A conselleira de Infraestruturas e Mobilidade, Ethel Vázquez, quixo comprobar sobre o terreo o resultado do acondicionamento das rúas Casanova e do Centro Cívico, no Concello de Leiro, e destacou a mellora que supón para o contorno urbano, e a accesibilidade e seguridade nos percorridos dos seus veciños, cun investimento de 100.000 euros.

Vázquez Mourelle sinalou que esta actuación, que rematou hai unhas semanas, é hoxe realidade e un exemplo da suma de esforzos das Administracións autonómica e local, froito dun convenio de colaboración asinado entre Xunta e o concello. Nesta intervención a Administración autonómica achegou o 80% do investimento final, correspondendo ao concello financiar o 20% restante, e a contratación e execución das obras.

Explicou que esta actuación vén así a facilitar o tránsito peonil e rodado no treito inicial da rúa Casanova e tamén na rúa do Centro Cívico, co obxectivo de mellorar a mobilidade dos veciños e reforzar a súa seguridade viaria nestas zonas tan frecuentadas, xa que acollen importantes equipamentos, como o centro escolar ou o mesmo Centro Cívico, lugar de actividade e de encontros.

Concretou que os traballos do concello nestas 2 rúas permitiron a renovación do pavimento e aproveitouse a obra para revisar as redes de saneamento, ademais de deixarse acondicionada para a instalación de futuros servizos, telefonía, electricidade. Tamén se substituíu a iluminación, instalando luminarias máis eficientes.

Lembrou que estas intervencións dan continuidade a outras melloras realizadas polo concello hai algúns anos na praza municipal da Pontiña, e tamén en rúas do contorno, logrando unidade e continuidade no ámbito viario do núcleo de Leiro.

Avanzou que, de cara ao futuro, o departamento de Infraestruturas da Xunta ten previstas novas actuacións en materia de infraestruturas viarias neste municipio e no seu contorno.

Subliñou que, atendendo á solicitude do alcalde, se ten previsto acometer a limpeza da Ponte da Esperela, sobre o río Avia, na estrada autonómica OU-209. E indicou que o departamento que dirixe está a iniciar a tramitación necesaria, coa redacción dunha memoria valorada
 
A conselleira indicou ademais que tamén están licitadas obras de mellora do firme na estrada OU-504, que vai a Ribadavia e a Cea, cun investimento de 600.000 euros. E abundou en que, aínda que non se actuará no treito concreto da estrada ao seu paso por Leiro, estas actuacións se executarán ao longo deste ano e beneficiarán igualmente aos veciños de Leiro, que verán melloradas as súas comunicacións cara ás poboacións veciñas de Ribadavia e de Cea, remarcou.

Coa sinatura estos días dos correspondentes contratos coas empresas adxudicatarias, o concello resolveu os procedementos administrativos para a execución das obras de reforma das rúas Cuba, Brasil, Uruguay, Venezuela e República Arxentina, así como das rúas Alberto Vilanova, Aller Ulloa, Tellado, tramo da estrada a Treboedo e Carreira.

Estas obras, que comezarán a executarse no mes de febreiro, e que están incluidas no acordo subscrito polo Grupo Popular e o Grupo de Goberno na aprobación do orzamento municipal do 2018, suporán un investimento global de 385.739, 21 euros, que será financiado con fondos municipais.

Esta cantidade supón un aforro de 170.485,69 euros, con respecto ao presuposto de licitación, que era de 556.224,9 euros.
A reforma das rúas Cuba, Brasil, Uruguay, Venezuela e República Arxentina, que comunican a avenida Xullo R. Soto coa avenida do Balneario, conleva a substitución e mellora da rede de abastecemento, beirarrúas e asfaltado. Estas obras foron adxudicadas en 270.057,95 euros.

No relativo ás rúas Alberto Vilanova, que é a rúa do centro de saúde, Delegación de Facenda e Instituto nº 1, así como ás rúas Aller Ulloa, Tellado, tramo da estrada a Treboedo e Carreira, as obras de reforma consistirán na substitución e mellora da rede de abastecemento e asfaltado. A adxudicación realizouse en 115.681,26 euros.

Así mesmo, está previsto adxudicar con carácter inmediato as obras da continuación da beirarrúa na avenida do Parque cara ao Instituto Chamoso Lamas, do aceso ao instituto, campo da festa e vial á igrexa da parroquia de Mesego.

Ricardo Perea Fernández (Carballiño, 1967) encabezará a lista que o Partido Popular presentará no Concello do Carballiño para as eleccións locais de maio, co obxectivo de recuperar a alcaldía e “procurar novas oportunidades e mellores servizos para que os carballiñeses sigan a facer o seu proxecto de vida na vila e no concello”. O Partido Popular, dixo o seu presidente provincial, Manuel Baltar, saúda a incorporación do candidato á vida política local e afirma que “os populares imos darlle a O Carballiño un proxecto que ofreza xestión, que xere orgullo de pertenza e pise forte no contexto provincial”.

Abogado de profesión, Ricardo Perea hai anos que milita nas filas do Partido Popular do Carballiño, cunha activa participación na xunta local, “onde os meus compañeiros foron os que me animaron a aceptar o número uno da lista e aos que lles teño que agradecer esa confianza, comezando por Argimiro Marnotes –portavoz municipal do PP- que foi de quen partiu este proceso de renovación, un xesto que lle honra e ao que terei que responder cos votos dos veciños”.

Consciente da responsabilidade que asume, o candidato sabe que lle agarda “un gran traballo e dedicación para os carballiñeses, porque toda renovación, máis aló das caras, xera novas ilusións entre a xente, novos proxectos e novas formas de facer as cousas, aínda que os obxectivos sexan os mesmos”.

Neste sentido, Perea Fernández ten moi claro que o seu programa electoral vai ter a mesma meta pola que sempre loitou o PP do Carballiño, que non é outra que xerar as oportunidades necesarias para que os veciños sigan a vivir na vila e no concello.
O candidato aposta primeiro polo desenvolvemento económico “buscando as condicións para que se poda traballar no Carballiño dignamente, pero iso so non chega, senón que tamén a sociedade actual esixe outras cousas como a conciliación laboral e familiar con suficientes servizos para os fillos, máis oferta cultural e de deportiva para os mozos e moito máis que festa para os maiores”.

O presidente provincial, Manuel Baltar, destacou pola súa banda que o candidato é “unha persoa namorada do Carballiño e que ao seu carón terá un gran equipo e ao mellor partido, que ven de gobernar neste concello na pasada lexislatura”.

A xente, engadiu Baltar, “tivo a oportunidade de comprobar nestes catro anos o que signfica ter un partido forte que lles goberne ou outras cousas que nin sabemos o que deron de si”.

A candidatura de Ricardo e a súa lista, afirmou o presidente dos populares ourensáns, “vai ofrecer aos carballiñeses un proxecto político fiable, cun equipo compacto e onde dará cabida á participación, como unha administración esponxa que recolle as inquedanzas dos seus”.

Asi se recolle nun convenio de colaboración asinado na casa do concello entre o presidente da Confederación Hidrográfica do Miño-Sil José Antonio Quiroga e o alcalde do Carballiño, Francisco Fumega.

A Confederación aportará este ano un investimento de 260.000 euros, para financiar estas obras, que licitará próximamente.

Trátase da limpeza e saneamento das ribeiras do río Arenteiro ao seu paso pola zona urbana do Carballiño, asi como a reparación daquéles tramos do paseo fluvial que se encontran deteriorados.

Ademáis tamén se acometerá un proxecto de mellora na área recreativa de Toscaña.

O Partido Popular de Ourense fará "unha importante aposta por recuperar a alcaldía de Maside" coa candidatura que liderará Luis Jorge Álvarez Ferro (Ourense, 1958), que como funcionario da administración autonómica aportará a súa vocación de servizo público “para situar de novo a Maside no mapa provincial”.

Un Plus de experiencia e sobrada ilusión que a veciñanza saberá recoñecer, asegurou o presidente provincial, Manuel Baltar, “para por en marcha unha nova forma de gobernar e darlle velocidade a un concello que estivo dormido todos estes anos”.

Álvarez Ferro estréase en política “adquirindo un compromiso con Maside, que non é outro que dinamizar o concello”. Recoñece que non lle gusta o que ve hoxe, “por iso aspiro a conseguir o apoio da miña veciñanza para demostrar, dentro de catro anos, que Maside precisaba e merecía un cambio”.

O candidato popular, para quen o único lema que coñece é “traballar, traballar e traballar”, quere contar cun equipo de persoas “que lle dean un aire novo ao concello, convertido a Maside nunha opción real pero tamén ideal para vivir”.

Neste sentido, Luis Jorge Álvarez afirma que porá a disposición da súa xente “toda a miña experiencia profesional e sobre todo de xestión, para conseguir o maior número de investimentos e servizos en todos os ámbitos, pensando tanto nos rapaces, como nos mozos e nas persoas maiores, pero sobre todo procurando posibilidades de emprego que fagan crecer o concello”.

Desde a presidencia do PP, Manuel Baltar, subliñou a importante aposta que os populares están a facer para recuperar a alcaldía de Maside, “regresando á senda dun goberno local serio e rigoroso, cando outras formacións prescinden do seu alcalde, como é o caso que nos ocupa” Hoxe, engadiu, “saudamos a incorporación ao proxecto político do PP dun profesional da xestión pública, unha persoa que coñece perfectamente o funcionamento da administración e, sobre todo, do noso sector primario e o seu potencial”.

Precisamente por toda esa experiencia e polo seu labor, con presenza en postos de representación en distintos organismos, “estamos seguros de que Maside vai contar cun líder, que é o que precisa un concello que ten moito máis que ofrecer que o que recibiu a veciñanza ata o de agora, é dicir, máis visión de futuro, máis proxección e capacidade de relación con outras administracións”.

O grupo municipal popular pídelle ao alcalde Francisco Fumega que convoque a reunión da Xunta de Portavoces, que ven solicitando dende o mes de Outubro pasado e co obxetivo de "buscar solucións a varios proxectos de apertura de urbanización de novas rúas e de crecemento viario no casco urbano".

Recordan os populares que "foron varias as veces dende o mes de Outubro nas que o alcalde quedou en convocar esta reunión, e se na vindeira semana ao máis tardar non se ten producido, entenderíamos que non é prioritario para o actúal goberno municipal e terémos que esperar ao cámbeo de goberno no mes de Maio".

Concretamente, fan referencia aos proxectos de urbanización nas rúas Costa Rica e San Amaro, asi como o ensanche da rúa no fondo de Flores "onde se forma un estreitamento entre as rúas Aquilino Sánchez e Alexandre Bóveda, ou mesmo o proxecto de urbanizacón da rúa da Saleta".

O Partido Popular entende que "non pode ser que cando aparece o compromiso económico do concello, estes proxectos non se poidan executar, cando ademáis existe toda a vontade do mundo por parte dos propietarios en facer cesións gratuítas ao concello, e non so non se lles está a recoñecer estas cesións gratuítas, senón que o concello está poñéndolle trabas e un coste económico elevado que non terían por qué soportar".

Aclaran que a maior parte destas rúas constan como viais urbáns consolidados no PXOM do ano 1999 e en algunhos casos "os seus propietarios xa fixeron esa cesión, e asi está recollido en actas do pleno, e aínda asi parece que non se lle quere dar validez".

O Portavoz do Grupo Municipal Socialista do Concello de O Irixo, Iago Fariñas Valiña, presentou un requirimento en relación a execución das obras de pavimentación de accesos o pobo do Outeiro na parroquia de San Cosme para que o concello de o irixo requira a empresa adxudicataria para que execute novamente a reparación dos accesos debido a súa nefasta execución apenas fai un mes.

Expón que apenas un mes despois da execución da obra de pavimentación de accesos o pobo do Outeiro na parroquia de San Cosme o estado de esta estrada xa está todo cheo fochancas e en mal estado.
Que por este motivo o grupo socialistas ven de requirir por escrito o A
lcalde para que requira a empresa adxudicataria COVIASTEC S.L. para que proceda novamente o arranxo da referida estrada.

Que ditas obras segundo proxecto, teñen un período de garantía de 12 meses. Os socialistas solicitaran acceso o expediente das mesmas para comprobar se existe xa acta de ACTA DE COMPROBACIÓN Y REPLANTEO, dado que as mesmas non foron ben executadas, ademais de non compartir este tipo de actuación para o arranxo dos camiños, que so veñen a xustificar o diñeiro sen que se proceda a facer un arranxo adecuado e duradeiro.

Que moitos de este camiños executados no presente proxecto teñen na actualidade toda a gravilla solta porque presuntamente non se cumpriu o mesmo na execución das mesmas.

Que ademais como se observan nas fotografías que se acompañan están apenas 1 mes despois de ser executado, cheo fochancas e en mal estado, entendendo ademais que presuntamente na execución non se cumpriu o proxecto.

Que estas obras, deben ser executadas novamente e no caso de existir xa ACTA DE COMPROBACIÓN Y REPLANTEO aínda están dentro do período de garantía de 12 meses polo que a vista do estado de este e outros camiños, se debe executar dita garantía.

Que xa o pasado 2 de xuño de 2017 se fixo tamén un requirimento o Sr. Alcalde do concello do Irixo para que ante o prexuízo que se creara os veciños e veciñas pola mala execución de outras obras de camiños, naquela ocasión, “apenas 9 meses despois de ser executados varios camiños, estaban cheos de herbas, entendendo ademais que na execución non se cumprira tampouco o proxecto cando falaba de “o Limpieza del pavimento existente con medios mecánicos y lavado a presión con agua, de modo que la superficie quede libre de elementos indeseables.” que se fixo con aire. Estas obras estaban naquel momento dentro do período de garantía de 12 meses polo que a vista do estado dos camiños naquel momento, pediuse que se executara dita garantía e se volvesen arranxar. O Sr. Alcalde nunca respondeu a este requirimento nin executou a garantía nin obriga a empresa a arranxar os camiños novamente.