Onte foi anunciado un novo consello do BNG carballiñés para máis gloria da UPG local. Ese partido político, a Unión do pobo galego, que nunca foi xulgado polos votantes galegos porque para iso ten a vergoñenta cobardía de se agachar trala bonita marca do BNG. Onte, recurrindo o seu nutrido grupo de octaxenarios, septuaxenarios e outros xubilados ou case xubilados decidiron que o liderazgo de Sofía García era pouco productivo. Cabe pensar cómo vai ser productivo cando todo ese colectivo tan "activo e socialmente integrado" nunca, nunca, deron un paso para aportar ideas, traballo, apoio moral ou, sequera, os seus propios votos, a pesares da persistente disponibilidade de Sofía a recibír as súas aportacions. Xuntáronse depresa e correndo, sen dar voz nin explicación, explotando a posesión que manteñen das estruturas organizativas e que só usan para, coma neste caso, cortar a cabeza de quen non comulga e milita nas súa ideoloxía e, como pasa con Ana Pontón ou no seu día con Quintana, acada un liderazgo suficiente que escureza a súa coralidade, esa masa amorfa que non dá a cara mais que para fender ó medio calquera opción de medrar que teña o BNG, xa qué se o BNG medra igual perden o seu control, ou igual medra deixando de ser tan comunista e independentista como eles precisan que sexa.
E non deron a opción de construir un consello local no que ela ou algún membro do anterior consello puidese participar e aportar. E non deron a opción de recibir neste ámbito oportuno da Asamblea as merecidas explicacións que o Consello saínte reclamou pola súa expulsión. E non deron a cara, porque recurriron a figuras de emerxencia que o regulamento interno do BNG garda para situacións excepcionais e críticas. E non deron a cara porque a pesares de poder acadar o mesmo resultado cos seus medios preferiron agocharse nas saias do órgano directivo superior, Ourense, evidentemente tamén dirixido pola UPG. E non deron a cara porque aínda que o consello local contará agora cos máximos expoñentes da UPG carballiñesa, entre eles dona Áurea Francisco, consideraron que non quedaba ben poñela a ela á fronte, esa persoa que dilapidou o capital electoral do partido no 2011 e "se esfumou" sen demitir practicamente todo aquel mandato. E non deron a cara porque optaron por poñer á fronte a un exmilitante ou simpatizante do BNG e de outros partidos políticos que tivo no seu día a oportunidade de demostrar moito pero que tampouco fixo nada de nada polo BNG.
Ónde estaban estes anos nas moitas e sucesivas loitas nas que o BNG do Carballiño tivo que plantar cara a gobernos locais inoperantes ou mal operantes. Ónde estaban neste plenos municipais con cadeiras para o público valeiras ou ocupadas só por simpatizantes do PP, ESCO ou do propio PSOE. Ónde estaban cando se organizában concentracións, manifestacións e repartos. Ónde estaban nas campañas electorais, nos mitins, nas pegadas, nas megafonías, nas mesas, nas celebracións e nas derrotas. Alguén os viu? Non, estaban na cova.
Estes individuos só saben meter paus nas rodas e, a verdade, sábeno facer moi moi ben, levan case 50 anos a facelo: collen unha cara nova, deixan que coa sua sangue e esforzo alimente a árbore vella e medio podre da UPG e, cando esa pobre según eles, persoiña, acada certa autosuficiencia e pode chegar a poñer en perigo o seu control.... guillotina.
Ánimo Ana Pontón, que tí eres a seguinte
As carballas centenarias das Neves de Grixoa e Anllo veñen de ser obxeto dun auténtico arboricidio, unha poda salvaxe e totalmente desproporcionada. Os responsables deberían dar explicacións, entendo que o concello de San Amaro.
As traballladoras do SAF do concello do Carballiño, que xestiona a empresa GESMEDICAL DIS SL, volveron protagonizar esta tarde unha nova protesta na Praza Maior do Carballiño.
Aseguran que continúan os retrasos no cobro dos seus salarios e que aínda teñen pendiente a paga extraordinaria correspondente ao pasado mes de decembro.
Reparten responsabilidades entre empresa e concello "que continúan sen cumplir coas súas obrigas, ambos prometen semana tras semana e non cumplen", ademáis engaden que "traballadoras e usuarios do servizo continúan sufrindo a mala xestión da empresa e a falla de dilixencia do Concello do Carballiño, e o único que queremos é un servizo de calidade para os nosos dependentes eun traballo digno", remarcan as traballadoras.
A militancia carballiñesa do BNG ven de elixir un novo Consello Local que foi presentado no trancurso dun acto informativo na sede da formación nacionalista no Carballiño, no local das Galerías Magariños.
Unha comparecencia que contou coa presenza de de Lucía López Sobrado, Coordenadora da Área de Organización da Executiva Nacional do Bloque Nacionalista Galego, e no que tamén tomo a palabra o novo reponsable local Manuel Chan, ambos manifestaron que "comeza unha nova etapa na que o obxetivo é fortalecer a estructura do BNG tanto no Carballño como no resto dos concellos da comarca, gañar en presenza social e marcar a tendencia política tamén no ámbito local", subliñaron.
Como nova vicerresponsable do Consello Local do BNG carballiñés figura Áura Francisco Lorenzo, completando a composición deste órgano de dirección Eladino Cabanelas, Manuel Caíña, Elvira Fernández e Manuel Freixedo, este últimoen representación de Galiza Nova. Como suplentes quedan Luis Pérez "Ficol", Xulia Fernández e Andrés Fernández.
Neste novo Consello Local do BNG non figura a única concelleira que ten o BNG no concello do Carballño, Sofía García "porque queremos un BNG fortalecido, no que se repartan as responsabilidades ", manifestou o novo máximo responsable do BNG carballiñés, Manuel Chan.
“Os datos, recentemente coñecidos, das listas de agarda do Complexo Hospitalario Universitario de Ourense (CHUO) non resultan alarmantes só porque nalgúns casos duplican aos de Galicia; senón tamén porque tanto profesionais como pacientes, e a cidadanía en xeral, saben perfectamente que non se corresponden coas experiencias propias ou próximas que amosan realidades moi distintas”, aseguran desde o PSdeG-PSOE.
“O tempo que unha persoa espera por unha cita non é computado na súa totalidade, dado que só se contabiliza desde que se marca a cita nunha axenda, pero non desde que é solicitada polo médico de Atención Primaria”, continúa explicando a deputada no Parlamento Carmen Rodríguez Dacosta que este xoves presentará unha iniciativa para que o Goberno de Rueda elabore e poña en marcha un plan que reduza a agarda que padecen os e as ourensás que precisan consulta cun especialista ou para ser intervidos cirurxicamente.
Neste senso, as socalistas destacan que a media galega para unha consulta é de 71,6 días fronte aos 141,8 días do CHUO. “Queremos que quede moi claro que temos un excelente nivel de profesionais sanitarios, pero os problemas orixínanse pola ineficiencia do sistema, froito da imposibilidade de responder aos problemas que xorden, ou facelo con atraso, dadados os recortes que durante a última década limitaron a capacidade asistencial”, lembra a deputada do PSdeG.
No que atinxe ás consultas por especialidades subliñan algunhas cifras “inasumibles” e “alarmantes” como os 300 días de espera no servizo de Rehabilitación, os 147 días de espera para Oftalmoloxía, os 84 para Traumatoloxía ou os 61,3 en Psiquiatría. “Se falamos de cirurxía, a media en Galicia está en 72 días, pero no CHUO en 88,9”, incide sobre a infraestrutura sanitaria de referencia para toda a provincia. Así mesmo, as socialistas denuncian que estas cifras esconden diagnósticos tardíos ou a cronificación de enfermidades, así como permanecer durante meses con dor posto que a situación actual é peor do que amosan os datos.
“Sabemos que o habitual é agardar semanas ou meses por unha chamada que marca a data da cita, mais ese tempo non se contabiliza. De canto estariamos a falar se as listas recollesen a realidade? Que cifras acadariamos?”, rematan preguntándose.
A concelleira socialista Rosa María Dalama e candidata proposta polos cinco concelleiros (4 do Partido Popular e 1 do PSOE) asinantes da moción de censura á alcaldesa Susana Iglesias, foi proclamada como nova rexedora municipal do concello do Irixo no transcurso do pleno extraordinario celebrado este mediodia no concello do Irixo, ante numeroso público.
O resultado da votación foi: 6 votos a favor da moción de censura (2 do PSOE e 4 do PP) e dous en contra, os das concelleiras de Xuntos, Susana Iglesias e Tamara Civeira. Non asistíu ao pleno o concelleiro Juan Manuel Villanueva.
A celebrada hoxe foi a segunda moción de censura no que vai de mandato municipal neste concello do Irixo, a primeira levárase a cabo en agosto de 2023, apenas 3 meses despóis de celebradas as úlitmas eleccións municipais desde mesmo ano, daquéla tamén con cinco asinantes, dous do PSOE e 3 do grupo de Xuntos polo Irixo, que desbancaran da alcaldía a Manuel Cerdeira, do PP, que comezou o mandato gobernando en minoría, e que tivo que ceder o bastón de mando a Susana Iglesias, de Xuntos.
Agora, case un ano e medio despóis, a alcaldía do Irixxo volve cambiar de titular, e tras esta nova moción de censura Rosa María Dalama, co apoio do Partido Popular, convértese na primeira alcaldesa socialista na historia do concello do Irixo.
Tras celebrarse o pleno, tanto a nova alcaldesa Rosa María Dalama como o portavoz do grupo popular Manuel Cerdeira confirmaron que de momento o acordo foi exclusivamente para a moción de censura e que de momento non hai acordo de cogobernanza, aínda que tampouco o descartan.
Aquí tes os audios da moción de censura: Rosa Mª Dalama, Susana Iglesias, Maria Dolores Fariñas e Manuel Cerdeira.
Aínda que ogalla o fose Boboras non e o n13 da provincia nin de lonxe nin parece que o vaia a ser por desgracia.
Actualmente e o número 21, e sería moito menos se non fose polo inflado que esta o censo, aqui e noutros sitios, con xente falecida no extranxeiro pola gran emigración, e por moitas persoas censadas que residen noutros lugares, moitos en Mexico, onde hai mais de 200.
Actualmente teñen mais poboacion Ourense, Carballiño, Verin, O Barco, Barbadas, Xinzo, Pereiro, San Cibrao, Allariz, Celanova, Ribadavia, A Rua, Coles, Cartelle, Amoeiro, Maceda, Viana do Bolo,Toen, Maside, e Monterrei.
Desafortunadamente son malos tempos para o rural.
O delegado territorial da Xunta en Ourense, Manuel Pardo, acompañado do alcalde, Francisco José Fumega, supervisou as obras de rehabilitación dun edificio de vivendas públicas no Carballiño, nas que a Xunta inviste preto de 80.000 euros.
As obras levadas a cabo no edificio, que consta de 64 vivendas e que teñen un prazo de execución de 2 meses, consisten na reparación do revestimento dos patios interiores e dos paramentos do garaxe, mediante a súa limpeza e aplicación dunha pintura impermeable. Estes traballos entrarían como actuacións de habitabilidade que proporcionan ao edificio estanquidade fronte á choiva e a humidade. Por outra parte, engádense obras de pintado dos teitos, dos garaxes e das varandas exteriores.
Reunión co alcalde
O delegado territorial da Xunta en Ourense, Manuel Pardo, aproveitou a súa estadía no concello para manter un encontro co alcalde Francisco José Fumega e coñecer de primeira man as necesidades do municipio. Asi, entre as prioridades abordadas nesta reunión está a construcción do novo Centro Integral de Saúde do Carballiño. Nesta reunión tamén estivo presente o tenente alcalde Pepe Castro-Gil.
Nesta visita institucional de Manuel Pardo a O Carballiño, o delegado territorial tamén se achegou á Avenida do Arenteiro,onde estes dias atrás executouse a obra de demolición dunha edificación que estaba ubicada nas Barcias, e solo verde, e coñeceu as intencións municipais para a redacción dun plan de ordenación para o parque municipal.
Manuel Pardo trasladoulle “o compromiso da Xunta de acometer os investimentos necesarios e traballar de forma conxunta para garantir o benestar de todos os veciños do concello”.
Señora susana vallase usted con la misma dignidad que se fue su antecesor y deje las amenazas y pancartas y sea señora para salir y Preséntese usted a las elecciones otra vez y ahí el pueblo le demostrara lo mucho que la quiere
Me gustaria una aclaracion?
Cafeteria o discoteca? .
Por como trabaja y hace uso de su licencia.
Páxinas
- « primeira
- ‹ anterior
- …
- 14
- 15
- 16
- 17
- 18
- 19
- 20
- 21
- 22
- …
- seguinte ›
- última »
