O xerente do Consorcio Galego de Servizos de Igualdade e Benestar, Perfecto Rodríguez, visitou esta mañá o Punto de Atención á Infancia (PAI) de Boborás, no que a Xunta financiará os traballos de cubrición do parque infantil. Na visita tamén participou a alcaldesa do concello, Ana Patricia Torres.
Perfecto Rodríguez explicou que a Xunta vén de asinar un convenio de colaboración co ente local polo que destinará 100.000 euros a estes traballos, que deberán estar listos ao longo do vindeiro ano. O Concello, como titular do centro, será o encargado da contratación e do seguimento das obras
O xerente do Consorcio enmarcou esta actuación no compromiso da Xunta coa atención á infancia e o apoio á conciliación das familias, a través de continuos investimentos de mellora nos centros de 0 a 3 anos ou tamén con medidas como a gratuidade.
Ao respecto, Perfecto Rodríguez destacou que este é o cuarto curso consecutivo no que as familias galegas non teñen que pagar nada pola atención educativa dos seus fillos ou fillas, vaian a unha escola 0-3 da Xunta, dependente dun concello, de iniciativa social ou privada. Grazas á gratuidade, Galicia lidera a taxa de escolarización no primeiro ciclo de Infantil cun 65%, 15 puntos por riba da media nacional.
A conselleira de Medio Ambiente e Cambio Climático, Ángeles Vázquez, e o alcalde de San Cristovo de Cea, José Luis Valladares, asinaron o convenio de colaboración para investir 1 millóns de euros na renovación e posta en marcha da estación depuradora de augas residuais (EDAR) da localidade.
Tal e como recolle o convenio, que terá unha vixencia inicial ata o 31 de decembro de 2028, a Xunta, a través de Augas de Galicia, asumirá o 80% do custo da actuación, que será cofinanciado polo Fondo Europeo Agrícola de Desenvolvemento Rural (Feader), e o Goberno local, o 20% restante.
Segundo explicou Ángeles Vázquez, esta actuación permitirá resolver as deficiencias técnicas que presenta a actual infraestrutura municipal, así como dotala de sistemas tecnolóxicos que garantan un funcionamento automatizado e eficiente. En concreto, intervirase sobre a liña de auga (que dá entrada ao material residual na depuradora e se ocupa do seu tratamento) para substituír as dúas bombas actuais, instalar un novo caudalímetro e construír tamén unha arqueta nova provista de dúas canles, ademais de intervir no sistema de pretratamento das augas residuais.
En canto á liña de lodos da nova EDAR, está previsto tamén o cambio das bombas de recirculación existentes e da destinada á purga dos lodos, ao tempo que se substituirá o equipo de deshidratación manual existente por outro automático. Ademais, as obras proxectadas tamén incluirán outros traballos de acondicionamento e mellora das instalacións como, por exemplo, limpeza e impermeabilización interior das principais estruturas e rehabilitación do edificio de explotación; instalación dun sistema de xestión (SCADA) e substitución do cadro eléctrico da depuradora e do cableado aos equipos; e adecuación do camiño que dá acceso á EDAR.
As miñas notas paraos tertulianos é un aprobado para todos, pero con matices.
Sebastian leva un 6 porque está na posición máis difícil da mesa ao ter que defender moitas veces os desplantes e desaires dos concelleiros do seu partido ao formar parte do terrible goberno que temos dende fai xa bastante tempo e do que a suma do PP, que viña para acabar coa parálisis do goberno de Fumega, aínda non amosa resultados. Jose Antonio levaria un 7. Argumenta con educación e con datos e sempre busca a cordialidade como punto de referencia. Grande como profesor e grande como persoa. Manuel levaría un 9. Para min o mellor, sobre todo no último ano ao non ter que defender ningunha cor política: argumenta e opina con educación e con datos, cousa moi difícil á hora de ter que rebatirlle calquera cuestión. Fátima aproba cun 7. Postura cómoda a que ten na mesa tertuliana e tamén sabe sacarlle punta a certas cuestións de calado. Cando comenza cun "compañeiro" sabes que vai dar algunha puntada por algún lado. Gonzalo aprobado cun 5. A peor nota pero non porque as súas opinións sexan malas senón porque aburren. O seu tema central é Pachi e raro é o momento no que solte cinco palabras e unha non sexa Pachi.
Deixo para o final ao director de pista, ao moderador Xan Pinal. El leva un 10, porque moderar debate entre estes cinco monstruos da tertulia ten que ser ben difícil e el o consegue venres tras venres. Moitas gracias a todos os que facedes posible coa tertulia que as sobremesas dos venres se nos fagan tan informativas e amenas. Felices festas e próspero ano.
Eu á tertulia de Cope doulle un aprobado, faise bastante amena e paréceme sorprendentemente (para o que se leva hoxe en dia nos medios) plural e representativa das distintas sensibilidades políticas e socias do Carballiño, a pesar da afinidade que a maioría dos intervintes teñen cos grupos do concello.
Boto en falta que se dedique máis tempo a outros concellos, onde tamén habería moito que comentar, por exemplo no meu que é Maside. Ésta é unha suxerencia para a propia emisora, porque a cope non solo se escoita no Carballiño senón que é a radio de referencia noutros concellos. Téndeo en conta, gañaría a tertulia.
O Concello do Carballiño propón unha variada programación lúdica para desfrutar da última fin de semana do ano. A oferta inclúe o parque de atraccións CarbaNadal, o concerto “Treides comigo” de Xoán Curiel e a súa banda e a obra de teatro infantil “A Toupiña que quería saber quen lle fixera aquilo na cabeza”.
O pavillón Paco Chao acolle ata o 31 de decembro o CarbaNadal, un espazo lúdico con inchables xigantes, obradoiros creativos e xogos de construción onde os máis cativos poderán divertirse e aprender nun entorno seguro e cheo de ilusión.
O parque ten estruturas evolution e xrun xigantes, onde os participantes terán a oportunidade de realizar probas de esforzo e superación, así como completar o percorrido de obstáculos e probas deportivas. O horario do parque é de mañá (de 10,30 a 13,30 horas) e tarde (de 16,00 a 20,00 horas). O prezo de cada entrada será de 7 euros no horario matutino e de 8 euros pola tarde.
O sábado 27, o templo da Veracruz acollerá o concerto “Treides comigo” de Xoán Curiel e a súa banda. O espectáculo, que comezará ás 19,30 horas, inclúe cantigas galego-portuguesas dos séculos XII ao XIV ligadas aos dez camiños de Santiago e interpretadas desde unha mirada actual. O público poderá descubrir curiosidades sobre os autores da época, as diferentes formas das cantigas e a súa memoria inmaterial, incluíndo algunhas lendas e historias que lles dan vida.
Xa o domingo 28, as familias do Carballiño teñen cita no Auditorio Municipal Manuel María con “A Toupiña que quería saber quen lle fixera aquilo na cabeza”, unha divertida peza teatral con música en directo. A obra, da compañía A Xanela do Maxín, comeza ás 18,00 horas e as entradas xa están á venda a través de ataquilla.com.
Puntuar aos tertulianos ? ahí vai a miña opinión. Algúns dirán que a dupla Sebas-Gonzalo da vidilla ás tertulias dos venres pero a min paréceme que provoca demasiada tensión no ambiente creando malestar aos que a escoitamos sentindo vergonza allea. Sempre co mesmo guión. Gonzalo facendo de TelePachi en directo co mesma matraca de sempre. Que si Pachi fixo a autovía AG54 e Sebas recordándolle os seus erros urbanísticos todo elo nun clima de crispación irrespirable. Pola contra está Barge e Manuel Nogueira debatindo e argumentando con serenidade e con datos.
Hoxe os tertulianos puxeron nota as forzas politicas da corporación. Suspendia o goberno do Ppsoe e aprobaban xustiño Espacio Común e Bng según as súas valoracións.
Pero, que nota sacarian os tertulianos se tivesemos que puntualos os ointes?
Pois estaría ben unha encuesta para ver que nota sacaron en base aos seus comentarios en este ano.
Vou comenzar eu puntuando para que a xente se anime
Aprobado con notable para os cinco, pese a que ao señor Nogueira lle daría un punto extra por diversos motivos.
Moitas gracias a todos os que facedes a tertulia e feliz nadal para todos.
Na derradeira tertulia de 2025 Sebas Lamazares, Fátima Gómez, José Antonio Barje, Manuel Nogueira e Gonzalo Rodríguez, avaliaron o traballo do último ano tanto do goberno municipal como da oposición e puxéronlle nota de 1 a 10.
Presenta Xan Pinal:
A Praza de San Roque e a Carballeira da Garrida acollen este 25 de decembro á 38 edición do Belén Viviente Vila de Dacón.
Escoita aquí entrevista de COPE O Carballiño ao portavoz veciñal, Rodi:
Páxinas
- « primeira
- ‹ anterior
- …
- 11
- 12
- 13
- 14
- 15
- 16
- 17
- 18
- 19
- …
- seguinte ›
- última »
