Por segunda vez o órgano autonómico encargado de supervisar o cumplimento das normativas nas entidades locais, entre elas a lei de estabilidade e sostenibilidade presupostaria, pídelle ao concello do Irixo que elabore e remita á Consellería de Facenda un plan económico-financieiro para correxir os desequilibrios no gasto.

Desta maneira, o órgano competente en materia de supervisión volve "apretarlle as tuercas" ao concello do Irixo pola súa deficiente xestión económica.

Según os datos recollidos no informe elaborado polos técnicos de Facenda, o concello do Irixo veráse obrigado a cadrar a súas contas a través dun plan económico-financieiro, tras detectarse desequilibrios que poñen en perigo a estabilidade presupostaría da institución municipal que goberna o támden formado por Manuel Penedo e Manuel Cerdeira, alcalde e vicealcalde, respectivamente.

José Manuel Iglesias, que a principios do pasado mes de Decembro accedía á alcaldía de Maside tras a renuncia de Celso Fernández, vai trasladar ao pleno da Corporación a celebrar este mércores 30 de Xaneiro a súa proposta para rebaixar os impostos municipais do IBI e o ICIO.

O rexedor municipal anuncia que vai propoñer a redución ao 0,4% do tipo impositivo municipal no Imposto de Bens Immobles, que se encontra no 0,5, polo que se vai aplicar "a máxima redución que os concellos poden aplicar". No ano 2017 o gravame estaba fixado no 0,6 no concello masidao, polo que esta nova rebaixa será a segunda consecutiva.

Según Iglesias, esta rebaixa no IBI "vai supoñer que quen pagase 600 euros no 2017 pasará a pagar 400 no próximo exercicio, o que vai repercutir moi favorablemente na dinamización demográfica de Maside".

Dotra parte, o alcalde "quere darlle un maior impulso á rehabilitación de vivendas antigas en mal estado, por eso aprobarémos no pleno desta semana unha bonificación que chegará ata o 75% no Imposto de Construccións, Instalacións e Obras, ICIO".

No caso das vivendas en mal estado anteriores a 1975 terán unha redución do 50% nese 2% do coste da execución material da obra que se paga na actualidade, mentres que no caso de que a vivenda estivese en zona clasificada como casco antigo, esa redución chegará ata o 75%, según a proposta da alcaldía.

Foron 10 décimos do primeiro premio, o número 14.821, na lotería nacional deste sábado dia 26 de Xaneiro, os vendidos en Loterías Prada, na rúa Curros Enríquez do Carballiño.

Como queira que a cada décimo lle corresponde un premio de 60.000 euros, a suma total acada os 600.000 euros que se reparten os afortunados.

Manuel Prado López (Boborás, 1958) optará a un novo mandato como alcalde de Beariz liderando a lista que o Partido Popular presentará neste concello, “pensando como o fixen sempre en ofrecer á miña xente os mellores servizos e proxectos”. Un candidato do que o presidente provincial, Manuel Baltar, destacou a súa capacidade para estar sempre ao carón dos seus vecinos “e ter a Beariz como máxima reivindicación”.

Prado López preside a corporación municipal desde 1983, ano no que decidiu dar un paso á fronte para traballar por un futuro mellor do seu concello. “En Beariz foi onde decidín facer a miña vida e daquela estimei oportuno que participar na vida política local era o mellor xeito de loitar polo meu concello”, explicou o candidato.

En todos estes anos foron moitos os obxectivos conseguidos, pero Manuel Prado xa está a pensar en novos retos cara un próximo mandato. O principal, afirma, “é sentar as bases que nos permitan fixar poboación, sen dúbida unha das prioridades que ten calquera concello do rural”. Con esa finalidade loitarán por poner en marcha o parque empresarial, como xeito de xerar riqueza e emprego no municipio, “aínda que tamén hai outros proxectos, como rematar o novo cemiterio municipal”.

Trala súa decisión de liderar de novo a lista popular en Beariz, López afirma que non se parou a pensar o sentir dos seus veciños, “que xa se demostra co apoio que nos outorgan nas eleccións, unha confianza que hai que gañar non cada catro anos, senón desenvolvendo un proxecto continuo, ao longo do tempo, que mellore a calidade de vida da xente”.

“Falar de Manuel Prado é falar dun grandísimo alcalde con vocación de servizo público”, subliñou entre tanto o presidente provincial, Manuel Baltar, para quen o seu traballo “se reflicte nas ocasións nas que conseguíu o pleno dos concelleiros da corporación”.

Ninguén pode dubidar, declarou Baltar, que o candidato “voltará a facer unha lista que contará co apoio maioritario da veciñanza, respaldando unha traxectoria marcada pola entrega, o compromiso e sobre todo a identificación con Beariz”. Lembrou Manuel Baltar que o candidato tamén preside a xunta local do Partido Popular, “o que fala da súa visión política”.

A Consellería de Medio Ambiente, Territorio e Vivenda eliminará un total de 16 puntos de vertido incontrolado (PVI) en San Cristovo de Cea. Así llo avanzou a conselleira Ángeles Vázquez ao alcalde do municipio, José Luis Valladares, con quen mantivo unha reunión de traballo para falar de varios asuntos e proxectos de interese en materia medioambiental.

As actuacións previstas, que comezarán nos próximos días e terán un custo estimado de 75.000 euros, consistirán na recollida, clasificación e retirada do material acumulado nestas zonas –fundamentalmente residuos procedentes de traballos de construción e demolición, plásticos, madeira, pneumáticos fóra de uso, aparellos voluminosos, etc- e na posterior revexetación dos solos mediante o estendido de terra vexetal e hidrosementeira.

Cómpre lembrar que este tipo de intervencións enmárcanse nunha campaña continuada da Xunta para identificar e erradicar estes focos, nos que se van acumulando residuos sólidos de distinta natureza co prexuízo que isto ocasiona para a contorna desde un punto de vista ambiental e estético. Coa limpeza dos PVI, perséguese minimizar e corrixir os impactos e a degradación ambiental orixinados por estes focos, logrando a integración do lugar coa contorna e eliminando o hábito entre a poboación de seguir depositando lixo nestes lugares.

Por outra banda, o rexedor tamén aproveitou a reunión para presentarlle á conselleira algún dos proxectos nos que traballa o seu equipo en materia de humanización de espazos urbanos. Neste sentido, Vázquez Mejuto comprometeuse a estudar posibles vías de colaboración co concello e lembroulle que esta mesma semana saíu publicada no DOG a convocatoria dunha nova orde de axudas, dotada con case 2,5 millóns de euros, para crear ou mellorar infraestruturas urbanas en concellos de menos 50.000 habitantes.

O teniente alcalde e concelleiro de Turismo, José Manuel Dacal, e o concelleiro de Cultura, Diego Fernández, asistiron hoxe en Fitur ao acto de presentación da campaña turística SABOR PROPIO 2019 do Xeodestino Turístico O Carballiño-O Ribeiro.

Ao acto tamén asistiron a secretaria de Turismo de Galicia, Nava Castro; a delegada da Xunta en Ourense, Marisol Díaz, o alcalde Leiro, a concelleira e Cultura de Boboorás,o presidente da Mancomunicade dos Concellos do Carballiño, e o presidente do consello regulador da D.O. Ribeiro, entre outros.

A Festa do Pulpo, a Feira do Viño do Ribeiro, a Festa do Pan de Cea, e outros eventos festivos e gastronómicos, así como demáis potencialidades destas comarcas, foron presentadas como principais reclamos desta campaña.

Dacal e Fernández aproveitaron esta feira de Fitur para reunirse con representantes do Consorcio de Turismo da Xunta, así como con diversos medios para seguir incidindo na promoción do turismo no Carballiño, cuxos pilares son o termalismo, a gastronomía e o patrimonio natural e cultural, segundo dixo na presentación José Manuel Dacal, que incidiu sobre todo na tradición pulpeira.

Neste senso asegurou que "se existe unha capital mundial do pulpo, esa é O Carballiño».

Amplísimo respaldo das familias á implantación da xornada contínua no CEIP Calvo Sotelo, unha vella demanda da comunidade educativa deste centro escolar de primaria e infantil.

Na xornada de votacións convocada pola Consellería de Educación celebrada este mércores 23 de Xaneiro acudiron a votar un total de 381 familas, das que 353 votaron a favor da xornada, o que representa o 78,10% do total de familias, 28 votaron en contra e 71 non participaron neste proceso.

Necesitábase o apoio do 58% do total do censo, que con este resultado superouse con moita claridade.