A Xunta de Galicia amplía o crédito do Bono Concilia Familia para chegar neste 2024 a 14.800 familias, un 37% máis respecto das beneficiadas na convocatoria anterior e 1.300 máis sobre as previsións iniciais fixadas para este exercicio. O Diario Oficial de Galicia (DOG) publicou o pasado 31 de decembro un aumento do orzamento destinado a este programa en 128.300 euros para acadar un montante total de preto de 2,8 millóns de euros, que é a maior dotación económica asignada ao Bono Concilia Familia desde a súa posta en marcha.

O obxectivo destas axudas é facilitar a conciliación ás familias con nenos de ata 13 anos nas que os dous proxenitores traballan ou un único proxenitor no caso das familias monoparentais. Están pensadas para que as nais e pais poidan atender as súas necesidades de conciliación de carácter puntual, por exemplo: por enfermidade, cuestións laborais ou en períodos das vacacións escolares.

A Administración autonómica xa resolveu unha parte das solicitudes de axudas presentadas, cuxo prazo para facelo rematou a mediados do pasado mes de outubro. As contías que están a recibir as familias poden ser de 500 euros para a contratación dunha persoa empregada do fogar ou servizos de atención á infancia a domicilio; ou de 200 euros por cada neno para o pago de campamentos ou doutros recursos de conciliación, como ludotecas ou espazos infantís. Polo tanto, unha familia con tres fillos pode chegar a percibir unha axuda de ata 600 euros.

O Bono Concilia Familia forma parte das medidas de apoio ás nais e pais que ten en marcha a Xunta de Galicia, tales como: a gratuidade das escolas infantís de 0 a 3 anos, as casas niño e as casas do maior ou a tarxeta Benvida.

Os continuos microcortes da rede eléctrica que están a rexistrarse no suminstro dende fai maís de dúas semanas e que veñen afectando a unha ampla zona do casco urbano do Carballiño foron motivo de queixa xeralizada por parte da audiencia desta emisora de radio.

As deficiencias xa provocaron danos en vivendas e mesmo en instalacións industriais na área emrpesarial do Carballño, e foron numerosos os ointes de COPE O carballiño que demandaron unha intervención por parte do concello carballiñés para esixir da emrpesa submistradora unha solución inmediata a esta problemática, que radica nas bruscas variacións da voltaxe na rede electrica que abastece á vila do Carballiño.

O concelleiro de Seguridade e Emerxencias do concello Carballiñés, Alberto Otero trasladou este malestar veciñal ao delegado provincial de Naturgy. Escoita aquí a entrevista en COPE O Carballiño:

A moción de censura á alcaldesa Susana Iglesias acordada no Irixo polo PP e PSOE votaráse o próximo dia 13 de xaneiro ao mediodia. Se triunfa a mesma será nova alcaldesa a socialista Rosa María Dalama.

Escoita aquí a intervención en COPE O Carballiño da aínda alcaldesa do Irixo, Susana Iglesias.

Catro anos despóis O Carballiño volve superar a barreira dos 14.000 habitantes no padrón municipal, en concreto alcanzando os 14.075 habitantes según a actualización anual que fai o INE, e que pasará a ser a poboación oficial do Carballiño para o próximo ano, desde o 1 de xaneiro de 2025.

Acontece asi tras un incremento de 107 persoas no padrón municipal do concello do Carballiño, pasando dos 13.968 de 2024 a estes 14:075 habitantes, dos que 6.539 son homes e 7.536 son mulleres, asi que son case mil mulleres máis que homes residindo no municipio carballliñés.

Na comarca, tan so gañan poboación Punxín (+4) e Beariz (+3) quedando o seu padrón muncipal en 755 e 949 habitantes, respectivamente.

O resto dos concellos perden poboación, esta última actualización do padrón anual deixa asi o padrón municipal:

Maside 2743 (-1) Boborás 2199 (-33) San Cristovo de Cea 1989 (-14) O Irixo 1357 (-34) Piñor 1119 (-32) e San Amaro 1039 (-10)

Desta maneira, a poboación oficial da comarca do Carballiño a 1 de xaneiro de 2025 pasa a ser de 26.224 habitantes, son 10 menos que no padrón municipal de 2024.

Os catro concelleiros do grupo do Partido Popular e a concelleira do grupo socialista Dolores Fariñas -que ven de sustituír a Iago Fariñas tras a recuncia déste, veñen de asinar unha moción de censura que xa foi rexistrada no concello do Irixo para a destitución da actúal alcaldesa Susana Iglesias, do grupo Xuntos polo Irixo, que gobernaba en solitario xunta á concelleira Tamara Civeira.

Desta maneira, o concello do Irixo terá tres persoas á fronte da alcaldía en apenas ano e media, e dúas mocións de censura, a que desaloxou da alcadía a Manuel Cerdeira o candidato do Partido Popular que fora o máis votado nas eleccións municipais de 2023 e agora unha segunda que propiciará un novo cámbio na alcaldía do Irixo, que pasará a obtentar a socialista Rosa María Dalama.

Para acceder ao escrito da moción de censura preme no seguinte enlace:

https://acrobat.adobe.com/id/urn:aaid:sc:EU:76401f72-f966-4be1-996d-5337...

A noticia avanzada esta mañá por COPE O Carballiño, o acordo entre PP e PSOE no Irixo, que veñen de asinar unha moción de censura que destituirá da alcaldía o próximo dia 13 de xaneiro á actúal alcaldesa Susana Iglesias, e nomeará á socialista Maria Rosa Dalama como nova alcaldesa do concello do Irixo, foi o máis comentado nesta tertulia do venres dia 27 de decembro.

Xunto a Xan Pinal, estiveron nos estudios de COPE O Carballño José Antonio Barge, Maria Luisa Rodríguez, Sebas Lamazares e Fátima Gómez.

Escóitaa aquí:

O Carballiño recupera para a súa oferta de ocio unha sala que foi todo un simbolo e e lugar de culto para varias xeneracións desde a súa apertura a principios da década dos anos oitenta do século pasado, aínda que con varias reformas posteriores que foi transformando e modernizando as súas instalacións orixinais.

Agora, tras unha nova "posta a punto" a nova xerencia de Maxims aposta por unha oferta variada adaptada aos tempos actuais e pensada para todos os públicos. Asi, a idea é ofrecer os venres sesións con música dos 80 e 90 e concertos en vivo, os sábados sesións para un público máis xoven con DJs e Festas "Remember", e para completar as fines de semana a intención e recuperar os míticos "domingos de Maxims", que marcara unha época tanto para miles de persoas do Carballño e O Ribeiro, como de máis alá.

A reapertura da que xa se anuncia como "a sala máis carismática de todos os tempos" será este sábado dia 28 de decembro, ademáis xa están a venda as entradas para a gran noite de "fin de ano", que poden adquirirse a través do Whatsapp 649 622 270 ou o propio dia na taquilla da discoteca.