carácter mensual, pasando a celebrarse os último dia mércores de cada mes.

A delegada territorial da Xunta en Ourense, Marisol Díaz Mouteira, acompañada da xefa territorial da Consellería de Política Social, María José Fernández Laso, visitou aos participantes da primeira quenda dos campamentos específicos para persoas con discapacidade que a Xunta, a través da Consellería de Política Social, organiza na Residencia de Tempo Libre do Carballiño. O campamento Facendo Camiño trátase dunha experiencia educativa e artística para 45 persoas con discapacidade intelectual que se realizará ao longo deste verán neste centro residencial durante tres quendas.

Díaz Mouteira coñeceu as actividades que este programa nesta quenda ofrece durante 10 días a 15 usuarios, con idades comprendidas entre os 19 a 25 anos. Así, o educador Xabi López explicoulle que as e os participantes realizarán diversos obradoiros teatrais (expresión corporal, improvisación, atrezzos...) e rodarán diversas pezas audiovisuais musicais de diferentes formatos (videoclip clásico, lipdub, stop motion, flashmob...). Ademais complementarán a súa estancia xogando e coñecendo os arredores de O Carballiño e a súa estreita relación co Camiño, favorecendo así a súa inclusión plena na propia comunidade. Segundo os seus monitores “esa é a base real do programa: facer camiño pola inclusión social a través das artes”.

A representante do Executivo galego indicou que esta modalidade de campamentos de verán permiten gozar, durante 10 días, dunha estancia socializadora e de convivencia, nun espazo lúdico, humano, integrador, formativo e seguro; mediante o desenvolvemento de actividades dirixidas ao fomento de habilidades sociais, o contacto coa natureza e o mar, ao coñecemento da propia cultura e á educación para a saúde.

En opinión de Marisol Díaz, a Xunta promove este tipo de iniciativas co fin de que as persoas con discapacidade participen actividades de ocio adaptadas as súas necesidades e accesibles.

En total, a nivel autonómico, ofrécense un total de 185 prazas, ademais de no centro residencial do Carballiño, no albergue xuvenil Gandarío de Bergondo (A Coruña) e na Residencia de Tempo Libre de Panxón, Nigrán (Pontevedra).

As persoas participantes teñen recoñecida unha porcentaxe de discapacidade igual ou superior ao 33% e unha idade comprendida entre os 11 e os 40 anos, e dispoñen de servizo de aloxamento e manutención en réxime de pensión completa.