Deportes

Club Deportivo Arenteiro foi ún dos distinguindos na gran Gala 2017 da Asociacións de Clubes Galegos de Fútbol celebrada no Palacio de Congresos de Santiago de Compostela, nun acto ao que acudiron máis de medio millar de persoas.

O presidente de CD Arenteiro recolleu o trofeo co que se premia o histórico ascenso do club á terceira división. Nesta mesma gala, tamén foron galardoados o resto dos clubes galegos dende a segunda división B ata a 1ª Galicia que alcanzaron ascensos na tempada recén rematada.

Da mesma maneira, a gala distinguíu aos mellores fútbolístas galegos da tempada 2016-2017, asi como aos clubes exemplos de deportividade.

Un total de vintecinco clubes e deportistas serán homenaxeados durante a VIII Gala do Deporte do Carballiño, que se celebrará no auditorio municipal.

Este evento, que se celebrará este venres dia 30 de Xuño ás 20:30 horas, quedou interrumpido en decembro do ano 2014, e agora recupérase pero con carácter bianual. O concelleiro de Deportes, José Manuel Dacal, considera que é un período máis axeitado que o anual, polo que se celebrará cada dous anos no mes de xuño, ao remate da tempada deportiva.

Nesta gala, que terá unha parte de espectáculo e entretemento, entregaranse diplomas e estatuíñas en recoñecemento dos meritos deportivos acadados polos clubes, entidades e deportistas ao longo desta tempada, que foi pródiga en éxitos deportivos individuais e colectivos.

Ao remate da gala, ás 22,30 h., celebrarase unha cea no restaurante Esclavo. As persoas que queiran asistir a esta cea deberán inscribirse na área municipal de Deportes do concello ata o xoves, 29.

Dende a área de Deportes convídase a todos os carballiñeses e carballiñesas a asistir a esta gala como un xesto de apoio ao deporte e deportistas do Carballiño.

O veterano atléta carballiñés conseguíu dúas medallas de plata no campionato de España para veteranos, celebrado esta pasada fin de semana en Elx - Alicante.

Ferreiro conseguíu a segunda posición nas carreiras de velocidade de 100 e 200 metros lisos, na categoria "Master 65", reservada para atletas de 65 anos en adiante.

Arredor de douscentos ciclistas de todas as idades, entre 14 e 60 anos, participarán no 1º OPEN CXO, que se desenvolverá no entorno das Barcias, no Parque Municipal do Carballiño.

A proba comezará ás 16,30 h., e rematará ás 20,00 h. Haberá diversas categorías: cadete masculino e femenino, junior masculino e femenino, sub 23, élite e grupos de idade máster. As idades dos participantes van dos 14 aos 60 anos.

O evento foi presentado este mediodía polo concelleiro de Deportes, José Manuel Dacal; o presidente da Federación Galega de Ciclismo, Juan Carlos Muñiz Nieto, e o presidente de Os Mosqueteiros, Nelson Costa, entre outros directivos do club carballiñés que organiza a proba. José Manuel Dacal agradeceu que esta proba tan importante do calendario galego de ciclismo se trouxese ao Carballiño, e que tiña un gran significado tanto pola promoción do deporte como da propia vila.

Asemade, dixo que malia a que a proba non ia supoñer ningún inconvinte de tipo medioambierntal para o parque, íase estudiar a posibilidade de crear un circuito permanente para este tipo de competición nalgún outro lugar do Carballiño. Finalmente, agradeceu a colaboración da Policía Local, de Protección Civil e das concellerías implicadas, como Medio Ambiente e Seguridade, entre outras.

Nelson Costa dixo que se trataba dun gran evento deportivo para o que levan traballando dende hai tres meses, solicitando permisos e planificando o circuito, e por eso agradeceu a colaboración do Concello e da Federación.

Juan Carlos Muñíz agradeceu aos Mosqueteiros o esforzo realizado, así como a colaboración municipal, e asegurou que se trata de promover os valores do deporte e de ser moi respectuosos co medio ambiente. Destacou que é unha modalidade olímpica de ciclismo de montaña e que resulta moi atractiva para os espectadores.

Ao respecto, invitou á xente do Carballiño a acudir á zona das Barcias, na avenida do Arenteiro, para presenciar a proba. Finalmente, fixo un chamamento sobre a campaña de seguridade vial cos ciclistas que se realiza co lema “EU SON CICLISTA”.

Final de infarto, e final feliz na tanda de penaltis no partido de volta da promoción de ascenso á 3ª división xogado ante a Agrupación Estudiantil no Estadio de Espiñedo, que rexistrou unha gran entrada, con arredor de 1.400 afeccionados, nunha tarde de calor e emoción a máis non poder.

Porque tras o empate a un gol ao final dos 90 minutos non houbo máis remedio que decidir o que pode ser un ascenso á 3ª división dende o punto de penalti, unha tanda que gañaron os verdes cun tanteo final de 7-6.

Antes, durante o partido, comezou pegando primeiro o Arenteiro, que tras dúas boas ocasións de Viti e Carlos de Dios, logrou marcar por medio do defensa Maxi, tras cabecear de forma expléndida un córner botado por Dani Chimpin.

O Arenteiro tiña o partido controlado, cedia o balón ao Estudiantil, pero éste non creaba ocasións de perigo ata que Iker Hurtado empatou no minuto 36. Logo, na prolongación, o Estudiantil demostrou ser un moi bo equipo, e seu foi o partido, pero a actitude e a casta dos xogadores do Arenteiro, hoxe moi limitado físicamente, lograron aguantar o empate ata chegar á tanda de penaltis.

Israel evitou pouco antes do final cunha gran intervención que o Estudiantil marcase o segundo, e xa na tanda de penaltis, o outro gardameta do Arenteiro, Pachi, foi o gran  portagonista, desviando dous dos lanzamentos do Estudinatil e marcando o que él mesmo executou.

A afección do Arenteiro pode seguir soñando, agora xo resta desexar sorte ao Rápido de Bouzas na súa eliminatoria final de ascenso á Segunda División B, o que levaría ao Arenteiro á 3ª división para o vindeira tempada.

O Arenteiro arrancou un esperanzador empate a un gol no partido de ida da promoción de ascenso á terceira division xogado no campo da Agrupación Estudiantil, mentres o Sporting Carballiño conseguía vencer na tanda de penaltis ao Raio Alaricano e adxudicabase a Copa Deputación B.

No desplazamento ao campo de Callobre, na Estrada, os verdes enfrontáronse ao bo equipo, como resultou ser a Agrupación Estudiantil, Non obstante, o Arenteiro comezou moi serio o partido no que sorprendeu aos locais cunha poderosa presión que, unha e outra vez,desbarataba os intentos combinativos do equipo estudiantil.

Ademáis,os verdes lograban adiantarse no marcador ao transformar no minuto 28 Rubén Arce un claro penalti cometido sobre Vitti. Unha magoa, o empate local, que se producía a piques de chegar ao descanso ao aproveitarse dun rexeito na área do Arenteiro. Na segunda parte o Estudiantil apretou, pero os carballiñeses aguantaron o resultado, que pudo decantarse a favor de calquera.

Os locais lanzaron un balón ao traveseiro, e o Arenteiro pudo sentenciar á contra, sobre todo cando o Estudiantil quedou con 10 xogadores no campo tras a expulsión do dianteiro Stefan, pero faltou acerto nos metros finais.

No CD Arenteiros sairon de inicio: Israel, Maxi, Padrón, Martín, Vilachá, Dafonte, Bardelás, Alberto, Arce, Vitti e De Dios. tamén xogaron Sanginés, Cuquejo, Iván Portos e Pol.

O Sporting consigue a Copa Deputación B

Tras os noventa minutos xogados no campo do Couto, o partido entre o Sporting Carballiño e Raio Alaricano rematou co marcador inicial de 0-0.

Nin carballiñeses nin alaricanos conseguiron marcar. Asi as cousas, o título de campión decidíuse dende os once metros,e na tanda de penaltis o Sporting estivo maís atinado que o seu rival, e consigue asi a Copa Deputación B, versión copeira reservada para os equipos de 2ª e 3ª autonómica.

Os verdes estiveron preto do ascenso directo, pero finalmente non pudo ser. Por vez primeira en moitos anos na liga de Preferente os 76 puntos que alcanzou o Arenteiro -a mellor puntuación histórica do club nas 34 participacións nesta categoria- non foron desta vez sufientes, o Ourense CF fixo 77 puntos e lévase o premio, mentres que o Arenteiro deberá agardar á promoción ante o terceiro clasificado do grupo norte, a Agrupación Estudiantil.

Espiñedo volveu rexistrar unha entrada de gala, como practicamente toda a tempada, cunha afección que posta en pe despedíu cunha ovación ao equipo verde.

O partido ante o Portonovo transcurríu en Espiñedo moi pendientes do que pasaba no Couto, e tal como ía a tarde o ascenso estivo preto, toda vez que o ourensanos tiveron que agardar á recta final do partido para darlle a volta ao marcador ante o Gondomar.

Asi e todo, o equipo verde cumplíu e ata en tres ocasións tivo que remontar este partido ante o Portonovo, que se adiantaba co 0-1 aos 3 minutos. Moi pronto empatou Arbo de cabeza á saída dun córner. Xa coa primeira parte avanzada -minuto 38- volvían adiantarse os portonovenses co 1-2, e en apenas tres minutos Vitti facía 0 2-2. Pero neste final de locura da primeira parte, volvía golpear o Portonovo antes do descanso.

Por terceira vez tocaba remontar e lográbase. Carlos de Dios empata no minuto 50 e no 57 outra vez Arbo volvía, tamén de cabeza, tamén á saída dun córner poñer o 4-3 definitivo no marcador.

CD Arenterio: Pachi, Vilachá, Padrón, Martín, Pana, D. Arbo, Bardelás, Chimpin, Arce, Vitti e Carlos de Dios. Tamén xogaron Alberto, Cuquejo, Dafonte e Varandela.

Un gol no primeiro minuto de xogo a favor do Unión Grove complicou o partido para o Arenteiro no campo do Monte da Vila, porque desde o minuto dous os locais dedicarónse a perder tempo e afear o partido, actitude protestada pola numerosa afección do Arenteiro desplazada  ata a vila mariñeira, no minuto 64 empatou Rubén Arce de penalti e aínda con tempo para lograr unha remontada que ao final non foi posible.

O gol local no case que o único lanzamento a portería de todo o partido no primeiro minuto de xogo  pesou coma unha lousa sobre os carballiñeses, un tiro dende fora da área que se cola practicamente pola escadra da portería de Israel.

Ademáis, tampouco favoreceu o resultado do Valladares-Ourense CF, ao final un 3-4 que leva aos ourensanos á segunda posición e a depender de sí mesmos para lograr o ascenso directo á terceira división.

Pola contra, o Arenteiro, practicamente toda a liga en ascenso directo, terá agora que esperar un moi pouco probable tropezo do Ourense CF na derradeira xornada, ou senón serán os verdes os que teñan que xogar a eliminatoria da promoción de ascenso co terceiro clasificado da Preferente Norte.

CD Arenteiro: Israel, Vilachá, Padrón, Martín, Saúl, Arbo, Bardelás, Dani Chimpin, Arce, Viite e Carlos de Dios. Tamén xogaron Pana, Sanginés, Alberto e Dafonte.

Un triplete de Dani Chimpín e outros dous goles máis que marcaron Carlos de Dios e Vitti resolveron o partido ante o Caselas para un Arenteiro que sigue dependendo de sí mesmo para lograr o ascenso directo á terceira división, a falta de dous partidos para rematar a competición, o do próximo domingo no Grove e o derradeiro ante o Portonovo en Espiñedo.

Os verdes protagonizaron un gran partido e non deron opción de ningún tipo, aínda que o Arenteiro tivo que esperar a sobrepasar a primeira media hora de partido para abrir a lata, fixoo Carlos de Dios cun golazo dende practicamente o medio do campo, vendo adiantado ao porteiro visitante lanzou unha volea perfecta que chegou ao fondo da portería.

Antes, e depois do gol, o Arenteiro tivo un carrusel de ocasións para marcar, e o porteiro do Caselas Sebas foi o mellor do seu equipo, con dúas magníficas intervencións salvadoras para o seu equipo.

Na segunda parte, o Arenteiro decidíu resolver pola vía rápida, e primeiro Dani Chimpín e despois Vitti deixaron o partido visto para sentencia en apenas dez minutos. Depois, aínda chegarían outros dous goles, ambos da autoría de Dani Chimpín, que conseguíu asi facer o "hat trick" da tarde.

CD Arenteiro: Israel, Vilachá (Pana,m.61), Padrón, Martín,Saúl (D. Vázquez, m. 68), D. Arbo, Bardelás (Cuquejo, m. 63), Dani Chimpin, Arce, Vitti e Carlos de Dios (Alberto, m. 73)