Política

Culpan da situación ao alcalde do Carballiño "que en 365 dias non é capaz de resolver un pequeno inconvinte que tería que solucionarse nun par de semanas".

O grupo socialista recorda como "fai xusto un ano que se producíu o peche do matadoiro municipal, por causa da explosión accidental da caldeira de auga quente" e como "Marnotes convertese nunha desgracia para todos os traballadores desta instalación e para moitos carniceiros desta comarca e para a toda a cidadanía que ve como un máis dos servizos cos que contaba se vai a pique pola ineficacia e incapacidade do Partido Popular".

Tamén afirman os socialistas que "xa son cinco as datas anunciadas públicamente polo rexedor para a reapertura desta instalación, e como queda claro, moitas mentiras, unha continua fuxida adiante pero nin unha só solución real". Finalmente, anuncian unha reunión con todos os afectados "para revertir" esta situación.

Tralo paso das Xociviga tocalle o turno ao teatro, que ten o seu protagonismo atá o venres dia 6 de setembro con dous espectáculos diarios, maxia e talleres de malabares e instrumentos.

O Festival está organizado pola asociación FETEGA, coa colaboración de varias entidades privadas, asi como de AGADIC, Deputación Ourense e Concello do Carballiño.

"Mofa e Befa" abrirá as representaicóns no auditorio ás dez e media da noite deste martes dia 3 coa comedia "Románticos", cun reparto a cargo de Evaristo Calvo, Victor Mosqueira, Quico Cadaval e Piti Sanz. Antes, ás seis e media da tarde na pista roxa, a compañía Fantoches Baj presentará o espectáculo infantil "Velocíclopes".

O mércores 4, os actores Luis Iglesia e Xabier Deive presentan o drama "Gaivotas Subterráneas", e na sesión infantil da tarde Teatro Babaluva representa "Babacontos".

O xoves 5, chega á programación do festival a compañía "Talía Teatro" cunha obra de intriga " O método Gronholm", e para os nenos "A casa dos xogos" da ludoteca Xiramundos.

O venres 6, entrega dos premios FETEGA, no transcurso dunha gala que animará Carlos Blanco co seu espectáculo " Ao vivo...de momento". Na pista roxa repetirá actuación a ludoteca Xiramundos.

Ademáis, a diario en horario de 11 a 13,30 e de 17 a 19 horas, terá lugar un taller de malabares e instrumentos, e nas tardes do xoves e o venres haberá actuacións de máxia nos establecentos colaboradores.

O acordo foi ratificado no pleno da corporación municipal cos votos favorables do Partido Popular, BNG e do concelleiro non adscrito, abtivose o grupo MOVE.

O alcalde Cipriano Caamaño avanzou nesta emisora de radio que o contrato resolvese "de mútuo acordo entre concello e empresa, ao considerar ambas partes que non se deron as condicións necesarias para poder cumplir a finalidade que figuraba no contrato, que era a explotación das casas como hotel rural".

Trala resolución do contrato, o concello de Boborás buscará agora posibles opcións para o aproveitamento das casas con finalidade turística "pudera ser implicando ós propios veciños de Pazos, por medio dalgún empesario do sector ou incluso que sexa o concello, se non se consigue, outra posiblidade podía ser a venda das propiedades, en todo caso o obxetivo que se marcou o concello no seu dia, o de recuperar o patrimonio, xa se cumplíu", subliñou Caamaño.

As catro casas foran rehabilitadas polo concello de Boborás a través dun obradoiro de emprego.

O conselleiro de Medio Ambiente, Territorio e Infraestruturas, Agustín Hernández, e o alcalde de San Amaro, Ernesto Pérez González, asinaron esta mañá un convenio de colaboración polo que se executará a adecuación da travesía na localidade do Castro, na parroquia de Salamonde

Trátase dunha obra enmarcada dentro do Plan hUrbe, que implica un investimento de 94.882,46 euros, que será aportada ao 100% pola Secretaría Xeral de Ordenación do Territorio e Urbanismo.

Na actualidade no núcleo rural do Castro apreciouse un incremento do número de vehículos como consecuencia da súa ubicación na vía que comunica á estrada OU-0303, que enlaza co ramal de acceso á autovía de Carballiño, e a OU-0410, que enlaza co Castro de San Ciprián de Lás, a unha altura que evita chegar ao enlace das dúas estradas no núcleo do Cruceiro que son varios quilómetros de recorrido.

Ambos mandatarios recoñeceron que a necesidade desta obra cobra máis forza tendo en conta que a zona na que se actuará (travesía do núcleo do Castro) sitúase moi próxima ao Centro de Interpretación da cultura castrexa no Castro de San Ciprián de Las. Este feito conlevará que o tráfico da autovía incremente considerablemente.

Coa execución destas obras nunha zona da 2.800 m2 de solo público, otando ao núcleo do Castro de beirrarúas, co fin de mellorar os itinerarios peonil e rodado, para o que se ampliará o ancho da estrada principal para que poidan coincidir dous vehículos non mesmo punto e en diferente sentido de circulación. O conselleiro Hernández destacou o alto valor patrimonial deste núcleo, que se caracteriza pola existencia dun número importante de hórreos dispersos ao longo do mesmo, así como a existencia dun lavadoiro cuberto; polo que a intervención non deberá alterar os elementos etnográficos.

Coa sinatura deste convenio, a Consellería de Medio Ambiente comprométese a financiar as obras; mentres que o Concello de San Amaro deberá redactar os documentos técnicos, realizar as xestións para a obtención dos permisos, licencias e autorizacións e, por último, levar a cabo a contratación, execución, dirección, control e recepción das obras.

Entende que non é a ubicación apropiada e "pide ao alcalde do Carballiño que informe do proxecto".

No pasado mes de abril o concello do Carballiño someteu a informaicón pública "a actividade de tanatorio" tras a solicitude de licenza municipal presentada pola empresa Ambulancias de Carballiño no número 26-baixo da rúa Evaristo Vaamonde. Durante o periodo de exposición presentaronse 12 alegacións, todas elas desestimadas pola Xunta de Goberno.

Anova do Carballiño "comparte a inquedanza veciñal pola construcción deste tanatorio e esixe do alcalde do Carballiño que compareza públicamente e dea conta deste proxecto".

O grupo socialista presentou unha moción na que defenderá ante a corporación carballiñesa que "o que se constrúe con cartos públicos non vaia a mans privadas".

"Ese parque de bombeiros que non se da rematdo nin se da posto a funcionar e que costou miles de euros de cartos públicos, e que agora será equipado tamén financiado co erario público, e que posteriormente como se fixo na meirande parte de Galicia  pasará a súa xestión a unha empresa privada, a que por suposto procurará obter  o máximo beneficio desa xestión e lucrarse", critican dende o Partido Socialista.

Non lles vale aos socialistas a xustificación que se da dende o Partido Popular sobre "a excusa da crise e a austeridade para privatizar todo", e como exemplo poñen o caso do parque de bombeiros do Deza, o único -afirman- de xestión pública "no que se pode comprobar que o gasto é moito menor ao ser xestioando públicamente".

O grupo municipal do PSdG_PSOE defende que "o parque de bombeiros do Carballiño sexa de xestión pública, dando asi mellor servizo e xerando emrpregos de calidade". Demandan do alcalde Argimiro Marnotes que "defenda os intereses do noso pobo e non do seu partido, e que demostre ter o peso político que ata agora non demostrou".

( Redacción. Estefanía Bernárdez ) A radio de verán de COPE O Carballiño achegouse ata Leiro para comprobar o ambiente festivo precedente á gran Festa da Vendima.

 Falamos co alcalde desta localidade, Francisco José Fernández Pérez, quen resaltaba que a Festa da Vendima, que se celebra este domingo 25 de agosto, é unha homenaxe aos viticultores, a quen traballan o viño. “A Festa da Vendima naceu en torno a principios de setembro, pero optamos por facela no último domingo de agosto para que máis xente poida desfrutar da festa”.

 Este ano cumprirase a XXIV edición e o rexedor municipal mostraba o seu optimismo, “esperamos que sexa un éxito coma os anos anteriores e que sexa o pistoletazo ou o punto final dunha temporada, e tamén que sirva para poner a Leiro no mapa”.

 A programación da festa repasábamola con Ramón Álvarez, tenente alcalde de Leiro e coordinador da festa. Ás 10:00 terá lugar o concurso de acios, con premios de 90€ para o gañador, 60€ para o segundo e 30€ para o terceiro, tanto en branco como en tinto. Ás 12:00 será o pregón, a cargo de José Manuel Barreiro.

 Xa as 12:30 chega a actividade estrela: o desfile de carrozas e charangas. O recorrido será dende a rúa Gabino Bugallal ata o Campo da Feira. Os premios mantéñense e en categoría adulta o gañador levará 1000€, o segundo 750€ e o terceiro 500€. Haberá premio tamén por participar, 300€, agás para os que sexan descalificados.

 En categoría infantil os premios serán de 400€, 300€ e 200€ para os primeiros, e 50€ por participar. Este ano esperan poder superar as 20 carrozas do ano anterior.

Tamén haberá concurso de decoración de balcóns e de establecementos, cun premio de 100€. A entrega de premios será ás 16:30.

 Ás 14:00 será a visita ao XI Mercado Artesanal, este ano no salgueiral. O Xantar Popular, organizado polo Concello, comezará ás 14:30, para o cal aínda quedan tarxetas a venda por 22€.

 A Festa da Vendima tamén contará con actividades infantís a partir das 17:00 e ata unha festa da espuma. Ás 17:30 o C.F.Leiro fará a súa presentación nun partido contra o C.D.Arenteiro.

 E xa para rematar o día de festividade terá lugar o concerto das corais da Vendima, ás 20:30 na igrexa de San Pedro de Leiro.

 O alcalde, Francisco Fernández, tamén repasou outros temas de actualidade referentes á Leiro. Un deles foi a construcción do spa do viño, único en Galicia, no mosteiro de San Clodio, “o proxecto está xa practicamente redactado “esperamos que a finais ou principios do ano se saque a concurso”.

Respecto ao novo Balneario de Berán  o alcalde avanzou que  "hai dúas empresas interesadas e esperamos que ese interese faga posible a apertura dunha vez por todas ”. Outra instalación da que se senten moi orgullosos pola súa consecución é o Centro de Día de Leiro, que se contruirá na propia capitalidade municipal..

( Redaccion. Estefanía Bernárdez ) As Xornadas de Cine e Vídeo de Galicia, organizadas polo Concello do Carballiño, chegan a súa trixésima edición que estará coordinada por Anxo Santomil.

Tal como se manifestou na presentación das Xornadas, as XOCIVIGA 2013 teñen o obxetivo de marcar o camiño de cara ao certame do vindeiro ano. “O audiovisual galego ten recoñecemento internacional e a evolución das XOCIVIGA non se corresponde coa realidade” declaraba Anxo Santomil.

 O coordinador desta edición tamén manifestaba que “a intención é volver aos inicios apoyando a creación e a recuperación do patrimonio audiovisual. Sería interesante establecer unha base do que terían que ser”, “hai que promover ós novos talentos e creadores galegos, que temos de sobra”.

 As novidades deste ano son as dúas sesións de cine ao aire libre que serán na nova praza do Templo da Veracruz. Alí mesmo comezarán as Xornadas o venres 23 ás 23:00 coa proxección de “O Apóstolo”,  e tamén terá lugar unha charla co seu director, Miguel Cortizo.

 Este ano non haberá debates nin mesas redondas, e todas as proxeccións serán no Auditorio municipal, agás as dúas sesións ao aire libre. A entrada será de 2€ por película, pero tamén se porán a venta uns bonos de 3€ que servirán ou ben para ver dúas películas ou para dúas persoas na mesma filme. Este ano o cine infantil tamén será de pago, cos mesmos prezos. Toda a información e o programa pódense consultar nos seguintes enlaces: http://www.carballino.org/xociviga/ e http://www.carballino.org/xociviga/wp-content/uploads/2013/08/programa_w...

 “O presuposto desta edición ronda os 18.000€ incluíndo todo. Son 4.000€ máis que o ano pasado, pero coas subidas do IVA e sendo máis días, fan falta” decía o concelleiro de cultura, Rodrigo González. “Pretendemos que o prezo da entrada sexa case simbólico, poñemos un cine de calidade case gratuito”.

 As homenaxes conservaranse e este ano estarán adicadas a Manolo González, quen impulsou a creación das XOCIVIGA e a Manuel Iglesias Nanín, coordinador das Xornadas entre 1998 e 2001. 

A Asociación “A Torre”, Foro de Estudos das Terras de Maside, expón un total de noventa fotografías que reflexan a evolución de Maside dende 1895 ata 2010.

( Redacción. Estefania Bernárdez ) Esta exposición fotográfica leva o nome de ‘Xentes, Espazos e Lugares’ e conta con imaxes dos propios veciños que reflexan as accións cotidiás, paisaxes e rúas de Maside dende 1895. A meta desta mostra fotográfica é promover o encontro cultural para as xentes da vila e tamén valorizar a cultura dos masidaos.

As imaxes atópanse en series de 15 nas seis cafeterías de Maside ata finais de setembro, e alí tamén poderán adquirir un libro editado coa totalidade das fotografías ou solicitar unha copia dalgunha delas.

A Torre, Foro de Estudos das Terras de Maside ten previstas outras actividades, ademáis de exposicións fotográficas, como andainas e rutas turísticas e unha homenaxe ó poeta Víctor Campio. Haberá aínda máis actividades que se irán avanzando e que se encadrarán nas distintas seccións de toponimia, turismo e deporte, pintura, música, e outras.

O certame cinematográfico carballiñés organizado polo concello estará nesta 30 edición coordenado por Anxo Santomil.

Desenvolveráse entre o 23 e 31 de Agosto e entre as novidades desta edición estarán as sesións de cine ao aire libre na nova praza da Veracruz.

 No seguinte enlace pode verse o trailer promocional de Xociviga 2013 : https://www.youtube.com/watch?v=OdEFcrb1HNI