Deportes

No fútbol non sempre gaña o equipo que mellor xoga. ou fai máis ocasións, ou que máis o merece, senón o que marca un gol máis que o contrario, e esto foi o que aconteceu no Noia-Arenteiro desta tarde, cun resultado  3-2 a favor dos locais absolutamente inxusto cos méritos dos verdes.

Ás veces hai outro factor que tamén conta, a sorte, e ésta foi esta tarde totalmente esquiva co Arenteiro, claro dominador do xogo durante a primeira media hora de partido, De feito as dúas ocasións de gol foron ambas do Arenteiro, a primeira nun balón moi claro que chegou a Adil dentro da área grande,  pero o seu remate petou nun defensor e foise a córner.

Aínda foi máis increíble a segunda ocasión, ao saque dende a esquina Portela cabeceou ben e cando o balón se colaba dentro da portería  despexou tamén de cabeza un xogador local, de feito os xogadores do Arenteiro pediron gol ao entender que traspasara a liña da portería, pero a renglón seguido o despexe enviao Iker Hurtano ao longueiro da portería do Noia, dúas claras ocasión de gol na mesma xogada.

E aos 30 minutos chega o gol do Noia, no primeiro tiro a portería dos locais. Pouco tempo despóis, claro penalti por mans dun defensa local que transforma Dani Chimpin, para facer algo de xustiza antes de ir ao descanso.

Aos cinco minutos da reanudación, segundo tiro a portería do Noia e segundo gol e outra vez a remar en contra de marcador. E asi foi, seguía chegando o Arenteiro unha e outra vez ata que Rubén Arce, outro golazo do 7 do Arenteiro, volve empatar o partido. no minuto 64. Quedaba moito por diante, e o Arenteiro foise a polo partido, pero unha e outra vez sen fortuna ante a portería local, unha fortuna que sí tivo o Noia a dez minutos do final facendo o 3-2 definitivo.

Para ver a ficha do partido, podes facélo no seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=28...

Un par de remates entre os tres paus, foi todo canto necesitou o Alondras para levarse os 3 puntos para Cangas, nun partido no que o máis normal polo visto no terreo de xogo houbese sido un empate, xa que na segunda parte o Arenteiro tivo un par de boas ocasións para marcar, incluido un remate de Igor que repeleu o poste.

Volveron os verdes ter que remar contracorrente, xa que apenas ían 15 minutos cando o Alondras adiantabase no marcador no primeiro remate dos do Morrazo ante a portería de Pachi, foi nun saque de esquina, erro de marcaxe dos locais e Jonás marca de cabeza sen oposición.

O partido caracterizouse polo derroche físico que fixeron ambos equipos sobre o terreo de xogo, que estaba moi blando, e esixente para os xogadores.

Na segunda parte o Arenteiro mereceu, cando menos o empate, primeiro tras unha xogada personal de Rubén Arce que puxo un balón de ouro sobre a frontal da área a Borja, pero o remate do centrocampista do Arenteiro atrapouno sen problemas o meta visitante. Despois, sería Igor Sevivas quen rematou de cabeza un centro lateral pero o balón foise a cepa do poste cando se cantaba o gol na grada.

Para ver a ficha do partido, sigue o seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=28...

O Arenteiro estaba aguantando ben no partido no Estadio da Lomba de Vilagarcía e a portería de Pachi apenas pasaba por situacións de perigo, pero todo se torceu mediada a primeira parte cando un regalo dos verdes permite ao Arousa marcar o primeiro gol.

Antes do descanso, o trigoleador esta tarde do Arousa Javier Pazos, aproveitaría un rexeite de Pachi para marcar o segundo e poñer o partido moi favorable aos locais.

Non obstante, á saída de vestiarios foron os mellores minutos do Arenteiro, e pudo meterse no partido se Borja acertase nun remate no que se cantaba o gol, pero o balón foise un chisco desviado.

E xa no minuto 68 chega a xogada que finiquita o partido, penalti e expulsión de Portela, que permite ao Arosa facer o 3-0. Logo, aínda tería outra boa oportunidade de gol Igor Sevivas, pero o seu tiro rexeitouno o poste, antes de que o Arousa fixera o cuarto e derradeiro gol da tarde.

Crrónica do partido en "La Voz de Galicia": https://www.lavozdegalicia.es/noticia/arousa/vilagarcia-de-arousa/2018/0...

Os verdes volveron encontrar o camiño do gol e superaron desta maneira a vaga de resultados negativos das últimas xornadas, conseguindo tres importantes puntos para recuperar a tranquilidade, e ademáis, ante un rival directo como o Céltiga ao que tamén gaña o coeficiente particular.

A primeira parte resultou igualada, cunha ocasión de gol para ambos equipos, a do Céltiga foise ao pau e a do Arenteiro resolveuna de cabeza Carlos de Dios aproveitando un centro de Rubén Arce, no minuto 38, e asi chegou o descanso.

Nada máis comezar o segundo tempo empatou o equipo arousano. Falta ao borde da área grande e Adirán Camiño lanza un trallazo que describe unha parábola perfecta que se cola na portería de Pachi.

Malia o mazazo do empate, o Arenteiro soubo repoñerse e e ata por dúas veces as magníficas intervencións do gardameta do Céltiga Manu Taboas impedíron que os verdes marcasen, ata que no minuto 64 un córner lanzado por Dani Chimpín foi aproveitado maxistralmente por Igor Sevivas para conectar un cabezazo que desta vez fixo inútil a estirada do porteiro visitante.

No tramo final do partido o Céltiga foise a polo empate e consegíu meter o medo no corpo á afección do Arenteiro, xa que os verdes -á contra- tiveron un par de boas aproximacións, pero non souberon culminalas nos metros finais, pola que a incertidume no marcador mantívose ata o pitido final do árbitro.

Podes ver a ficha do partido no seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=28...

Os valdeorreses conseguiron encarrilar moi pronto o partido, xa que apenas ían 12 minutos cando o dianteiro cántabro Iván Argos lanzou un tremendo chut dende a frontal da área grande que se colou como un obús pola escadra da portería defendida por Alex.

Xa co marcador a favor, o Barco seguíu sendo moito máis agresivo que o Arenteiro, asi e todo os verdes estaban atentos e correctos atrás e apenas concederon ocasións claras aos locais, eso sí, ao pasar do centro do campo para adiante o Arenteiro estaba bastante espeso, e non era capaz de xerar sensación de perigo ante a portería local.

Tralo paso por vestiarios con mínima victoria dos de Calabagueiros, o Arenteiro deu un pasiño adiante e tratou de ser algo máis incisivo ante a portería rival, por momentos tivo o control da pelota, pero igual que na primeira parte, con pouca claridade de ideas.

Xa a dez minutos para o final, os barquenses conseguiron o gol da tranquilidade e finiquitaron un partido pouco vistoso para o espectador, que polo menos para os locais deixoulles o sabor da victoria que os mantén en postos de promoción de ascenso.

Para ver a ficha do partido, preme no seguinte enlace:http://www.futgal.es/pnfg/NFG_CmpPartido?cod_primaria=1000120&CodActa=28...

Crónica en "Somos Comarca": https://somoscomarca.es/barco-doblega-arenteiro-desdibujado/

A nova tarima flotante do pavillón anexo de Deportes xa está plenamente operativa para a práctica de todas as modalidades deportivas en pista cuberta. A secretaria xeral para o Deporte, Marta Míguez, visitou hoxe esta instalación acompañada polo alcalde, Francisco Fumega; o concelleiro de Deportes, Manuel Dacal; e o voceiro e o concelleiro do Partido Popular, Argimiro Marnotes e Emilio Carballeda, respectivamente.

Francisco Fumega agradeceu o compromiso e a colaboración da secretaria xeral para levar a cabo a renovación desta pista, que era unha verdadeira necesidade, pois atopábase en malas condicións dende había tempo, e cuxo proxecto tivo un investimento de 61.000 euros, que foron aportados pola Xunta e o concello. O alcalde recordou o elevado uso desta instalación por parte das escolas deportivas municipais e clubs nas máis diversas modalidades, que serán os grandes beneficiarios da reforma realizada.

Marta Míguez tamén destacou a colaboración das administracións autonómica e local, “que é básico e é a línea que hai que seguir” –según dixo-. Tamén se referiu ao enorme potencial da práctica deportiva na vila do Carballiño, e asegurou que os grandes beneficiarios desta mellora do pavillón anexo serán os veciños e veciñas.

Finalmente, Manuel Dacal explicou as características da nova tarima flotante, que permitirá a práctica deportiva e a organización de competicións oficiais de calquera ámbito de balonmán, baloncesto, fútbol sala, patinaxe, ximnasia rítmica, taekwondo e outros deportes de pista cuberta. De feito, avanzou que hai peticións dalgunha federación para traer unha competición deportiva de ámbito nacional.

O proxecto foi executado pola empresa Mondo, especializada neste tipo de instalacións, e consistiu na resolución dos problemas anteriores de humidade e afondimento da pavimento nalguhas zonas, colocando unha nova tarima de madeira e pavimento de parqué enriba. Así mesmo, a pista leva un zócalo arredor, cunha lixeira separación das paredes, para evitar os posibles problemas derivados da dilatación.

Quen non estivese en Espiñedo e cun 0-4 final no marcador pode pensar que o equipo ferrolán foi unha apisonadora, pero equivocaríase, porque en realidade o único que fixo a UD Somozas foi aproveitarse dos regalos do Arenteiro.

Non lle fixo falta máis aos visitantes para levarse os 3 puntos do Carballiño, catro fallos defensivos dos verdes e catro goles do Somozas, e pouco máis, éste é o mellor resume do partido que abría a segunda volta na terceira división.

Outro partido para olvidar do Arenteiro, absolutamente plano durante toda a tarde, e incluso fallando un penalti, aínda que tal como foi o partido non pasa de ser máis que unha anécdota.

Para ver a ficha do partido, preme no seguinte enlace:http://www.futgal.es/pnfg/NFG_CmpPartido?cod_primaria=1000120&CodActa=28...

O 2018 comeza cun partido histórico xa que por vez primeira visitará Espiñedo a UD Somozas, un dos equipos referentes do fútbol galego da última década, recén descendido de 2ª división B, e un dos equipos punteiros da actúal competeción.